ನಾಳೆಯಿಂದ ಟೀಮ್​ ಇಂಡಿಯಾ, ಬಾಂಗ್ಲಾದೇಶದ ನಡುವೆ ಮೊದಲ ಟೆಸ್ಟ್​

ಮಹತ್ವದ ಪಂದ್ಯ ಗೆದ್ದು ದಾಖಲೆ ನಿರ್ಮಿಸಲು ಭಾರತ ಕ್ರಿಕೆಟ್​ ತಂಡ ಸಜ್ಜು..!

ಇದರ ಮಧ್ಯೆ ವಿರಾಟ್​ ಕೊಹ್ಲಿ, ಗೌತಮ್​ ಗಂಭೀರ್​ ವಿಡಿಯೋ ಭಾರೀ ವೈರಲ್​​

ನಾಳೆಯಿಂದ ಚೆನ್ನೈನ ಎಂ. ಚಿದಂಬರಂ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​ನಲ್ಲಿ ಟೀಮ್​ ಇಂಡಿಯಾ ಮತ್ತು ಬಾಂಗ್ಲಾದೇಶದ ನಡುವೆ ಮೊದಲ ಟೆಸ್ಟ್​ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕೂ ಮುನ್ನ ವಿರಾಟ್​ ಕೊಹ್ಲಿ, ಮುಖ್ಯ ಕೋಚ್​​ ಗೌತಮ್​ ಗಂಭೀರ್​​ ಒಂದೇ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಸೋಷಿಯಲ್​ ಮೀಡಿಯಾದಲ್ಲಿ ಭಾರೀ ವೈರಲ್​ ಆಗಿದೆ.

ಕೊಹ್ಲಿ ವಿಡಿಯೋದಲ್ಲಿ ಸಂದರ್ಶಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಗೌತಮ್​​ ಗಂಭೀರ್​​​​ ಕೇಳಿದ ಪ್ರಶ್ನೆಗಳಿಗೆ ಉತ್ತರ ನೀಡುತ್ತಿದ್ದಾರೆ. 2011 ಏಕದಿನ ವಿಶ್ವಕಪ್‌ ವಿಜೇತ ತಂಡದ ಆಟಗಾರರು ಇಬ್ಬರು ಮನಬಿಚ್ಚಿ ಮಾತಾಡಿದ್ದಾರೆ.

ವಿಡಿಯೋದಲ್ಲೇನಿದೆ?

ಸಂದರ್ಶನದಲ್ಲಿ ವಿರಾಟ್​​ ಕೊಹ್ಲಿಯನ್ನು ಗೌತಮ್ ಗಂಭೀರ್ ಕೊಂಡಾಡಿದ್ದಾರೆ. ಆಸ್ಟ್ರೇಲಿಯಾದಲ್ಲಿ ನೀವು ಸಖತ್​ ಸೀರೀಸ್​ ಆಡಿದ್ರು. ನಿಮ್ಮ ಬ್ಯಾಟಿಂಗ್​ ಅದ್ಭುತವಾಗಿತ್ತು. ಅಂದು ಚೆನ್ನಾಗಿ ಆಡಿದ್ದ ಕಾರಣಕ್ಕೆ ನೀವು ಇಂದು ಈ ಸ್ಥಾನದಲ್ಲಿದ್ದೀರಿ. ಕ್ರಿಕೆಟ್‌ ಜಗತ್ತಿನಲ್ಲಿ ನಿಮ್ಮ ಸಾಧನೆ ಎಲ್ಲರಿಗೂ ಮಾದರಿ. ನಿಮ್ಮ ಭಾವನೆಗಳನ್ನು ನೀವು ಎಂದೂ ಹಿಡಿದಿಟ್ಟಿಲ್ಲ ಎಂದರು.

A Very Special Interview 🙌

Stay tuned for a deep insight on how great cricketing minds operate. #TeamIndia’s Head Coach @GautamGambhir and @imVkohli come together in a never-seen-before freewheeling chat.

You do not want to miss this! Shortly on https://t.co/Z3MPyeKtDz pic.twitter.com/dQ21iOPoLy

— BCCI (@BCCI) September 18, 2024

ಕೊಹ್ಲಿ ಕೂಡ ಹಲವು ವಿಷಯಗಳ ಬಗ್ಗೆ ಮಾತನಾಡಿದ್ರು. ಗಂಭೀರ್​ ಬಗ್ಗೆ ಮಾತಾಡುತ್ತಾ ಕೊಹ್ಲಿ, ನೀವು ಬ್ಯಾಟಿಂಗ್ ಮಾಡುವಾಗ ಎದುರಾಳಿಗಳ ಜೊತೆ ಜಗಳ ಮಾಡುತ್ತಿದ್ರಿ. ಈ ಕಾರಣದಿಂದಲೇ ನೀವು ಕ್ರಿಕೆಟ್‌ ಅಂಗಳದಿಂದಲೇ ದೂರು ಹೋಗಬಹುದು ಎನ್ನುವ ಮಾತುಗಳು ಕೇಳಿ ಬಂದಿದ್ದವು. ನನಗಿಂತ ಹೆಚ್ಚು ವಿವಾದಗಳನ್ನು ನೀವು ಎದುರಿಸಿದ್ದೀರಿ ಎಂದರು.

ಇದನ್ನೂ ಓದಿ: ಬಾಂಗ್ಲಾದೇಶವನ್ನು ಕಾಡಲಿರೋ ಭಾರತದ ಡೇಂಜರಸ್​​ ಬೌಲರ್ಸ್​ ಯಾರು? ಎದುರಾಳಿಗಳಿಗೆ ನಡುಕ ಶುರು!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್