ಸರಣಿ ಕ್ಲೀನ್​ಸ್ವೀಪ್​ ಮಾಡುವ ತವಕದಲ್ಲಿ ರೋಹಿತ್ ಪಡೆ..!

4ನೇ ದಿನದಾಟದಲ್ಲಿ ಆಬ್ಬರದ ಬ್ಯಾಟಿಂಗ್, ಕಿಶನ್ ಅರ್ಧಶತಕ

ಕೆರಿಬಿಯನ್​ರ​ ತಾಳ್ಮೆ ಆಟಕ್ಕೆ ಬ್ರೇಕ್ ಹಾಕಿದ ಸ್ಪಿನ್ನರ್​ ಅಶ್ವಿನ್

ಇಂಡೋ- ವಿಂಡೀಸ್​ ನಡುವಿನ ಟ್ರಿನಿಡಾಡ್​ ಟೆಸ್ಟ್​ ಫೈಟ್ ಕುತೂಹಲ ಘಟ್ಟ ತಲುಪಿದೆ. ಬೌಲಿಂಗ್​ -ಬ್ಯಾಟಿಂಗ್​ ಎರಡರಲ್ಲೂ ಆರ್ಭಟಿಸಿರುವ ಟೀಮ್​ ಇಂಡಿಯಾ ಸರಣಿ ಕ್ಲೀನ್​​ಸ್ವೀಪ್​ ಮಾಡೋ ತವಕದಲ್ಲಿದೆ. ಹಾಗಾದ್ರೆ, 4ನೇ ದಿನದಾಟದಲ್ಲಿ ಟೀಮ್​ ಇಂಡಿಯಾ ಪರ್ಫಾಮೆನ್ಸ್​ ಹೇಗಿತ್ತು.? ಇಲ್ಲಿದೆ ಹೈಲೆಟ್ಸ್​​

ಭಾರತ- ವೆಸ್ಟ್​ ಇಂಡೀಸ್​ ನಡುವಿನ 2ನೇ ಟೆಸ್ಟ್​ ಪಂದ್ಯ ಕುತೂಹಲದ ಘಟ್ಟ ತಲುಪಿದೆ. ಪಂದ್ಯದಲ್ಲಿ ಮೇಲುಗೈ ಸಾಧಿಸಿರುವ ಟೀಮ್​ ಇಂಡಿಯಾ ಗೆಲ್ಲೋ ಹಾಟ್​ ಫೇವರಿಟ್​ ಎನಿಸಿದೆ. ಆದ್ರೆ, ಡಿಫೆನ್ಸಿವ್​ ಮೂಡ್​​ಗೆ ಶಿಫ್ಟ್​ ಆಗಿರೋ ವೆಸ್ಟ್​ ಇಂಡೀಸ್​​ ಡ್ರಾ ಮಾಡಿಕೊಳ್ಳಲು ಹರಸಾಹಸ ಪಡ್ತಿದೆ.

7.4 ಓವರ್​, 5 ವಿಕೆಟ್​, ವಿಂಡೀಸ್​ ಉಡೀಸ್​..!

5 ವಿಕೆಟ್​​ ನಷ್ಟಕ್ಕೆ 229 ರನ್​ಗಳೊಂದಿಗೆ 4ನೇ ದಿನದಾಟ ಆರಂಭಿಸಿದ ವೆಸ್ಟ್​ ಇಂಡೀಸ್​ ತಂಡದ ಟೀಮ್​ ಇಂಡಿಯಾ ದಾಳಿಗೆ ನಲುಗಿತು. ಮೊಹಮ್ಮದ್​ ಸಿರಾಜ್​, ಮುಖೇಶ್​ ಕುಮಾರ್​ ದಾಳಿಗೆ ತತ್ತರಿಸಿದ ವಿಂಡೀಸ್​ ಆಟಗಾರರು ಬ್ಯಾಕ್​ ಟು ಬ್ಯಾಕ್​ ಪೆವಿಲಿಯನ್​ ಸೇರಿದರು. ಕೇವಲ 7.4 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು ಆಲೌಟ್​ ಆಯ್ತು. ಕೆರಬಿಯನ್ನರನ್ನ ಮೊದಲ ಇನ್ನಿಂಗ್ಸ್​ನಲ್ಲಿ 255 ರನ್​ಗಳಿಗೆ ಕಟ್ಟಿ ಹಾಕಿದ ಟೀಮ್​ ಇಂಡಿಯಾ, 183 ರನ್​ಗಳ ಲೀಡ್​ ಪಡೆದುಕೊಳ್ತು.

ರೋಹಿತ್​ -ಜೈಸ್ವಾಲ್​ ಆರ್ಭಟ, ವಿಂಡೀಸ್​ ತತ್ತರ.!

ವಿಂಡೀಸ್​ ಆಲೌಟ್​ ಆದ ಬಳಿಕ 2ನೆ ಇನ್ನಿಂಗ್ಸ್​ ಆರಂಭಿಸಿದ ಟೀಮ್​ ಇಂಡಿಯಾಗೆ ರೋಹಿತ್​ ಶರ್ಮಾ, ಯಶಸ್ವಿ ಜೈಸ್ವಾಲ್​ ಬೊಂಬಾಟ್​ ಓಪನಿಂಗ್​ ನೀಡಿದ್ರು. ಟಿ20 ಸ್ಟೈಲ್​ನಲ್ಲಿ ಬ್ಯಾಟ್​ ಬೀಸಿದ ರೋಹಿತ್​ ಅರ್ಧಶತಕ ಸಿಡಿಸಿ ಔಟಾದ್ರೆ, ಜೈಸ್ವಾಲ್ 38 ರನ್​ಗಳ ಕಾಣಿಕೆ ನೀಡಿದ್ರು.

ಟೆಸ್ಟ್​ನಲ್ಲಿ ಕಿಶನ್​ ಚೊಚ್ಚಲ ಅರ್ಧಶತಕ.!

3ನೇ ವಿಕೆಟ್​​ಗೆ ಜೊತೆಯಾದ ಶುಭ್​ಮನ್​ ಗಿಲ್​, ಇಶಾನ್​ ಕಿಶನ್​ ರನ್​ವೇಗವನ್ನ ಮತ್ತಷ್ಟು ಹೆಚ್ಚಿಸಿದ್ರು. 4 ಬೌಂಡರಿ, 2 ಸಿಕ್ಸರ್​ ಸಿಡಿಸಿ ಕಿಶನ್​ ಟೆಸ್ಟ್​ನಲ್ಲಿ ಚೊಚ್ಚಲ ಅರ್ಧಶತಕ ಸಿಡಿಸ್ತಿದ್ದಂತೆ, ರೋಹಿತ್​ ಶರ್ಮಾ ಡಿಕ್ಲೇರ್​​ ಘೋಷಿಸಿದ್ರು. 2ನೇ ಇನ್ನಿಂಗ್ಸ್​ನಲ್ಲಿ ಟೀಮ್​ ಇಂಡಿಯಾ 2 ವಿಕೆಟ್​ ನಷ್ಟಕ್ಕೆ 181 ರನ್​ಗಳಿಸಿತು.

ವಿಂಡೀಸ್​ ತಾಳ್ಮೆಯ ಆಟಕ್ಕೆ ಅಶ್ವಿನ್​ ಗುನ್ನ..!

365 ರನ್​ಗಳ ಬೃಹತ್​ ಟಾರ್ಗೆಟ್​ ಪಡೆದ ವಿಂಡೀಸ್​​ ತಾಳ್ಮೆಯ ಆಟದ ಮೊರೆ ಹೋಯ್ತು. ಆದ್ರೆ, ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಬಳಿಸಿದ ಅಶ್ವಿನ್​, ವಿಂಡೀಸ್​ಗೆ ಶಾಕ್​ ನೀಡಿದ್ರು. ನಾಯಕ ಕ್ರೇಗ್​ ಬ್ರಾಥ್​ವೇಟ್​, ಕ್ರಿಕ್​ ಮೆಕೆಂಝಿ ಅಶ್ವಿನ್​ ಸ್ಪಿನ್​ ಮೋಡಿಗೆ ಬಲಿಯಾದ್ರು.

ಆರಂಭಿಕನಾಗಿ ಕಣಕ್ಕಿಳಿದ ತೇಜ್​ನರೈನ್​ ಚಂದ್ರಪಾಲ್​ ಡಿಫೆನ್ಸಿವ್​ ಮೂಡ್​ನಲ್ಲಿ ಬ್ಯಾಟಿಂಗ್​ ನಡೆಸ್ತಿದ್ದಾರೆ. ಚಂದ್ರಪಾಲ್​ಗೆ ಬ್ಲಾಕ್​ವುಡ್​ ಸಾಥ್​ ನೀಡ್ತಿದ್ದು, ದಿನದಾಟದ ಅಂತ್ಯಕ್ಕೆ ವಿಂಡೀಸ್​ 2 ವಿಕೆಟ್​ ನಷ್ಟಕ್ಕೆ 76 ರನ್​ಗಳಿಸಿದೆ. ಇಂದಿನ ದಿನದಾಟದಲ್ಲಿ ವಿಂಡೀಸ್​ ಗೆಲುವಿಗೆ 289 ರನ್​ ಬೇಕಿದ್ರೆ, ಭಾರತಕ್ಕೆ 8 ವಿಕೆಟ್​ಗಳಿ ಬೇಕಿವೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ