ಈಗಾಗ್ಲೇ ಎಲ್ಲಾ ಕಂಟೆಸ್ಟಂಟ್‌ಗಳು ರೆಡಿ ಎಂದ ಬಿಗ್ ಬಾಸ್‌ ಟೀಮ್‌!

ಶೋಗೂ ಮೊದಲೇ ರಿವೀಲ್​ ಆಗೋ ಆ ಐದು ಸ್ಪರ್ಧಿಗಳಲ್ಲಿ ಯಾರು?

ಕಲರ್ಸ್​ ಕನ್ನಡ ಬ್ಯುಸಿನೆಸ್​ ಹೆಡ್​ ಪ್ರಶಾಂತ್​ ನಾಯಕ್ ಹೇಳಿದ್ದೇನು?

ಕನ್ನಡ ಕಿರುತೆರೆಯ ಬಿಗ್ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್​ 11 ಸಾಕಷ್ಟು ವಿಶೇಷತೆಗಳಿಂದ ಕೂಡಿರಲಿದೆ. ಪ್ರೊಮೋ ಮೂಲಕವೇ ಸೀಸನ್ 11 ಕುತೂಹಲ ಹೆಚ್ಚಿಸಿದೆ. ಇದೀಗ ಶೋ ಬಗ್ಗೆ ಮಹತ್ವದ ಮಾಹಿತಿಗಳನ್ನು ಬಿಗ್‌ಬಾಸ್ ತಂಡ ಹಂಚಿಕೊಂಡಿದೆ.

ಇದನ್ನೂ ಓದಿ: ಬಿಗ್‌ಬಾಸ್‌ ಸೀಸನ್ 11: ಶೋಗೂ ಮೊದಲೇ 5 ಸ್ಪರ್ಧಿಗಳ ಹೆಸರು ಫೈನಲ್‌! ಸ್ವರ್ಗಕ್ಕೆ ಯಾರು? ನರಕಕ್ಕೆ ಯಾರು? 

ಕಲರ್ಸ್​ ಕನ್ನಡ ಬ್ಯುಸಿನೆಸ್​ ಹೆಡ್​ ಪ್ರಶಾಂತ್​ ನಾಯಕ್​ ಅವರು ಮಾತನಾಡಿ ಈಗಾಗ್ಲೇ ಕಂಟೆಸ್ಟಂಟ್​ ಲಿಸ್ಟ್​ ರೆಡಿ ಇದ್ದು ಕಲರ್ಸ್​ ತಂಡ ಮ್ಯಾನೆಜ್​ಮೆಂಟ್​ ಮುಂದೆ ಪ್ರೆಸೆಂಟ್​ ಮಾಡಲಾಗಿದೆ. ಅವರು ಲಿಸ್ಟ್​ ನೋಡಿ ಖುಷಿ ಪಟ್ರು.

ಬಿಗ್‌ಬಾಸ್​ ಇತಿಹಾಸದಲ್ಲೇ ಮೊದಲ ಬಾರಿಗೆ ಶೋಗೂ ಮೊದಲೇ 5 ಜನ ಸ್ಪರ್ಧಿಗಳು ಯಾರು ಅನ್ನೋದನ್ನ ರಿವೀಲ್​ ಮಾಡಲಾಗುತ್ತಿದೆ. ಇದೇ ಶನಿವಾರ ನಡೆಯಲಿರುವ ರಾಜಾರಾಣಿ ಗ್ರ್ಯಾಂಡ್​ ಫಿನಾಲೆಯಲ್ಲಿ ಆ 5 ಸ್ಪರ್ಧಿಗಳು ರಿವೀಲ್​ ಆಗಲಿದ್ದಾರೆ ಎಂದಿದ್ದಾರೆ.

ಸೀಸನ್​ 10ರಂತೆಯೇ ಬಿಗ್‌ ಬಾಸ್ ತಂಡ ವೋಟಿಂಗ್ ಮಾಡೋ ಅಧಿಕಾರವನ್ನು ವೀಕ್ಷಕರ ಕೈಗೆ ಕೊಡಲಾಗಿದೆ. ರಿವೀಲ್​ ಆಗೋ ಆ ಐದು ಸ್ಪರ್ಧಿಗಳಲ್ಲಿ ಯಾರು ಸ್ವರ್ಗಕ್ಕೆ ಹೋಗಬೇಕು. ಯಾರು ನರಕಕ್ಕೆ ಹೋಗಬೇಕು. ಅನ್ನೋದನ್ನ ವೋಟಿಂಗ್​ ಮೂಲಕ ವೀಕ್ಷಕರು ನಿರ್ಧಾರ ಮಾಡುತ್ತಾರೆ. ಅದರಂತೆ ಎರಡು ತಂಡಗಳು ರಚನೆ ಆಗಲಿವೆ ಎಂದು ಕಲರ್ಸ್​ ಕನ್ನಡ ಬ್ಯುಸಿನೆಸ್​ ಹೆಡ್​ ಪ್ರಶಾಂತ್​ ನಾಯಕ್ ಮಾಹಿತಿ ನೀಡಿದ್ದಾರೆ.

ಬಿಗ್​ಬಾಸ್​ ಮನೆ ಯಾರಿಗೆ ಸ್ವರ್ಗ ಆಗಲಿದೆ? ಯಾರಿಗೆ ನರಕದ ದರ್ಶನ ಕಾದಿದೆ ಅಂತ ನೋಡೋಕೆ ಕೇವಲ ಕೆಲವೇ ದಿನಗಳಲ್ಲಿ ರಾಜಾರಾಣಿ ಗ್ರ್ಯಾಂಡ್​ ಫಿನಾಲೆ ವೇದಿಕೆಯಲ್ಲಿ ಗೊತ್ತಾಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ