ಹೇಗಿತ್ತು ಗೊತ್ತಾ ಪಾಕ್ ವಿರುದ್ಧ ವಿರಾಟ್ ಆರ್ಭಟ..?

‘ವಿರಾಟ ರೂಪ’ ಕಂಡು ಬಳಲಿ ಬೆಂಡಾದ ಪಾಕಿಸ್ತಾನ

ಸಚಿನ್​ ತೆಂಡುಲ್ಕರ್​ ಹಿಂದಿಕ್ಕಿದ ವಿರಾಟ್​ ಕೊಹ್ಲಿ..!

ಮಳೆಯ ಕಾಟಕ್ಕೆ ಬೇಸತ್ತರೂ ಪಂದ್ಯ ನೋಡಲು ಕಾದು ಕುಳಿತಿದ್ದ ಕ್ರಿಕೆಟ್​ ಅಭಿಮಾನಿಗಳಿಗೆ, ಕಿಂಚಿತ್ತೂ ಮೋಸವಾಗಲಿಲ್ಲ. ಯಾರ ಆಟಕ್ಕಾಗಿ ಅಭಿಮಾನಿಗಳು ಕಾದಿದ್ರೋ ಆ ಭರ್ಜರಿ ಧಮಾಕಾ ಸಿಕ್ಕಿದೆ. ಕೊಲಂಬೋಗೆ ಕೊಹ್ಲಿಯೇ ಕಿಂಗ್​ ಅನ್ನೋದು ಮತ್ತೆ ಪ್ರೂವ್​ ಆಯ್ತು. ಬದ್ಧವೈರಿ ಪಾಕಿಸ್ತಾನಕ್ಕೆ ವಿರಾಟ ರೂಪ ದರ್ಶನವೂ ಆಗಿದೆ.

‘ವಿರಾಟ ರೂಪ’ ಕಂಡು ಬಳಲಿ ಬೆಂಡಾದ ಪಾಕಿಸ್ತಾನ

ಇಂಡೋ-ಪಾಕ್​ ಪಂದ್ಯ ನೋಡಲು ಕಾದು ಕಾದು ಬೇಸರಗೊಂಡಿದ್ದ ಅಭಿಮಾನಿಗಳಿಗೆ, ಪಂದ್ಯ ಪುನಾರಂಭ ಆದ ಮೇಲೆ ಸಿಕ್ಕಿದ್ದು, ಭರ್ಜರಿ ಮನರಂಜನೆ. ಹೈವೋಲ್ಟೆಜ್​ ಕದನದಲ್ಲಿ ಎಲ್ಲರ ಕಣ್ಣಿದ್ದಿದ್ದೇ, ಕಿಂಗ್​ ವಿರಾಟ್​ ಕೊಹ್ಲಿ ಮೇಲೆ! ಪಂದ್ಯಕ್ಕೆ ಮಳೆ ಅಡ್ಡಿ ಪಡಿಸಿದ್ರೂ ಕೊಹ್ಲಿ ಆಟವನ್ನು ನೋಡಲು ಅಭಿಮಾನಿಗಳು ಕಾದು ಕುಳಿತಿದ್ದರು. ಫ್ಯಾನ್ಸ್​​ ಇಟ್ಟಿದ್ದ ನಿರೀಕ್ಷೆಯನ್ನು ಕೊಹ್ಲಿ, ಹುಸಿಗೊಳಿಸಲಿಲ್ಲ. ಪಾಕಿಸ್ತಾನಕ್ಕೆ ವಿರಾಟರೂಪ ದರ್ಶನ ಮಾಡಿಸಿದರು.

ಮಹತ್ವದ ಪಂದ್ಯದಲ್ಲಿ ಕಿಂಗ್ ಕೊಹ್ಲಿ ರೌದ್ರಾವತಾರ

ಮೊದಲ ದಿನದಾಟದಲ್ಲಿ ಸೇಫ್​ ಗೇಮ್​ ಮೊರೆ ಹೋಗಿದ್ದ ಕೊಹ್ಲಿ, ನಿನ್ನೆಯ ದಿನದಾಟದ ಆರಂಭದಲ್ಲೂ ತಾಳ್ಮೆಯ ಆಟವಾಡಿದ್ರು. ಎಚ್ಚರಿಕೆಯ ತಂತ್ರ ಅನುಸರಿಸಿದ ಕೊಹ್ಲಿ, ಕ್ರಿಸ್​ನಲ್ಲಿ ಸೆಟ್​ ಆದ ಕೂಡಲೇ ರೌದ್ರಾವತಾರ ತಾಳಿದರು. ಆ ಬಳಿಕ ಹರಿದಿದ್ದು, ರನ್​ ಹೊಳೆ. ಬೌಂಡರಿಗಳನ್ನು ಸಿಡಿಸಿ ಕೊಹ್ಲಿ ಆಬ್ಬರಿಸುತ್ತಿದ್ದರೆ, ದಿಕ್ಕೇ ತೋಚದೆ ಪಾಕ್​ ಪಡೆ, ಕಂಗಾಲಾಗಿತ್ತು.

ಅರ್ಧಶತಕದಿಂದ ಶತಕಕ್ಕೆ ಜಸ್ಟ್​​ 29 ಎಸೆತ

ವಿರಾಟ್​ ಕೊಹ್ಲಿಯ ರಣಾರ್ಭಟ ಹೇಗಿತ್ತು ಅನ್ನೋದಕ್ಕೆ ಇದೇ ಬೆಸ್ಟ್​ ಎಕ್ಸಾಂಪಲ್​. ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಅರ್ಧಶತಕ ಪೂರೈಸಿದ್ದು 55 ಎಸೆತಗಳಲ್ಲಿ. ಹಾಫ್​ ಸೆಂಚುರಿಯಿಂದ ಸೆಂಚುರಿಗೆ ತಲುಪಿದ್ದು ಜಸ್ಟ್​ 29 ಎಸೆತಗಳಲ್ಲಿ. ಅಂದ್ರೆ ಮಾಡ್ರನ್​ ಡೇ ಕ್ರಿಕೆಟ್​ ದೊರೆ ಶತಕ ಸಾಧನೆ ಮಾಡಿದ್ದು ಕೇವಲ 84 ಎಸೆತಗಳಲ್ಲಿ.

ವಿರಾಟ್​ ಕೊಹ್ಲಿ ಇನ್ನಿಂಗ್ಸ್​

ಪಂದ್ಯದಲ್ಲಿ 94 ಎಸೆತಗಳನ್ನು ಎದುರಿಸಿದ ಕೊಹ್ಲಿ, ಅಜೇಯ 122 ರನ್​ ಸಿಡಿಸಿದರು. 129.79ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿದ ಕೊಹ್ಲಿ, 9 ಬೌಂಡರಿ, 3 ಸಿಕ್ಸರ್​ ಸಿಡಿಸಿದರು.

ಕೊಲಂಬೋಗೆ ಕೊಹ್ಲಿಯೇ ಕಿಂಗ್​.. ಡೌಟೇ ಬೇಡ

ಪಾಕಿಸ್ತಾನ ವಿರುದ್ಧ ಅಬ್ಬರದ ಶತಕ ಸಿಡಿಸಿದ ಕೊಹ್ಲಿ, ಕೊಲಂಬೋಗೆ ನಾನೇ ಕಿಂಗ್​ ಅನ್ನೋದನ್ನು ಮತ್ತೆ ಪ್ರೂವ್​ ಮಾಡಿದ್ರು. ಪ್ರೇಮದಾಸ ಮೈದಾನದಲ್ಲಿ ಸತತ 4ನೇ​ ಶತಕ ಸಿಡಿಸಿದ ಅಪೂರ್ವ ಸಾಧನೆ ಮಾಡಿದ್ರು. ಇಷ್ಟೇ ಅಲ್ಲ.. ಕೊಲಂಬೋ ಮೈದಾನದಲ್ಲಿ ರನ್​ಗಳಿಕೆಯ ಸರಾಸರಿ ಲೆಕ್ಕಾಚಾರದಲ್ಲಿ ಕೊಹ್ಲಿ ಕಿಂಗ್​. ಶ್ರೀಲಂಕಾದ ದಿಗ್ಗಜ ಆಟಗಾರರೂ ಕೂಡ ಕೊಹ್ಲಿಯ ಆರ್ಭಟದ ಮುಂದೆ ಸೈಡ್​ಲೈನ್​ ಆಗಿದ್ದಾರೆ.
ಕೊಲಂಬೋದ ಪ್ರೇಮದಾಸ ಮೈದಾನದಲ್ಲಿ ಈವರೆಗೆ 9 ಏಕದಿನ ಪಂದ್ಯಗಳನ್ನಾಡಿರುವ ವಿರಾಟ್​ 641 ರನ್​ಗಳಿಸಿದ್ದಾರೆ. 128.20ರ ಸರಾಸರಿಯಲ್ಲಿ ರನ್​​ಗಳಿಸಿರೋ ಕೊಹ್ಲಿ, 4 ಶತಕ, 1 ಅರ್ಧಶತಕ ಸಿಡಿಸಿದ್ದಾರೆ.

ಸಚಿನ್​ ತೆಂಡುಲ್ಕರ್​ ಹಿಂದಿಕ್ಕಿದ ವಿರಾಟ್.​.!
ಪಾಕಿಸ್ತಾನ ವಿರುದ್ಧದ ಕದನದಲ್ಲಿ ಸಚಿನ್​ ತೆಂಡುಲ್ಕರ್​​ರ ಮತ್ತೊಂದು ದಾಖಲೆಯನ್ನೂ ಕೊಹ್ಲಿ ಬ್ರೇಕ್​ ಮಾಡಿದರು. ಏಕದಿನ ಕ್ರಿಕೆಟ್​ನಲ್ಲಿ ವೇಗವಾಗಿ 13 ಸಾವಿರ ರನ್​ ಪೂರೈಸಿದ ಮಹತ್ವದ ದಾಖಲೆಯನ್ನು ವಿರಾಟ್​ ಕೊಹ್ಲಿ ಕಬ್ಜ ಮಾಡಿದರು. ಇಷ್ಟು ದಿನ ಈ ದಾಖಲೆ ಸಚಿನ್​ ತೆಂಡುಲ್ಕರ್​ ಹೆಸರಲ್ಲಿತ್ತು. ಸಚಿನ್​ 321 ಇನ್ನಿಂಗ್ಸ್​ಗಳಲ್ಲಿ ಈ ಸಾಧನೆ ಮಾಡಿದ್ರೆ ಕೊಹ್ಲಿ ಜಸ್ಟ್​​ 267 ಇನ್ನಿಂಗ್ಸ್​ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ.
ಮಳೆ ಕಾಟದಿಂದ ಬೇಸತ್ತಿದ್ದ ಅಭಿಮಾನಿಗಳಿಗೆ ನಿನ್ನೆ ಕಿಂಗ್​ ಕೊಹ್ಲಿ ಜಬರ್ದಸ್ತ್​​ ಎಂಟರ್​ಟೈನ್​ಮೆಂಟ್​​ ನೀಡದ್ದಂತೂ ಸುಳ್ಳಲ್ಲ. ಒಟ್ಟಿನಲ್ಲಿ ನಿನ್ನೆ ಪಾಕಿಸ್ತಾನ ಪಡೆಯ ಬೆವರಿಳಿಸಿರುವ ವಿರಾಟ್, ಇವತ್ತು ಮತ್ತೆ ಸಿಂಹಳೀಯರ ಬೇಟೆಯಾಡಿದ್ರೂ ಅಚ್ಚರಿ ಪಡುವಂತಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್