ನಿಕೋಲಸ್ ಪೂರನ್ ಸದ್ಯ ವೆಸ್ಟ್​ ಇಂಡೀಸ್​ನಲ್ಲಿ ಬಿಗ್ ಹಿಟ್ಟರ್

ಶಿಮ್ರಾನ್ ಹೆಟ್ಮಯರ್ ಎದುರಾಳಿ ಮೇಲೆ ಸೈಲೆಂಟ್​​ ಫೈಟಿಂಗ್..!

ಬೌಲಿಂಗ್​ನಿಂದ ಕೆರಿಬಿಯನ್​ ಪಡೆಯನ್ನು ಕಟ್ಟಿ ಹಾಕಲೇಬೇಕು

ಟೆಸ್ಟ್​ ಹಾಗೂ ಏಕದಿನ ಸರಣಿ ಗೆದ್ದ ಟೀಮ್ ಇಂಡಿಯಾಗೆ, ಈಗ ಟಿ20 ಸರಣಿ ಗೆಲ್ಲೋ ತವಕ. ಅತ್ತ ಸೋತ ವಿಂಡೀಸ್​ಗೆ ಟಿ20ಯಲ್ಲಿ ಗೆಲ್ಲೋ ಛಲ. ಆದ್ರೆ, ಟೆಸ್ಟ್​ ಹಾಗೂ ಏಕದಿನ ಸರಣಿ ಗೆದ್ದಿರೋ ಟೀಮ್ ಇಂಡಿಯಾಗೆ ಟಿ20 ಸಿರೀಸ್​​​​, ನಿಜಕ್ಕೂ ಅಗ್ನಿಪರೀಕ್ಷೆಯ ಕಣ.

ಏಕದಿನ ಸರಣಿ ಏನೋ ಮುಗೀತು. ಇಂದಿನಿಂದ ಅಸಲಿ ಟಿ20 ಗೇಮ್ ಶುರುವಾಗ್ತಿದೆ. ಪ್ರಯೋಗಗಳ ನಡುವೆ ಏಕದಿನ ಸರಣಿ ಗೆದ್ದಿರೋ ಟೀಮ್ ಇಂಡಿಯಾಗೆ, ಟಿ20ಯಲ್ಲಿ ರಿಯಲ್ ಚಾಲೆಂಜ್​ ಎದುರಾಗ್ತಿದೆ. ಅದರಲ್ಲೂ ಟಿ20 ಫಾರ್ಮೆಟ್​​ನ ಮೋಸ್ಟ್​​ ಡೇಂಜರಸ್ ಟೀಮ್​​ ವೆಸ್ಟ್ ಇಂಡೀಸ್​​. ಬರೀ ಟಿ20 ಸ್ಪೆಷಲಿಸ್ಟ್​​​​​​​​​​​​​​​​​​​ ಆ್ಯಂಡ್ ಗೇಮ್​ ಚೇಂಜರ್​ಗಳಿಂದಲೇ ಕೂಡಿರುವ ವಿಂಡೀಸ್ ತಂಡದಲ್ಲಿ, ಸಿಂಗಲ್​ ಹ್ಯಾಂಡ್​ನಲ್ಲೇ ಪಂದ್ಯ ಗೆಲ್ಲಿಸಿಕೊಡುವ ದೈತ್ಯರಿದ್ದಾರೆ. ಹೀಗಾಗಿ ಕರಿಬಿಯನ್ನರನ್ನರ ಎದುರು ಗೆಲ್ಲೋದು ಸುಲಭದ ಮಾತೇ ಅಲ್ಲ.

ಯಂಗ್ ಇಂಡಿಯಾಗೂ ಕಾದಿದೆ ಆಪತ್ತು..!

ಇತ್ತಿಚೆಗಷ್ಟೇ ಮೇಜರ್ ಲೀಗ್ ಕ್ರಿಕೆಟ್​ನಲ್ಲಿ ರೌದ್ರವತಾರ ಪ್ರದರ್ಶಿಸಿರುವ ನಿಕೋಲಸ್ ಪೂರನ್, ಟಿ20 ತಂಡದಲ್ಲಿದ್ದಾರೆ. ಮೇಜರ್ ಲೀಗ್​ ಕ್ರಿಕೆಟ್​ನ ಫೈನಲ್​​ನಲ್ಲಿ ಜಸ್ಟ್​ 55 ಎಸೆತಗಳಲ್ಲೇ ಬರೋಬ್ಬರಿ 13 ಸಿಕ್ಸರ್​, 10 ಬೌಂಡರಿ ಒಳಗೊಂಡ ಅಜೇಯ 137 ರನ್ ಸಿಡಿಸಿದ್ದ ಈ ಬಿಗ್ ಹಿಟ್ಟರ್, ಟೀಮ್ ಇಂಡಿಯಾಗೂ ಅಪಾಯಕಾರಿ ಆಗೋದ್ರಲ್ಲಿ ಡೌಟೇ ಇಲ್ಲ.

ಕ್ಷಣಾರ್ಧದಲ್ಲಿ ಪಂದ್ಯವನ್ನ ಕಸಿದುಕೊಳ್ಳುವ ಗೇಮ್​ ಚೇಂಜರ್​​ ಪೂರನ್, ರೆಟ್ ಹಾಟ್​ ಫಾರ್ಮ್​ನಲ್ಲಿದ್ದಾರೆ. ಇವರಷ್ಟೇ ಅಲ್ಲ, ಪೂರನ್ ಜೊತೆಗೆ ತಂಡದಲ್ಲಿರೋ ನಾಲ್ವರು ಪಾಂಡ್ಯ ಪಡೆಯ ಪಾಲಿಗೆ ದುಸ್ವಪ್ನವೇ ಆಗಲಿದ್ದಾರೆ. ಹಾಗಾದ್ರೆ, ಯಂಗ್ ಇಂಡಿಯಾಗೆ ನಿದ್ದೆಯಲ್ಲಿ ಕಾಡೋ ಆ ಅಪಾಯಕಾರಿಗಳೂ ಯಾಱರು?.

ಹೆಟ್ಮಯರ್ ರೊಚ್ಚಿಗೆದ್ರೆ ಖೇಲ್ ಖತಂ ಗ್ಯಾರಂಟಿ..!

ಶಿಮ್ರಾನ್ ಹೆಟ್ಮಯರ್, ಸೈಲೆಂಟ್ ಕಿಲ್ಲರ್.. ಸ್ಲೋ ಪಾಯಿಸನ್​ನಂತೆ ಎದುರಾಳಿ ಮೇಲೆ ಮುಗಿಬೀಳುವ ಈ ಮರಿ ಗೇಲ್, ಏಕದಿನ ಫಾರ್ಮೆಟ್​​ನಲ್ಲಿ ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್ ನೀಡಿಲ್ಲ. ಆದ್ರೆ, ಟಿ20 ಎಂಬ ಚುಟುಕು ಸಮರದಲ್ಲಿ ಈತನ ತಡೆಯೋದು ಅಷ್ಟು ಸುಲಭವಲ್ಲ. ಅದರಲ್ಲೂ ಒಮ್ಮೆ ರೊಚ್ಚಿಗೆದ್ದರೆ, ಎದುರಾಳಿ ಖಲ್ಲಾಸ್ ಆಗೋದು ಫಿಕ್ಸ್​.

ಪೊವೆಲ್​​​ ‘ಪವರ್​ ಕಟ್​​’​ ಮಾಡೋದ್ಯಾರು..?

ರೋವನ್ ಪೊವೆಲ್, ಪವರ್​​ ಹಿಟ್ಟಿಂಗ್​ಗೆ ಈತನೇ ಹೆಸರುವಾಸಿ. ಈತನ ಬಿಗ್ ಶಾಟ್ಸ್​​ಗಳಿಗೆ ಎದುರಾಳಿ ಬೌಲರ್​ಗಳು ದಿಕ್ಕೆಟ್ಟು ಹೋಗ್ತಾರೆ. ಹೀಗಾಗಿ ಟೀಮ್ ಇಂಡಿಯಾ ಫಿನಿಷರ್ ಪೊವೆಲ್​​​ ಪವರ್ ಕಟ್​ ಮಾಡ್ಬೇಕಿದೆ.

ಕೈಲ್​ ಮೈಯರ್ಸ್​ಗೆ​ ಬ್ರೇಕ್​ ಹಾಕಬೇಕು..!

ಕೈಲ್​ ಮೈಯರ್ಸ್.. ಆರಂಭದಿಂದಲೇ ಹೊಡಿಬಡಿ ಆಟಕ್ಕೆ ಮುಂದಾಗುವ ಈತ, ಪವರ್​ ಪ್ಲೇನಲ್ಲಿ ಪವರ್​ ಸ್ಟೋಕ್​​ಗಳಿಂದಲೇ ರನ್​ ಕೊಳ್ಳೆ ಹೊಡೆಯುತ್ತಾರೆ. ಸ್ಪಿನ್ ಹಾಗೂ ವೇಗದ ಬೌಲಿಂಗ್​ ಎದುರು ಸುಲಭವಾಗಿ ರನ್​ ಗಳಿಸೋ ಈತನಿಗೆ ಆರಂಭದಲ್ಲೇ ಬ್ರೇಕ್​ ಹಾಕಬೇಕು. ಇಲ್ಲ ಟೀಮ್ ಇಂಡಿಯಾಗೆ ಪಂಚ್​ ನೀಡೋದು ಗ್ಯಾರಂಟಿ.

ಶೆಫರ್ಡ್ ಶಟರ್​ ಮಾಡಬೇಕು ಕ್ಲೋಸ್​​..?

ರೊಮಾರಿಯೋ ಶೆಫರ್ಡ್, ಬೌಲಿಂಗ್​ನಲ್ಲಿ ಕಾಡುವ ಈತ, ಲೋವರ್ ಆರ್ಡರ್​ನಲ್ಲಿ ಮೋಸ್ಟ್​ ಡೇಂಜರಸ್. ತಾನು ಬ್ಯಾಟ್ ಬೀಸಿರುವ 12 ಇನ್ನಿಂಗ್ಸ್​ಗಳಲ್ಲಿ 6 ಬಾರಿ ನಾಟೌಟ್ ಆಗಿ ನಿಂತಿರೋ ಈತ, 24 ಸಿಕ್ಸರ್​, 10 ಬೌಂಡರಿ ಕೊಳ್ಳೆ ಹೊಡೆದಿದ್ದಾರೆ. ಜಸ್ಟ್​ 286 ರನ್ ಗಳಿಸಿರೋ ಈತ, 160ರ ಸ್ಟ್ರೈಕ್​​ರೇಟ್​​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಹೀಗಾಗಿ ಟಾಪ್ ಆ್ಯಂಡ್ ಮಿಡಲ್ ಆರ್ಡರ್​ ವೈಫಲ್ಯ ಅನುಭವಿಸಿದ್ರು. ಲೋವರ್ ಆರ್ಡರ್​ನಲ್ಲಿ ಗೇಮ್ ಫಿನಿಷ್ ಮಾಡಬಲ್ಲ ತಾಕತ್ತಿದೆ ಅನ್ನೋದನ್ನ ಬಿಡಿಸಿ ಹೇಳಬೇಕಿಲ್ಲ.

ಅದೇನೇ ಆಗಲಿ.. ಇಂದಿನ ಕದನ ಯಂಗ್ ಇಂಡಿಯಾ ವರ್ಸಸ್​ ಟಿ-ಟ್ವೆಂಟಿ ಸ್ಪೆಷಲಿಸ್ಟ್​ಗಳ ಕಾಳಗವಾಗಿ ಬಿಂಬಿತವಾಗಿದ್ದು, ಅಂತಿಮವಾಗಿ ಯಾರು ಮೇಲುಗೈ ಸಾಧಿಸ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ