ರಾತ್ರಿ ನಡೆದ ಭೀಕರ ಕೃತ್ಯಕ್ಕೆ ಬೆಚ್ಚಿಬಿದ್ದ ದೆಹಲಿ ಜನ

ಡಿಲಿವರಿ ಬಾಯ್​ಗೆ ಚಾಕುವಿನಿಂದ ಇರಿದ ಮಹಿಳೆ

ಚಾಕುವಿನಿಂದ ಇರಿದ ಮಹಿಳೆ ಯಾರು? ಕಾರಣವೇನು?

ನವದೆಹಲಿ: ಅಡ್ರೆಸ್​​ ಕೇಳುವ ನೆಪದಲ್ಲಿ ಬಂದ ಮಹಿಳೆ ಡೆಲಿವರಿ ಬಾಯ್​ಗೆ ಚಾಕುವಿನಿಂದ ಇರಿದು ಹಲ್ಲೆ ಮಾಡಿರೋ ಘಟನೆ ದೆಹಲಿಯಲ್ಲಿ ನಡೆದಿದೆ. ದ್ವಾರಕಾದ ಸೆಕ್ಟರ್ 23 ಎಂಬಲ್ಲಿ ಈ ಕೃತ್ಯ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ.

ಕಳೆದ ಶುಕ್ರವಾರ ರಾತ್ರಿ ಡಿಲಿವರಿ ಬಾಯ್​​ ಓರ್ವ ಸ್ಕೂಟರ್​​ ಮೇಲೆ ಕೂತಿದ್ದ. ಆಗ ಮಹಿಳೆ ಡೆಲಿವರಿ ಬಾಯ್​​ಗೆ ಅಡ್ರೆಸ್​​ ಕೇಳಲು ಮುಂದಾದಳು. ಈ ವೇಳೆ ಡೆಲಿವರಿ ಬಾಯ್​​ ಮಾತಾಡಿಸಲು ಹಿಂದೆ ತಿರುಗಿದಾಗ ಮಹಿಳೆ ಕೂಡಲೇ ಚಾಕುವಿನಿಂದ ಆತನ ಕುತ್ತಿಗೆಗೆ ಇರಿದಿದ್ದಾಳೆ. ಜತೆಗೆ ಡೆಲಿವರಿ ಬಾಯ್ ಸ್ಕೂಟರ್‌ ಕೀಯನ್ನು ತೆಗೆದು ಎಸೆಯುತ್ತಾಳೆ. ಈ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಇನ್ನು, ಡೆಲಿವರಿ ಬಾಯ್​ ನೆರವಿಗೆ ಧಾವಿಸಿದ ಸ್ಥಳೀಯರನ್ನು ಕೂಡ ಮಹಿಳೆ ನೂಕುತ್ತಾಳೆ. ಹಾಗೆಯೇ ಸೈಕೋ ರೀತಿ ಸ್ಕೂಟರ್​​ ಟೈರಿಗೂ ಹಲವು ಬಾರಿ ಚಾಕುವಿನಿಂದ ಇರಿಯುತ್ತಾಳೆ. ಯಾರಾದ್ರೂ ಆಕೆಯನ್ನು ಹಿಡಿದುಕೊಳ್ಳಲು ಮುಂದಾದರೆ ಚಾಕು ತೋರಿಸಿ ಬೆದರಿಕೆ ಹಾಕುತ್ತಾಳೆ.

ಜನ ವಿಷಯ ತಿಳಿಸುತ್ತಿದ್ದಂತೆಯೇ ಘಟನಾ ಸ್ಥಳಕ್ಕೆ ಬಂದ ಪೊಲೀಸರು ಮಹಿಳೆಯಿಂದ ಚಾಕು ಕಸಿದುಕೊಳ್ಳುತ್ತಾರೆ. ಆಗಲೂ ಒಂದು ಕೋಲಿನಿಂದ ಪೊಲೀಸ್​​ ಮತ್ತು ಸ್ಥಳೀಯರ ಕಾರುಗಳ ಮೇಲೆ ದಾಳಿ ನಡೆಸಿ ವಿಚಿತ್ರವಾಗಿ ನಡೆದುಕೊಳ್ಳುತ್ತಾಳೆ.

ಸದ್ಯ ಪೊಲೀಸ್ರು ಕೇಸ್​ ದಾಖಲಿಸಿಕೊಂಡು ಆಕೆಯನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. 42 ವರ್ಷದ ಈ ಮಹಿಳೆ ಫ್ಲಾಟ್​ನಲ್ಲಿ ರೆಂಟ್​ಗೆ ಇದ್ದು, ಎಲ್ಲರೊಂದಿಗೆ ಜಗಳ ಮಾಡುತ್ತಲೇ ಇರುತ್ತಾಳೆ ಎಂದಿದ್ದಾರೆ ಸ್ಥಳೀಯರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ