ಮೊದಲ ನೋಟದಲ್ಲೇ ಸ್ಪಂದನಾಗೆ ಮನಸೋತಿದ್ರು ವಿಜಯ್​ ರಾಘವೇಂದ್ರ

ಮದುವೆ ಆಗಲು ಏನೇಲ್ಲಾ ಸರ್ಕಸ್​ ಮಾಡಿದ್ರು ಗೊತ್ತಾ ವಿಜಯ್​

ಸ್ಪಂದನಾಗೆ ಮದುವೆ ಬಳಿಕ ಪ್ರಾಮಿಸ್​ ಮಾಡಿದ್ದರು ಚಿನ್ನಾರಿ ಮುತ್ತಾ

ವಿಜಯ​ ರಾಘವೇಂದ್ರ ಪತ್ನಿ ಸ್ಪಂದನಾ ನಿನ್ನೆ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಈ ಜೋಡಿ 2007ರಲ್ಲಿ ವಿವಾಹವಾದರು. ಆದರೆ ಇವರಿಬ್ಬರದ್ದು ಲವ್​ ಮ್ಯಾರೇಜ್​ ಅಲ್ವೇ ಅಲ್ಲ. 15 ವರ್ಷದ ದಾಂಪತ್ಯ ಜೀವನ ಮುಗಿಸಿ 16ನೇ ವರ್ಷದತ್ತ ಸಾಗುತ್ತಿದ್ದ ಈ ಜೋಡಿಯದ್ದು ಲವ್​ ಮ್ಯಾರೇಜ್​ ಎಂದು ಬಹುತೇಕರು ತಿಳಿದುಕೊಂಡಿದ್ದಾರೆ. ಆದರೆ ಮೊದಲ ನೋಟದಲ್ಲೇ ಸ್ಪಂದನಾಗೆ ಮನಸೋತ ವಿಜಯ್​ ರಾಘವೇಂದ್ರ, ಅವರನ್ನು ಮದುವೆಯಾಗಲು ಏನೇಲ್ಲಾ ಸರ್ಕಸ್​ ಮಾಡಿದ್ದಾರೆ ಗೊತ್ತಾ? ಸ್ಪಂದನಾ ಅವರನ್ನು ಭೇಟಿ ಮಾಡಿದ್ದೇ ಒಂದು ವಿಚಿತ್ರ, ಅದರಲ್ಲಿ ಇವರಿಬ್ಬರ ಮ್ಯಾರೇಜ್​​ ಸ್ಟೋರಿ ಇನ್ನೂ ಚೆನ್ನಾಗಿದೆ.

ವಿಜಯ​ ರಾಘವೇಂದ್ರ 2003ರಲ್ಲಿ ಮಲ್ಲೇಶ್ವರಂನ ಕಾಫಿ ಡೇನಲ್ಲಿ ಸ್ಪಂದನಾ ಅವರನ್ನು ಮೊದಲ ಬಾರಿಗೆ ನೋಡಿದ್ದರು. ಫ್ರೆಂಡ್ಸ್​ ಜೊತೆ ಹೋಗುವಾಗ ಅವರನ್ನು ಕಂಡರು. ಆದರೆ ಮಾತನಾಡಿಸಬೇಕು ಎಂದುಕೊಂಡರು ಮನಸಲ್ಲಿ ಸಂಕೋಚವಿತ್ತು. ಅಂದು ಮಾತ್ರ ಮಾತನಾಡಿಸಲು ಆಗದೆ ಸುಮ್ಮನಾದರು.

2006ರಲ್ಲಿ ಶೇಷಾದ್ರಿಪುರಂ ಕಾಫೀ ಡೇನಲ್ಲಿ ಮತ್ತೆ ಸ್ಪಂದನಾ ಅವರನ್ನು ವಿಜಯ​ ರಾಘವೇಂದ್ರ ಕಂಡರು. ಆದರೆ ಮನದಲ್ಲಿ ಸಂಕೋಚ, ಭಯ ಕೂಡ ಇತ್ತು. ಕೊನೆಗೆ ಏನಾದರಾಗಲಿ ಮಾತನಾಡಿಸಲೇ ಬೇಕು ಎಂದು ಸ್ಪಂದನಾ ಅವರನ್ನು ಮೊದಲ ಬಾರಿಗೆ ಮಾತನಾಡಿಸಿದರು. ಪ್ರಾರಂಭದಲ್ಲಿ ಇಂಗ್ಲೀಷ್​ನಲ್ಲಿ ಮಾತನಾಡಿಸಿದರು. ಅದಕ್ಕೆ ತಕ್ಕಂತೆ ಸ್ಪಂದನಾ ಕೂಡ ಪ್ರತಿಕ್ರಿಯಿಸಿದ್ದರಂತೆ. ಆದರೆ ಮಾತನಾಡಿಸುವ ಭರದಲ್ಲಿ ವಿಜಯ್​ ಅವರು ಸ್ಪಂದನಾ ಹೆಸರು, ನಂಬರ್​ ಇದಾವುದನ್ನು ಕೇಳದೆ ಮರೆತು ಬಂದಿದ್ದರು.

ಇವಿಷ್ಟು ಘಟನೆಗಳ ಬಳಿಕ  ಜಿಮ್​ನಲ್ಲಿ ಸ್ಪಂದನಾ ಮುಖ ಕಾಣಸಿಗುತ್ತದೆ. ಮತ್ತೆ ಇವರಿಬ್ಬರ ನಡುವೆ ಮಾತು ಬೆಳೆಯುತ್ತದೆ. ಆ ಸಮಯದಲ್ಲಿ ವಿಜಯ್​ ರಾಘವೇಂದ್ರ ಅವರಿಗೆ ಮನೆಯಲ್ಲಿ ಮದುವೆ ಮಾಡಿಸುವ ಮಾತುಕತೆ ನಡೆಯುತ್ತಿತ್ತು. ಹಾಗಾಗಿ ಮನೆಯವರು ಹುಡುಗಿಯನ್ನು ಹುಡುಕುತ್ತಿದ್ದರು. ಆದರೆ ಸ್ಪಂದನಾ ಅವರನ್ನು ನೋಡಿದ ಬಳಿಕ ಮನೆಯಲ್ಲಿ ಈ ವಿಚಾರವನ್ನು ವಿಜಯ್​ ತಂದೆ ಬಳಿ ಹೇಳುತ್ತಾರೆ.

ವಿಜಯ ರಾಘವೇಂದ್ರ ಸ್ಪಂದನಾ ಅವರನ್ನು ನೋಡಿದ ಕೂಡಲೇ ಮನೆಯಲ್ಲಿ ವಿಚಾರ ತಿಳಿಸುತ್ತಾರೆ. ತಂದೆಯ ಚಿನ್ನೇಗೌಡರ ಬಳಿ ವಿಚಾರ ತಿಳಿಸಿದಂತೆ ಅವರು ಸ್ಪಂದನಾ ಅವರ ತಂದೆ ಬಿ.ಕೆ ಶಿವರಾಂ ಬಳಿ ಈ ವಿಚಾರ ತಿಳಿಸುತ್ತಾರೆ. ಬಳಿಕ 2 ತಿಂಗಳ ಒಳಗೆ ವಿಜಯ್​ ಮತ್ತು ಸ್ಪಂದನಾಗೆ ಮದುವೆ ಮಾಡಿಸುತ್ತಾರೆ.

ಮದುವೆಯಾದ ಕೂಡಲೇ ಸ್ಪಂದನಾಗೆ ಪ್ರಾಮಿಸ್​​ ಮಾಡಿದ್ದ ವಿಜಯ್​

ವಿಜಯ್​ ರಾಘವೇಂದ್ರ ಅವರು ಸ್ಪಂದನಾರನ್ನು ವಿವಾಹವಾದ ಕೂಡಲೇ ಪ್ರಾಮಿಸ್​ ಮಾಡಿದ್ದರು. ನಮ್ಮಿಬ್ಬರ ನಡುವೆ ಜಗಳಗಳು ಆಗಬಾರದು, ಬೇಜಾರ ಆಗಬಾರದು, ಸಂತೋಷದಲ್ಲಿ ಇರಬೇಕು, ಸಮಾಧಾನದಲ್ಲಿ ಇರಬೇಕು ಎಂದು ಹೇಳಿದ್ದರಂತೆ. ಮದುವೆ ಅಗೋ ಮುಂಚೆಯೇ ವಿಜಯ್​ಗೆ ಈ ಆಸೆಗಳ ಇದ್ದವು. ಹಾಗಾಗಿ ಮದುವೆ ಆದ ಬಳಿ ವಿಜಯ್​ ಈ ವಿಚಾರವನ್ನು ಸ್ಪಂದನಾಗೆ ಹೇಳಿದ್ದರು. ಅದರಂತೆಯೇ ಪತ್ನಿಯನ್ನು ಚೆನ್ನಾಗಿ ನೋಡಿಕೊಂಡು ಬಂದಿದ್ದರು. ಆದರೆ ವಿಧಿಯ ಕ್ರೂರ ಲೀಲೆಗೆ ಸ್ಪಂದನಾ ನಿನ್ನೆ ನಿಧನರಾಗಿದ್ದಾರೆ.

ನಟ ವಿಜಯ ರಾಘವೇಂದ್ರ ಅವರ ಪತ್ನಿ ಸ್ಪಂದನಾ ಸಾವನ್ನಪ್ಪಿದ್ದಾರೆ. ಸ್ಪಂದನಾ ಅವರ ಅಕಾಲಿಕ ನಿಧನ ಎಲ್ಲರಿಗೂ ಆಘಾತ ತಂದಿದೆ. ಮುದ್ದಾದ ದಂಪತಿ ಜೊತೆಯಾಗಿ ಮಾಡಿದ ಹಲವು ರೀಲ್ಸ್ ವಿಡಿಯೋಗಳು ಎಂಥವರನ್ನು ಭಾವುಕರಾಗುವಂತೆ ಮಾಡುತ್ತಿದೆ. #newsfirstlive #NewsFirstKan #Vijayraghavendra #Spandana #Sandalwood pic.twitter.com/JlmDjYyhlK

— NewsFirst Kannada (@NewsFirstKan) August 7, 2023

ಸ್ನೇಹಿತರೊಂದಿಗೆ ಬ್ಯಾಂಕಾಕ್​ ತೆರಳಿದ್ದ ಸ್ಪಂದನಾ ಅವರು ಲೋ ಬಿಸಿ ಕಾರಣ ಕುಸಿದು ಬಿದ್ದಿದ್ದಾರೆ. ಅವರನ್ನು ಕೂಡಲೇ ಆಸ್ಪತ್ರೆ ಸಾಗಿಸಲಾಗಿತ್ತಾದರು ಅಷ್ಟರಲ್ಲೇ ನಿಧನರಾಗಿದ್ದಾರೆ. ನಾಳೆ ಅವರ ಮೃತದೇಹ ಬೆಂಗಳೂರು ತರಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ