ಆಸಿಸ್​​ಗೆ ಚಳ್ಳೆಹಣ್ಣು ತಿನ್ನಿಸಿದ್ದ ವೀರೇಂದ್ರ ಸೆಹ್ವಾಗ್

ವಿವಾದ ಕ್ರಿಯೇಟ್ ಮಾಡೋವಲ್ಲಿ ಆಸಿಸ್ ಫಸ್ಟ್​

ಸೆಹ್ವಾಗ್​ ಬ್ಯಾಟ್​ಗೆ ಬಾಲ್ ಟಚ್ ಆಗಿ ಹೋಗಿತ್ತಾ?

ಆಸಿಸ್​​​ ಕ್ರಿಕೆಟರ್ಸ್​ ಮೈಂಡ್​ ಗೇಮ್​​, ಸ್ಲೆಡ್ಜಿಂಗ್​​ ಮಾಡೋದ್ರಲ್ಲಿ ಸಿಕ್ಕಾಪಟ್ಟೆ ಫೇಮಸ್​. ಇಂತಾ ಆಸಿಸ್​​ ಪಡೆಗೆ ವೀರೇಂದ್ರ ಸೆಹ್ವಾಗ್​ ಚಳ್ಳೆಹಣ್ಣು ತಿನ್ನಿಸಿದ್ದರು. ಸೆಹ್ವಾಗ್​ ಕೊಟ್ಟ ಉತ್ತರಕ್ಕೆ ರಿಕಿ ಪಾಂಟಿಂಗ್​ ಕಕ್ಕಾಬಿಕ್ಕಿಯಾಗಿದ್ರು.

2000 ದಿಂದ 2010ರ ಅವಧಿಯಲ್ಲಿ ಆಸ್ಟ್ರೇಲಿಯನ್​ ಕ್ರಿಕೆಟರ್ಸ್​ ವಿಶ್ವ ಕ್ರಿಕೆಟ್​ ಲೋಕಕ್ಕೆ ಬಾಸ್​ಗಳಂತೆ ವರ್ತಿಸ್ತಾ ಇದ್ರು. ಎದುರಾಳಿಗಳನ್ನ ನಿಂದಿಸೋದು, ಪಂದ್ಯದೂದ್ದಕ್ಕೂ ಸ್ಲೆಡ್ಜ್​ ಮಾಡೋದು, ಸುಖಾ ಸುಮ್ಮನೆ ವಿವಾದಗಳನ್ನ ಕ್ರಿಯೇಟ್​ ಮಾಡೋದ್ರಿಂದಲೇ ಸದಾ ಸುದ್ದಿಯಲ್ಲಿ ಇರುತ್ತಿದ್ರು. ಇಂತಾ ಆಸಿಸ್​ ಪಡೆಗೆ ನಮ್ಮ ಡ್ಯಾಶಿಂಗ್​ ಓಪನರ್ ವೀರೇಂದ್ರ ಸೆಹ್ವಾಗ್​​​​ ಚಳ್ಳೆಹಣ್ಣು ತಿನ್ನಿಸಿದ್ದರು.

ಬಾಲ್ ಬ್ಯಾಟ್​ಗೆ ಬಡಿತಾ..?

2008ರಲ್ಲಿ ಮೊಹಾಲಿಯಲ್ಲಿ ನಡೆದ ಟೆಸ್ಟ್​ ಪಂದ್ಯದ ಕಥೆಯಿದು. ಪಂದ್ಯದಲ್ಲಿ ಬ್ಯಾಟಿಂಗ್​ ಮಾಡ್ತಿರುವ ವೇಳೆ ಸೆಹ್ವಾಗ್ ಬ್ಯಾಟ್​​ಗೆ ಸವರಿದ ಚೆಂಡು ಸೀದಾ ಕೀಪರ್​ ಕೈಗೆ ಹೋಯ್ತು. ಎಡ್ಜ್​ ಆದ ಸೌಂಡ್​​ ಕೇಳಿದ್ದ​ ಆಸಿಸ್​ ಪಡೆ ಉತ್ಸಾಹದಲ್ಲಿತ್ತು. ಆದ್ರೆ, ಅಂಪೈರ್​ ಔಟ್​ ನೀಡಲೆ ಇಲ್ಲ.

ಪಾಂಟಿಂಗ್​ಗೆ ಟಾಂಗ್ ಕೊಟ್ಟ ಸೆಹ್ವಾಗ್

ಈಗಿನಂತೆ ಡಿಆರ್​​ಎಸ್​ ಇರಲಿಲ್ಲ ನೋಡಿ. ಅಂಪೈರ್​ ಮೇಲೆ ಕೋಪಗೊಂಡ ಆಸಿಸ್​​ ನಾಯಕ ರಿಕಿ ಪಾಟಿಂಗ್​ ನೇರವಾಗಿ ಸೆಹ್ವಾಗ್​ ಬಳಿ ಬಂದು ಚೆಂಡು ಬ್ಯಾಟ್​ಗೆ ಎಡ್ಜ್​ ಆಗಿತ್ತಾ ಎಂದು ಕೇಳಿದ್ರಂತೆ. ಇದಕ್ಕೆ ಸೆಹ್ವಾಗ್, ಹೌದು ಎಡ್ಜ್​​ ಆಗಿದೆ ಎಂದೇ ಉತ್ತರಿಸಿದ್ರಂತೆ. ಮತ್ಯಾಕೆ ಕ್ರಿಸ್​ ಬಿಟ್ಟು ಹೋಗಿಲ್ಲ ಅಂತಾ ಪಾಂಟಿಂಗ್​ ಕೇಳಿದಾಗ, ನೀನು ಎಷ್ಟೋ ಪಂದ್ಯಗಳಲ್ಲಿ ಔಟ್​ ಆದ್ರೂ ಹೋಗಿಲ್ಲ, ನಾನ್ಯಾಕೆ ಹೋಗಲಿ ಎಂದು ಹೇಳಿದ್ರಂತೆ.

ಆ ಬಳಿಕ ಅಂಪೈರ್​ ಬಳಿ ಹೋದ ಪಾಂಟಿಂಗ್​, ವೀರೂ ಹೇಳ್ತಿದ್ದಾನೆ ಎಡ್ಜ್​ ಆಗಿದ್ಯಂತೆ ಎಂದು ಮತ್ತೆ ಮನವಿ ಸಲ್ಲಿಸಿದ್ರು. ಆಗ ಅಂಪೈರ್​​ ಸೆಹ್ವಾಗ್​ ಬಳಿ ಬಂದು ಕೇಳಿದಾಗ ಪ್ಲೇಟ್​ ಚೇಂಜ್​ ಮಾಡಿ​, ಎಡ್ಜ್​ ಆಗಿಲ್ಲ ಅಂದ್ರಂತೆ. ಆತ ಸುಳ್ಳು ಹೇಳ್ತಾನೆ ಎಂದು ಪಾಂಟಿಂಗ್​ರನ್ನೇ ದೂರಿದ್ರಂತೆ. ಇಲ್ಲಿ ಸೆಹ್ವಾಗ್​ ರಾಕ್​, ಪಾಂಟಿಂಗ್​ ಶಾಕ್​.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ