ಲ್ಯಾಂಪ್​​ ಖರೀದಿಗಾಗಿ ಐಕಿಯಾಗೆ ಹೋದ ಯುವತಿ

500 ರೂ. ಲ್ಯಾಂಪ್​ ಬಿಟ್ಟು ಮತ್ತೆಲ್ಲಾ ಖರೀದಿ ಮಾಡಿದ್ರು

ದೊಡ್ಡ ಲಿಸ್ಟ್​​ ಇರೋ ಬಿಲ್​ ನೋಡಿದ್ರೆ ಶಾಕ್​ ಆಗ್ತೀರಾ!

ಹೈದರಾಬಾದ್​: ಭಾರತದ ಅತೀ ದೊಡ್ಡ ಮಾರಾಟ ಮಳಿಗೆ ಐಕಿಯಾ. ಐಕಿಯಾ ರಾಷ್ಟ್ರ ರಾಜಧಾನಿ ದೆಹಲಿ, ಬೆಂಗಳೂರು, ಚೆನ್ನೈ, ಹೈದರಾಬಾದ್ ಸೇರಿದಂತೆ ಮುಂಬೈನಂತಹ ಮಹಾನಗರಗಳಲ್ಲಿ ಇದೆ. ಫರ್ನೀಚರ್‌ ದೈತ್ಯ ಐಕಿಯಾವನ್ನು ನೋಡಲು ಸಿಟಿ ಮಂದಿ ಯಾವಾಗಲೂ ಮುಗಿ ಬೀಳುತ್ತಾರೆ. ಎಲ್ಲಾ ಐಕಿಯಾ ಶೋ ರೂಮ್​ಗಳಲ್ಲೂ ಗೃಹೋಪಯೋಗಿ ವಸ್ತುಗಳು ಸಿಗುತ್ತವೆ. ವಿಶೇಷ ಎಂದರೆ ಇಂತಹ ಮಾರಾಟ ಮಳಿಗೆಗೆ ಕೇವಲ ಲ್ಯಾಂಪ್​​ ತರಲು ಎಂದು ಹೋದ ಯುವತಿಯೊಬ್ಬರು ಅಡ್ವೆಂಚರ್ ಮಾಡಿರೋ ಸ್ವಾರಸ್ಯಕರ ಘಟನೆಯೊಂದು ನಡೆದಿದೆ.

ಯೆಸ್​​, ಈಕೆ ಹೆಸರು ಸಮೀರಾ. ಮೂಲತಃ ಹೈದರಾಬಾದಿನವರು. ಸದ್ಯ ಖಾಸಗಿ ಕಂಪನಿಯೊಂದರಲ್ಲಿ ಟೀಂ ಲೀಡ್​ ಆಗಿರೋ ಸಮೀರಾ ಗೋವಾದಲ್ಲಿ ಗೋಲ್ಡ್​​ ಸ್ಪಾಟ್​ ಎಂಬ ಕೆಫೆ ಹೊಂದಿದ್ದಾರೆ. ಐಕಿಯಾ ಶೋ ರೂಮ್​​ನಲ್ಲಿ ನಡೆದ ತನ್ನ ಅಡ್ವೆಂಚರಸ್​​ ಅಂಡ್​​ ಸ್ವಾರಸ್ಯಕರ ಘಟನೆ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.

Went to IKEA to buy ONE lamp.
Forgot to buy the lamp. pic.twitter.com/drnz1hi7wb

— Sameera (@sameeracan) August 10, 2023

ಈ ಸಂಬಂಧ ಟ್ವೀಟ್​ ಮಾಡಿರೋ ಸಮೀರಾ, ನಾನು ಲ್ಯಾಂಪ್​ ಖರೀದಿ ಮಾಡಲು ಹೋಗಿದ್ದೆ. ಲ್ಯಾಂಪ್​​ ಹೊರತು ಸಾಕಷ್ಟು ವಸ್ತುಗಳ ಖರೀದಿ ಮಾಡಿದ್ದೇನೆ. ಆದರೆ, ಕೊನೆಗೆ ಲ್ಯಾಂಪ್​​ ಪರ್ಚೇಸ್​ ಮಾಡೋದೆ ಮರೆತು ಹೋದೆ ಎಂದು ಬರೆದು ದೊಡ್ಡ ಲಿಸ್ಟ್​ ಇರೋ ಬಿಲ್​​ವೊಂದು ಪೋಸ್ಟ್​ ಮಾಡಿದ್ದಾರೆ.

ಜನ ಸಮೀರಾ ಪೋಸ್ಟ್​ಗೆ ಭಿನ್ನಭಿನ್ನವಾಗಿ ಕಾಮೆಂಟ್​ ಮಾಡಿದ್ದಾರೆ. ನಮಗೂ ಆಗಾಗ ಈ ರೀತಿ ಆಗುತ್ತದೆ. ಐಕಿಮಾ, ಡಿಮಾರ್ಟ್​ಗೆ ಹೋದಾಗ ನಮಗೆ ಬೇಕಾದ ವಸ್ತು ಬಿಟ್ಟು ಎಲ್ಲವನ್ನು ಖರೀದಿ ಮಾಡುತ್ತೇವೆ ಎಂದು ಕೆಲವರು ಕಾಮೆಂಟ್​ ಮಾಡಿದ್ರೆ, ಇನ್ನು ಹಲವರು ರಿಚ್​ ಪೀಪಲ್​ ಪ್ರಾಬ್ಲಮ್​ ಎಂದು ವ್ಯಂಗ್ಯವಾಡಿದ್ದಾರೆ. ಸದ್ಯ ಈ ಪೋಸ್ಟ್​ ಸೋಷಿಯಲ್​ ಮೀಡಿಯಾದಲ್ಲಿ ಭಾರೀ ವೈರಲ್​ ಆಗಿದೆ. ಕೇವಲ 500 ರೂ. ಲ್ಯಾಂಪ್​​ ಖರೀದಿ ಮಾಡಲು ಹೋದ ಸಮೀರಾ ಕೊನೆಗೆ ಬರುವಾಗ ಅದನ್ನು ಬಿಟ್ಟು ಲಕ್ಷಗಟ್ಟಲೇ ಮೌಲ್ಯದ ಇತರೆ ವಸ್ತುಗಳನ್ನು ಶಾಪಿಂಗ್​ ಮಾಡಿ ಬಂದಿದ್ದು ಮಾತ್ರ ಗಮನಾರ್ಹ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ