ಚಿನ್ನಸ್ವಾಮಿ ಮೈದಾನದಲ್ಲಿ ಸಚಿನ್​ ರೆಕಾರ್ಡ್​ ಖತಂ

ಕರ್ನಾಟಕದ ಫ್ಯಾನ್ಸ್​​​​​​​​ ಮುಂದೆ 50ನೇ ಸೆಂಚುರಿ ಸಂಭ್ರಮ..!

2ನೇ ತವರಿನಲ್ಲಿ ವಿಶ್ವದಾಖಲೆಗೆ ವಿರಾಟ್ ಉತ್ಸುಕ..!

ಬರ್ತ್​ಡೇ ಸೆಂಚುರಿ ಗಿಫ್ಟ್​ ಕೊಟ್ಟಾಯ್ತು. ಕ್ರಿಕೆಟ್ ದೇವರಿಗೆ ಸರಿಸಮನಾಗಿ ಬೆಳೆದು ನಿಂತಿದ್ದು ಆಯ್ತು. ಈಗ ಕಿಂಗ್ ಕೊಹ್ಲಿ ಕನ್ನಡಿಗರಿಗೆ ಫಾರೆವರ್​​​​​​​ ಬಿಗ್ಗೆಸ್ಟ್​​​​​ ಗಿಫ್ಟ್ ಕೊಡುವ ಸಮಯ ಬಂದಿದೆ. ಆ ಕ್ಷಣಕ್ಕಾಗಿ ಕರ್ನಾಟಕ ಅಭಿಮಾನಿಗಳು ಸಿಕ್ಕಾಪಟ್ಟೆ ಎಕ್ಸೈಟ್ ಆಗಿದ್ದಾರೆ. ಅಷ್ಟಕ್ಕೂ ರನ್​ ಮಾಸ್ಟರ್​​​​ ಕನ್ನಡಿಗರಿಗೆ ಕೊಡ್ತಿರೋ ಆ ಬಿಗ್​ಗಿಫ್ಟ್ ಆದ್ರು ಏನು ? ಈ ಸ್ಟೋರಿ ಓದಿ.

ವಿರಾಟ್ ಕೊಹ್ಲಿ ರೆಕಾರ್ಡ್​ ಬ್ರೇಕರ್ ಅಲ್ಲ, ರೆಕಾರ್ಡ್​ ಮೇಕರ್​​. ಈ ಮಾತು ಹಂಡ್ರೆಂಡ್​ ಪರ್ಸಂಟ್​​ ನಿಜ. ಕಿಂಗ್ ಕೊಹ್ಲಿಗೆ ವಯಸ್ಸು 35 ಕಂಪ್ಲೀಟ್​​​​ ಆಯ್ತು. ಆದ್ರೂ ಕೊಹ್ಲಿಯೊಳಗಿನ ಸಾಧನೆಯ ಹಸಿವಿಗೆ ಮಾತ್ರ ಇನ್ನೂ ವಯಸ್ಸಾಗಿಲ್ಲ.15 ವರ್ಷದ ಹಿಂದೆ ಅದ್ಯಾವ ಪ್ಯಾಶನ್​​​, ಕಮಿಟ್​ಮೆಂಟ್​​ ಇತ್ತೋ, ಈಗಲೂ ಅದೇ ಇದೆ. ಕಿಂಚಿತ್ತೂ ಕಮ್ಮಿಯಾಗಿಲ್ಲ. ಕ್ರಿಕೆಟ್ ಕಾಶಿ ಈಡನ್ ಗಾರ್ಡನ್ಸ್​​ನಲ್ಲಿ ಮೂಡಿ ಬಂದ 49ನೇ ಸೆಂಚುರಿ ಅದಕ್ಕೆ ಹಿಡಿದ ಕೈಗನ್ನಡಿ.

ಬೆಂಗಳೂರಿನಲ್ಲೇ ವಿರಾಟ್ ಕೊಹ್ಲಿ ವಿಶ್ವ ದಾಖಲೆ

ಕಿಂಗ್ ಕೊಹ್ಲಿಯ ಬೆಂಕಿ-ಬಿರುಗಾಳಿ ಆಟಕ್ಕೆ ಬಲಾಢ್ಯ ಸೌತ್ ಆಫ್ರಿಕಾ ತತ್ತರಿಸಿ ಹೋಗಿದೆ. ವಿರಾಟ್​ ನೆಕ್ಸ್ಟ್​ ಟಾರ್ಗೆಟ್​​ ನೆದರ್​ರ್ಲೆಂಡ್ಸ್​​​. ನವೆಂಬರ್​​​ 12 ರಂದು ಭಾರತ ತಂಡ ಲೀಗ್​​​ನ ಕೊನೆ ಪಂದ್ಯವನ್ನ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆಡಲಿದೆ. ಹೀಗಾಗಿ ಸೆಂಚುರಿ ಸಾಮ್ರಾಟನ ಮೇಲಿನ ಎಕ್ಸ್​​ಪೆಕ್ಟೇಶನ್ ಡಬಲ್ ಆಗಿದೆ.

ಯಾಕಂದ್ರೆ ಹೇಳಿಕೇಳಿ ಬೆಂಗಳೂರು ಕಿಂಗ್ ಕೊಹ್ಲಿಗೆ 2ನೇ ತವರು. ದಶಕಕ್ಕೂ ಅಧಿಕ ಕಾಲ ಆರ್​ಸಿಬಿ ಪರ ಆಡಿ ಮನೆಯಮಗನಾಗಿದ್ದಾರೆ. ವಿರಾಟ್​​ಗೆ ಇಲ್ಲಿ ಸಿಗುವ ಸಪೋರ್ಟ್​ ಇನ್ನೆಲ್ಲೂ ಸಿಗೋದಿಲ್ಲ. ಐಪಿಎಲ್​​​ನಂತ ಫ್ಯಾಂಟಸಿ ಲೀಗ್​​ನಲ್ಲೇ ಮೈದಾನದ ರೂಫ್​​ ಕಿತ್ತು ಹೋಗಬೇಕು. ಆ ಮಟ್ಟಿಗೆ ಕೊಹ್ಲಿ, ಕೊಹ್ಲಿ ಘೋಷಣೆ ಮೊಳಗುತ್ತೆ. ಅಂತ್ರದಲ್ಲಿ ವಿಶ್ವಕಪ್​​​​..ಅದು ಚಿನ್ನಸ್ವಾಮಿಯಲ್ಲಿ ಅಂದ್ರೆ ಕೇಳ್ಬೇಕಾ. ಬೆಂಬಲ ನೆಕ್ಸ್ಟ್​​ ಲೆವೆಲ್​​​​ಗೆ ಇರುತ್ತೆ ಬಿಡಿ.

ಬೆಂಗಳೂರು ಅಂದ್ರೆ ಕಿಂಗ್ ಕೊಹ್ಲಿಗೆ ಸ್ಪೆಷಲ್ ಲವ್​

ಕೊಹ್ಲಿ ಹುಟ್ಟಿ ಬೆಳೆದಿದ್ದು ಡೆಲ್ಲಿಯಲ್ಲಾದ್ರು ಅವರಿಗೆ ಬೆಂಗಳೂರು ಅಂದ್ರೆ ಇನ್ನಿಲ್ಲದ ಲವ್​​​. ಚಿನ್ನಸ್ವಾಮಿ ಮೈದಾನದ ಜೊತೆ ಸ್ಪೆಷಲ್ ಕನೆಕ್ಷನ್​​ ಹೊಂದಿದ್ದಾರೆ. ಇಂತಹ ಕೊಹ್ಲಿ ಈಗ ಇದೇ ಸ್ಟೇಡಿಯಂನಲ್ಲಿ ವಿಶ್ವದಾಖಲೆ ಬರೆಯಲು ಸಜ್ಜಾಗಿದ್ದಾರೆ. ಈಗಾಗ್ಲೇ ವಿರಾಟ್ 49 ಸೆಂಚುರಿ ಬಾರಿಸಿ ಸಚಿನ್​​ ತೆಂಡುಲ್ಕರ್​ ದಾಖಲೆ ಸರಿಗಟ್ಟಿದ್ದಾರೆ. ಇನ್ನು ಒಂದೇ ಒಂದು ಶತಕ ಹೊಡೆದು ಬಿಟ್ರೆ ಏಕದಿನ ಕ್ರಿಕೆಟ್​​ನ ಡಾನ್ ಅನ್ನಿಸಿಕೊಳ್ಳಲಿದ್ದಾರೆ.

ಪ್ರಚಂಡ ಫಾರ್ಮ್​ನಲ್ಲಿರುವ ಕಿಂಗ್ ಕೊಹ್ಲಿ ಪ್ರಸಕ್ತ ವಿಶ್ವಕಪ್​ನಲ್ಲಿ ಈಗಾಗ್ಲೇ ಎರಡು ಶತಕಗಳನ್ನ ಸಿಡಿಸಿದ್ದಾರೆ. ಇನ್ನು ನೆದರ್​​ರ್ಲೆಂಡ್ಸ್ ಸೇರಿದಂತೆ ಸೆಮಿಫೈನಲ್, ಫೈನಲ್​​​​​​​​ ಸೇರಿ 3 ಪಂದ್ಯಗಳು ಬಾಕಿ ಇವೆ. ಈ ಮೂರು ಮ್ಯಾಚ್​ಗಳಲ್ಲಿ ರನ್​​ ಹಂಟರ್​ ವಿಶ್ವದಾಖಲೆ ಮಾಡೇ ಮಾಡ್ತಾರೆ ಅನ್ನೋದು ಅಭಿಮಾನಿ ದೇವರುಗಳ ನಂಬಿಕೆಯಾಗಿದೆ.

ಕರ್ನಾಟಕ ಕ್ರಿಕೆಟ್​​​ ಫ್ಯಾನ್ಸ್​​ ಆಸೆ ಈಡೇರಿಸ್ತಾರಾ ಕೊಹ್ಲಿ..?

ಕೊಹ್ಲಿ, ಸಚಿನ್​ ತೆಂಡುಲ್ಕರ್​​​​​​ ದಾಖಲೆ ಅಳಿಸಿಹಾಕಲು ಇನ್ನೂ ಮೂರು ಅವಕಾಶವಿದೆ ನಿಜ. ಆದ್ರೆ ಹಿಸ್ಟಾರಿಕಲ್​​ 50ನೇ ಶತಕ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲೆ ಮೂಡಿಬರಲಿ ಅನ್ನೋದು ಕರ್ನಾಟಕದ ಕ್ರಿಕೆಟ್ ಅಭಿಮಾನಿಗಳ ಮಹಾದಾಸೆ. ಕೊಹ್ಲಿ ಕೂಡ ಸೆಕೆಂಡ್​ ಹೋಮ್​​ಗ್ರೌಂಡ್​ನಲ್ಲಿ ವಿಶ್ವದಾಖಲೆ ನಿರ್ಮಿಸಲು ಸಾಕಷ್ಟು ಉತ್ಸುಕರಾಗಿದ್ದಾರೆ.

ಒಂದು ವೇಳೆ ಕೊಹ್ಲಿ ಮೆಮೊರೇಬರ್​​ 50ನೇ ಒನ್ಡೇ ಶತಕವನ್ನ ಬೆಂಗಳೂರಿನಲ್ಲೇ ಹೊಡೆದ್ರೆ ಅದು ಕರ್ನಾಟದ ಫ್ಯಾನ್ಸ್​ಗೆ ಎಂದೆಂದೂ ಮರೆಯಲಾಗದ ಸ್ಪೆಷಲ್​​ ಗಿಫ್ಟ್​​​ ಆಗಿರಲಿದೆ. ಹಾಗೊಂದು ವೇಳೆ ತಪ್ಪಿದ್ರೆ ಮುಂಬೈ ಅಥವಾ ಅಹ್ಮದಾಬಾದ್​​ನಲ್ಲಿ ವಿಶ್ವದಾಖಲೆ ರಚಿಸಲಿದ್ದಾರೆ. ಆ ಮಹಾ ಕ್ಷಣಕ್ಕಾಗಿ ಇಡೀ ವಿಶ್ವವೇ ಕಾದು ಕುಳಿತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ