5 ರೂ.ಗೆ ನೂಡಲ್ಸ್ ತಿಂದು ಜೀವನ ಸಾಗಿಸುತ್ತಿದ್ದ ಆಲ್​ ರೌಂಡರ್​

ಟೆನ್ನಿಸ್​ ಬಾಲ್​ನಿಂದ ಲೆದರ್​ ಬಾಲ್​ವರೆಗೆ.. ಲೈಫೇ ಚೇಂಜ್..!

ಸೊಸೆಗೆ 5 ಲಕ್ಷ ರೂಪಾಯಿ ಕೊಟ್ಟಿರುವುದರ ಹಿಂದೆ ಕಥೆನೇ ಇದೆ​ ​

ಹಸಿವು ಅನ್ನೋದು ಒಂದು ಇದ್ರೆ ಬಡತನ ಮೆಟ್ಟಿನಿಂತು, ಎಷ್ಟು ಎತ್ತರಕ್ಕೆ ಬೇಕಾದ್ರು ಬೆಳೆಯಬಹುದು. ಇದಕ್ಕೆ ಟೀಮ್ ಇಂಡಿಯಾದ ಈ ಸೂಪರ್ ಸ್ಟಾರ್​ ಬೆಸ್ಟ್​ ಎಕ್ಸಾಂಪಲ್​​. ಒಂದು ಕಾಲದಲ್ಲಿ ತುತ್ತು ಅನ್ನಕ್ಕೂ ಪರದಾಡಿದ್ದ ಹಾರ್ದಿಕ್​ ಪಾಂಡ್ಯ ಇಂದು ಕೋಟ್ಯಾಧಿಪತಿ. ಯಾವ ಮಟ್ಟಕ್ಕೆ ಅಂದ್ರೆ, ಒಂದು ಲಕ್ಷ ಕೇಳಿದ್ರೆ 5 ಲಕ್ಷ ನೀಡುವ ಸಿರಿವಂತಿಕೆ ಈಗ ಪಾಂಡ್ಯಗೆ ಬಂದಿದೆ.

ಹಾರ್ದಿಕ್​​ ಪಾಂಡ್ಯ ಈ ಹೆಸರು ಬಲ್ಲದವರು ಯಾರಿದ್ದಾರೆ ಹೇಳಿ?. ವಿಶ್ವದ ಬೆಸ್ಟ್​ ಆಲ್​ರೌಂಡರ್​​​ಗಳಲ್ಲಿ ಹಾರ್ದಿಕ್​ ಹೆಸಲು ಟಾಪ್​ ಲಿಸ್ಟ್​ನಲ್ಲಿದೆ. ಭಾರತ ತಂಡದ ಫೇವರಿಟ್​​​​​​​ ಕ್ರಿಕೆಟರ್ ಕೂಡ. ಇಂದು ಹಾರ್ದಿಕ್​​​​​ ಯಾರು ಅನ್ನೋದು ಎಲ್ಲರಿಗೂ ಗೊತ್ತು. ಆದ್ರೆ ಪಾಂಡ್ಯ ಸ್ಟ್ರಗಲಿಂಗ್ ಡೇಸ್​​ ಬಗ್ಗೆ ನಿಮಗೆಷ್ಟು ಗೊತ್ತು?. ಇಂದು ಸದಾ ಹಸನ್ಮುಖಿಯಾಗಿ ಎಲ್ಲರನ್ನ ನಗಿಸ್ತಾ, ಕ್ರಿಕೆಟ್​ ಆಡಿ ರಂಜಿಸೋ ಹಾರ್ದಿಕ್, ನಿಜಕ್ಕೂ ಬೆಂಕಿಯಲ್ಲಿ ಅರಳಿದ ಹೂ.

ನಾನು ಚಿಕ್ಕವನಿದ್ದಾಗ ತುಂಬಾ ನೂಡಲ್ಸ್ ತಿಂತಿದ್ದೆ. ಒಂದು ವೇಳೆ ನನಗೆ ಉತ್ತಮ ಅಹಾರ ತಿನ್ನುವ ಆಯ್ಕೆ ಇದ್ದಿದ್ರೆ ನಾನು ಖಂಡಿತವಾಗಿ ತಿನ್ನುತ್ತಿದ್ದೆ. ಆದರೆ ತಿನ್ನಲು ಹಣ ಇರಬೇಕು ಅಲ್ವಾ?. 5 ರೂಪಾಯಿ ಕೊಟ್ರೆ ಫುಲ್ ಪ್ಲೇಟ್​​ ನೂಡಲ್ಸ್ ಸಿಗ್ತಿತ್ತು. ತಿಂದ್ರೆ ಹೊಟ್ಟೆ ತುಂಬುತ್ತಿತ್ತು.

ಹಾರ್ದಿಕ್ ಪಾಂಡ್ಯ, ಆಲ್​ ರೌಂಡರ್​
ಇದೊಂದೇ ಮಾತು ಸಾಕು ಹಾರ್ದಿಕ್​​ ಎಂತಹ ಬಡತನದಲ್ಲಿ ಬೆಳೆದು ಬಂದಿದ್ದಾರೆ ಅನ್ನೋದಕ್ಕೆ. ಕಿತ್ತು ತಿನ್ನುವ ಬಡತನ. ಅಪ್ಪ ದುಡಿದ್ರೇನೆ ಒಂದೊತ್ತಿನ ತುತ್ತು. ಇಲ್ಲವಾದ್ರೆ ಅದೂ ಇಲ್ಲ. ಅಂದು ಪಾಂಡ್ಯ ಎದುರಿಸಿದ ಕಷ್ಟ, ನೋವು, ಹತಾಶೆ, ಅವಮಾನ ಒಂದಾ..? ಎರಡಾ..?

10 ವರ್ಷದಲ್ಲಿ ಹಾರ್ದಿಕ್​​ ಲೈಫ್​​ ಪುಲ್ ಚೇಂಜ್​​​..!
ಒಂದು ಟೈಮ್​​​ನಲ್ಲಿ ಹಾರ್ದಿಕ್​ ತುತ್ತು ಅನ್ನಕ್ಕೂ ಪರದಾಡ್ತಿದ್ರು. ಆದ್ರೆ ಇಂದು ಅದೇ ಪಾಂಡ್ಯ ಕೋಟ್ಯಧಿಪತಿ. ಲೈಫ್​​​ಸ್ಟೈಲ್ ಫುಲ್ ಚೇಂಜ್ ಆಗಿದೆ. ಎಂತಹ ರಿಚ್​ ಲೈಫ್​ ಅಂತೀರಾ?.

ಹಾರ್ದಿಕ್ ಸಿರಿವಂತಿಕೆನಾ.. ಇಂತಹ ಶ್ರೀಮಂತಿಕೆ ಎಷ್ಟು ಜನರಿಗೆ ಬಂರುತ್ತೆ ಹೇಳಿ?. ಅಷ್ಟಕ್ಕೂ ಪಾಂಡ್ಯ 1 ಲಕ್ಷ ಕೇಳಿದ್ದಕ್ಕೆ 5 ಲಕ್ಷ ಕೊಡ್ತೀನಿ ಅಂತ ಯಾಕೆ ಹೇಳಿದ್ರು ಅಂತೀರಾ?. ಅದಕ್ಕೊಂದು ರೀಸನ್ ಇದೆ.

ಮದುವೆಯಲ್ಲಿ ಶೂ ಬಚ್ಚಿಟ್ಟಿದ್ದಕ್ಕೆ ಬಂಪರ್​ ಜಾಕ್​ಪಾಟ್​.!
ಹಾರ್ದಿಕ್​​​ ಪಾಂಡ್ಯ-ನತಾಶ ದಂಪತಿ ಇದೇ ವರ್ಷಾರಂಭದಲ್ಲಿ ಸಂಪ್ರದಾಯದ ಪ್ರಕಾರ ಹಸೆಮಣೆ ಏರಿದ್ರು. ಅವರ ವಿವಾಹ ಸಂಪ್ರದಾಯದಲ್ಲಿ ಜೂತ ಚುಪೈ ಅಂದ್ರೆ, ಶೂ ಮುಚ್ಚಿಡೋ ಒಂದು ಆಚರಣೆಯಿದೆ. ಈ ಆಚರಣೆಯಂತೆ ಮದುಮಗ ಹಾರ್ದಿಕ್​​​​​​ ಅವರ ಶೂ ಅನ್ನ ಅವರ ಸೊಸೆ ಬಚ್ಚಿಟ್ಟಿದ್ರು. ಅದನ್ನ ಮರಳಿ ನೀಡಲು 1 ಲಕ್ಷದ ಒಂದು ರೂಪಾಯಿ ನೀಡುವಂತೆ ಬೇಡಿಕೆ ಇಟ್ಟಿದ್ರು. ಆದ್ರೆ ಪಾಂಡ್ಯ ಒಂದು ಲಕ್ಷ ಅಲ್ಲ, ಐದು ಲಕ್ಷದ ಒಂದು ರೂಪಾಯಿಯನ್ನ ನಿನ್ನ ಅಕೌಂಟ್​​ಗೆ ಟ್ರಾನ್ಸ್​ಪರ್​​ ಮಾಡ್ತೀವಿ ಅಂದಿದ್ದಾರೆ.

• ಸೊಸೆ: ಮಾತು ಕೊಟ್ಟಿದ್ದೀರಾ, ಬೇಗನೆ ದುಡ್ಡು ಕೊಡಿ?
• ಹಾರ್ದಿಕ್​ ಪಾಂಡ್ಯ : ನೀವು ಹೇಳಿ ಎಷ್ಟು ಬೇಕು ?
• ಸೊಸೆ : ಒಂದು ಲಕ್ಷದ ಒಂದು ರೂಪಾಯಿ ಬೇಕು 
• ಹಾರ್ದಿಕ್​ ಪಾಂಡ್ಯ : ಒಂದು ಲಕ್ಷ ಅಲ್ಲ, ಐದು ಲಕ್ಷ ಒಂದು ರೂಪಾಯಿ ಕೊಡ್ತೀನಿ.

ನೋಡಿ ಹೇಗಿದ್ದ ಹಾರ್ದಿಕ್​ ಪಾಂಡ್ಯ ಹೇಗಾಗಿಬಿಟ್ರು?. ಅಂದು ತುತ್ತು ಕೂಳಿಗೂ ಪರದಾಡಿದ್ದ ಹಾರ್ದಿಕ್​ಗೆ​​ ಇಂದು 5 ಲಕ್ಷ ಅನ್ನೋದು ಮ್ಯಾಟರೇ ಅಲ್ಲ. ಅದಕ್ಕೆ ಸದ್ಯ ಎಲ್ರೂ ಹೇಳ್ತಿರೋದು ಒಂದೇ, ಸಕ್ಸಸ್​ ಅನ್ನೋದು ಬಂದ್ರೆ ಹಿಂಗೇ ಬರಬೇಕು ಅಂತಾ. ಅದ್ರಲ್ಲಿ ತಪ್ಪೇನಿಲ್ಲ ಬಿಡಿ. ಯಾಕಂದ್ರೆ ಟೀಮ್ ಇಂಡಿಯಾದ ಸ್ಟಾರ್ ಆಲ್​ರೌಂಡರ್ ಲೈಫ್​​ ಅಷ್ಟೊಂದು ಕಲರ್​ಫುಲ್ ಆಗಿದೆ.

ಹಾರ್ದಿಕ್​ಗೆ ಈ ಸಕ್ಸಸ್​​ ಸುಮ್ಮನೇ ಬಂದಿದ್ದಲ್ಲ. ಒಬ್ಬ ಸಾಮಾನ್ಯ ಪ್ಲೇಯರ್​ ಆಗಬೇಕು ಎಂದು ಕ್ರಿಕೆಟ್​ ಲೋಕಕ್ಕೆ ಕಾಲಿಟ್ಟ ಪಾಂಡ್ಯ, ಜರ್ನಿ ಆರಂಭಿಸಿದ್ದು ಟೆನ್ನಿಸ್​ ಬಾಲ್​ನಿಂದ. ಆ ಬಳಿಕ ಲೆದರ್​ ಬಾಲ್​ ಹಿಡಿದ ಹಾರ್ದಿಕ್​ ಜೀವನಕ್ಕೆ ತಿರುವು ನೀಡಿದ್ದು, ಐಪಿಎಲ್​​. ಅಂದು ಮುಂಬೈ ಇಂಡಿಯನ್ಸ್​ ಸೇರಿದ ಪಾಂಡ್ಯ ಹಿಂತಿರುಗಿ ನೋಡಿದ್ದೇ ಇಲ್ಲ. ಟೀಮ್​ ಇಂಡಿಯಾವನ್ನೇ ಮುನ್ನಡೆಸುವಷ್ಟರ ಮಟ್ಟಿಗೆ ಪಾಂಡ್ಯ ಬೆಳೆದಿದ್ದಾರೆ. ಡೆಡಿಕೇಶನ್​, ಹಾರ್ಡ್​​ವರ್ಕ್​ ಜೊತೆಗೆ ಸ್ಪಷ್ಟವಾದ ಗುರಿ ಇದ್ರೆ, ಏನನ್ನ ಬೇಕಾದ್ರೂ ಸಾಧಿಸಬಹುದು ಅನ್ನೋದಕ್ಕೆ ಪಾಂಡ್ಯನೇ ಬೆಸ್ಟ್​ ಎಕ್ಸಾಂಪಲ್​. ಹಾರ್ದಿಕ್​ ಬೆಳದು ಬಂದ ಹಾದಿ ಎಂತವರಿಗೂ ಸ್ಪೂರ್ತಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

Ameeri ho to aisi ho. Hardik Pandya jitna ameer hona hai life me pic.twitter.com/qyHvfkxFWq

— CS Rishabh (Professor) (@ProfesorSahab) June 18, 2023