ಟೀಂ ಇಂಡಿಯಾದ ಇಂತಹ ಯಡವಟ್ಟುಗಳಿಗೆ ಯಾರು ಹೊಣೆ?

ಕೋಟ್ಯಾಂತರ ಅಭಿಮಾನಿಗಳ ಪ್ರಶ್ನೆಗಳಿಗಾದರು ಬಿಸಿಸಿಐ ದಂಡ ತೆರುತ್ತಾ?

ವಿಂಡೀಸ್ ವಿರುದ್ಧ ಅಶ್ವಿನ್ ಹಲವು ದಾಖಲೆ, ನೆಕ್ಸ್ಟ್​​​ ಟಾರ್ಗೆಟ್​ ಏನು?

2021-23 ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್​ನ ಫೈನಲ್​ ಪಂದ್ಯದಲ್ಲಿ ಭಾರತ ತಂಡ ಹೀನಾಯವಾಗಿ ಸೋಲು ಕಂಡಿತು. ಲಂಡನ್​ನಲ್ಲಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ರೋಹಿತ್​ ಪಡೆ ಮುಗ್ಗರಿಸಿರುವುದಕ್ಕೆ ಹಲವು ಕಾರಣಗಳಿರಬಹುದು. ಆದರೆ ಟೆಸ್ಟ್​ ಪಂದ್ಯಕ್ಕೆ ಮುಖ್ಯವಾಗಿ ಬೇಕಾಗಿದ್ದ ಚೆನ್ನೈ ಎಕ್ಸ್​ಪ್ರೆಸ್​, ಆಫ್​ ಸ್ಪಿನ್ನರ್​ ರವಿಚಂದ್ರನ್​ ಅಶ್ವಿನ್​ರನ್ನು ಆಯ್ಕೆ ಮಾಡಿರಲಿಲ್ಲ. ಇದು ಸೋಲಿಗೆ ಬಹುದೊಡ್ಡ ಕಾರಣ ಎಂದು ಈ ಹಿಂದೆಯೇ ಟೀಕೆಗಳು ವ್ಯಕ್ತವಾಗಿದ್ದವು. ಮಾತ್ರವಲ್ಲ ಇದನ್ನು ಸ್ವತಃ ಅಶ್ವಿನ್​ ಅವರೇ ಖಂಡಿಸಿದ್ದರು. ಸದ್ಯ ವಿಶ್ವ ಟೆಸ್ಟ್ ಮುಗಿದಿರುವ ಅಧ್ಯಯನವಾದರೂ ಆಶ್ವಿನ್​ರ ವಿಶಿಷ್ಟ ಸಾಧನೆಗಳು ಈಗ ಬಿಸಿಸಿಐಗೆ ಮನವರಿಕೆ ಮಾಡಿಕೊಡುತ್ತಿವೆ.

ವೆಸ್ಟ್ ಇಂಡೀಸ್​ ವಿರುದ್ಧ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತ ಕೇವಲ ಮೂರೇ ದಿನಕ್ಕೆ ಅಮೋಘವಾದ ಗೆಲುವು ಪಡೆಯಿತು. ತಂಡದಲ್ಲಿದ್ದ ಹಲವರ ಕೊಡುಗೆ ಸ್ಮರಿಸುವುದರ ಜೊತೆ ಇಲ್ಲಿ ಆರ್​.ಅಶ್ವಿನ್​ ದಾಖಲೆಗಳು ದ್ರಾಕ್ಷಿಗಳಂತೆ ಗೊಂಚು ಗೊಂಚಾಲಾಗಿ ಕಾಣುತ್ತಿವೆ. ಕೆರಿಬಿಯನ್​ರನ್ನು ಕಟ್ಟಿ ಹಾಕುವಲ್ಲಿ ಅಶ್ವಿನ್​ ಸ್ಪಿನ್ ಬಾಲ್​ ಸಖತ್​ ಆಗಿಯೇ ಫಲ ತಂದುಕೊಟ್ಟಿತು. ಏಕೆಂದರೆ ಈ ಟೆಸ್ಟ್​ನಲ್ಲಿ ಚೆನ್ನೈ ಎಕ್ಸ್​ಪ್ರೆಸ್​ ಬರೋಬ್ಬರಿ 12 ವಿಕೆಟ್​ಗಳನ್ನು ಉರುಳಿಸುವುದರ ಜೊತೆಗೆ ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆಸಿಕೊಂಡರು. ಅಲ್ಲದೇ ಈ ಟೆಸ್ಟ್​ಗೂ ಮೊದಲು 697 ವಿಕೆಟ್​ಗಳನ್ನು ಪಡೆದುಕೊಂಡಿದ್ದ ಅಶ್ವಿನ್​ ಮೊದಲ ಇನ್ನಿಂಗ್ಸ್​ನಲ್ಲಿ 5 ವಿಕೆಟ್​ ಪಡೆಯುವುದರೊಂದಿಗೆ 700 ವಿಕೆಟ್​ಗಳ ಗಡಿ ದಾಟಿದರು.

 

ಅನಿಲ್​ ಕುಂಬ್ಳೆ ಸಾಧನೆ ಹಿಂದಿಕ್ಕುವವರೇ ಅಶ್ವಿನ್​..?

ಟೆಸ್ಟ್​ ಮ್ಯಾಚ್​ಗಳಲ್ಲಿ 8 ಬಾರಿ 10 ವಿಕೆಟ್​​ಗಳನ್ನು ಅನಿಲ್​ ಕುಂಬ್ಳೆ ಅವರು ಮಾತ್ರ ಭಾರತದಲ್ಲಿ ಪಡೆದಿದ್ದಾರೆ. ಸದ್ಯ ಆರ್​.ಅಶ್ವಿನ್​ ಕೂಡ 8 ಬಾರಿ 10 ವಿಕೆಟ್​​ಗಳನ್ನು ಉರುಳಿಸುವ ಮೂಲಕ ಕುಂಬ್ಳೆ ಸರಿಸಮನಾಗಿ ಸಾಧನೆ ಮಾಡಿದಂತೆ ಆಯಿತು. ಇನ್ನು, ಅಶ್ವಿನ್​ ಆಡುತ್ತಿರುವ ಕಾರಣ ಈ ದಾಖಲೆ ಸದ್ಯದಲ್ಲೇ ಬ್ರೇಕ್ ಮಾಡಬಹುದು.

ಸದ್ಯದಲ್ಲೇ ಹರ್ಭಜನ್​ ಸಿಂಗ್​ ರೆಕಾರ್ಡ್​ ಬ್ರೇಕ್..!

700 ವಿಕೆಟ್​ಗಳನ್ನು ಕೆಡವಿದ ವಿಶ್ವದ 16ನೇ ಟೆಸ್ಟ್​ ಆಟಗಾರ ಎಂದು ಅಶ್ವಿನ್​ ಪಾತ್ರರಾದರು. ಭಾರತದಲ್ಲಿ 700 ವಿಕೆಟ್​ಗಳನ್ನು ಉರುಳಿಸಿದ 3ನೇ ಸ್ಪಿನ್ನರ್ ಎನಿಸಿಕೊಂಡರು. ಅಶ್ವಿನ್​ 709 ವಿಕೆಟ್​ ಉರುಳಿಸಿದ್ದು ಮುಂದಿನ ಪಂದ್ಯದಲ್ಲಿ ಹರ್ಭಜನ್​ ಸಿಂಗ್​ 711 ವಿಕೆಟ್​ಗಳ ದಾಖಲೆ ಉಡೀಸ್​ ಮಾಡಬಹುದು. ಕುಂಬ್ಳೆ ಬರೋಬ್ಬರಿ 956 ವಿಕೆಟ್​ ಉರುಳಿಸಿ ಭಾರತದ ಆಟಗಾರರ ಪೈಕಿ ಅಗ್ರ ಸ್ಥಾನದಲ್ಲಿದ್ದಾರೆ. ಅಶ್ವಿನ್ ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ 2 ಇನ್ನಿಂಗ್ಸ್‌ನಲ್ಲಿ ಪ್ರತ್ಯೇಕವಾಗಿ 5-ವಿಕೆಟ್‌ಗಳನ್ನು ಪಡೆದ ಭಾರತದ ಮೊದಲ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಶೇನ್​ ವಾರ್ನ್​ ದಾಖಲೆ ಉಡೀಸ್​ ಮಾಡ್ತಾರಾ ಚೆನ್ನೈ ಎಕ್ಸ್​ಪ್ರೆಸ್​

ಟೆಸ್ಟ್​ ಪಂದ್ಯದಲ್ಲಿ ಐದೈದು ವಿಕೆಟ್​ಗಳನ್ನು 34 ಬಾರಿ ಅಶ್ವಿನ್​ ಪಡೆದುಕೊಂಡಿದ್ದಾರೆ. ಇದರಿಂದ ಜೇಮ್ಸ್​ ಆಂಡ್ರೆಸನ್​ (32 ಬಾರಿ) ದಾಖಲೆ ಸರಿಗಟ್ಟಿದರು. ಇನ್ನು 5 ವಿಕೆಟ್​ಗಳನ್ನು ಅತೀ ಹೆಚ್ಚು ಬಾರಿ ಪಡೆದವರೆಂದರೆ ಶ್ರೀಲಂಕಾದ ಮುತ್ತಯ್ಯ ಮುರುಳೀಧರ್ ಅವರು ಒಟ್ಟು 67 ಬಾರಿ ಐದೈದು ವಿಕೆಟ್​ಗಳನ್ನು ಉರುಳಿಸಿದ್ದಾರೆ. ಇವರ ನಂತರ 2ನೇ ಸ್ಥಾನದಲ್ಲಿ ಆಸೀಸ್​ನ ಶೇನ್ ವಾರ್ನ್ 37 ಬಾರಿ​ ಐದೈದು ವಿಕೆಟ್​ಗಳನ್ನು ಪಡೆದಿದ್ದರು. ಕನ್ನಡಿಗ ಕುಂಬ್ಳೆ 35 ಬಾರಿ ಐದೈದು ವಿಕೆಟ್ಸ್​ ಪಡೆದು 4ನೇ ಸ್ಥಾನದಲ್ಲಿದ್ದಾರೆ. ಈ ರೆಕಾರ್ಡ್​​ ಅನ್ನು ಅಶ್ವಿನ್​ ಸದ್ಯದಲ್ಲೇ ಬ್ರೇಕ್ ಮಾಡಬಹುದು.

ವಿಶ್ವದ ಸ್ಪಿನ್ನರ್ಸ್​​​ರಲ್ಲಿ 700 ವಿಕೆಟ್​ ಪಡೆದವರ ಸ್ಟ್ರೈಕ್​ ರೇಟ್​ನಲ್ಲಿ ಅಶ್ವಿನ್​ 46 ಸರಾಸರಿ ಹೊಂದಿದ್ದಾರೆ. 271 ಪಂದ್ಯಗಳಲ್ಲಿ 702 ವಿಕೆಟ್​ಗಳನ್ನು ಪಡೆದು ​ 46 ಸ್ಟ್ರೈಕ್​ ರೇಟ್​ ಪಡೆದಿದ್ದಾರೆ. ಇದರಲ್ಲಿ ಅಶ್ವಿನ್​ ನಂತರ ಮುತ್ತಯ್ಯ ಮುರುಳೀಧರ್ ಸ್ಥಾನ ಪಡೆದಿದ್ದಾರೆ. ಇನ್ನು ವೆಸ್ಟ್​ ಇಂಡೀಸ್​ ವಿರುದ್ಧ 12 ಪಂದ್ಯಗಳಲ್ಲಿ ಅಶ್ವಿನ್​ 65 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. ಸರಾಸರಿ 21.09 ಇದ್ದು 83 ರನ್​ಗೆ 7 ವಿಕೆಟ್​ ಪಡೆದಿರುವುದು ಕೆರಿಬಿಯನ್​ರ ವಿರುದ್ಧ ಬೆಸ್ಟ್​ ವಿಕೆಟ್​ ಟೇಕರ್ ಆಗಿದ್ದಾರೆ. ಇದಲ್ಲದೇ 5 ವಿಕೆಟ್​ಗಳ ಗೊಂಚಲನ್ನು ಐದು ಬಾರಿ ಇವರ ವಿರುದ್ಧವೇ ಪಡೆದಿರುವುದು ಇಲ್ಲಿ ಇನ್ನೊಂದು ವಿಶೇಷ ಎಂದು ಹೇಳಬಹುದು.

ವಿಶೇಷ ವರದಿ: ಭೀಮಪ್ಪ, ಡಿಜಿಟಲ್​ ಡೆಸ್ಕ್​, ನ್ಯೂಸ್​ ಫಸ್ಟ್​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

2nd 5-wicket haul in the ongoing Test 👍

34th 5-wicket haul in Test 👌

8th 10-wicket haul in Tests 👏

Well done, R Ashwin 🙌 🙌

Follow the match ▶️ https://t.co/FWI05P4Bnd #TeamIndia | #WIvIND pic.twitter.com/u9dy3t0TAd

— BCCI (@BCCI) July 14, 2023