ಕಿವೀಸ್​ ಬೌಲರ್ಸ್​ ಗಲಿಬಿಲಿ.. ಕಾರಣ ಕಿಂಗ್​ ಕೊಹ್ಲಿ..

ಪ್ರೆಶರ್​ ಅಂದ್ರೆ ಪ್ರಾಣ.. ಚೇಸಿಂಗ್​ ಅಂದ್ರೆ​ ಜೀವ

ಕೊಹ್ಲಿಯ ಆಟವೇ ಅಭಿಮಾನಿಗಳ ಭರವಸೆ

ಟಾರ್ಗೆಟ್​​ ಎಷ್ಟೇ ದೊಡ್ಡದಿರಲಿ. ಎದುರಾಳಿ ಯಾರೇ ಇರಲಿ. ಎಂಥ ಪ್ರೆಶರ್​ ಗೇಮ್​ ಆಗಿರಲಿ. ಎಷ್ಟೇ ದೊಡ್ಡ ಬಿಗ್​ ಟೂರ್ನಮೆಂಟ್​ ಆಗಿರಲಿ.. ಕೊಹ್ಲಿ ಕಣದಲ್ಲಿದ್ರೆ ಗೆಲುವು ನಮ್ಮದೇ. ಅಸಂಖ್ಯ ಅಭಿಮಾನಿಗಳ ಮನದ ಈ ಮಾತು ನಿನ್ನೆ ಮತ್ತೆ ಪ್ರೂವ್​ ಆಯ್ತು. ಧರ್ಮಶಾಲಾದಲ್ಲಿ ಕಿಂಗ್​ ದರ್ಬಾರ್​ ನಡೆಸಿಯೇ ಬಿಟ್ಟರು.

ನಿನ್ನೆಯ ಇಂಡೋ-ಕಿವೀಸ್​​ ಫೈಟ್​ ಟೀಮ್​ ಇಂಡಿಯಾದ ಪ್ರತಿಷ್ಟೆಯ ಕದನವಾಗಿತ್ತು. 2019 ಸೆಮೀಸ್​ ಸೋಲಿನ ಸೇಡು ಮಾತ್ರವಲ್ಲ. 2003ರಿಂದ ಐಸಿಸಿ ಟೂರ್ನಿಯಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಗೆದ್ದಿಲ್ಲ ಎಂಬ ಅಪಖ್ಯಾತಿಗೆ ಫುಲ್​ ಸ್ಟಾಪ್​ ಇಡಲು ಟೀಮ್​ ಇಂಡಿಯಾ ಪಣ ತೊಟ್ಟಿತ್ತು. ಇಟ್ಟ ಗುರಿ, ತೊಟ್ಟ ಪಣವನ್ನು ತಲುಪೇ ಬಿಡ್ತು. ಇದ್ರ ಹಿಂದಿನ ಕಲೆಗಾರ ಕೊಹ್ಲಿ.

ಕಿವೀಸ್​ ಬೌಲರ್ಸ್​ ಗಲಿಬಿಲಿ.. ಕಾರಣ ಕಿಂಗ್​ ಕೊಹ್ಲಿ

273 ರನ್​ಗಳ ಸವಾಲಿನ ಟಾರ್ಗೆಟ್​​ ಬೆನ್ನತ್ತಿದ ಟೀಮ್​ ಇಂಡಿಯಾ ಉತ್ತಮ ಆರಂಭವನ್ನೇ ಪಡೀತು. ಆದರೆ ಧಿಡೀರ್​ ಸಂಕಷ್ಟಕ್ಕೆ ಸಿಲುಕಿತು. ಅತಿರಥ ಮಹಾರಥರು ಪೆವಿಲಿಯನ್​ ಪರೇಡ್​​ ನಡೆಸಿದ್ರು. ಆಗ ತಂಡದ ಕೈ ಹಿಡಿದಿದ್ದು ಒನ್ಸ್​ ಅಗೇನ್​​ ಚೇಸ್​ ಮಾಸ್ಟರ್​​, ಟೀಮ್​ ಇಂಡಿಯಾ ಪಾಲಿನ ಸಂಕಷ್ಟಹರ ಕಿಂಗ್​ ಕೊಹ್ಲಿ.

ಧರ್ಮಶಾಲಾದಲ್ಲಿ ದರ್ಬಾರ್​ ನಡೆಸಿದ ಕಿಂಗ್

ನಿನ್ನೆ ಧರ್ಮಶಾಲಾದಲ್ಲಿ ಕಿಂಗ್​ ಕೊಹ್ಲಿ ಅಕ್ಷರಶಃ ನಡೆಸಿದ್ದು ದರ್ಬಾರ್​. ವಿರಾಟ್​ ಕೊಹ್ಲಿಯ ಆಟಕ್ಕೆ ನ್ಯೂಜಿಲೆಂಡ್​ ಪಡೆ ಬೆಚ್ಚಿ ಬಿತ್ತು.. ಇನ್ನಿಂಗ್ಸ್​ನಲ್ಲಿ ಕೇವಲ ಬೌಂಡರಿ- ಸಿಕ್ಸರ್​ಗಳ ಅಬ್ಬರ ಮಾತ್ರ ಇರಲಿಲ್ಲ. ತಾಳ್ಮೆ ಮಂತ್ರವನ್ನೂ ಕೊಹ್ಲಿ ಪಠಿಸಿದ್ರು. ಸಿಂಗಲ್​, ಟೂಡಿ.. ಪ್ರತಿಯೊಂದು ರನ್​ಗಳಿಸಿದಾಗಲೂ ಗೆಲ್ಲುವ ಗುರಿ ಸ್ಪಷ್ಟವಾಗಿ ಗೊತ್ತಾಗ್ತಿತ್ತು.

ಹಿಮಾಚಲದಲ್ಲಿ ವಿರಾಟ್​ ವಿರೋಚಿತ ಹೋರಾಟ

ಟೀಮ್​ ಇಂಡಿಯಾದ ಗೆಲುವಿಗೆ ಟೊಂಕ ಕಟ್ಟಿ ನಿಂತ ವಿರಾಟ್​ ಕೊಹ್ಲಿ ನ್ಯೂಜಿಲೆಂಡ್​ ಬೌಲರ್​ಗಳ ಮೇಲೆ ಸವಾರಿ ಮಾಡಿದ್ರು. ಕೊಹ್ಲಿ ಆಟ ನ್ಯೂಜಿಲೆಂಡ್​ ಪಾಳೆಯಕ್ಕೆ ಟೆನ್ಶನ್​ ತಂದಿಟ್ರೆ, ಫ್ಯಾನ್ಸ್​ಗಂತೂ ಸಖತ್​ ಟ್ರೀಟ್​ ಸಿಗ್ತು. ಸೆಂಚುರಿ ಸಿಡಿಸಲಿಲ್ಲ ನಿಜ. ಆದ್ರೆ ಆ ವಿರೋಚಿತ ಹೋರಾಟ ನೂರು ಶತಕಗಳಿಗೆ ಸಮವಾಗಿತ್ತು. 104 ಎಸೆತಗಳನ್ನ ಎದುರಿಸಿದ ವಿರಾಟ್​ ಕೊಹ್ಲಿ 8 ಮನಮೋಹಕ ಬೌಂಡರಿ, 2 ಭರ್ಜರಿ ಸಿಕ್ಸರ್​ ಸಿಡಿಸಿದ್ರು. 95 ರನ್​ಗಳ ಸಾಲಿಡ್​​ ಇನ್ನಿಂಗ್ಸ್​ ಕಟ್ಟಿದ್ರು.

ಪ್ರೆಶರ್​ ಅಂದ್ರೆ ಪ್ರಾಣ..ಚೇಸಿಂಗ್​ ಅಂದ್ರೆ​ ಜೀವ

ನಿನ್ನೆಯ ಇನ್ನಿಂಗ್ಸ್​ ವಿರಾಟ್​​​ ಕೊಹ್ಲಿಗೆ ಹೇಳಿ ಮಾಡಿಸಿದಂತಿತ್ತು. ಗೆಲ್ಲಲೇಬೇಕು ಅನ್ನೋ ಒತ್ತಡ ಒಂದಾದ್ರೆ ತಾನೇ ಮಾಡಿದ ತಪ್ಪಿಗೆ ಸೂರ್ಯ ಕುಮಾರ್​ ರನೌಟ್​ ಆದ ಕೊರಗು ಇನ್ನೊಂದೆಡೆ. ಈ ಒತ್ತಡವನ್ನು ರನ್​ಮಷೀನ್​ ಸಮರ್ಥವಾಗಿ ನಿಭಾಯಿಸಿದ್ರು. ಸಕ್ಸಸ್​ಫುಲ್​ ಚೇಸ್​ ಮಾಡಿ ಚೇಸಿಂಗ್​ ಮಾಸ್ಟರ್​ ಅನ್ನೋದನ್ನು ಮತ್ತೊಮ್ಮೆ ನಿರೂಪಿಸಿದರು.

ಕೊಹ್ಲಿಯ ಆಟವೇ ಅಭಿಮಾನಿಗಳ ಭರವಸೆ

5 ಪಂದ್ಯ, 340 ರನ್​, ಬರೋಬ್ಬರಿ 170 ಸರಾಸರಿ, 1 ಸೆಂಚುರಿ, 3 ಹಾಫ್​ ಸೆಂಚುರಿ. ಇದು ವಿರಾಟ್​ ಕೊಹ್ಲಿಯ ಈ ಟೂರ್ನಿಯ ಟ್ರ್ಯಾಕ್​ ರೆಕಾರ್ಡ್​. ಟೂರ್ನಿಯ ಟಾಪ್​ ಸ್ಕೋರರ್​ ಆಗಿ ಹೊರಹೊಮ್ಮಿರುವ ವಿರಾಟ್​ ಕೊಹ್ಲಿ ಸದ್ಯ ಕೊಟ್ಯಂತರ ಅಭಿಮಾನಿಗಳ ಭರವಸೆಯಾಗಿದ್ದಾರೆ. ಕೊಹ್ಲಿಯ ರೆಡ್​ ಹಾಟ್​ ಫಾರ್ಮ್​ ನೋಡಿ ಚಾಂಪಿಯನ್​ ಪಟ್ಟ ನಮ್ದೇ ಎಂದು ಫ್ಯಾನ್ಸ್​ ಹೇಳ್ತಿದ್ದಾರೆ. ಅಭಿಮಾನಿಗಳ ಕನಸನ್ನು ಕೊಹ್ಲಿ ಈಡೇರಿಸಲಿ ಅನ್ನೋದೇ ಎಲ್ಲರ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್