ಅಂದು, ಇಂದು, ಮುಂದೂ.. ಈ ಬಾಂಡಿಂಗ್ ಬದಲಾಗಲ್ಲ

ಇವರಿಬ್ಬರ ಸ್ನೇಹಕ್ಕೆ ಇದೆ ವಿಶೇಷ ಫ್ಯಾನ್ ಬೇಸ್​ ಇದೆ

ವಿರಾಟ್​ ಮತ್ತು ಧೋನಿ ನಡುವಿನ ಸಂಬಂಧ ಎಂಥದ್ದು?

MS ಧೋನಿ ಹಾಗೂ ವಿರಾಟ್ ಕೊಹ್ಲಿ. ಭಾರತೀಯ ಕ್ರಿಕೆಟ್​​ ಇತಿಹಾಸದ ದಿ ಬೆಸ್ಟ್​ ಫ್ರೆಂಡ್ಸ್. ಇವರಿಬ್ಬರು ಜೊತೆಯಾಗಿ ಸರಿ ಸುಮಾರು 5 ವರ್ಷಗಳೇ ಆಯ್ತು. ಈಗಲೂ ಅದೇ ಪ್ರೀತಿ, ಅದೇ ಗೌರವ ಇಬ್ಬರ ನಡುವೆಯಿದೆ. ಕ್ರಿಕೆಟ್​ ಹೊರತಾಗಿ ಎಲ್ಲೂ ಕೂಡ ಧೋನಿ, ಕೊಹ್ಲಿ ಜೊತೆಗಿನ ಭಾಂದವ್ಯದ ಬಗ್ಗೆ ಮಾತನಾಡಿರಲಿಲ್ಲ. ಇದೀಗ​ ಧೋನಿ ಮನದ ಮಾತನ್ನ ಹೊರ ಹಾಕಿದ್ದಾರೆ.

ಟೀಮ್ ಇಂಡಿಯಾ ಕ್ರಿಕೆಟರ್​​ಗಳ ಆಟಕ್ಕೆ ಮಾತ್ರವಲ್ಲ. ಅವರ ನಡೆ, ನಡಿಗೂ ಅಭಿಮಾನಿಗಳು ಕ್ಲೀನ್​ಬೋಲ್ಡ್​ ಆಗಿದ್ದಾರೆ. ಕ್ರಿಕೆಟರ್​​ಗಳ ನಡುವಿನ ಗೆಳೆತನದ ಕತೆಗಳಂತೂ ಎಷ್ಟೋ ಜನರಿಗೆ ಸ್ಫೂರ್ತಿಯ ಸೆಲೆಯಾಗಿದೆ. ಟೀಮ್​ ಇಂಡಿಯಾ ಕಂಡ ಜೀವದ ಗೆಳೆಯರ ಲಿಸ್ಟ್​ನಲ್ಲಿ ವಿರಾಟ್​ ಕೊಹ್ಲಿ – MS ಧೋನಿಗೆ ವಿಶೇಷವಾದ ಸ್ಥಾನವಿದೆ. ಇವರಿಬ್ಬರ ನಡುವಿನ ಭಾಂದವ್ಯಕ್ಕೇ ಸ್ಪೆಷಲ್​ ಫ್ಯಾನ್​ ಬೇಸ್​ ಇದೆ.

ಇದನ್ನೂ ಓದಿ:ನಾನು DG ಅಲ್ಲ, ಆದರೆ.. ದರ್ಶನ್ ಬಗ್ಗೆ ಮತ್ತೆ ಮಾತನಾಡಿದ ಸಚಿವ ಜಮೀರ್ ಅಹ್ಮದ್..!

16 ವರ್ಷಗಳ ಕೊಹ್ಲಿಯ ಗೆಳೆತನ ನೆನೆದ ಧೋನಿ
ವಿರಾಟ್​ ಕೊಹ್ಲಿ-ಮಹೇಂದ್ರ ಸಿಂಗ್​ ಧೋನಿ. ಇವ್ವರಿಬ್ಬರ ಒಡನಾಟ ಇಂದು ನಿನ್ನೆಯದಲ್ಲ. ಇದಕ್ಕೆ ಬರೋಬ್ಬರಿ 16 ವರ್ಷಗಳ ಸುದೀರ್ಘ ಇತಿಹಾಸ ಇದೆ. ಈ ವರ್ಷಗಳಲ್ಲಿ ಇಬ್ಬರ ಜೀವನದಲ್ಲಿ ಹಲವಾರು ಬದಲಾವಣೆಯಾಗಿದೆ. ಆ ಗೆಳೆತನ ಮಾತ್ರ ಇಂದಿಗೂ ಹಾಗೇ ಉಳಿದಿದೆ.
ಇವರಿಬ್ಬರೂ ಟೀಮ್​ ಇಂಡಿಯಾದಲ್ಲಿದ್ದಾಗ ಆನ್​ಫೀಲ್ಡ್​ ಆಟದಿಂದ, ಫ್ಯಾನ್ಸ್​​ಗೆ ಭರ್ಜರಿ ಟ್ರೀಟ್​ ನೀಡಿದ್ರು. ಇಬ್ಬರೂ ಒಟ್ಟಾಗಿ ಎಷ್ಟೋ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿದ್ದಾರೆ. ಈ ಜೋಡಿಯ ಬ್ಯಾಟಿಂಗ್ ಮ್ಯಾಜಿಕ್​, ಫ್ಯಾನ್ಸ್​ಗೆ ಎಷ್ಟು ರಂಜನೆ ನೀಡಿತ್ತೋ, ಆಫ್​ ದಿ ಫೀಲ್ಡ್​ನ ಒಡನಾಟ ಕೂಡ ನೋಡುಗರ ಮನ ತಣಿಸಿತ್ತು.. ಕೊಹ್ಲಿ ಜೊತೆಗಿನ ಸ್ಪೆಷಲ್ ಬಾಂಡಿಂಗ್​ ಬಗ್ಗೆ ಧೋನಿ ಇದೀಗ ಮನ ಬಿಚ್ಚಿ ಮಾತನಾಡಿದ್ದಾರೆ.

ನಾವಿಬ್ಬರು 2008-09ರಿಂದ ಒಟ್ಟಾಗಿ ಆಡ್ತಿದ್ದೇವೆ. ಇಬ್ಬರ ನಡುವೆ ವಯಸ್ಸಿನ ಅಂತರವಿದೆ. ನನಗೆ ಗೊತ್ತಿಲ್ಲ. ದೊಡ್ಡಣ್ಣ, ಸಹೋದ್ಯೋಗಿ ಅಥವಾ ನೀವು ಹೇಗೆ ಬೇಕಾದ್ರೂ ಕರೆಯಬಹುದು. ಅಂತಿಮವಾಗಿ ನಾವಿಬ್ಬರೂ ಸಹೋದ್ಯೋಗಿಗಳು. ಭಾರತದ ಪರ ಹಲವು ವರ್ಷಗಳ ಕಾಲ ಆಡಿದ್ದೀವಿ. ವಿಶ್ವ ಕ್ರಿಕೆಟ್​ಗೆ ಬಂದ್ರೆ ಕೊಹ್ಲಿ ಒಬ್ಬ ಶ್ರೇಷ್ಟ ಕ್ರಿಕೆಟಿಗ-ಎಂಎಸ್​ ಧೋನಿ

ಇದನ್ನೂ ಓದಿ:20 ಸಿಕ್ಸರ್ 241 ಜೊತೆಯಾಟ.. ಆರ್​ಸಿಬಿಯ ಅನುಜ್ ರಾವತ್ ವಿಧ್ವಂಸಕಾರಿ ಬ್ಯಾಟಿಂಗ್​​..!

 

ಧೋನಿಯೇ ಹೇಳಿದಂತೆ ವಿರಾಟ್​ ಕೊಹ್ಲಿ, ಈಗ ವಿಶ್ವ ಕ್ರಿಕೆಟ್​ನ ಶ್ರೇಷ್ಟ ಕ್ರಿಕೆಟಿಗ. ಇಂದು ವಿರಾಟ್​ ಕೊಹ್ಲಿ ಶ್ರೇಷ್ಟ ಕ್ರಿಕೆಟಿಗನಾಗಿ ಬೆಳೆದಿರೋದ್ರ ಹಿಂದೆ ಧೋನಿಯ ಪಾತ್ರ ಮಹತ್ವದ್ದು. ಕೊಹ್ಲಿ ಟೀಮ್​ ಇಂಡಿಯಾಗೆ ಕಾಲಿಟ್ಟಾಗ ಬೆನ್ನು ತಟ್ಟಿ ಬೆಳೆಸಿದ್ದೇ ಧೋನಿ. ವಿರಾಟ್​ ಕೊಹ್ಲಿ ತಪ್ಪು ಹೆಜ್ಜೆ ಇಟ್ಟಾಗೆಲ್ಲಾ ತಿದ್ದಿ ತೀಡಿ ಸರಿ ದಾರಿಗೆ ತಂದಿದ್ದ ಧೋನಿ, ಹೆಜ್ಜೆ ಹೆಜ್ಜೆಗೂ ಮಾರ್ಗದರ್ಶನ ನೀಡುತ್ತಾ ಪ್ರೋತ್ಸಾಹಿಸಿದ್ರು.

ಏಕಾಂಗಿಯಾಗಿದ್ದ ಕೊಹ್ಲಿಗೆ ಆತ್ಮಸ್ಥೈರ್ಯ ತುಂಬಿದ್ದೆ ಧೋನಿ

2020ರ ಬಳಿಕ ವಿರಾಟ್ ಕೊಹ್ಲಿ ವೃತ್ತಿ ಜೀವನ ಕರಾಳ ಹಾದಿ ಹಿಡಿಯಿತು. ಬ್ಯಾಡ್​ ಫಾರ್ಮ್​ ಸುಳಿಗೆ ಸಿಲುಕಿ ಒದ್ದಾಡಿದ್ರು. ಟೀಮ್​ ಇಂಡಿಯಾದ ನಾಯಕತ್ವದ ವಿಚಾರದಲ್ಲಿ ಹೈಡ್ರಾಮಾನೇ ನಡೆದು ಬಿಡ್ತು. ಬೇಸರದಲ್ಲಿ ಟೆಸ್ಟ್​ ಕ್ಯಾಪ್ಟೆನ್ಸಿಗೆ ದಿಢೀರ್​ ಗುಡ್​ ಬೈ ಹೇಳಿದ್ರು. ಈ ಅವಧಿಯಲ್ಲಿ ಹಲವು ಅವಮಾನ ಎದುರಿಸಿದ ವಿರಾಟ್​, ಪುಟಿದೇಳುವ ಆತ್ಮವಿಶ್ವಾಸವನ್ನೇ ಕಳೆದುಕೊಂಡಿದ್ರು. ಅವತ್ತು ಮತ್ತೆ ಕೊಹ್ಲಿ ಬೆನ್ನಿಗೆ ನಿಂತಿದ್ದೆ ಮಹೇಂದ್ರ ಸಿಂಗ್ ಧೋನಿ.

ನಾನು ಟೆಸ್ಟ್​ ನಾಯಕತ್ವ ತ್ಯಜಿಸಿದಾಗ, ನನಗೆ ಒಬ್ಬ ಒಬ್ಬ ವ್ಯಕ್ತಿಯಿಂದ ಮಾತ್ರ ಸಂದೇಶ ಬಂದಿತ್ತು. ನಾನು ಈ ಹಿಂದೆ ಆ ವ್ಯಕ್ತಿಯೊಂದಿಗೆ ಆಡಿದ್ದೆ. ಅವರೇ MS ಧೋನಿ. ತುಂಬಾ ಜನರ ಬಳಿಕ ನನ್ನ ಫೋನ್​ ನಂಬರ್​ ಇದೆ. ತುಂಬಾ ಜನ ಟಿವಿಗಳಲ್ಲಿ ಕೂತು ಸಲಹೆಗಳನ್ನ ನೀಡ್ತಾರೆ. ಅವರ್ಯಾರಿಂದಲೂ ನನಗೆ ಒಂದು ಸಂದೇಶ ಬರಲಿಲ್ಲ-ವಿರಾಟ್ ಕೊಹ್ಲಿ

ಇದನ್ನೂ ಓದಿ:ದ್ರಾವಿಡ್ ಪುತ್ರ ಅಂಡರ್​​-19 ತಂಡಕ್ಕೆ ಆಯ್ಕೆ; ಆದರೆ ಸಮಿತ್​ಗೆ ವಿಶ್ವಕಪ್ ಆಡಲು ಸಾಧ್ಯವಾಗುವುದಿಲ್ಲ..

 

ಧೋನಿ ನಿರ್ಗಮನದ ಬಳಿಕ ನಾಯಕರಾದ ವಿರಾಟ್, ಮಾಡ್ರನ್ ಡೇ ಲೆಜೆಂಡ್ ಆಗಿ ಬೆಳೆದರು. ಇವತ್ತಿಗೂ ಧೋನಿ ಮೇಲಿನ ಗೌರವ ವಿರಾಟ್​​ಗೆ ಕಡಿಮೆಯಾಗಿಲ್ಲ. ಕೊಹ್ಲಿ ಮೇಲಿನ ಪ್ರೀತಿ ಧೋನಿಗೂ ಕಡಿಮೆಯಾಗಿಲ್ಲ. ಈಗ ಐಪಿಎಲ್ ವೇಳೆ ಮುಖಾಮುಖಿಯಾಗುವ ಈ ಐಕಾನಿಕ್ ಪ್ಲೇಯರ್​​ಗಳು ಆತ್ಮೀಯವಾಗಿ ಮಾತನಾಡ್ತಾರೆ. ಸಲುಗೆಯಿಂದ ಒಬ್ಬರ ಹೆಗಲ ಮೇಲೆ ಒಬ್ಬರು ಕೈಹಾಕಿ ನಗ್ತಾರೆ. ಹಾಸ್ಯ ಚಟಾಕಿಯನ್ನೇ ನಕ್ಕು ನಲೀತಾರೆ. ಇದನ್ನ ನೋಡೋದು ಅಭಿಮಾನಿಗಳ ಪಾಲಿಗಂತೂ ಹಬ್ಬವೇ.

ಇವರಿಬ್ಬರು ಜೊತೆಯಾಗಿ ಈಗ ಆಡದೇ ಇರಬಹುದು. ವರ್ಷ ಕಳೆದಂತೆ ಇವರಿಬ್ಬರ ಬಾಂಡಿಂಗ್​ ಅಂತೂ ಹೆಚ್ಚು ಬಲಿಷ್ಟವಾಗ್ತಿದೆ. ಗೆಳತನ ಅನ್ನೋ ಪದಕ್ಕೆ ಅರ್ಥದಂತಿರೋ ಇವರಿಬ್ಬರ ಭಾಂದವ್ಯದ ಮೇಲೆ ಯಾರ ಕಣ್ಣೂ ಬೀಳದಿರಲಿ.

ಇದನ್ನೂ ಓದಿ:ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ ಪದಕ ಗೆದ್ದ 7 ತಿಂಗಳ ತುಂಬು ಗರ್ಭಿಣಿ; ಯಾರಿವರು..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್