ಕ್ರಿಕೆಟ್​ ಟೂರ್ನಿ ಆಡಲು ಹೋದಾಗ ಕಳ್ಳರ ಕೈಯಲ್ಲಿ ವಿರಾಟ್​

ಡ್ರೈವರ್​ ಹೇಳಿದ್ರೂ ಹೋಗೋಲೇಬೇಕು ಎಂದು ಕೊಹ್ಲಿ ಹಠ

ಏಕಾಏಕಿ ಕಳ್ಳರ ಗ್ಯಾಂಗ್​ ಬಂದು ಕೊಹ್ಲಿ ಮೇಲೆ ದಾಳಿ ನಡೆಸಿತು

ವಿರಾಟ್​​ ಕೊಹ್ಲಿಯ ದಾಖಲೆಗಳು, ಸಾಧನೆ, ಹೋರಾಟ. ಇವುಗಳ ಬಗ್ಗೆ ನಿಮಗೆ ಹಲವು ಕಥೆಗಳು ಗೊತ್ತಿರುತ್ತವೆ. ಆದ್ರೆ, ಹಿಂದೊಮ್ಮೆ ಕಳ್ಳರ ಕೈಲಿ ತಗಲಾಕೊಂಡು ಕಿಂಗ್​ ಕೊಹ್ಲಿ ಪರದಾಡಿದ ಒಂದು ಕಥೆಯಿದೆ. ಆ ಕಥೆಯನ್ನ ನೋಡೋಣ ಇವತ್ತಿನ ಸಖತ್​ ಸ್ಟೋರಿಯಲ್ಲಿ.

ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​ ವಿರಾಟ್​ ಕೊಹ್ಲಿ ಈಗ ವಿಶ್ವದ ಪ್ರಸಿದ್ಧ ಆಟಗಾರ. ಆದ್ರೆ, ಅಂಡರ್​​ 19 ವಿಶ್ವಕಪ್​ ಟೂರ್ನಿಯನ್ನ ಭಾರತಕ್ಕೆ ಗೆಲ್ಲಿಸಿಕೊಡೋಕೂ ಮುನ್ನ ಕೊಹ್ಲಿ ಹೆಸರನ್ನ ಬಹುತೇಕರು ಕೇಳಿರೋದೆ ಡೌಟ್​. ಕೊಹ್ಲಿ ಕಳ್ಳರ ಕೈಲಿ ತಗಲಾಕೊಂಡಿದ್ದು, ಆ ದಿನಗಳಲ್ಲೇ.

ವಿರಾಟ್​ ಕೊಹ್ಲಿ ಅಂಡರ್​​19 ತಂಡದಲ್ಲಿದ್ದ ದಿನಗಳಲ್ಲಿ ಸೌತ್​ ಆಫ್ರಿಕಾ ಟೂರ್​ಗೆ ಹೋದಾಗ ನಡೆದ ಘಟನೆಯಿದು. ಆ ದಿನಗಳಲ್ಲಿ ಮಟನ್​ ರೋಲ್​ ಅಂದ್ರೆ ವಿರಾಟ್​ ಕೊಹ್ಲಿಗೆ ತುಂಬಾ ಇಷ್ಟವಿತ್ತು. ಹೀಗಾಗಿ ಸೌತ್​ ಆಫ್ರಿಕಾ ಟೂರ್​​ನಲ್ಲಿದ್ದ ವೇಳೆ ಒಳ್ಳೆಯ ಮಟನ್​ ರೋಲ್​ ಎಲ್ಲಿ ಸಿಗುತ್ತೆ ಅಂತಾ ತಿಳಿದಿದ್ದೇ ತಡ ತಿನ್ನಬೇಕು ಎನಿಸಿ ಕೊಹ್ಲಿ ಹೊರಟಿದ್ರಂತೆ.

ಆ ಸ್ಥಳ ಸುರಕ್ಷಿತ ಅಲ್ಲ ಅಂತಾ ಡ್ರೈವರ್​ ಹೇಳಿದ್ರೂ ಕೊಹ್ಲಿ ಹೋಗೋಲೇಬೇಕು ಎಂದು ತಮ್ಮ ಟೀಮ್​ ಮೇಟ್​​ ಪ್ರದೀಪ್​ ಸಂಗ್ವಾನ್​ರನ್ನ ಕರೆದುಕೊಂಡು ಮಟನ್​ ರೋಲ್​ ತಿನ್ನಲು ತೆರಳಿದ್ರಂತೆ. ಆಗ ಏಕಾಏಕಿ ಕಳ್ಳರ ಗ್ಯಾಂಗ್​ ಬಂದು ದಾಳಿ ನಡೆಸಿತ್ತಂತೆ. ಇಷ್ಟೇ ಅಲ್ಲ, ಇವರಿಬ್ಬರನ್ನ ಆ ಗ್ಯಾಂಗ್​ ಬಿಡದೇ ಬೆನ್ನತ್ತಿಕೊಂಡು ಬಂದಿತ್ತಂತೆ. ಕಿಂಗ್​ಕೊಹ್ಲಿಗೆ ಕಳ್ಳರು ಕಾಟ ಕೊಟ್ಟ ಕಥೆಯನ್ನ ಇದೀಗ ಪ್ರದೀಪ್​ ಸಂಗ್ವಾನ್​ ಹೇಳಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ