ಚೇರ್​ಗೆ ಕಟ್ಟಿ ಹಾಕಿ ಆಕ್ರೋಶ ವ್ಯಕ್ತಪಡಿಸಿದ ಗ್ರಾಮಸ್ಥರು

ಕಳಪೆ ರಸ್ತೆ ನಮಗೆ ಬೇಡವೇ ಬೇಡ ಎಂದು ಆಕ್ರೋಶ

ಕಾರ್ಪೊರೇಟರ್​ ಬದಲು ಆಕೆಯ ಪತಿಯನ್ನು ಕಟ್ಟಿ ಹಾಕಿದ ಜನರು

ಕಾರ್ಪೊರೇಟರ್ ಪತಿಯನ್ನ ಚೇರ್​ಗೆ ಕಟ್ಟಿಹಾಕಿದ ಘಟನೆ ಯುಪಿಯ ಕಾನ್ಪುರದಲ್ಲಿ ನಡೆದಿದೆ. ಅಭಿವೃದ್ಧಿ ನಿರ್ಲಕ್ಷ್ಯದಿಂದಾಗಿ ಕಾರ್ಪೊರೇಟರ್ ಪತಿಯನ್ನ ನೀರು ತುಂಬಿದ್ದ ರಸ್ತೆಯಲ್ಲಿ ಚೇರ್​ನಲ್ಲಿ​ ಕೂರಿಸಿ ಕಟ್ಟಿ ಹಾಕಿದ್ದಾರೆ.

ಊರಿನ ರಸ್ತೆಗಳು ಮಳೆಯಿಂದ ಸಂಪೂರ್ಣ ಹಾಳಾಗಿದ್ದರಿಂದ ಗ್ರಾಮಸ್ಥರು ಕಾರ್ಪೋರೇಟರ್​ ಮೇಲೆ ಕೋಪಗೊಂಡಿದ್ದರು. ಇದಕ್ಕೂ ಮೊದಲು ಪತ್ನಿಯ ಪರವಾಗಿ ವಾರ್ಡ್​ನಲ್ಲಿ ಓಡಾಡುತ್ತಿದ್ದನು. ಆದರೆ ಸಮಸ್ಯೆಗೆ ಸರಿಯಾಗಿ ಸ್ಪಂದಿಸಿಲ್ಲ ಎಂದು ನೊಂದ ಜನರು ಪ್ರತಿಭಟನೆ ಇಳಿಯುವ ಮೂಲಕ ಕಾರ್ಪೊರೇಟರ್ ಪತಿಯನ್ನ ಚೇರ್ ಕಟ್ಟಿಹಾಕಿ ಆಕ್ರೋಶ ಮೆರೆದಿದ್ದಾರೆ.ಸದ್ಯ ಈ ದೃಶ್ಯ ವೈರಲ್​ ಆಗುತ್ತಿದೆ.

ಇನ್ನು ಊರಿನ ಸಮಸ್ಯೆಗೆ ಸರಿಯಾಗಿ ಸ್ಪಂದಿಸದೆ ಕಳಪೆ ಮಟ್ಟದ ರಸ್ತೆ ಮತ್ತು ಇನ್ನಿತರ ಕಳಪೆ ಸೇವೆ ಒದಗಿಸಿ ಮಂಕು ಬೂದಿ ಎರಚಿದ ಕಾರ್ಪೋರೇಟರ್​ಗೆ ಏನು ಮಾಡಬೇಕೆಂದು ತಿಳಿಯದೆ ಕೋಪಗೊಂಡ ಜನರು ಆಕೆಯ​ ಪತಿಯನ್ನು ಹಿಡಿದು ಚೇರ್​ಗೆ ಕಟ್ಟಿಹಾಕಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸದ್ಯ ಈ ಘಟನೆಯ ಬಗ್ಗೆ ಇನ್ನಷ್ಟು ಹೆಚ್ಚಿನ ಮಾಹಿತಿ ತಿಳಿದು ಬರಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ