ವಿರಾಟ್ ಈ ಬಾರಿ ಟಿ20 ಸರಣಿಯಲ್ಲಿ ಆಡೋದೆ ಬಿಗ್​ ಕೊಶ್ಚನ್​ ಮಾರ್ಕ್​

ವೆಸ್ಟ್​ ಇಂಡೀಸ್​​ ಕಂಡೀಷನ್ಸ್​ ಕೂಡ ಬಹುತೇಕ ಭಾರತದಂತೆಯೇ ಇದೆ..!

ಏಕದಿನ ಸರಣಿಯಲ್ಲಿ ‘ದಡಂ ದಶಗುಣಂ’ ಗ್ಯಾರಂಟಿ, ವಿರಾಟ್​ನದ್ದೇ ದರ್ಬಾರ್

ವೆಸ್ಟ್​ ಇಂಡೀಸ್​ ಎದುರಿನ ಸರಣಿ ಆರಂಭಕ್ಕೆ 22 ದಿನ ಬಾಕಿಯಿದೆ. ಅದಕ್ಕೂ ಮುನ್ನ ಕೆರೀಬಿಯನ್​ ಪ್ರವಾಸದಲ್ಲಿ ವಿರಾಟ್​​ ಕಿಂಗ್ ಆಗಿ ಮೆರೆಯುತ್ತಾರಾ ಎಂಬ ಪ್ರಶ್ನೆ ಹುಟ್ಟಿದೆ. ಅದರಲ್ಲೂ ವೈಟ್​ಬಾಲ್​​ ಫಾರ್ಮೆಟ್​ನಲ್ಲಿ ಅಬ್ಬರಿಸಿರೋ ವಿರಾಟ್​, ಟೆಸ್ಟ್​ನಲ್ಲಿ ರಿಯಲ್ ಟೆಸ್ಟ್​ ಎದುರಿಸ್ತಾರಾ ಎಂಬ ಅನುಮಾನ ಕಾಡ್ತಿದೆ.

ಕೊಹ್ಲಿ.. ಕ್ರಿಕೆಟ್ ಪ್ರಪಂಚಕ್ಕೆ ಈ ಹೆಸರಿನ ಪರಿಚಯ ಬೇಕಿಲ್ಲ. ಇಂಡಿಯಾದ ರನ್ ಮಷಿನ್, ಚೇಸಿಂಗ್ ಚಾಂಪಿಯನ್, ಕಿಂಗ್ ಕೊಹ್ಲಿ. ಹೀಗೆ ಎಷ್ಟು ಹೆಸರುಗಳಿಂದ ಕರೆದರೂ, ಸಾಲಲ್ಲ. ಯಾಕಂದ್ರೆ, ದಿನ ಕಳೆದಂತೆ ಪರ್ವತಗಳು ಕರಗಿದ್ರೂ, ವಿರಾಟ್ ಕಟ್ಟಿದ ರನ್​​ ಶಿಖರ ಮಾತ್ರ ಕರಗುವುದಿಲ್ಲ.

ಕೊಹ್ಲಿಗೆ ವಯಸ್ಸಾಗುತ್ತಿದ್ದರೂ ಅವರಲ್ಲಿರುವ ಆಟ, ಛಲ ಮಾತ್ರ ಇಂದಿಗೂ ತಗ್ಗಿಲ್ಲ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ. ಆದ್ರೂ, WTC​ ಫೈನಲ್​ ಸೋಲಿನ ಬಳಿಕ ಕಮ್​​ಬ್ಯಾಕ್ ಮಾಡೋಕೆ ರೆಡಿಯಾಗಿರೋ ಕೊಹ್ಲಿ​, ಮುಂಬರೋ ವೆಸ್ಟ್ ಇಂಡೀಸ್​ ಪ್ರವಾಸದಲ್ಲಿ ವಿರಾಟ ರೂಪ ತೋರಿಸ್ತಾರಾ.? ಅನ್ನೋ ಪ್ರಶ್ನೆ ಎಲ್ಲರನ್ನೂ ಕಾಡ್ತಿದೆ.

ಟೆಸ್ಟ್​ನಲ್ಲಿ ನಡೆಯುತ್ತಾ ವಿರಾಟ್ ದರ್ಬಾರ್​..?
WTC ಫೈನಲ್​​ನಲ್ಲಿ ವೈಫಲ್ಯ ಅನುಭವಿಸಿ ಟೀಕೆಗೆ ಗುರಿಯಾಗಿರೋ ವಿರಾಟ್​, ಮುಂದಿನ ವೆಸ್ಟ್​ ಇಂಡೀಸ್ ಸರಣಿಯಲ್ಲಿ ಅಬ್ಬರಿಸಬೇಕಾದ ಅನಿವಾರ್ಯತೆ ಇದೆ. ಅಷ್ಟೇ ಅಲ್ಲ, ಐಪಿಎಲ್​ಗೂ ಮುನ್ನ ಆಸಿಸ್ ಎದುರಿನ ಟೆಸ್ಟ್​ ಸರಣಿಯಲ್ಲಿ ತೋರಿದ್ದ ಟೆಂಪರ್ಮೆಂಟ್​​​​​​​​​​​, ಈಗ ವೆಸ್ಟ್​ ಇಂಡೀಸ್ ಪ್ರವಾಸದಲ್ಲಿ ಮುಂದುವರಿಸಬೇಕಿದೆ. ಕೆರಿಬಿಯನ್ನರನ್ನ ಬೇಟೆಯಾಡೋ ಕನಸು ಕಾಣ್ತಿರೋ ವಿರಾಟ್​, ಈ ಸಲ ಇಂಡೀಸ್ ಪ್ರವಾಸದಲ್ಲಿ ದರ್ಬಾರ್ ನಡೆಸೋ ಲೆಕ್ಕಾಚಾರದಲ್ಲಿದ್ದಾರೆ. ಆದ್ರೆ, ಅಷ್ಟು ಸುಲಭದ ಮಾತಲ್ಲ..

ವಿಂಡೀಸ್ ಪ್ರವಾಸದ ಟೆಸ್ಟ್​ನಲ್ಲಿ ವಿರಾಟ್
ವೆಸ್ಟ್​ ಇಂಡೀಸ್ ನೆಲದಲ್ಲಿ 9 ಟೆಸ್ಟ್​ ಪಂದ್ಯಗಳನ್ನಾಡಿರೋ ವಿರಾಟ್​ 463 ರನ್ ಸಿಡಿಸಿದ್ದಾರೆ. 2 ಅರ್ಧಶತಕ ದಾಖಲಿಸಿರೋ ವಿರಾಟ್​, 1 ಶತಕ ಸಿಡಿಸಿ ಅಬ್ಬರಿಸಿದ್ದಾರೆ. ಆದ್ರೆ, ಸರಾಸರಿ ಕೇವಲ 35.61ರ ಆಗಿದೆ.

ವೆಸ್ಟ್​ ಇಂಡೀಸ್ ಎದುರು ಡಬಲ್ ಸೆಂಚೂರಿ ಬಾರಿಸಿದ ದಾಖಲೆ ವಿರಾಟ್​ ಬೆನ್ನಿಗಿದೆ. ಹಾಗಿದ್ರೂ, 2 ಪಂದ್ಯಗಳ ಟೆಸ್ಟ್​ ಸರಣಿ ನಿಜಕ್ಕೂ ಅಗ್ನಿಪರೀಕ್ಷೆಯಾಗಿದೆ. ಹೀಗಾಗಿ ಟೆಸ್ಟ್​ನಲ್ಲಿ ಯಾವ ರೀತಿಯ ಪರ್ಪಾಮೆನ್ಸ್​ ಹೊರ ಹಾಕ್ತಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ.

ಏಕದಿನ ಸರಣಿಯಲ್ಲಿ ದಡಂ ದಶಗುಣಂ ಗ್ಯಾರಂಟಿ..!
ಟೆಸ್ಟ್​ ಫಾರ್ಮೆಟ್​ನಲ್ಲಿ ಹಿಂದುಳಿದರೂ, ಏಕದಿನ ಸರಣಿಯಲ್ಲಂತೂ ವಿರಾಟ್​​, ವೀರಾವೇಶಕ್ಕೆ ಬ್ರೇಕ್ ಹಾಕೋರು ಯಾರೂ ಇಲ್ಲ. ಯಾಕಂದ್ರೆ, ವೈಟ್​ಬಾಲ್ ಫಾರ್ಮೆಟ್​ನಲ್ಲಿ ಅಬ್ಬರಿಸಿ ಬೊಬ್ಬೆರೆಯುತ್ತಿರೋ ಶತಕಗಳ ಸರದಾರ, ಕೆರಿಬಿಯನ್ನರ ನಾಡಲ್ಲೂ ಆರ್ಭಟಿಸೋದು ಗ್ಯಾರಂಟಿ. ಈ ಹಿಂದಿನ ಸಾಲಿಡ್​ ಟ್ರ್ಯಾಕ್​ ರೆಕಾರ್ಡೇ ಅದನ್ನ ರಿವೀಲ್​ ಮಾಡಿದೆ.

ಕೆರಿಬಿಯನ್​ ನಾಡಲ್ಲಿ ಕೊಹ್ಲಿ ODI ಸಾಧನೆ
ಕೆರಿಬಿಯನ್ ನಾಡಲ್ಲಿ 18 ಏಕದಿನ ಪಂದ್ಯಗಳನ್ನಾಡಿರೋ ವಿರಾಟ್​ 825 ರನ್ ಸಿಡಿಸಿದ್ದಾರೆ. 58.92ರ ಸರಾಸರಿಯಲ್ಲಿ ಬ್ಯಾಟ್ ಬೀಸಿರೋ ಕೊಹ್ಲಿ, 3 ಅರ್ಧಶತಕ ಸಿಡಿಸಿದ್ರೆ, ನಾಲ್ಕು ಬಾರಿ ಮೂರಂಕಿ ದಾಟಿದ್ದಾರೆ. ಹೀಗಾಗಿ ಏಕದಿನ ಸರಣಿಯಲ್ಲಿ ಇಂಡೀಸ್​ಗೆ ದಡಂ ದಶಗುಣಂ ಗ್ಯಾರಂಟಿ.

ಟೆಸ್ಟ್​ ಅವರೇಜ್​.. ODI ಸೂಪರ್.. ಟಿ20 ಲೆಕ್ಕ ಹೇಗಿದೆ..?
ವೆಸ್ಟ್​ ಇಂಡೀಸ್​ ನೆಲದಲ್ಲಿ ಟೆಸ್ಟ್​ ಫಾರ್ಮೆಟ್​ನಲ್ಲಿ ಆವರೇಜ್ ಪರ್ಫಾಮೆನ್ಸ್​ ನೀಡಿರೋ ಕೊಹ್ಲಿ, ಏಕದಿನದಲ್ಲಂತೂ ಸಾಲಿಡ್ ಪರ್ಫಾಮೆನ್ಸ್ ನೀಡಿದ್ದಾರೆ. ಏಕದಿನ ಫಾರ್ಮೆಟ್​ನಲ್ಲಿ ಸಿಡಿದಂತೆಯೇ ಟಿ20 ಫಾರ್ಮೆಟ್​ನಲ್ಲೂ ವಿರಾಟ್​, ವೀರಾವೇಶ ತೋರಿದ್ದಾರೆ. ವೆಸ್ಟ್​ ಇಂಡೀಸ್​​ ನೆಲದಲ್ಲಿ ಆಡಿರೋ 3 ಟಿ20ಗಳಿಂದ 142ರ ಸ್ಟ್ರೈಕ್​​ರೇಟ್​ನಲ್ಲಿ 112 ರನ್ ಗಳಿಸಿದ್ದಾರೆ. ಆದ್ರೆ, ವಿರಾಟ್ ಈ ಬಾರಿ ಟಿ20 ಸರಣಿಯಲ್ಲಿ ಆಡೋದೆ ಬಿಗ್​ ಕೊಶ್ಚನ್​ ಮಾರ್ಕ್​ ಆಗಿದೆ.

ಈ ಸಲ ಕೆರಿಬಿಯನ್ ನಾಡಲ್ಲಿ ನಡೆಯುತ್ತಾ ಕೊಹ್ಲಿ ಆಟ..?
ಇಷ್ಟೆಲ್ಲ ಅಂಕಿಅಂಶಗಳನ್ನ ನೋಡಿದ್ಮೇಲೆ ವಿರಾಟ್​ ಇಂಡೀಸ್ ನೆಲದಲ್ಲಿ ಅಬ್ಬರಿಸ್ತಾರಾ ಅಂದ್ರೆ, ಹೌದು ಅಂತಾನೇ ಹೇಳಬೇಕು. ಇತ್ತಿಚೆಗಷ್ಟೇ ಐಪಿಎಲ್​ನಲ್ಲಿ ಅಬ್ಬರಿಸಿರೋ ವಿರಾಟ್​, ರೆಡ್​ ಹಾಟ್​ ಫಾರ್ಮ್​ನಲ್ಲಿದ್ದಾರೆ. ವೆಸ್ಟ್​ ಇಂಡೀಸ್​​ ಕಂಡೀಷನ್ಸ್​ ಕೂಡ ಬಹುತೇಕ ಭಾರತದಂತೆಯೇ ಇದೆ. ಆ​ ನೆಲದಲ್ಲಿ ಬೌಲರ್​ಗಳನ್ನ ಬೆಂಡೆತ್ತಿ, ರನ್​ ಸುರಿಮಳೆ ಸುರಿಸುವ ತಾಕತ್ತಿದೆ. ಆದ್ರೆ, ವೈಟ್​​ಬಾಲ್​ನಲ್ಲಿ ಸಿಕ್ಕ ಸಕ್ಸಸ್​ ರೆಡ್​​ ಬಾಲ್​ನಲ್ಲಿ ಮಾಯವಾಗಿದೆ. ಹೀಗಾಗಿ 2 ಪಂದ್ಯಗಳ ಟೆಸ್ಟ್​ ಸರಣಿ ಕೊಹ್ಲಿ ಪಾಲಿಗೆ ಅಗ್ನಿಪರೀಕ್ಷೆಯಾಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ