ಎಲ್ಲರಂತಲ್ಲ ಸಿರಾಜ್, ಯಶಸ್ಸು ಸಾಧಿಸಿದ್ದೇ ರೋಚಕ

ಗುರುವಿನ ವಿಚಾರದಲ್ಲಿ ಮೊಹ್ಮದ್ ಸಿರಾಜ್ ಉಲ್ಟಾ-ಪಲ್ಟಾ

ಸಿರಾಜ್ ಮುಟ್ಟಿದ್ದೆಲ್ಲ ಚಿನ್ನ, 3 ಮಾದರಿಗೂ ನಂಬಿಗಸ್ಥ ಬೌಲರ್

ಮುಂದೆ ಗುರು ಇರಬೇಕು. ಹಿಂದೆ ಗುರಿ ಇರಬೇಕು ಅಂತಾರೆ. ಆದರೆ ಟೀಮ್ ಇಂಡಿಯಾ ಸ್ಟಾರ್ ವೇಗಿ ಮೊಹಮ್ಮದ್​​​ ಸಿರಾಜ್​​​ಗೆ ಈ ಎರಡರಲ್ಲಿ ಇದ್ದಿದ್ದು ಗುರಿ ಮಾತ್ರ. ಗುರು ಅನ್ನೋರೆ ಇಲ್ಲ. ಆದರೂ ಗುರುವಿನ ಗುರುಬಲವಿಲ್ಲದೇ ಸ್ಟಾರ್ ಕ್ರಿಕೆಟರ್ ಆಗಿ ಬೆಳೆದು ನಿಂತಿದ್ದಾರೆ.

ಗುರುವಿನ ಗುಲಾಮನಾಗದೇ ಮುಕ್ತಿ ದೊರಕದಣ್ಣ ಅನ್ನೋ ಮಾತಿದೆ. ಅದು ಹಂಡ್ರೆಂಡ್​​ ಪರ್ಸೆಂಟ್​​​ ಸತ್ಯವು ಕೂಡ. ಆದ್ರೆ ಟೀಮ್ ಇಂಡಿಯಾ ಸ್ಟಾರ್ ಬೌಲರ್​ ಮೊಹಮ್ಮದ್ ಸಿರಾಜ್​​​ ಕಥೆ ಮಾತ್ರೆ ಈ ಮಾತಿಗೆ ತದ್ವಿರುದ್ಧ. ಯಾಕಂದ್ರೆ ಸಿರಾಜ್​​​ ಇಂದು ಏನೇ ಆಗಿದ್ರೂ ಸ್ವಪ್ರಯತ್ನ ಮತ್ತು ಸ್ವ ಛಲದ ಪ್ರತಿಫಲ. ಯಾಕಂದ್ರೆ ಈ ಡೆಡ್ಲಿ ಬೌಲರ್​​​ಗೆ ಇಲ್ಲಿತನಕ ಗುರು ಅನ್ನೋರೇ ಇಲ್ಲ. ಹೌದು, ಇದು ನಿಮಗೆ ಕೇಳೋಕೆ ಅಚ್ಚರಿ ಅನ್ನಿಸಿದ್ರೂ ಸತ್ಯ. ಟೆನಿಸ್​ ಬಾಲ್​​​​ ಕ್ರಿಕೆಟ್​​ನಿಂದಲೇ ಸಿರಾಜ್​ ಜೆರ್ನಿ ಶುರುವಾಯ್ತು.

ಎಲ್ಲರಂತೆ ಅವರಿಗೂ ಕೋಚ್​​​ ಗರಡಿಯಲ್ಲಿ ಬೆಳಿಬೇಕು ಅನ್ನೋ ಆಸೆ ಇತ್ತು. ಆದ್ರೆ ಬಡತನ ಅನ್ನೋ ಹೆಮ್ಮಾರಿ ಆ ಆಸೆಗೆ ಸಣ್ಣ ವಯಸ್ಸಿನಲ್ಲೇ ಕೊಳ್ಳಿ ಇಟ್ಟಿತು. ಆರ್ಥಿಕವಾಗಿ ಸದೃಢವಲ್ಲದ ಸಿರಾಜ್ ಗುರುವಿನ ಮಾರ್ಗದರ್ಶನವಿಲ್ಲದೇ ಬೆಳೆದ್ರು. ತನಗೆ ತಾನೇ ಗುರುವಾದರು.

ಯಾರ ನೆರವಿಲ್ಲದೇ ಸ್ವಾವಲಂಬಿ ಕ್ರಿಕೆಟ್​ ಬದುಕು ಶುರು ಮಾಡಿದ್ರು. ಸ್ವಪ್ರಯತ್ನ ಮತ್ತು ಕ್ರಿಕೆಟ್​​​ ಬಗೆಗಿನ ಬದ್ಧತೆ ಅವರನ್ನ ಕೈಬಿಡಲಿಲ್ಲ. ಗುರುವಿನ ಗುರುಬಲವಿಲ್ಲದೇ 2017 ರಲ್ಲಿ ಟೀಮ್ ಇಂಡಿಯಾಗೆ ಎಂಟ್ರಿಕೊಟ್ರು. ಬಳಿಕ ತಿರುಗಿ ನೋಡಿದ್ದೇ ಇಲ್ಲ. ಮುಟ್ಟಿದ್ದೆಲ್ಲ ಚಿನ್ನ. ಮೂರು ಮಾದರಿಯಲ್ಲಿ ನಂಬಿಗಸ್ಥ ಬೌಲರ್​​ ಆಗಿ ಗುರುತಿಸಿಕೊಂಡಿದ್ದಾರೆ. ಇನ್ನೊಂದು ಇಂಟರೆಸ್ಟಿಂಗ್​​ ಸಂಗತಿ ಏನಂದ್ರೆ ಇಂದು ಘಾತಕ ಸ್ಪೆಲ್ ಮೂಲಕ ರಾರಾಜಿಸ್ತಿರೋ ಈ ಹೈದ್ರಾಬಾದ್ ವೇಗಿ ಬ್ಯಾಟ್ಸ್​​ಮನ್ ಆಗುವ ಕನಸು ಕಂಡಿದ್ರಂತೆ. ಆದ್ರೆ ಕೊನೆಗೆ ಆಗಿದ್ದು ಮಾತ್ರ ಸ್ಟಾರ್ ಬೌಲರ್​​.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ