ನಗರದ ಬಾರ್, ವಾಲ್‌ಮಾರ್ಟ್​ಗೆ ನುಗ್ಗಿದ ವ್ಯಕ್ತಿಯಿಂದ ನಿರಂತರ ಫೈರಿಂಗ್

ಕ್ಷಣಾರ್ಧದಲ್ಲಿ 22 ಜನರನ್ನು ಕೊಂದ, ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು

ಆರೋಪಿ ಎಆರ್​ 15 ಎನ್ನುವ ಗನ್​ ತೆಗೆದುಕೊಂಡು ಜನರ ಮೇಲೆ ಫೈರಿಂಗ್

ವ್ಯಕ್ತಿಯೊಬ್ಬ ಸ್ಥಳೀಯ ಬಾರ್ ಹಾಗೂ ವಾಲ್‌ಮಾರ್ಟ್​ಗೆ ನುಗ್ಗಿ ಮನಬಂದಂತೆ ಗನ್​ ಫೈರಿಂಗ್​ ಮಾಡಿದ್ದರಿಂದ ಸುಮಾರು 22 ಜನರು ಸಾವನ್ನಪ್ಪಿದ್ದು 50ಕ್ಕೂ ಹೆಚ್ಚು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಕೃತ್ಯ ಎಸಗಿದ ಆರೋಪಿಯು ಸ್ಥಳದಿಂದ ಎಸ್ಕೇಪ್ ಆಗಿದ್ದಾನೆ ಎನ್ನಲಾಗಿದೆ. ಈ ಘಟನೆಯು ಅಮೆರಿಕದ ಲೆವಿಸ್ಟನ್ ರಾಜ್ಯದ ಮೈನೆ ಪ್ರದೇಶದಲ್ಲಿ ನಿನ್ನೆ ರಾತ್ರಿ ನಡೆದಿದೆ.

ಗನ್​ ಫೈರ್ ಮಾಡಿದ ಆರೋಪಿ ಶಂಕಿತ ರಾಬರ್ಟ್ ಕಾರ್ಡ್ ಎಂದು ಗುರುತಿಸಲಾಗಿದೆ. ಗನ್​ ಹಿಡಿದುಕೊಂಡು ಬಂದ ಈತ ಬೌಲಿಂಗ್ ಅಲ್ಲೆ ಬಳಿಯ ಸ್ಥಳೀಯ ಬಾರ್ ಮತ್ತು ವಾಲ್‌ಮಾರ್ಟ್ ವಿತರಣಾ ಕೇಂದ್ರಕ್ಕೆ ನುಗ್ಗಿ ಜನರ ಮೇಲೆ ಮನಬಂದಂತೆ ಗನ್​ನಿಂದ ಫೈರಿಂಗ್ ಮಾಡಿದ್ದಾನೆ. ಇದರಿಂದ ಸುಮಾರು 22 ಜನರು ಸ್ಥಳದಲ್ಲೇ ಸಾವನ್ನಪ್ಪಿದ್ದು ಸುಮಾರು 50 ರಿಂದ 60 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಶಂಕಿತನು ಎಆರ್​ 15 ಎನ್ನುವ ಗನ್​ ಅನ್ನು ಕೃತ್ಯಕ್ಕೆ ಬಳಸಿದ್ದಾನೆ ಎಂದು ತಿಳಿದು ಬಂದಿದೆ.

Lewiston Maine Shooter Robert Card Caught by police #LewistonMaine #ActiveShooter #Maine #lewiston pic.twitter.com/9dLaR61ji1

— Anshu Singh (@Anshujourno92) October 26, 2023

ತಕ್ಷಣ ಮಾಹಿತಿ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರು ಗಾಯಗೊಂಡವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದು ಆರೋಪಿಗಾಗಿ ಹುಡುಕಾಟ ನಡೆಸಿದ್ದಾರೆ. ಆರೋಪಿ ರಾಬರ್ಟ್ ಕಾರ್ಡ್ ಅಶ್ಲೀಲ ವಿಡಿಯೋ ಮಾಡುವ ಅಪರಾಧಿಯಾಗಿದ್ದನು. ಸದ್ಯ ಗನ್​ ಸಮೇತ ಎಸ್ಕೇಪ್ ಆಗಿರುವ ಆರೋಪಿಯು ಮತ್ತೆ ಎಲ್ಲಿ ಕೃತ್ಯ ಎಸಗುತ್ತಾನೆ ಎಂಬ ಆತಂಕ ಕಾಡುತ್ತಿದೆ.

Reported footage from the Walmart Distribution Center in Lewiston, Maine which shows broken glass and LEOs.

"The shooter came through the door here" a witness can be heard saying.

Alleged shooter Robert Card is still at large and is armed with an AR-15. pic.twitter.com/uTh8BLJwwS

— Grand Old Patriots🇺🇸 (@GrandOlPatriots) October 26, 2023

ಈ ಹಿಂದೆ ಮಕ್ಕಳ ಅಶ್ಲೀಲ ವಿಡಿಯೋಗಳನ್ನ ಮಾಡಿದ್ದಕ್ಕಾಗಿ ಅರೆಸ್ಟ್ ಆಗಿದ್ದನು. ಅಮೆರಿಕದಲ್ಲಿ ಇಂತಹ ಕೃತ್ಯದಲ್ಲಿ ಭಾಗಿಯಾದವರಿಗೆ ಗನ್ ಹೊಂದಲು ಅವಕಾಶವಿಲ್ಲ. ಆದರೆ, ಆರೋಪಿಗೆ ಹೇಗೆ ಗನ್ ಸಿಕ್ಕಿದೆ ಎಂದು ತಿಳಿದು ಬಂದಿಲ್ಲ. ಸದ್ಯ ತಲೆಮರೆಸಿಕೊಂಡಿರುವ ಆರೋಪಿಗಾಗಿ ಬಲೆ ಬೀಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ