ಧೋನಿಗೆ ಬಹಳಷ್ಟು ಹೆಸರು ತಂದಿದ್ದ ಹೆಲಿಕಾಪ್ಟರ್​ ಶಾಟ್

ಕ್ರಿಕೆಟ್​ಗೆ ಗುಡ್​ ಬಾಯ್ ಹೇಳಿದ್ರು ಇದರ ಖ್ಯಾತಿ ಕುಗ್ಗಿಲ್ಲ..!

ಫ್ರೆಂಡ್​ ಕಲಿಸಿಕೊಟ್ಟಿದ್ದಕ್ಕೆ ಧೋನಿ ಏನ್ ಕೊಡಿಸಿದ್ರು ಗೊತ್ತಾ?

ಎಂ​​.ಎಸ್​​ ಧೋನಿಯ ಬ್ಯಾಟಿಂಗ್​ ಅಂದ ಕೂಡಲೇ ಎಲ್ಲರಿಗೂ ಹೆಲಿಕಾಪ್ಟರ್‌ ಶಾಟ್​ ನೆನಪಾಗುತ್ತೆ. ವಿಶ್ವ ಕ್ರಿಕೆಟ್​ ಲೋಕಕ್ಕೆ ವಿಭಿನ್ನ ಶಾಟ್​​ ಅನ್ನ ಪರಿಚಯಿಸಿದ ಮಾಂತ್ರಿಕ ಧೋನಿ. ಧೋನಿ ಈ ಹೆಲಿಕಾಪ್ಟನ್​ ಶಾಟ್​​ ಕಲಿತಿದ್ದೇ ರೋಚಕ. ಅದನ್ನ ನೋಡೋಣ ಇವತ್ತಿನ ಸಖತ್​ ಸ್ಟೋರಿಯಲ್ಲಿ.

ಟೀಮ್​ ಇಂಡಿಯಾ ಮಾಜಿ ನಾಯಕ ಎಮ್​.ಎಸ್​ ಧೋನಿ ವಿಶ್ವ ಕ್ರಿಕೆಟ್​ ಲೋಕದ ಮಾಂತ್ರಿಕ ಅಂದ್ರೆ ತಪ್ಪಾಗಲ್ಲ. ತನ್ನ ಸರ್​​ಪ್ರೈಸ್​​ ಕ್ಯಾಪ್ಟೆನ್ಸಿ, ಮಿಂಚಿನ ಕೀಪಿಂಗ್​, ಅತ್ಯದ್ಭುತ ಫಿನಿಷಿಂಗ್​ ಸ್ಕಿಲ್ಸ್​ನಿಂದ ವಿಶ್ವ ಕ್ರಿಕೆಟ್​ ಅಭಿಮಾನಿಗಳನ್ನ ಮಂತ್ರ ಮುಗ್ದಗೊಳಿಸಿದ ಜಾದೂಗಾರ. ಅದರಲ್ಲೂ ಧೋನಿ ಹೆಲಿಕಾಪ್ಟರ್​ ಶಾಟ್​​ಗೆ ಫಿದಾ ಆಗದ ಅಭಿಮಾನಿಗಳೇ ಇಲ್ಲ. ಧೋನಿ ಈ ಶಾಟ್​ ಬಾರಿಸಿದ್ರೆ, ಬಾಲ್​ ಬೌಂಡರಿ ಗೆರೆಯಾಚೆ ಫಿಕ್ಸ್​ ಅನ್ನುವಷ್ಟರ ಮಟ್ಟಿಗೆ ಫ್ಯಾನ್ಸ್​ ಫಿಕ್ಸ್​ ಆಗಿದ್ದಾರೆ.

ವಿಶ್ವ ಕ್ರಿಕೆಟ್​ ಲೋಕಕ್ಕೆ ಈ ಹೆಲಿಕಾಪ್ಟರ್​ ಶಾಟ್​ ಪರಿಚಯಿಸಿದ ಕೀರ್ತಿ ಧೋನಿಗೆ ಸಲ್ಲುತ್ತೆ. ಆದ್ರೆ, ಧೋನಿಗೆ ಈ ಶಾಟ್​ ಕಲಿಸಿದ ಗುರು ಗೆಳೆಯ ಸಂತೋಷ್​​ ಲಾಲ್​. ಈ ಶಾಟ್​ ಸಂತೋಷ್​ ಲಾಲ್​ ಇಟ್ಟಿದ್ದ ಹೆಸರು ಥಪ್ಪಡ್​ ಶಾಟ್​ ಅಂತಾ. ಕ್ರಿಕೆಟ್​​ ಕರಿಯರ್​ನ ಆರಂಭಿಕ ದಿನಗಳಲ್ಲಿ ಸಂತೋಷ್​ ಈ ಶಾಟ್​ ಅನ್ನ ಹೆಚ್ಚಾಗಿ ಬಾರಿಸ್ತಾ ಇದ್ರಂತೆ.. ಇದರಿಂದ ಇಂಪ್ರೆಸ್​ ಆದ ಧೋನಿ ನನಗೂ ಈ ಶಾಟ್​ ಕಲಿಸಿಕೊಡಿ ಎಂದು ಸಂತೋಷ್​​ ಬಳಿ ಕೇಳಿಕೊಂಡಿದ್ರಂತೆ.

ಆಗ ಷರತ್ತು ವಿಧಿಸಿದ್ದ ಸಂತೋಷ್​​, ಸಮೋಸ ಕೊಡಿಸಬೇಕು ಎಂದು ಬೇಡಿಕೆ ಇಟ್ಟು, ಧೋನಿಗೆ ಗುರುವಾಗಿ ಪಾಠ ಮಾಡಿದ್ರಂತೆ. ಸಂತೋಷ್​​ ಲಾಲ್​ ಪಾಠ, ಸತತ ಅಭ್ಯಾಸದಿಂದ ಸ್ಕಿಲ್​ಫುಲ್​ ಶಾಟ್​ ಕಲಿತ ಧೋನಿ, ಇದನ್ನ ಜಗತ್ತಿಗೆ ಪರಿಚಯಿಸಿದ್ರು. ಧೋನಿ ಇಂಟರ್​ನ್ಯಾಷನಲ್​ ಕ್ರಿಕೆಟ್​​ಗೆ ಗುಡ್​ ಬೈ ಹೇಳಿ ವರ್ಷಗಳೇ ಕಳೆದ್ರೂ ಈ ಶಾಟ್​ನ ಖ್ಯಾತಿ ಕುಂದಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ