500ನೇ ಪಂದ್ಯದಲ್ಲಿ 21ನೇ ಎಸೆತಕ್ಕೆ ಮೊದಲ ರನ್​ ಗಳಿಸಿದ ಕೊಹ್ಲಿ

ಅವಿಸ್ಮರಣೀಯ ಪಂದ್ಯದಲ್ಲಿ ಅದ್ಭುತ ಅರ್ಧಶತಕ ಶತಕದ ಹಾದಿ.!

ಮೊದಲ ದಿನದಾಟದಲ್ಲಿ ಬೊಂಬಾಟ್​ ಆಟ ಆಡಿದ ವಿರಾಟ್​ ಕೊಹ್ಲಿ

500ನೇ ಅಂತಾರಾಷ್ಟ್ರೀಯ ಪಂದ್ಯವನ್ನಾಡ್ತಿರೋ ಕಿಂಗ್​ ಕೊಹ್ಲಿ ಅವಿಸ್ಮರಣೀಯ ಸಾಧನೆ ಮಾಡೋ ಹೊಸ್ತಿಲಲ್ಲಿದ್ದಾರೆ. ಜಸ್ಟ್​​ 13 ರನ್​ ಸಿಡಿಸಿದ್ರೆ, ಬರೋಬ್ಬರಿ 1678 ದಿನಗಳ ಇಂದೇ ಬ್ರೇಕ್​ ಬೀಳಲಿದೆ. 2ನೇ ಟೆಸ್ಟ್​ನ ಮೊದಲ ದಿನದಾಟದಲ್ಲಿ ಕೊಹ್ಲಿ 2.O ದರ್ಶನವೂ ಆಗಿದೆ. ಟ್ರಿನಿಡಾಡ್​​ನಲ್ಲಿ ಕೊಹ್ಲಿಯ ಬೊಂಬಾಟ್​ ಆಟ ಹೇಗಿತ್ತು..?

ವಿಂಡೀಸ್​​ ವಿರುದ್ಧದ 2ನೇ ಟೆಸ್ಟ್​ನಲ್ಲಿ ಕಣಕ್ಕಿಳಿಯೋದ್ರೊಂದಿಗೆ ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​ ವಿರಾಟ್​ ಕೊಹ್ಲಿ, 500ನೇ ಅಂತರಾಷ್ಟ್ರೀಯ ಪಂದ್ಯವನ್ನಾಡಿದ ಸಾಧನೆ ಮಾಡಿದ್ರು. ಈ ಮೂಲಕ ಭಾರತೀಯ ಕ್ರಿಕೆಟ್​ ಕಂಡ ದಿಗ್ಗಜ ಆಟಗಾರರ ಪಟ್ಟಿಗೆ ಸೇರ್ಪಡೆಯಾದರು.

1,678 ದಿನಗಳ ಕೊರಗಿಗೆ ಇಂದೇ ಬ್ರೇಕ್​..?

ಕೊಹ್ಲಿಯ ಕರಿಯರ್​ನಲ್ಲಿ ಕಳೆದ ಕೆಲ ವರ್ಷಗಳಿಂದ ಡೌನ್​ಫಾಲ್​ ಶುರುವಾಗಿದೆ. ಫಾರ್ಮ್​ ಸಮಸ್ಯೆ, ಶತಕದ ಬರ, ಸಾಲು ಸಾಲು ಟೀಕೆಗಳು. ಕೊಹ್ಲಿ ಸುತ್ತ ಗಿರಕಿ ಹೊಡೆದಿವೆ. ಈಗ ಫಾರ್ಮ್​ಗೆ ಬಂದಾಗಿದೆ. ಶತಕದ ಬರಕ್ಕೂ ಬ್ರೇಕ್​ ಹಾಕಿ ಆಗಿದೆ. ಆದ್ರೆ, ವಿದೇಶದಲ್ಲಿ ಸೆಂಚೂರಿ ಸಿಡಿಸಿಲ್ಲ ಅನ್ನೋ ಕೊರಗು ಬರೋಬ್ಬರಿ 1,678 ದಿನದಿಂದ ಕಾಡ್ತಿದೆ. ಅದಕ್ಕೆ ಇಂದೇ ಬ್ರೇಕ್​ ಬೀಳುವ ಸಾಧ್ಯತೆ ದಟ್ಟವಾಗಿದೆ.

500ನೇ ಪಂದ್ಯದಲ್ಲಿ ವಿರಾಟ್​ 2.O ದರ್ಶನ.!

ಈ ಹಿಂದಿನ 499 ಪಂದ್ಯಗಳಲ್ಲಿ ಕಂಡ ಕೊಹ್ಲಿಯೇ ಬೇರೆ ನಿನ್ನೆಯ ದಿನದಾಟದಲ್ಲಿ ಕಂಡ ಕೊಹ್ಲಿಯೇ ಬೇರೆ. ಅಗ್ರೆಸ್ಸಿವ್​ ಆ್ಯಟಿಟ್ಯೂಡ್​​ನ ಕಿಂಗ್​ ಕೊಹ್ಲಿ ಕಂಪ್ಲೀಟ್​ ಮಾಯವಾಗಿದರು. ಮೈದಾನಕ್ಕಿಳಿದ ಆರಂಭದಿಂದ ದಿನದಾಟದ ಅಂತ್ಯವರೆಗೂ ತಾಳ್ಮೆಯ ಮಂತ್ರ ಪಠಿಸಿದರು.

21ನೇ ಎಸೆತಕ್ಕೆ ಮೊದಲ ರನ್​..!

ಅಚ್ಚರಿಯಾದ್ರು ಇದೇ ಸತ್ಯ. ಪಂದ್ಯದಲ್ಲಿ ಶುಭ್​ಮನ್​ ಗಿಲ್​ ನಿರ್ಗಮನದ ಬಳಿಕ ರಾಜಗಾಂಭಿರ್ಯದಲ್ಲಿ ಕಣಕ್ಕಿಳಿದ ಕೊಹ್ಲಿ, ಮೊದಲ ರನ್​ಗಳಿಸಿದ್ದು ಬರೋಬ್ಬರಿ 21ನೇ ಎಸೆತಕ್ಕೆ. ಒಳ್ಳೆಯ ಎಸೆತಗಳನ್ನ ರೆಸ್ಪೆಕ್ಟ್​​ ಮಾಡಿದ ಕೊಹ್ಲಿ, ಒಂದೇ ಒಂದು ಅನಗತ್ಯ ಶಾಟ್​​ ಬಾರಿಸೋಕೆ ಕೈ ಹಾಕಲಿಲ್ಲ. 21ನೇ ಎಸೆತದಲ್ಲಿ ಪರ್ಫೆಕ್ಟ್​​ ಸ್ಟೈಟ್​ ಡ್ರೈವ್​ ಬಾರಿಸಿದ ಕೊಹ್ಲಿ, ಬೌಂಡರಿ ಮೂಲಕ ಮೊದಲ ರನ್​ಗಳಿಸಿದರು.

ಮನಮೋಹಕ ಕವರ್​ ಡ್ರೈವ್​, ಖಾತೆಗೆ 2ನೇ ಬೌಂಡರಿ.!

ಕವರ್​​ ಡ್ರೈವ್​ ಕೊಹ್ಲಿಗೆ ಪಂಚಪ್ರಾಣ. ಆದ್ರೆ, ಇತ್ತೀಚೆಗೆ ಅದೇ ವೀಕ್​ನೆಸ್​​ ಆಗಿ ಬದಲಾಗಿದ್ರಿಂದ ಕೊಹ್ಲಿ, ರಿಸ್ಕ್​ ತೆಗೆದುಕೊಳ್ಳೋಕೆ ಹಿಂಜರಿತಾ ಇದಾರೆ. ನಿನ್ನೆಯ ದಿನದಾಟದಲ್ಲೂ ವಿರಾಟ್​, ಪೇಶನ್ಸ್​ನಿಂದ ಸುಮ್ಮನಿದ್ರು. ಆದ್ರೆ, ಮನಸ್ಸು ತಡೀಬೇಕಲ್ಲ. 45.2ನೇ ಓವರ್​ನಲ್ಲಿ ಮನಮೋಹಕ ಬೌಂಡರಿ ಬಾರಿಸೇ ಬಿಟ್ರು.

ಮೊದಲ 2 ಬೌಂಡರಿ ಸಿಡಿಸಿದ ಬಳಿಕ ಕೊಹ್ಲಿ ಗೇರ್​​ ಚೇಂಜ್​ ಮಾಡಿದ್ರು. 21ನೇ ಎಸೆತಕ್ಕೆ ಅಕೌಂಟ್​ ಓಪನ್​ ಮಾಡಿದ ಕೊಹ್ಲಿ, ಆ ಬಳಿಕ ಎದುರಿಸಿದ 23 ಎಸೆತಗಳಲ್ಲಿ 18 ರನ್​ ಸಿಡಿಸಿದರು.

ಅವಿಸ್ಮರಣೀಯ ಪಂದ್ಯದಲ್ಲಿ ಅದ್ಭುತ ಅರ್ಧಶತಕ

ಟೀ ಬ್ರೇಕ್​ ಬಳಿಕ ಕೊಹ್ಲಿ ಮತ್ತಷ್ಟು ವೇಗವಾಗಿ ಬ್ಯಾಟ್​ ಬೀಸಿದರು. 96 ಎಸೆತಗಳಲ್ಲೆ ಹಾಫ್​ ಸೆಂಚೂರಿ ಪೂರೈಸಿ, 500ನೇ ಪಂದ್ಯವನ್ನ ಮತ್ತಷ್ಟು ಅವಿಸ್ಮರಣೀಯಗೊಳಿಸಿಕೊಂಡ್ರು.

ದಿನದ ಅಂತ್ಯಕ್ಕೆ ಅಜೇಯ, ಶತಕ ಸಿಡಿಸೋ ಹಂಬಲ.!

500ನೇ ಅಂತರಾಷ್ಟ್ರೀಯ ಪಂದ್ಯದಲ್ಲಿ ಸಾಲಿಡ್​ ಬ್ಯಾಟಿಂಗ್​ ನಡೆಸಿರುವ ವಿರಾಟ್​ ಕೊಹ್ಲಿ ಶತಕ ಸಿಡಿಸೋ ಹೊಸ್ತಿಲಲ್ಲಿದ್ದಾರೆ. ಮೊದಲ ದಿನದ ಅಂತ್ಯಕ್ಕೆ 87 ರನ್​ಗಳಿಸಿರೋ ಕೊಹ್ಲಿಯ ಶತಕಕ್ಕೆ ಕೇವಲ 13 ರನ್​ಗಳು ಮಾತ್ರ ಬೇಕು. ಗುಡ್​​ ಟಚ್​ನಲ್ಲಿರೋ ಕೊಹ್ಲಿಗೆ ಇದು ಅಸಾಧ್ಯದ ವಿಚಾರವೇನಲ್ಲ. ಎಚ್ಚರಿಕೆಯ ಆಟವಾಡಿ ವಿರಾಟ್​ ಶತಕ ಸಾಧನೆ ಮಾಡಲಿ ಅನ್ನೋದೆ ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ