ಬಹುನಿರೀಕ್ಷಿತ 2023ರ ಏಕದಿನ ವಿಶ್ವಕಪ್​​ ಟೂರ್ನಿ

ಇಂದು ಇಂಗ್ಲೆಂಡ್​​​​​, ಭಾರತ ತಂಡಗಳು ಮುಖಾಮುಖಿ..!

ಟೀಂ ಇಂಡಿಯಾ ಕೈಕೊಟ್ಟ ಕೊಹ್ಲಿ, ಅಯ್ಯರ್​​, ಶುಭ್ಮನ್​​

ಇಂದು ಲಕ್ನೋ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಐಸಿಸಿ ಏಕದಿನ ವಿಶ್ವಕಪ್​​ ಟೂರ್ನಿಯ ಮಹತ್ವದ ಪಂದ್ಯದಲ್ಲಿ ಟೀಂ ಇಂಡಿಯಾ, ಇಂಗ್ಲೆಂಡ್​ ಮುಖಾಮುಖಿ ಆಗಿವೆ. ಟೀಂ ಇಂಡಿಯಾ ಪಾಲಿಗೆ ಇದು ಪ್ರತಿಷ್ಠಿತ ಪಂದ್ಯವಾದರೆ, ಇಂಗ್ಲೆಂಡಿಗೆ ಮಾತ್ರ ಇದು ಮಾಡು ಇಲ್ಲವೆ ಮಾಡಿ ಅನ್ನೋ ಪಂದ್ಯ. ಹೀಗಾಗಿ ಎರಡು ತಂಡಗಳು ಗೆಲ್ಲಲೇಬೇಕು ಎಂದು ಪಣತೊಟ್ಟಿವೆ.

ಟಾಸ್​ ಗೆದ್ದ ಇಂಗ್ಲೆಂಡ್​ ತಂಡವು ಬೌಲಿಂಗ್​​ ​ಆಯ್ದುಕೊಂಡಿದೆ. ಹೀಗಾಗಿ ಟೀಂ ಇಂಡಿಯಾ ಫಸ್ಟ್​ ಬ್ಯಾಟಿಂಗ್​ ಮಾಡುತ್ತಿದೆ. ಟೀಂ ಇಂಡಿಯಾ ಓಪನರ್​ ಆಗಿ ಬಂದ ಶುಭ್ಮನ್​ ಗಿಲ್​ ಆಡಿದ 13 ಎಸೆತಗಳಲ್ಲಿ ಕೇವಲ 9 ರನ್​ಗೆ ವಿಕೆಟ್​ ಒಪ್ಪಿಸಿದರು.

ಇನ್ನೂ, ಕಳೆದ ಐದು ಪಂದ್ಯಗಳಲ್ಲಿ 350ಕ್ಕೂ ಹೆಚ್ಚು ರನ್​ ಸಿಡಿಸಿದ್ದ ವಿರಾಟ್​ ಕೊಹ್ಲಿ ಡಕೌಟ್​ ಆಗಿದ್ದಾರೆ. 9 ಬಾಲ್​ಗಳನ್ನು ಎದುರಿಸಿ ಬೆನ್​ಸ್ಟೋಕ್ಸ್​​ ಬೌಲಿಂಗ್​​ನಲ್ಲಿ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​ಗೆ ತೆರಳಿದರು.

ಬಳಿಕ ಕ್ರೀಸ್​ಗೆ ಬಂದ ಶ್ರೇಯಸ್​ ಅಯ್ಯರ್​ ಸುಮಾರು 5 ಓವರ್​ಗಳು ಕ್ರೀಸ್​ನಲ್ಲಿ ಇದ್ದರು. ಆಡಿದ 16 ಬಾಲ್​ಗಳಲ್ಲಿ 4 ರನ್​ಗೆ ಮಾರ್ಕ್​ಗೆ ಕ್ಯಾಚ್​ ನೀಡಿ ಔಟಾದ್ರು. ಸದ್ಯ ಈ ಮೂವರು ಸ್ಟಾರ್ಸ್​ ಟೀಂ ಇಂಡಿಯಾ ಕೈಕೊಟ್ಟಿದ್ದು, ರೋಹಿತ್​ ಪಡೆ ಸಂಕಷ್ಟದಲ್ಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್