ಇತರೆ ಆಟಗಾರರಂತೆ ಅಲ್ಲ, MS ಧೋನಿ

ಭಾರತಾಂಬೆ ಅಂದ್ರೆ ಧೋನಿಗೆ ಅಪಾರ ಪ್ರೀತಿ

ಬ್ಯಾಡ್ಜ್ ಧರಿಸದಿರೋದಕ್ಕೆ ಧೋನಿ ಹೇಳಿದ್ದೇನು?

ಈ ಹಿಂದೆ ಸಚಿನ್​ ತೆಂಡುಲ್ಕರ್​​, ಗೌತಮ್​ ಗಂಭೀರ್​, ವಿರೇಂದ್ರ ಸೆಹ್ವಾಗ್.. ಈಗ ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ.. ಹೀಗೆ ಭಾರತದ ಹಲ ಆಟಗಾರರು ಧರಿಸೋ ಹೆಲ್ಮೆಟ್​ ಮೇಲೆ ನಮ್ಮ ಹೆಮ್ಮೆಯ ತಿರಂಗಾ ಇದೆ. ಆದ್ರೆ ದೇಶಾಭಿಮಾನಿ ಧೋನಿಯ ಹೆಲ್ಮೆಟ್​ ಮೇಲೆ ಇರಲಿಲ್ಲ.

ಮಹೇಂದ್ರ ಸಿಂಗ್ ಧೋನಿಯ ದೇಶಾಭಿಮಾನದ ಬಗ್ಗೆ ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ದೇಶ ಹಾಗೂ ದೇಶದ ಸೇನೆ ಬಗ್ಗೆ ಧೋನಿ ವಿಶೇಷವಾದ ಅಭಿಮಾನ ಹೊಂದಿದ್ದಾರೆ. ಹಿಂದೊಮ್ಮೆ ಟೀಮ್​ ಇಂಡಿಯಾದಿಂದ 2 ತಿಂಗಳ ಕಾಲ ರಜೆ ಪಡೆದಿದ್ದ ಮಹೇಂದ್ರ ಸಿಂಗ್ ಧೋನಿ, 15 ದಿನ ಟೆರಿಟೋರಿಯಲ್ ಆರ್ಮಿ ಬಟಾಲಿಯನ್ ಪ್ಯಾರಾ ಕಮಾಂಡೋ ಯುನಿಟ್​​ನಲ್ಲಿ ಕಾರ್ಯ ನಿರ್ವಹಿಸಿದ್ದರು. ತ್ಯಾಗ ಬಲಿದಾನದ ಬ್ಯಾಡ್ಜ್​ ತೊಟ್ಟು ವಿಶ್ವಕಪ್​ ಪಂದ್ಯವನ್ನು ಆಡಿದ್ರು. ಅಷ್ಟೇ ಏಕೆ.. ಸ್ವಾತಂತ್ರ್ಯ ದಿನದಂದು ತಮ್ಮ ಫಾರ್ಮ್​​ಹೌಸ್​ನಲ್ಲೇ ಫ್ಲ್ಯಾಗ್​ ಹೋಸ್ಟ್​ ಮಾಡಿ ದೇಶ ಪ್ರೇಮ ಮೆರೆದಿದ್ರು.

ಭಾರತ, ಭಾರತಾಂಬೆ ಅಂದ್ರೆ ಧೋನಿ ಅವ್ಯಕ್ತವಾದ ಪ್ರೀತಿಯಿದೆ. ಟೀಮ್​ ಇಂಡಿಯಾದ ಉಳಿದೆಲ್ಲಾ ಕ್ರಿಕೆಟಿಗರು ಹೆಮ್ಮೆಯ ಭಾರತದ ಬಾವುಟದ ಬ್ಯಾಡ್ಜ್​ ಅನ್ನ ಹೆಲ್ಮೆಟ್​​ ಮೇಲೆ ಧರಿಸಿದ್ರೆ, ಧೋನಿಯ ಹೆಲ್ಮೆಟ್​ ಮೇಲೆ ಮಾತ್ರ ತ್ರಿವರ್ಣ ಧ್ವಜದ ಬ್ಯಾಡ್ಜ್​​ ಇಲ್ಲದಾಗಿತ್ತು. ದೇಶಾಭಿಮಾನ ಹೊಂದಿರುವ ಮಾಹಿ, ಬಿಸಿಸಿಐ ಲೋಗೋ ಇರುವ ಹೆಲ್ಮೆಟ್​​​​ನೊಂದಿಗೆ ಮಾತ್ರವೇ ಅಂಗಳಕ್ಕಿಳಿಯುತ್ತಿದ್ದರು.

ಇದ್ಯಾಕೆ ಅನ್ನೋ ಪ್ರಶ್ನೆಗೆ ಧೋನಿ ಉತ್ತರ ರೆಸ್ಪೆಕ್ಟ್​. ವಿಕೆಟ್ ಕೀಪರ್ ಆಗಿ ಕಾರ್ಯ ನಿರ್ವಹಿಸುವ ವೇಳೆ ಹೆಲ್ಮೆಟ್​​ನ ನೆಲದ ಮೇಲೆ ಇಡಬೇಕಾಗುತ್ತದೆ. ತ್ರಿವರ್ಣ ಧ್ವಜ ಬ್ಯಾಡ್ಜ್​ ಹೆಲ್ಮೆಟ್​ ಮೇಲಿದ್ರೆ ರಾಷ್ಟ್ರಧ್ವಜವನ್ನ ನೆಲಕ್ಕಿಟ್ಟಂತೆ ಆಗಲಿದ್ದು, ಅಗೌರವ ತೋರಿದಂತಾಗುತ್ತೆ. ಹೀಗಾಗಿಯೇ ಧೋನಿ ತಿರಂಗಾ ಹೊಂದಿದ್ದ ಹೆಲ್ಮೆಟ್​​ ಧರಿಸಿ ಕಣಕ್ಕಿಳೀತಾ ಇರಲಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್