ತೆಲುಗಿನ ಖ್ಯಾತ ಆ್ಯಂಕರ್ ಜೊತೆ ವಾಷಿಂಗ್ಟನ್ ಸುಂದರ್ ಡೇಟಿಂಗ್ ಗುಸು ಗುಸು

ಹೈದರಾಬಾದ್​ ಪಂದ್ಯದಲ್ಲಿ ಕಾಣಿಸಿಕೊಳ್ಳುತ್ತಿದ್ದ ವರ್ಷಿಣಿ ಸೌಂದರರಾಜನ್

ಚಂದಮಾಮ ಕಥಲು ಚಿತ್ರದ ನಾಯಕಿಗೆ ಮತ್ತು ಸುಂದರ್​ಗೆ ಲವ್​ ಆಗಿದ್ಯಾ?

ಟೀಮ್ ಇಂಡಿಯಾ ಆಲ್​ರೌಂಡರ್​​ ವಾಷಿಂಗ್ಟನ್ ಸುಂದರ್, ತೆಲುಗಿನ ಖ್ಯಾತ ಆ್ಯಂಕರ್ ವರ್ಷಿಣಿ ಸೌಂದರರಾಜನ್​​​ ಜೊತೆ ಡೇಟಿಂಗ್​ ನಡೆಸುತ್ತಿರುವ ಸುದ್ದಿ ಹಲ್​ಚಲ್ ಸೃಷ್ಟಿಸಿದೆ.

ಸನ್ ರೈಸರ್ಸ್ ಹೈದ್ರಾಬಾದ್ ತಂಡದ ಪಂದ್ಯಗಳ ವೇಳೆ ಸ್ಟೇಡಿಯಂನಲ್ಲಿ ಹಾಜರಿರುತ್ತಿದ್ದ ಈ  ಸುಂದರಿ, ತವರಿನ ತಂಡಕ್ಕೆ ಚಿಯರ್ ಮಾಡುತ್ತಿದ್ದಳು. ಸುಂದರ್​ಗಾಗಿಯೇ ಸ್ಟೇಡಿಯಂಗೆ ಈಕೆ ಆಗಮಿಸುತ್ತಿದ್ದಳು ಎಂಬ ಸುದ್ದಿ ಜೊತೆಗೆ ಹೈದ್ರಾಬಾದ್​​ನಲ್ಲಿ ಜೊತೆಜೊತೆಯಾಗಿ ಸುತ್ತಾಟ ನಡೆಸುತ್ತಿದ್ದಾರೆ ಎಂಬ ಗಾಸಿಪ್ ಕೇಳಿಬಂದಿದೆ.

ವರ್ಷಿಣಿ ಸೌಂದರರಾಜನ್ ಯಾರು ಗೊತ್ತಾ?

ವರ್ಷಿಣಿ ಸೌಂದರರಾಜನ್ ಪ್ರಾರಂಭದಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟು ಬಳಿಕ ನಟಿಯಾದರು. ತನ್ನ ಸೌಂದರ್ಯದ ಮೂಲಕವೇ ಮೋಡಿ ಮಾಡುತ್ತಿದ್ದ ಈ ನಟಿ ಎಲ್ಲರ ಗಮನ ಸೆಳೆದಿರುವುದು ಮಾತ್ರ ಸುಳ್ಳಲ್ಲ. ಅಂದಹಾಗೆಯೇ ವರ್ಷಿಣಿ ಸೌಂದರರಾಜನ್ ಕೆಲವು ರಾಷ್ಟ್ರೀಯ ಬ್ರಾಂಡ್‌ಗಳಿಗೆ ರಾಯಭಾರಿಯೂ ಗುರುತಿಸಿಕೊಂಡಿದ್ದಾರೆ. ಮಾತ್ರವಲ್ಲದೆ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ವರ್ಷಿಣಿ ಸೌಂದರರಾಜನ್ ತೆಲುಗಿನ ‘ಚಂದಮಾಮ ಕಥಲು’ ಚಿತ್ರದ ಮೂಲಕ ನಟಿಯಾಗಿ ಪಾದಾರ್ಪಣೆ ಮಾಡಿದರು. ಆ ಬಳಿಕ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆದರೆ ಇವರು ನಟಿಯಾಗಿ ಅಷ್ಟೇನು ದೊಡ್ಡ ಯಶಸ್ಸು ಕಾಣಲಿಲ್ಲ.

ವರ್ಷಿಣಿ ಸೌಂದರರಾಜನ್ ‘ಚಂದಮಾಮ ಕಥಲು‘ ಸಿನಿಮಾ ಮಾಡಿದ ಬಳಿಕ ಕೊಂಚ ಗ್ಯಾಪ್​​ ತೆಗೆದುಕೊಂಡರು. ಬಳಿಕ ‘ಪೆಳ್ಳಿ ಗೋಳ’ ಎಂಬ ವೆಬ್ ಸೀರೀಸ್ನಲ್ಲಿ ನಟಿಸಿದರು. ಈ ವೆಬ್​ ಸೀರೀಸ್ ಅವರಿಗೆ ದೊಡ್ಡ ಬ್ರೇಕ್ ಕೊಟ್ಟಿತು. ಇವಿಷ್ಟು ಮಾತ್ರವಲ್ಲದೆ, ವರ್ಷಿಣಿ ಸೌಂದರರಾಜನ್ ಸಿನಿಮಾ, ವೆಬ್ ಸೀರೀಸ್​ನಲ್ಲಿ ನಟಿಸಿದರು ಅವರಿಗೆ ಸರಿಯಾದ ಮನ್ನಣೆ ಸಿಗಲಿಲ್ಲ. ಬಳಿಕ ಆ್ಯಂಕರಿಂಗ್ ಕಡೆಗೆ ಗಮನ ಹರಿಸಿದರು. ತೆಲುಗಿನಲ್ಲಿ ‘ಪಟಾಸ್’ ಸೇರಿದಂತೆ ಕೆಲವು ಕಾರ್ಯಕ್ರಮಗಳನ್ನು ನಿರೂಪಣೆ ಮಾಡಿದ್ದಾರೆ. ಮಾತ್ರವಲ್ಲದೆ, ಕಾಮಿಡಿ ಸ್ಟಾರ್ಸ್ ಕಾರ್ಯಕ್ರಮದ ನಿರೂಪಕರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ