ದಕ್ಷಿಣ ಆಫ್ರಿಕಾದ ಆ ಲೆಜೆಂಡ್ಸ್​​ ಕೊಹ್ಲಿ ಮೇಲೆ ಪ್ರಭಾವ ಬೀರಿದ್ದೇಗೆ?

ಮೈದಾನದಲ್ಲಿ ಅಗ್ರೆಸ್ಸಿವ್ ವರ್ತನೆ ಬಹಳಷ್ಟು ಕಮ್ಮಿ ಮಾಡಿದ ಕೊಹ್ಲಿ

ವಿರಾಟ್​ ಕೊಹ್ಲಿಯನ್ನು ಬದಲಾಯಿಸಿದ ಆ ಇಬ್ಬರು ಲೆಜೆಂಡ್ಸ್ ಯಾರು?

ವಿರಾಟ್ ಕೊಹ್ಲಿ ವಿಶ್ವವನ್ನೇ ಗೆದ್ದ ಧೀರ. ಚೆಂಡಿನಾಟದ ಸಾಮ್ರಾಟ. ಕಿಂಗ್ ಕೊಹ್ಲಿ ಇಷ್ಟೊಂದು ಪ್ರಖ್ಯಾತಿ ಗಳಿಸಲು ಕಾರಣ ಈ ಇಬ್ಬರು ದಿಗ್ಗಜರು. ಇಂದು ವಿರಾಟ್ ಏನೇ ಆಗಿದ್ರು ಆ ದಿಗ್ಗಜ ದ್ವಯರೇ ಕಾರಣ. ಆ ಇಬ್ಬರಿಂದ ಕೊಹ್ಲಿ ಸಂಪೂರ್ಣ ಬದಲಾದ್ರು. ಅಷ್ಟಕ್ಕೂ ಆ ಇಬ್ಬರು ಲೆಜೆಂಡ್​​ಗಳು ಯಾರು?.

ಸೂಪರ್​​ ಸ್ಟಾರ್​ ವಿರಾಟ್ ಕೊಹ್ಲಿ ಬಗ್ಗೆ ಹೆಚ್ಚು ವರ್ಣನೆ ಬೇಕಿಲ್ಲ. ಯಾಕಂದ್ರೆ ಕೊಹ್ಲಿ ಯಾರು?. ಅವರ ಸಾಧನೆ ಏನು ಅನ್ನೋದನ್ನ ಇಡೀ ಜಗತ್ತೇ ಮಾತನಾಡಿಕೊಳ್ತಿದೆ. ಆದ್ರೆ ಶೂನ್ಯದಿಂದಲೇ ಕ್ರಿಕೆಟ್​ ಜರ್ನಿ ಶುರು ಮಾಡಿದ ವಿರಾಟ್​ ಹ್ಯೂಜ್ ಸಕ್ಸಸ್​ ಕಂಡಿದ್ದೇಗೆ?. ಅವರ ಈ ಯಶಸ್ಸಿಗೆ ಬ್ಯಾಕ್​ಬೋನ್​ ಯಾರು?. ಅನ್ನೋ ಪ್ರಶ್ನೆ ಎದುರಾಗಲೆಲ್ಲ ಸಿಗುವ ಒಂದೇ ಉತ್ತರ. ಪತ್ನಿ ಅನುಷ್ಕಾ ಶರ್ಮಾ. ಆದ್ರೆ, ಅನುಷ್ಕಾ ಮಾತ್ರವಲ್ಲ, ಇನ್ನಿಬ್ಬರು ದಿಗ್ಗಜರಿದ್ದಾರೆ.

ಕೊಹ್ಲಿ ಬದಲಾವಣೆಗೆ ಪತ್ನಿ ಅನುಷ್ಕಾ ಕಾರಣವಲ್ಲ.!

ಅನುಷ್ಕಾ ಶರ್ಮಾ ಕೈಹಿಡಿದ ಬಳಿಕ ಅವರ ಸಕ್ಸಸ್​ ಗ್ರಾಫ್​ ಏರುಗತಿಯಲ್ಲಿ ಸಾಗ್ತು. ಆಟಗಾರನಾಗಿ, ನಾಯಕನಾಗಿ ಕೊಹ್ಲಿ ವಿಜೃಂಭಿಸಿದ್ರು. ಅಂಗಳದಲ್ಲಿ ಊರಿದು ಬೀಳ್ತಿದ್ದ ಕೊಹ್ಲಿ ಕ್ರಮೇಣ ಆಧ್ಯಾತ್ಮ ಕಡೆ ಒಲವು ತೋರಿದ್ರು. ಇದೆಲ್ಲ ಇತ್ತೀಚಿನ ಕತೆ. ಆದ್ರೆ, ಆರಂಭದಲ್ಲಿ ಕೊಹ್ಲಿಯ ಲೈಫ್​ ಬದಲಿಸಿದ್ದು ಪತ್ನಿ ಅನುಷ್ಕಾ ಶರ್ಮಾ ಅಂತ ನೀವಂದುಕೊಂಡ್ರೆ ಅದು ತಪ್ಪು. ಯಾಕಂದ್ರೆ ಸೆಂಚುರಿ ಸಾಮ್ರಾಟನ ಲೈಫ್​​​ ನಿಜವಾಗಿಯು ಬದಲಿಸಿದ್ದು, ಆ ಇಬ್ಬರು ಲೆಜೆಂಡ್ರಿ ಕ್ರಿಕೆಟರ್ಸ್​. ರನ್​​ ಮಷೀನ್​ ಇಂದು ಏನೇ ಆಗಿದ್ರು ಅದಕ್ಕೆ ಆ ದಿಗ್ಗಜ ದ್ವಯರೇ ಕಾರಣ. ಕೊಹ್ಲಿ ಲೈಫ್​​​ನಲ್ಲಿ ಹೆಚ್ಚು ಪ್ರಭಾವ ಬೀರಿದ ಆ ಇಬ್ಬರು ದಿಗ್ಗಜರು ಮತ್ಯಾರು ಅಲ್ಲ, ಅವರೇ ಎಬಿ ಡಿವಿಲಿಯರ್ಸ್​ ಹಾಗೂ ಮಾರ್ಕ್​ ಬೌಚರ್​​.

ಎಬಿಡಿ-ಬೌಚರ್​​​​​​ ರಿಂದ ಬದಲಾಯ್ತು ಕೊಹ್ಲಿ ವರ್ತನೆ

ಓರ್ವ ಕ್ರಿಕೆಟರ್ ಎಷ್ಟೇ ಎತ್ತರಕ್ಕೆ ಬೆಳಿಲಿ, ಡಿಸಿಪ್ಲಿನ್​​ ಅನ್ನೋದು ಇಲ್ಲವಾದ್ರೆ ಎಲ್ಲ ಸಾಧನೆ ನಗಣ್ಯ. ಕಿಂಗ್ ಕೊಹ್ಲಿ ಅದ್ಭುತ ಟ್ಯಾಲೆಂಟೆಡ್​ ಕ್ರಿಕೆಟರ್​​. ಅದನ್ನ ಜಗತ್ತೇ ಒಪ್ಪಿಕೊಂಡಿದೆ. ಇಂತಹ ಕೊಹ್ಲಿ ಅಗ್ರೆಸ್ಸಿವ್​ ಆ್ಯಟಿಟ್ಯೂಡ್​​ನಿಂದ ಹಲವು ಬಾರಿ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಅದು ಎಸ್ಪೆಶಲಿ ಆರಂಭಿಕ ದಿನಗಳಲ್ಲಿ. ಬ್ಯಾಟ್​​ನಿಂದ ರನ್​ ಶಿಖರ ನಿರ್ಮಿಸೋ ವಿರಾಟ್, ಆನ್ ಫೀಲ್ಡ್​​ನಲ್ಲಿ ಎದುರಾಳಿ ಆಟಗಾರರನ್ನ ಕಂಡ್ರೆ ಉರಿದು ಬೀಳ್ತಿದ್ರು. ಅವರ ಅತಿರೇಕದ ವರ್ತನೆಗೆ ಕ್ರಿಕೆಟ್​ ಎಕ್ಸ್​ಫರ್ಟ್ಸ್ ಹಾಗೂ ಫ್ಯಾನ್ಸ್​ ಕೆಂಡಾಮಂಡಲರಾಗಿದ್ದು ಇದೆ.

ಇಂತಹ ನಿಗಿ ನಿಗಿ ಕೆಂಡಕಾರುವ ಕೊಹ್ಲಿಯನ್ನ ಬದಲಾಯಿಸಿದ್ದು ದಕ್ಷಿಣ ಆಫ್ರಿಕಾದ ಎಬಿ ಡಿಲಿಯರ್ಸ್​ ಹಾಗೂ ಮಾರ್ಕ್​ ಬೌಚರ್​​. ಹೌದು, ಕೋಪದ ಜ್ವಾಲೆ ತುಂಬಿದ ಕೊಹ್ಲಿ ತಾಳ್ಮೆಯ ಮಂತ್ರ ಪಠಿಸುವಂತೆ ಮಾಡಿದ್ದು ಇದೇ ಆಫ್ರಿಕಾ ಲೆಜೆಂಡ್ಸ್​​. ಬಿಸಿರಕ್ತದ ಯುವಕನ ಆಕ್ರಮಣಕಾರಿ ಸ್ವಭಾವ ಬದಲಿಸಿ ಆತನಲ್ಲಿ ಪ್ರಬುದ್ಧತೆ ಬೆಳೆಸಿದ್ದು ಈ ಇಬ್ಬರು ಲೆಜೆಂಡ್​ಗಳು​​.

ನಮ್ಮಿಂದ ಕೊಹ್ಲಿ ವರ್ತನೆ ಬದಲಾಗಿದೆ 

ವಯಸ್ಸಾದಂತೆ ಎಲ್ಲರೂ ಪ್ರಬುದ್ಧರಾಗುತ್ತಾರೆ. ಅನುಭವಿ ಆಟಗಾರರಿಂದ ಸಾಕಷ್ಟು ಕಲಿತಾರೆ. ವಿರಾಟ್ ಕೊಹ್ಲಿಯು ಹಾಗೇ. ವರ್ತನೆ ಬದಲಿಸಿಕೊಳ್ಳುವ ಸಲುವಾಗಿ ಹಲವು ವಿಚಾರಗಳನ್ನ ಕೋಚ್​ ಮತ್ತು ಸಹ ಆಟಗಾರರಿಂದ ಕಲಿತರು. ವಿಶೇಷವಾಗಿ ಆರ್​​ಸಿಬಿ ತಂಡದ ಕೋಚ್​ ಮಾರ್ಕ್​ ಬೌಚರ್,​​ ಕೊಹ್ಲಿ ಅವರ ಜೀವನದಲ್ಲಿ ಪ್ರಮುಖ ಪಾತ್ರ ಬೀರಿದ್ದಾರೆ. ಕೊಹ್ಲಿ ಕರಿಯರ್​ ಆರಂಭದಲ್ಲಿ ಗೆಳೆಯನಾಗಿ ಅವರ ಮೇಲೆ ನಾನು ಸಾಕಷ್ಟು ಪ್ರಭಾವ ಬೀರಿದ್ದೇನೆ. ಹಾಗಾಗಿನೇ ಅವರು ಸರಿಯಾದ ಮಾರ್ಗ ಕಂಡುಕೊಂಡರು.

ಎಬಿ ಡಿವಿಲಿಯರ್ಸ್​, ಆರ್​​​ಸಿಬಿ ಮಾಜಿ ಆಟಗಾರ

ಟೀಮೆಟ್ಸ್​ ಮತ್ತು ಕೋಚಸ್ ಮನಸ್ಸು ಮಾಡಿದ್ರೆ, ಎಂತಹ ಆಟಗಾರನನ್ನ ಬೇಕಾದ್ರೂ ಬದಲಿಸಬಹುದು ಅನ್ನೋದಕ್ಕೆ ವಿರಾಟ್ ಕೊಹ್ಲಿನೇ ಬೆಸ್ಟ್ ಎಕ್ಸಾಂಪಲ್​​. ಇಬ್ಬರ ಪ್ರಭಾವದ ಪರಿಣಾಮ ಸದ್ಯ ಅಂಗಳಲ್ಲಿ ಕೊಹ್ಲಿ ಅಗ್ರೆಸ್ಸಿವ್ ವರ್ತನೆ ಬಹಳಷ್ಟು ಕಮ್ಮಿ ಆಗಿದೆ. ವಿರಾಟ್​ರಂತ ದಿ ಗ್ರೇಟೆಸ್ಟ್​​​​ ಆಟಗಾರರನಿಗೆ ಅದು ಬೇಕಾಗಿತ್ತು ಕೂಡ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ