1985ರಲ್ಲಿ ಮೊದಲ ಬಾರಿಗೆ ಜರ್ಸಿ ತೊಟ್ಟು ಅಖಾಡಕ್ಕಿಳಿದ ಭಾರತ

ಇಂಡಿಯನ್ ಪ್ಲೇಯರ್ಸ್​ ಜರ್ಸಿಗೂ, ತ್ರಿವರ್ಣ ಧ್ವಜಕ್ಕೂ ಇದೆ ಲಿಂಕ್

ಜರ್ಸಿ ವಿನ್ಯಾಸ ಬದಲಾದರು ನೀಲಿ ಬಣ್ಣ ಮಾತ್ರ ಹಾಗೇ ಇದೆ ನೋಡಿ

ಭಾರತೀಯ ಕ್ರಿಕೆಟ್​​ಗೆ 93 ವರ್ಷಗಳ ಇತಿಹಾಸವಿದೆ. ಟೀಮ್ ಇಂಡಿಯಾ ಧರಿಸುವ ನೀಲಿ ಬಣ್ಣದ ಜರ್ಸಿಗೂ ಒಂದು ಹಿಸ್ಟರಿ ಇದೆ. ಅದು ಬಹುತೇಕರಿಗೆ ಗೊತ್ತೇ ಇಲ್ಲ. ಗೊತ್ತಿರದ ಆ ಇನ್​ಸೈಡ್​ ಸ್ಟೋರಿನೇ ಇವತ್ತಿನ ಸಖತ್​ ಸ್ಟೋರಿ.

ಭಾರತ ಕ್ರಿಕೆಟ್​​ ತಂಡ ನೀಲಿ ಬಣ್ಣದ ಜರ್ಸಿ ಯಾಕೆ ಧರಿಸುತ್ತೆ ಈ ಪ್ರಶ್ನೆ ಎಲ್ಲ ಭಾರತೀಯ ಕ್ರೀಡಾಭಿಮಾನಿಗಳನ್ನ ಕಾಡಿರುತ್ತೆ. ಟೀಮ್ ಇಂಡಿಯಾ ನೀಲಿ ಜರ್ಸಿಯನ್ನೇ ತೊಡಲು ಒಂದು ಬಲವಾದ ಕಾರಣವಿದೆ. ಅದೇನು ಅನ್ನೋದು ಗೊತ್ತಾಗಬೇಕಾದ್ರೆ ಭಾರತದ ರಾಷ್ಟ್ರಧ್ವಜವನ್ನ ಒಮ್ಮೆ ನೆನಪಿಸಿಕೊಳ್ಳಬೇಕು.

ಭಾರತದ ರಾಷ್ಟ್ರಧ್ವಜವನ್ನ ತ್ರಿವರ್ಣ ಧ್ವಜ ಎಂದು ಕರೀತಿವಿ. ಕೇಸರಿ, ಬಿಳಿ ಮತ್ತು ಹಸಿರು ಈ 3 ಬಣ್ಣದಿಂದ ಕೂಡಿರೋದಕ್ಕೆ ತ್ರಿವರ್ಣದ ಧ್ವಜ ಎಂಬ ಹೆಸರು ಬಂದಿದೆ. ಆದ್ರೆ, ಮಧ್ಯದಲ್ಲಿರುವ ಅಶೋಕ್​​ ಚಕ್ರದ ನೀಲಿ ವರ್ಣವನ್ನ ಮರೆಯೋಕಾಗುತ್ತಾ? ನಮ್ಮ ಟೀಮ್​ ಇಂಡಿಯಾ ಇದೇ ಬಣ್ಣವನ್ನ ಸ್ಪೂರ್ತಿಯಾಗಿ ತೆಗೆದುಕೊಂಡಿರುವುದು.

24 ಚಕ್ರಗಳಿರುವ ಕಡು ನೀಲಿ ಬಣ್ಣದ ಅಶೋಕ ಚಕ್ರವೇ ಭಾರತದ ಕ್ರಿಕೆಟ್​​​ ತಂಡದ ಸಮವಸ್ತ್ರಕ್ಕೆ ಸ್ಪೂರ್ತಿಯಾಗಿದೆ. 1985 ರಲ್ಲಿ ಟೀಮ್ ಇಂಡಿಯಾದ ಮೊದಲ ಬಾರಿಗೆ ನೀಲಿ ಜರ್ಸಿ ತೊಟ್ಟು ಕ್ರಿಕೆಟ್​ ಆಡಿತು. ಅಲ್ಲಿಂದ ಇಲ್ಲಿತನಕ ಜರ್ಸಿ ಹಲವು ಬದಲಾವಣೆಗಳನ್ನ ಕಂಡಿದೆ. ಒಮ್ಮೆ ಕಡು ನೀಲಿ ಜರ್ಸಿಯಲ್ಲಿ ಆಡಿದ್ರೆ ಮತ್ತೊಮ್ಮೆ ತಿಳಿ ನೀಲಿ ಜರ್ಸಿ ತೊಟ್ಟು ಆಡಿದೆ. ಜರ್ಸಿಯ ವಿನ್ಯಾಸ ಎಷ್ಟೇ ಬದಲಾದರು ಮೂಲ ನೀಲಿ ಬಣ್ಣವನ್ನು ಹಾಗೇ ಉಳಿಸಿಕೊಳ್ಳಲಾಗುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ