ಭಾರತ-ವೆಸ್ಟ್​ ಇಂಡೀಸ್​​ 2ನೇ ಏಕದಿನ ಪಂದ್ಯ

1-1 ಅಂತರದಲ್ಲಿ ಏಕದಿನ ಸರಣಿ ಸಮಬಲ

ಕೇವಲ 181 ರನ್​ಗಳಿಗೆ ಭಾರತ ಆಲೌಟ್.​.!

ಟೀಮ್​ ಇಂಡಿಯಾಗೆ ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಸೇವೆ ಸಾಕು ಅಂದವರಿಗೆಲ್ಲಾ ನಿನ್ನೆ ಉತ್ತರ ಸಿಕ್ಕಿದೆ. ಅನುಭವಿಗಳ ಅಲಭ್ಯತೆಯಲ್ಲಿ ಕಣಕ್ಕಿಳಿದ ಯಂಗ್​ ಟೀಮ್​ ನಿನ್ನೆ ಕಂಗಾಲಾಯ್ತು. ಮ್ಯಾಚ್​ ಸಿಚ್ಯುವೇಶನ್​​ ಅನ್ನೇ ಅರ್ಥ ಮಾಡಿಕೊಳ್ಳದೆ ಬ್ಯಾಟ್ಸ್​ಮನ್​ಗಳು ಪೆವಿಲಿಯನ್​ ಪರೇಡ್​ ನಡೆಸಿದ್ರೆ, ಬೌಲರ್​ಗಳು ವಿಕೆಟ್​ ಕಬಳಿಸಲು ಪರದಾಡಿದ್ರು. ಪರಿಣಾಮ ಟೀಮ್​ ಇಂಡಿಯಾ ಸೋಲಿನ ಮುಖಭಂಗ ಅನುಭವಿಸ್ತು.

ಟೀಮ್​ ಇಂಡಿಯಾ ವಿರುದ್ಧದ ಏಕದಿನ ಸರಣಿಯಲ್ಲಿ ವೆಸ್ಟ್​ ಇಂಡೀಸ್​ ಕಮ್​ಬ್ಯಾಕ್​ ಮಾಡ್ತು. ಮೊದಲ ಏಕದಿನದಲ್ಲಿ ಹೀನಾಯ ಸೋಲುಂಡಿದ್ದ ವಿಂಡೀಸ್​​, 2ನೇ ಏಕದಿನದಲ್ಲಿ ಭರ್ಜರಿ ಗೆಲುವು ದಾಖಲಿಸಿತು. 6 ವಿಕೆಟ್​​ಗಳ ಗೆಲುವಿನೊಂದಿಗೆ ಸರಣಿಯಲ್ಲಿ 1-1ರ ಸಮಭಲ ಸಾಧಿಸಿತು.

ಶುಭ್​ಮನ್-ಕಿಶನ್​ ಡಿಸೆಂಟ್​​ ಆರಂಭ

ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಟೀಮ್​ ಇಂಡಿಯಾ ಡಿಸೆಂಟ್​ ಆರಂಭ ಪಡದುಕೊಳ್ತು. ಎಚ್ಚರಿಕೆಯ ಆಟವಾಡಿದ ಶುಭ್​ಮನ್​ ಗಿಲ್​, ಇಶಾನ್​ ಕಿಶನ್​ ಉತ್ತಮ ಆರಂಭ ಒದಗಿಸಿದ್ರು. ಆದ್ರೆ, ಬಿಗ್​ಸ್ಕೋರ್​ಗಳಿಸುವಲ್ಲಿ ಎಡವಿದ ಗಿಲ್​, 34 ರನ್​ಗಳಿಸಿ ನಿರ್ಗಮಿಸಿದ್ರು. ಅರ್ಧಶತಕ ಸಿಡಿಸಿದ ಕಿಶನ್​ 55 ರನ್​ಗಳಿಸಿ ನಿರ್ಗಮಿಸಿದ್ರು.

ಮಿಡಲ್​ ಆರ್ಡರ್​ ಬ್ಯಾಟರ್​ಗಳ ಪೆವಿಲಿಯನ್​ ಪರೇಡ್

ಆರಂಭಿಕರಿಬ್ಬರು ಪೆವಿಲಿಯನ್​ ಸೇರಿದ ಬೆನ್ನಲ್ಲೇ, ಟೀಮ್​ ಇಂಡಿಯಾದ ಪೆವಿಲಿಯನ್​ ಪರೇಡ್​ ಆರಂಭವಾಯ್ತು. ಅಕ್ಷರ್​ ಪಟೇಲ್​, ಹಾರ್ದಿಕ್​ ಪಾಂಡ್ಯ, ಸಂಜು ಸ್ಯಾಮ್ಸನ್​ ಅಲ್ಪ ಮೊತ್ತಕ್ಕೆ ವಿಕೆಟ್​ ಒಪ್ಪಿಸಿದ್ರು. ರವೀಂದ್ರ ಜಡೇಜಾ ಆಟವೂ ವಿಂಡೀಸ್​ ಬೌಲರ್​ಗಳ ಮುಂದೆ ನಡೆಯಲಿಲ್ಲ.

181 ರನ್​ಗಳಿಗೆ ಟೀಮ್​ ಇಂಡಿಯಾ ಆಲೌಟ್​.!

3 ಬೌಂಡರಿ ಸಿಡಿಸಿ ಭರವಸೆ ಹುಟ್ಟು ಹಾಕಿದ ಸೂರ್ಯ ಕುಮಾರ್​ ಯಾದವ್​ ಕೂಡ ನಿರಾಸೆ ಮೂಡಿಸಿದ್ರು. 24 ರನ್​ಗಳಿಗೆ ಸೂರ್ಯನ ಆಟ ಅಂತ್ಯವಾದ್ರೆ, ಶಾರ್ದೂಲ್​ ಠಾಕೂರ್​ 16 ರನ್​ಗಳಿಸಿ ನಿರ್ಗಮಿಸಿದ್ರು. ಉಮ್ರಾನ್​ ಮಲಿಕ್​, ಮುಕೇಶ್​ ಕುಮಾರ್​ ವಿಂಡೀಸ್​ ಬೌಲರ್​ಗಳಿಗೆ ಸವಾಲಾಗಲಿಲ್ಲ. ಅಂತಿಮವಾಗಿ 181 ರನ್​ಗಳಿಗೆ ಟೀಮ್​ ಇಂಡಿಯಾ ಆಲೌಟ್​ ಆಯ್ತು.

ಬ್ಯಾಕ್​ ಟು ಬ್ಯಾಕ್​ ವಿಕೆಟ್​​ ಕಬಳಿಸಿದ ಶಾರ್ದೂಲ್​.!

181 ರನ್​ಗಳ ಸುಲಭದ ಟಾರ್ಗೆಟ್​ ಬೆನ್ನತ್ತಿದ ವೆಸ್ಟ್​ ಇಂಡೀಸ್​​ ಉತ್ತಮ ಆರಂಭ ಪಡೆದುಕೊಳ್ತು. ಉತ್ತಮ ಜೊತೆಯಾಟವಾಡ್ತಿದ್ದ ಕೈಲ್​ ಮೆಯರ್ಸ್​​, ಬ್ರೆಂಡನ್​ ಕಿಂಗ್ ಜೋಡಿಗೆ ಬ್ರೇಕ್​ ಹಾಕುವಲ್ಲಿ ಶಾರ್ದೂಲ್​ ಠಾಕೂರ್​​ ಯಶಸ್ವಿಯಾದ್ರು. 9ನೇ ಓವರ್​​ನಲ್ಲಿ ಆರಂಭಿಕರಿಬ್ಬರಿಗೂ ಶಾರ್ದೂಲ್​ ಗೇಟ್​ಪಾಸ್​ ನೀಡಿದ್ರು. 3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಅಲಿಕ್​ ಅಥನಾಜೆಗೂ ಶಾರ್ದೂಲ್​, ಪೆವಿಲಿಯನ್​ ದಾರಿ ತೋರಿಸಿದ್ರು.

ಕ್ಯಾಪ್ಟನ್​ ಹೋಪ್​​-ಕಾರ್ಟಿ ಛಲದ ಹೋರಾಟ.!

ಬಂದಷ್ಟೇ ವೇಗವಾಗಿ ಶಿಮ್ರಾನ್​ ಹೆಟ್ಮೆಯರ್​ಗೆ ಪೆವಿಲಿಯನ್​ ದಾರಿ ತೋರಿಸುವಲ್ಲಿ ಕುಲ್​ದೀಪ್​ ಯಾದವ್​ ಯಶಸ್ಸಿಯಾದ್ರು. ಆದ್ರೆ, ಆ ಬಳಿಕ ಜೊತೆಯಾದ ನಾಯಕ ಶಾಯ್​ ಹೋಪ್​, ಕೀಸಿ ಕಾರ್ಟಿ ಭಾರತೀಯ ಬೌಲರ್​ಗಳನ್ನ ಕಾಡಿದ್ರು. ಅದ್ಬುತ ಇನ್ನಿಂಗ್ಸ್​​ ಕಟ್ಟಿದ ಹೋಪ್​ ಅರ್ಧಶತಕ ಸಿಡಿಸಿ ಅಬ್ಬರಿಸಿದ್ರೆ, ಕಾರ್ಟಿ ಅಜೇಯ 48 ರನ್​ ಸಿಡಿಸಿದ್ರು. ಅಂತಿಮವಾಗಿ 4 ವಿಕೆಟ್​ ಕಳೆದುಕೊಂಡು 40.5 ಓವರ್​ಗಳಲ್ಲಿ ವಿಂಡೀಸ್​ ಗುರಿ ಮುಟ್ಟಿತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್