ವಿಶ್ವದಾಖಲೆಯ ಹೊಸ್ತಿಲಿನಲ್ಲಿ ರನ್​ ಮಷಿನ್ ವಿರಾಟ್ ಕೊಹ್ಲಿ

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್​ನಲ್ಲಿ ಕೊಹ್ಲಿ ಹೊಸ ಅಧ್ಯಾಯ

ಆರ್​​ಸಿಬಿಯ ಸ್ಟಾರ್ ಪ್ಲೇಯರ್​​ನಿಂದ ವರ್ಲ್ಡ್​ ರೆಕಾರ್ಡ್​ ಪಕ್ಕಾ.!

ಬಾಂಗ್ಲಾದೇಶದ ವಿರುದ್ಧ ಟೆಸ್ಟ್​ ಸರಣಿಯ ಮೊದಲ ಪಂದ್ಯಕ್ಕೆ ಚೆನ್ನೈನ ಚೆಪಾಕ್ ಸ್ಟೇಡಿಯಂನಲ್ಲಿ ಟೀಮ್ ಇಂಡಿಯಾ ಪ್ಲೇಯರ್ಸ್ ಕಸರತ್ತು ನಡೆಸುತ್ತಿದ್ದಾರೆ. ಈಗಾಗಲೇ ಕ್ಯಾಪ್ಟನ್ ರೋಹಿತ್ ಶರ್ಮಾ ಸೇರಿದಂತೆ ತಂಡದ ಎಲ್ಲ ಆಟಗಾರರು ಚೆನ್ನೈಯನ್ನು ತಲುಪಿದ್ದಾರೆ. ಮೊದಲ ಟೆಸ್ಟ್ ಪಂದ್ಯ ಸೆ.19ರಿಂದ ಆರಂಭವಾಗಲಿದ್ದು ಈ ಮ್ಯಾಚ್​ನಲ್ಲಿ ವಿರಾಟ್​ ಕೊಹ್ಲಿ ಮತ್ತೊಂದು ವಿಶ್ವ ದಾಖಲೆಯ ಹೊಸ್ತಿನಲ್ಲಿದ್ದಾರೆ.

ಕಿಂಗ್ ಕೊಹ್ಲಿ ಒಂದು ರನ್​ ಗಳಿಸಿದರು ಯಾವುದಾದರೂ ಒಂದು ರೆಕಾರ್ಡ್​ ಆಗುತ್ತಲಿರುತ್ತದೆ. ಬಾಂಗ್ಲಾದೇಶದ ವಿರುದ್ಧ ನಡೆಯುವ ಟೆಸ್ಟ್​ ಪಂದ್ಯದಲ್ಲಿ ಕೂಡ ಕೊಹ್ಲಿ ಅವರ ವರ್ಲ್ಡ್ ರೆಕಾರ್ಡ್ ಆಗಲಿದೆ. ಅದಕ್ಕೆ ಬೇಕಾಗಿರುವುದು ಕೇವಲ 58 ರನ್​ಗಳು ಮಾತ್ರ. ವಿರಾಟ್​ ಕೊಹ್ಲಿಯವರು ತಾವು ಆಡಿದ ಎಲ್ಲ ಇನ್ನಿಂಗ್ಸ್​ಗಳಲ್ಲಿ ಅಂದರೆ ಟೆಸ್ಟ್​, ಏಕದಿನ, ಟ್ವಿ20 ಎಲ್ಲ ಮಾದರಿಯ 591 ಇನ್ನಿಂಗ್ಸ್‌ಗಳಲ್ಲಿ 26,942 ರನ್ ಗಳಿಸಿದ್ದಾರೆ. 27,000 ರನ್​ಗಳಿಗೆ ಇನ್ನು ಬೇಕಿರುವುದು ಕೇವಲ 58 ರನ್​ ಮಾತ್ರ. ಈ 58 ರನ್​ಗಳನ್ನು ಮೊದಲ ಟೆಸ್ಟ್​ ಪಂದ್ಯದಲ್ಲಿ ಕೊಹ್ಲಿ ಗಳಿಸಿದ್ದೆ ಆದರೆ ಒಟ್ಟು 27 ಸಾವಿರ ರನ್​ಗಳನ್ನು ಗಳಿಸಿ ವಿಶ್ವ ದಾಖಲೆ ಮಾಡಲಿದ್ದಾರೆ.

ಇದನ್ನೂ ಓದಿ: ದುಲೀಪ್ ಟ್ರೋಫಿಯಲ್ಲಿ ಈಶ್ವರನ್ ಸಿಡಿಲಬ್ಬರದ ಬ್ಯಾಟಿಂಗ್.. ಕ್ಯಾಪ್ಟನ್ ಅಭಿಮನ್ಯು ಸೆಂಚುರಿ

ಸಚಿನ್ ತೆಂಡೂಲ್ಕರ್ ಅವರ ಹೆಸರಿನಲ್ಲಿ ಈ ದಾಖಲೆ ಇದೆ. ಸಚಿನ್ ಟೆಸ್ಟ್​, ಏಕದಿನ ಹಾಗೂ ಟಿ20ಯ 623 ಇನ್ನಿಂಗ್ಸ್​​ನಲ್ಲಿ​ 27 ಸಾವಿರ ರನ್ ಗಳಿಸಿದ್ದಾರೆ. ಈ ರೆಕಾರ್ಡ್ ಅನ್ನು ಕಡಿಮೆ ಇನ್ನಿಂಗ್ಸ್​​ನಲ್ಲಿ ವಿರಾಟ್ ಕೊಹ್ಲಿ ಬ್ರೇಕ್ ಮಾಡಲಿದ್ದಾರೆ. ಈ ಮೂಲಕ ಈ ಸಾಧನೆ ಮಾಡಿದ ವಿಶ್ವದ 4ನೇ ಬ್ಯಾಟ್ಸ್​ಮನ್ ಎಂಬ ಖ್ಯಾತಿಯನ್ನು ವಿರಾಟ್ ಕೊಹ್ಲಿ ಪಡೆಯಲಿದ್ದಾರೆ. ಸಚಿನ್ ತೆಂಡೂಲ್ಕರ್ ಒಟ್ಟು 34,357 ರನ್​ಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ. ಶ್ರೀಲಂಕಾದ ಕುಮಾರ ಸಂಗಾಕ್ಕರ 28,016 ರನ್​ನಿಂದ 2ನೇ ಸ್ಥಾನದಲ್ಲಿದ್ದಾರೆ. ಆಸಿಸ್​ನ ಮಾಜಿ ಕ್ಯಾಪ್ಟನ್​ ರಿಕಿ ಪಾಂಟಿಂಗ್ 27,483 ರನ್​ನಿಂದ 3ನೇ ಸ್ಥಾನದಲ್ಲಿದ್ದಾರೆ. ಹೀಗಾಗಿ ವಿರಾಟ್​ ಕೊಹ್ಲಿ 27,000 ರನ್​ಗಳನ್ನು ಗಳಿಸಿದರೆ ಈ ಸಾಧನೆ ಮಾಡಿದ ವಿಶ್ವದ 4ನೇ ಬ್ಯಾಟ್ಸ್​ಮನ್ ಎಂಬ ಹೆಗ್ಗಳಿಕೆ ಪಡೆಯಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ