ವಿರಾಟ್ ಕೊಹ್ಲಿ ಟೆಸ್ಟ್​ನಲ್ಲಿ ಯಾವೆಲ್ಲ ರೆಕಾರ್ಡ್ ಮಾಡಲಿದ್ದಾರೆ?

ಕಿಂಗ್ ಕೊಹ್ಲಿ ರನ್​ ಗಳಿಸಿದರೆ ಸಾಕು ಒಂದೊಂದೆ ದಾಖಲೆ ಬ್ರೇಕ್

ಮೂರು ಕ್ಯಾಚ್​ಗಳನ್ನು ಹಿಡಿದರೆ ಯಾರ ರೆಕಾರ್ಡ್​ ಬ್ರೇಕ್ ಆಗುತ್ತೆ?

ಭಾರತ ಹಾಗೂ ಬಾಂಗ್ಲಾದೇಶದ ನಡುವಿನ ಮೊದಲ ಟೆಸ್ಟ್ ಪಂದ್ಯ ಪೂರ್ಣಗೊಂಡಿದ್ದು ರೋಹಿತ್ ಶರ್ಮಾ ಬಳಗ ರೋಚಕ ಗೆಲುವು ಸಾಧಿಸಿದೆ. 2 ಇನ್ನಿಂಗ್ಸ್​​ನಲ್ಲೂ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಪ್ರದರ್ಶನ ಉತ್ತಮವಾಗಿರಲಿಲ್ಲ. ಆದರೆ ಕಾನ್ಪುರದಲ್ಲಿ ನಡೆಯುವ ಮುಂದಿನ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಕೆಲವು ರೆಕಾರ್ಡ್​ಗಳನ್ನ ಬ್ರೇಕ್ ಮಾಡಲಿದ್ದಾರೆ. ಇದರಲ್ಲಿ ಡಾನ್ ಬ್ರಾಡ್ಮನ್​ ಅವರ ದಾಖಲೆ ಕೂಡ ಅಳಿಸಿ ಹೋಗಲಿದೆ.

ಇದನ್ನೂ ಓದಿ: ಬಾಂಗ್ಲಾಗೆ ಡಿಚ್ಚಿಕೊಟ್ಟ R ಅಶ್ವಿನ್.. ಇತಿಹಾಸ ನೆನಪಿಸಿದ ಸ್ಟಾರ್ ಆಲ್​​ರೌಂಡರ್..!​ ಏನದು

ಬಾಂಗ್ಲಾ ವಿರುದ್ಧದ ಮೊದಲ ಟೆಸ್ಟ್‌ನಲ್ಲಿ ಕಿಂಗ್ ಕೊಹ್ಲಿ ಕೇವಲ 23ರನ್ ಗಳಿಸಿದರೂ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಸ್ವದೇಶದಲ್ಲಿ ವೇಗವಾಗಿ 12,000 ರನ್ ಪೂರೈಸಿ ದಾಖಲೆ ಮಾಡಿದರು. ಇದರಿಂದ ಸಚಿನ್ ತೆಂಡೂಲ್ಕರ್ ದಾಖಲೆ ಹಿಂದಿಕ್ಕಿದರು.

ಮುಂದಿನ ಟೆಸ್ಟ್ ಪಂದ್ಯದಲ್ಲಿ ಇನ್ನು 35 ರನ್​ಗಳಿಸಿದರೆ ವೇಗವಾಗಿ 27,000 ರನ್​ಗಳನ್ನು ಕಿಂಗ್ ಕೊಹ್ಲಿ ಪೂರೈಸಲಿದ್ದಾರೆ. ಈ ಮೂಲಕ 593 ಎನ್ನಿಂಗ್ಸ್​ನಲ್ಲಿ 27,000 ರನ್​ಗಳನ್ನ ಕಲೆ ಹಾಕಿದ ವಿಶ್ವದ 4ನೇ ಪ್ಲೇಯರ್ ಎನ್ನುವ ಖ್ಯಾತಿಗೆ ಪಾತ್ರರಾಗಲಿದ್ದಾರೆ. ಸಚಿನ್ ತೆಂಡೂಲ್ಕರ್ ಒಟ್ಟು 782 ಇನ್ನಿಂಗ್ಸ್​ನಿಂದ 34,357 ರನ್​ಗಳನ್ನು ಕೂಡಿ ಹಾಕಿ ಪ್ರಥಮ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: ಬಾಂಗ್ಲಾ ಆಟಗಾರರನ್ನ ಫೀಲ್ಡಿಂಗ್ ನಿಲ್ಲಿಸಿದ ರಿಷಬ್​ ಪಂತ್.. ಕಾಮೆಂಟರಿ ಸೇರಿ ಎಲ್ಲರಿಗೂ ಶಾಕ್!

ಸದ್ಯ ವಿರಾಟ್ ಕೊಹ್ಲಿಯವರು 113 ಕ್ಯಾಚ್​ಗಳನ್ನು ಹಿಡಿದಿದ್ದಾರೆ. ಕೇವಲ ಇನ್ನು ಮೂರೇ 3 ಕ್ಯಾಚ್​ಗಳನ್ನು ಹಿಡಿದದರೆ ಸಚಿನ್ ತೆಂಡೂಲ್ಕರ್ ಕ್ಯಾಚ್​ ದಾಖಲೆ ಬ್ರೇಕ್ ಮಾಡಲಿದ್ದಾರೆ. ರಾಹುಲ್ ದ್ರಾವಿಡ್ ಮೊದಲ ಸ್ಥಾನದಲ್ಲಿದ್ದು ಒಟ್ಟು 210 ಕ್ಯಾಚ್​ಗಳನ್ನು ಹಿಡಿದಿದ್ದಾರೆ. ವಿವಿಎಸ್ ಲಕ್ಷ್ಮಣ್ 135 ಕ್ಯಾಚ್​ಗಳಿಂದ 2ನೇ ಸ್ಥಾನದಲ್ಲಿದ್ದಾರೆ.

ಇನ್ನು ಟೆಸ್ಟ್​ ಕ್ರಿಕೆಟ್​ನಲ್ಲಿ ವಿರಾಟ್ ಕೊಹ್ಲಿಯವರು ಒಟ್ಟು 29 ಸೆಂಚುರಿಗಳನ್ನು ಸಿಡಿಸಿ ಅಬ್ಬರಿಸಿದ್ದಾರೆ. ಕೇವಲ ಒಂದೇ 1 ಶತಕ ಬಾರಿಸಿದರೆ ಒಟ್ಟು 30 ಶತಕ ಸಿಡಿಸಿದಂತೆ ಆಗುತ್ತದೆ. ಇದರಿಂದ ಆಸ್ಟ್ರೇಲಿಯಾದ ಕ್ರಿಕೆಟರ್ ಡಾನ್ ಬ್ರಾಡ್ಮನ್​ ಅವರ 29 ಶತಕಗಳ ದಾಖಲೆ ಬ್ರೇಕ್ ಆಗುತ್ತದೆ. ಟೆಸ್ಟ್​​ನಲ್ಲಿ ಇಡೀ ವಿಶ್ವದಲ್ಲೇ ಅತ್ಯಂತ ಹೆಚ್ಚು ಸೆಂಚುರಿ ಸಿಡಿಸಿದ 2ನೇ ಬ್ಯಾಟ್ಸ್​ಮನ್ ಎಂಬ ಖ್ಯಾತಿ ಕಿಂಗ್ ಕೊಹ್ಲಿ ಪಡೆಯಲಿದ್ದಾರೆ. ಸಚಿನ್ ಟೆಸ್ಟ್​​ನಲ್ಲಿ ಒಟ್ಟು 51 ಶತಕಗಳನ್ನು ಸಿಡಿಸಿ ಮೊದಲ ಸ್ಥಾನದಲ್ಲಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ