ಕೆರಿಬಿಯನ್ನರ ನಾಡಿನಿಂದ ಕಿಂಗ್​ ಕೊಹ್ಲಿಯ ವಿಶ್ವಕಪ್ ಅಭಿಯಾನ ಶುರು

ವಿಶ್ವಕಪ್​ಗೂ ಮೊದಲೇ ಆಡೋ ಪ್ರತಿ ಪಂದ್ಯ ಕೊಹ್ಲಿಗೆ ಇಂಪಾರ್ಟೆಂಟ್​

ಈ ಬಾರಿಯಾದ್ರೂ ವರ್ಲ್ಡ್​​ಕಪ್​ ಗೆದ್ದು ದೇಶಕ್ಕೆ ಕೊಡುಗೆ ನೀಡ್ತಾರಾ..?

ಇಷ್ಟು ದಿನ ಒಂದು ಲೆಕ್ಕ. ವೆಸ್ಟ್​ ಇಂಡೀಸ್ ಟೂರ್​ನಿಂದ ಇನ್ನೊಂದು ಲೆಕ್ಕ. ಈ ಡೈಲಾಗ್​ ಹೇಳ್ತಾ ಇರೋದು ಬೇಱರು ಅಲ್ಲ. ವಿಶ್ವ ಸಾಮ್ರಾಟ ವಿರಾಟ್​ ಕೊಹ್ಲಿ. WTC ಫೈನಲ್​ ಸೋಲಿನ ಬಳಿಕ ಮುಂಬರುವ ಸರಣಿಗಳನ್ನ ಫುಲ್ ಸಿರೀಯಸ್​ ಆಗಿ ತೆಗೆದುಕೊಂಡಿರೋ ವಿರಾಟ್​, ಪರಾಕ್ರಮ ತೋರಿಸೋಕೆ ರೆಡಿಯಾಗಿದ್ದಾರೆ. ಅಷ್ಟೇ ಅಲ್ಲ, ಟಾರ್ಗೆಟ್​ ಒಂದನ್ನ ಫಿಕ್ಸ್​ ಕೂಡ ಮಾಡಿದ್ದಾರೆ. ಆ ಟಾರ್ಗೆಟ್ ಏನು..?

ಕೊಹ್ಲಿ.. ಟೀಮ್ ಇಂಡಿಯಾದ ರನ್ ಮಷಿನ್. ವಿಶ್ವ ಕ್ರಿಕೆಟ್​ನ ಚೇಸಿಂಗ್ ಮಾಸ್ಟರ್​. ಬೋರ್ಗೆರತದ ಬ್ಯಾಟಿಂಗ್ ನಡೆಸೋ ಪರಾಕ್ರಮಿ. ಪಿಚ್ ಯಾವುದೇ ಆಗಲಿ ಬೌಲರ್ ಯಾರೇ ಆಗಲಿ ಎದುರಾಳಿ ಯಾರೇ ಆಗಲಿ ರನ್ ಗಳಿಸೋದೆ ಈತನ ಮೂಲ ಮಂತ್ರ. ಆದ್ರೆ ಎಂಥವರಿಗೂ ಬ್ಯಾಟ್​ನಿಂದಲೇ ಟಕ್ಕರ್ ನೀಡೋ ಕಿಂಗ್​​ ಕೊಹ್ಲಿ, ವೆಸ್ಟ್​ ಇಂಡೀಸ್ ಟೂರ್​​ನಲ್ಲಿ ಅಟ್ಟಹಾಸ ಮೆರೆಯೋಕೆ ಸಜ್ಜಾಗಿದ್ದಾರೆ.

WTC ಫೈನಲ್​​ನಲ್ಲಾದ ಮುಖಭಂಗದ ಗಾಯಕ್ಕೆ ಹತಾಶೆಗೊಂಡಿರೋ ವಿರಾಟ್​, ಮುಂದಿನ ವೆಸ್ಟ್​ ಇಂಡೀಸ್ ಸರಣಿಯಲ್ಲಿ ವೀರಾವೇಶ ಮೆರೆಯೋಕೆ ರೆಡಿಯಾಗಿದ್ದಾರೆ.

ಕೊಹ್ಲಿಯ ಏಕದಿನ ವಿಶ್ವಕಪ್ ಅಭಿಯಾನ ಶುರು..!
ವಿಶ್ವ ಟೆಸ್ಟ್​ ಚಾಂಪಿಯನ್​​ ಶಿಪ್ ಸೋಲಿನಿಂದ ಗಾಯಗೊಂಡ ಹುಲಿಯಂತಾಗಿರೋ ವಿರಾಟ್​, ವೆಸ್ಟ್​ ಇಂಡೀಸ್ ಟೂರ್​ನಿಂದ ಏಕದಿನ ವಿಶ್ವಕಪ್​ ಪ್ರಪರೇಷನ್​ ನಡೆಸೋ ಪ್ಲಾನ್​ನಲ್ಲಿದ್ದಾರೆ. ಹೀಗಾಗಿ ಕೆರಿಬಿಯನ್​​ ನಾಡಲ್ಲಿ ರಣಬೇಟೆಗಾರ ಕಿಂಗ್​​ ಕೊಹ್ಲಿ, ಬೇಟೆಗೆ ಸನ್ನದ್ಧರಾಗಿದ್ದಾರೆ. ಅದರಲ್ಲೂ ಸೇಮ್ ಟೂ ಸೇಮ್ ಇಂಡಿಯನ್ ಕಂಡೀಷನ್ಸ್​ ಅನ್ನೇ ಹೋಲುವ ವೆಸ್ಟ್​ ಇಂಡೀಸ್ ಕಂಡೀಷನ್ಸ್​ನಲ್ಲಿ, ರನ್ ಸುನಾಮಿಯನ್ನೇ ಸೃಷ್ಟಿಸೋ ಲೆಕ್ಕಚಾರದಲ್ಲಿದ್ದಾರೆ. ಆ ಮೂಲಕ 2023ರ ಏಕದಿನ ವಿಶ್ವಕಪ್ ಅಭಿಯಾನವನ್ನ ಕೆರಿಬಿಯನ್ನರ ನಾಡಿನಿಂದಲೇ ಶುರು ಮಾಡ್ತಿದ್ದಾರೆ.

ಕೊಹ್ಲಿ ಪಾಲಿಗೆ ಮೋಸ್ಟ್ ಇಂಪಾರ್ಟೆಂಟ್ ಟೂರ್..!
ಸದ್ಯ ವಿಶ್ವಕಪ್​ಗೆ ಸಜ್ಜಾಗ್ತಿರೋ ವಿರಾಟ್​ ಕೊಹ್ಲಿ, ಏಕದಿನ ಫಾರ್ಮೆಟ್ ಕ್ರಿಕೆಟ್ ಆಡಿ ಬರೋಬ್ಬರಿ 3 ತಿಂಗಳೇ ಕಳೆಯುತ್ತಿದೆ. ಏಕದಿನ ವಿಶ್ವಕಪ್​​ಗೂ ಮುನ್ನ ಟೀಮ್ ಇಂಡಿಯಾ, ವಿಂಡೀಸ್ ಟೂರ್​ನಲ್ಲಿ 3 ಏಕದಿನ ಪಂದ್ಯಗಳು, ಏಷ್ಯಾಕಪ್​​ನಲ್ಲಿ​ ಫೈನಲ್​ ಸೇರಿದಂತೆ ಒಟ್ಟು 6 ಪಂದ್ಯಗಳನ್ನಾಡಲಿರೋ ಟೀಮ್ ಇಂಡಿಯಾ, ಸೆಪ್ಟೆಂಬರ್​ನಲ್ಲಿ ಆಸ್ಟ್ರೇಲಿಯಾ ಹಾಗೂ ಅಫ್ಘಾನ್ ಎದುರು ತಲಾ 3 ಪಂದ್ಯಗಳನ್ನಾಡಲಿದೆ. ಆ ಮೂಲಕ ಏಕದಿನ ವಿಶ್ವಕಪ್​ಗೂ ಮುನ್ನ ಒಟ್ಟು 15 ಏಕದಿನ ಪಂದ್ಯಗಳನ್ನಾಡಲಿದೆ. ಹೀಗಾಗಿ ವಿಶ್ವಕಪ್​​ಗೂ ಮುನ್ನ ಆಡೋ ಪ್ರತಿ ಮ್ಯಾಚ್​​ ಕೊಹ್ಲಿ ಪಾಲಿಗೆ ಅತ್ಯಂತ ಮಹತ್ವವಾಗಲಿದೆ.

ಕೊನೆ ಏಕದಿನ ವಿಶ್ವಕಪ್​ ಗೆಲ್ಲುವ ಹಂಬಲ..!
2011ರ ಏಕದಿನ ವಿಶ್ವಕಪ್​ ಬಳಿಕ ವಿರಾಟ್​, ವಿಶ್ವಕಪ್​ ಗೆದ್ದ ಮಾತೇ ಇಲ್ಲ. ಐಸಿಸಿ ಟೂರ್ನಿಗಳಲ್ಲಿ ಸೆಮೀಸ್ ಹಾಗೂ ಫೈನಲ್​ಗೆ ತಲುಪಿದರೂ, ಕಿರೀಟಕ್ಕೆ ಮುತ್ತಿಡದ ಕೊರಗು, ಕೊಹ್ಲಿಗೆ ಕಾಡುತ್ತಿದೆ. ನಾಯಕನಾಗಿ ಒಂದೇ ಒಂದು ಟ್ರೋಫಿ ಗೆಲ್ಲದ ವಿರಾಟ್​, ಕೊನೆ ಸಲ ಆಟಗಾರನಾಗಿ ವಿಶ್ವಕಪ್​ ಗರಿಗೆ ಮುತ್ತಿಡುವ ಹಂಬಲದಲ್ಲಿದ್ದಾರೆ. ಆ ಮೂಲಕ ವಿಶ್ವಕಪ್ ಗೆಲುವಿನೊಂದಿಗೆ ಏಕದಿನ ಫಾರ್ಮೆಟ್​ಗೆ ಗುಡ್​ಬೈ ಹೇಳುವ ಲೆಕ್ಕಾಚಾರದಲ್ಲಿದ್ದಾರೆ.

ಟೀಕೆಗಳಿಗೆ ಬ್ಯಾಟ್​​ನಿಂದ ಉತ್ತರ ಕೊಡುವ ಛಲ..!
ವಿರಾಟ್​ಗೆ ಇರೋದು ಜಸ್ಟ್​ ವಿಶ್ವಕಪ್​ ಗೆಲ್ಲಬೇಕೆಂಬ ಹಂಬಲ ಮಾತ್ರವೇ ಅಲ್ಲ. ತನ್ನ ಬ್ಯಾಟ್​ನಿಂದ ರನ್ ಸುನಾಮಿ ಸೃಷ್ಟಿಸಿ ತನ್ನ ಕೈಯಿಂದಲೇ ವಿಶ್ವಕಪ್​ ಗೆಲ್ಲಿಸಿ ಕೊಡಬೇಕೆಂಬ ಛಲ ಕೊಹ್ಲಿಗಿದೆ. ಆ ಮೂಲಕ ಟೀಕೆಗಳಿಗೆ ಉತ್ತರಿಸಿ ತವರಿನಲ್ಲಿ ತನ್ನ ಮೇಲಿನ ಎಕ್ಸ್​ಪೆಕ್ಟೇಷನ್ಸ್​ ಉಳಿಸಿಕೊಂಡು ಅಭಿಮಾನಿಗಳಿಗೆ ವಿಶ್ವಕಪ್​ ಗೆಲುವಿನ ಗಿಫ್ಟ್​ ನೀಡೋದೇ ವಿರಾಟ್​ ಗುರಿಯಾಗಿದೆ.

ಕೆರಿಬಿಯನ್ ಸಿರೀಸ್ ಅನ್ನ ಸಿರೀಯಸ್ ಆಗಿ ತೆಗೆದುಕೊಂಡಿರೋ ವಿರಾಟ್, ಏಕದಿನ ವಿಶ್ವಕಪ್ ಅಂತ್ಯದ ತನಕ ಗಾಯಗೊಂಡ ಹುಲಿಯಂತೆ ಆರ್ಭಟಿಸೋಕೆ ರೆಡಿಯಾಗಿರೋದು ಫಿಕ್ಸ್​.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ