​​​ವಿಂಡೀಸ್ ಟಿ20 ಸರಣಿಗೆ ಭಾರತ ತಂಡ ಪ್ರಕಟ

ಅಳೆದ ತೂಗಿ ತಂಡ ಪ್ರಕಟಿಸಿರೋ ಸಲೆಕ್ಷನ್ ಕಮಿಟಿ

ಪವರ್​ ಹಿಟ್ಟರ್​​​​ ತಿಲಕ್ ವರ್ಮಾಗೆ ಫಸ್ಟ್​ ಚಾನ್ಸ್

ಮುಂಬರೋ ವೆಸ್ಟ್​ಇಂಡೀಸ್ ವಿರುದ್ಧದ ಟಿ20 ಸರಣಿಗೆ ಟೀಮ್ ಇಂಡಿಯಾ ಪ್ರಕಟಗೊಂಡಿದೆ. ಆಯ್ಕೆ ಸಮಿತಿ ಬಲಿಷ್ಠ ತಂಡವನ್ನ ಅನೌನ್ಸ್ ಮಾಡಿದೆ. ಹಾಗಾದ್ರೆ ವಿಂಡೀಸ್​​​​​​​​​​ ಟಿ20 ಸರಣಿಯಲ್ಲಿ ಟಿಕೆಟ್​ ಪಡೆದಿರೋ ಆ ಕಲಿಗಳು ಯಾರು?

ಅಜಿತ್ ಅಗರ್ಕರ್​ ಮೊನ್ನೆಯಷ್ಟೇ ಆಯ್ಕೆ ಸಮಿತಿ ಮುಖ್ಯಸ್ಥರಾಗಿ ನೇಮಕಗೊಂಡಿದ್ರು. ಆಗಲೇ ಟೀಮ್ ಇಂಡಿಯಾದ ಇನ್​​ಚಾರ್ಜ್​ ತೆಗೆದುಕೊಂಡಿದ್ದಾರೆ. ಆಗಸ್ಟ್​​ 3 ರಿಂದ ಆರಂಭಗೊಳ್ಳಲಿರುವ ವೆಸ್ಟ್ ​ಇಂಡೀಸ್ ವಿರುದ್ಧದ ಟಿ20 ಸರಣಿಗೆ ಭಾರತ ತಂಡವನ್ನು ಪ್ರಕಟಿಸಲಾಗಿದೆ. ಏಕದಿನ ಮತ್ತು ಟೆಸ್ಟ್​​​ನಂತೆ ಚುಟುಕು ಸರಣಿಯಲ್ಲಿ ಹಿರಿಯರಿಗೆ ಕೊಕ್​ ನೀಡಿ, ಯಂಗ್​ಸ್ಟರ್ಸ್​ ಮಣೆ ಹಾಕಿ ಸರ್​ಪ್ರೈಸ್ ನೀಡಿದ್ದಾರೆ.

ಜುಲೈ 12 ರಿಂದ ವಿಂಡೀಸ್​ ಪ್ರವಾಸ ಆರಂಭಗೊಳ್ಳಲಿದ್ದು, ಜೂನ್​​ 23 ರಂದು ಏಕದಿನ ಮತ್ತು ಟೆಸ್ಟ್​​ ಸರಣಿಗೆ ಏಕಕಾಲಕ್ಕೆ ತಂಡವನ್ನ ಪ್ರಕಟಿಸಲಾಗಿತ್ತು. ಆದರೆ ಟಿ20ಗೆ ತಂಡವನ್ನ ಅನೌನ್ಸ್ ಮಾಡಿರ್ಲಿಲ್ಲ. ಅಗರ್ಕರ್​​ ಚೀಫ್​ ಸೆಲೆಕ್ಟರ್ ಆದ ಮರುದಿನವೇ 15 ಸದಸ್ಯರ ತಂಡವನ್ನ ಪ್ರಕಟಿಸಿ, ಕೆಲ ಆಟಗಾರರಿಗೆ ಶಾಕ್ ನೀಡಿದೆ. ಹಾರ್ದಿಕ್ ಪಾಂಡ್ಯ ನಾಯಕತ್ವದಲ್ಲಿ ಯುವ ಆಟಗಾರರಿಗೆ ಚಾನ್ಸ್ ನೀಡಿ ಭವಿಷ್ಯದಲ್ಲಿ ಯಂಗ್ ಇಂಡಿಯಾ ಕಟ್ಟುವ ಸಂದೇಶ ರವಾನಿಸಿದೆ.

ಟಿ20​ ಸರಣಿಗೆ ಟೀಮ್ ಇಂಡಿಯಾ

• ಹಾರ್ದಿಕ್​ ಪಾಂಡ್ಯ,ಸೂರ್ಯಕುಮಾರ್​​​​ ಯಾದವ್, ಇಶಾನ್ ಕಿಶನ್
• ​​ಸಂಜು ಸ್ಯಾಮ್ಸನ್​​, ಶುಭ್​​ಮನ್ ಗಿಲ್​​, ಯಶಸ್ವಿ ಜೈಸ್ವಾಲ್​​​,
• ತಿಲಕ್ ವರ್ಮಾ, ​​ಅಕ್ಷರ್ ಪಟೇಲ್​​, ಯುಜವೇಂದ್ರ ಚಹಲ್​​
• ಕುಲ್ದೀಪ್​ ಯಾದವ್​, ರವಿ ಬಿಷ್ನೋಯಿ, ಅರ್ಷ್​ದೀಪ್ ಸಿಂಗ್​​
• ಉಮ್ರಾನ್ ಮಲಿಕ್​​, ಆವೇಶ್ ಖಾನ್​​​, ಮುಖೇಶ್​ ಕುಮಾರ್
• ಮತ್ತೆ ಕಿಂಗ್ ಕೊಹ್ಲಿ-ರೋಹಿತ್ ಶರ್ಮಾ ಕಡೆಗಣನೆ

ವಿಂಡೀಸ್ ಟಿ20 ಸರಣಿಗೆ ಪ್ರಕಟಿಸಲಾದ ತಂಡದಲ್ಲಿ ಕಿಂಗ್ ಕೊಹ್ಲಿ ಹಾಗೂ ಕ್ಯಾಪ್ಟನ್ ರೋಹಿತ್ ಶರ್ಮಾರನ್ನ ಮತ್ತೆ ಕಡೆಗಣಿಸಲಾಗಿದೆ. ಅಲ್ಲಿಗೆ ಭವಿಷ್ಯದಲ್ಲಿ ಇಬ್ಬರಿಗೆ ಚಾನ್ಸ್ ನೀಡಲ್ಲ ಅನ್ನೋ ಸ್ಪಷ್ಟ ಸಂದೇಶ ರವಾನಿಸಿದ್ದಾರೆ. ಕೊಹ್ಲಿ-ರೋಹಿತ್ ಜೋಡಿ 2022ರ ಟಿ20 ವಿಶ್ವಕಪ್​ ಬಳಿಕ ತಂಡದಿಂದ ಹೊರಬಿದಿದ್ದಾರೆ.

ಪವರ್​ ಹಿಟ್ಟರ್​​​​ ತಿಲಕ್ ವರ್ಮಾಗೆ ಫಸ್ಟ್​ ಚಾನ್ಸ್

ಸರ್​ಪ್ರೈಸ್​​ ಎಲಿಮೆಂಟ್​​ನಲ್ಲಿ ಐಪಿಎಲ್​ ಸೂಪರ್ ಸ್ಟಾರ್​​​ ತಿಲಕ್ ವರ್ಮಾಗೆ ಮೊದಲ ಬಾರಿ ಟಿ20 ತಂಡದಲ್ಲಿ ಸ್ಥಾನ ನೀಡಲಾಗಿದೆ. ಇನ್ನು ಟೆಸ್ಟ್​​​​ ತಂಡದಲ್ಲಿ ಸ್ಥಾನ ಪಡೆದಿದ್ದ ಯಶಸ್ವಿ ಜೈಸ್ವಾಲ್​ ಹಾಗೂ ವೇಗಿ ಮುಖೇಶ್​​ ಕುಮಾರ್​​​ಗೆ ಚುಟುಕು ತಂಡದಲ್ಲು ಸ್ಥಾನ ನೀಡಲಾಗಿದೆ.

ಸ್ಯಾಮ್ಸನ್​ ಕಮ್​ಬ್ಯಾಕ್​​​, ಜಡೇಜಾಗೆ ರೆಸ್ಟ್​

ಏಕದಿನ ತಂಡದಲ್ಲಿ ಸ್ಥಾನ ಪಡೆದಿದ್ದ ಸಂಜು ಸ್ಯಾಮ್ಸನ್​​​ ಟಿ20ಯಲ್ಲೂ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಕಳೆದ ವರ್ಷ ಶ್ರೀಲಂಕಾ ವಿರುದ್ಧ ಬಿಗ್​ ಹಿಟ್ಟರ್​ ಸ್ಯಾಮ್ಸನ್ ಕೊನೆ ಟಿ20 ಪಂದ್ಯವನ್ನಾಡಿದ್ರು. ಇವರ ಜೊತೆ ರವಿ ಬಿಷ್ನೋಯಿಗೂ ಕಮ್​ಬ್ಯಾಕ್​ ಮಾಡಿದ್ದಾರೆ. ಸ್ಟಾರ್​ ಆಲ್​ರೌಂಡರ್ ರವೀಂದ್ರ ಜಡೇಜಾಗೆ ವಿಂಡೀಸ್ ಟಿ20 ಸರಣಿಯಿಂದ ರೆಸ್ಟ್ ನೀಡಲಾಗಿದೆ. ಇವರ ಜೊತೆ ವೇಗಿ ಮೊಹಮ್ಮದ್ ಶಮಿಗೆ ಆಯ್ಕೆ ಸಮಿತಿ ವಿಶ್ರಾಂತಿ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್