ಭಾರತೀಯ ಪಿಚ್​​ನಲ್ಲಿ ಕೆರಳಿ ನಿಲ್ತಾರೆ ವಾರ್ನರ್​​​-ಸ್ಮಿತ್​​​..!

ಮಿಚೆಲ್ ಸ್ಟಾರ್ಕ್​-ಜಂಪಾ ಭಾರತಕ್ಕೆ ಸದಾ ದುಸ್ವಪ್ನ

ಪ್ರಬಲ ಆಸಿಸ್​​​​ ಮಟ್ಟಹಾಕಲು ಹೇಗಿರ್ಬೇಕು ಪ್ಲಾನ್​​..?

ಒನ್ಡೇ ವಿಶ್ವಕಪ್​​​ಗೆ ವೇದಿಕೆ ಸಜ್ಜಾಗಿದೆ. ಇತಿಹಾಸ ನಿರ್ಮಿಸಲು ಉಭಯ ತಂಡಗಳು ರೆಡಿಯಾಗಿವೆ. 12 ವರ್ಷಗಳ ಬಳಿಕ ಭಾರತ ಚರಿತ್ರೆ ಸೃಷ್ಟಿಸಲು ಹವಣಿಸ್ತಿದೆ. ಆದರೆ ಅಂದುಕೊಂಡಷ್ಟು ಸುಲಭವಿಲ್ಲ. ಪಕ್ಕಾ ಪ್ಲಾನ್​​​ ಮತ್ತು ಸ್ಟ್ರಾಟಜಿ ರೂಪಿಸೋದು ಅತ್ಯಗತ್ಯ. ಎಸ್ಪೆಶಲಿ ಇವರನ್ನ ಕಟ್ಟಿಹಾಕಿದ್ರೆ ಮಾತ್ರ ಟೀಮ್ ಇಂಡಿಯಾದ ಟ್ರೋಫಿ ಕನಸು ನನಸಾಗಲು ಸಾಧ್ಯ.

ಭಾರತ ವರ್ಸಸ್​​​ ಆಸ್ಟ್ರೇಲಿಯಾ!. ಏಕದಿನ ವಿಶ್ವಕಪ್​​ನ ಫೈನಲಿಸ್ಟ್ಸ್​​​​​​​. ಪ್ರಶಸ್ತಿ ರೇಸ್​​ನಲ್ಲಿ ತಾಕತ್ತಿನ ಪ್ರದರ್ಶನಕ್ಕೆ ಸಜ್ಜಾಗಿವೆ. ಫೈನಲ್​​ ಆರಂಭಕ್ಕೆ ಜಸ್ಟ್​​​​​​ 29 ಗಂಟೆಗಳಷ್ಟೇ ಬಾಕಿ ಇದ್ದು, ಭಾರತೀಯ ಅಭಿಮಾನಿಗಳ ಎದೆಬಡಿತ ಹೆಚ್ಚಿಸಿದೆ. ಟೂರ್ನಿಯಲ್ಲಿ ಅಜೇಯ ಆಟ ಮುಂದುವರಿಸಿರುವ ಭಾರತಕ್ಕೆ ಫೈನಲ್​​​​​​ ಗೆಲುವಂತೂ ಸುಲಭವಿಲ್ಲ. ಶಕ್ತಿಮೀರಿ ಹೋರಾಟ ನಡೆಸಲೇಬೇಕಿದೆ.

ಪ್ರಬಲ ಆಸಿಸ್​​​​ ಮಟ್ಟಹಾಕಲು ಹೇಗಿರ್ಬೇಕು ಪ್ಲಾನ್​​..?

ಆಸ್ಟ್ರೇಲಿಯಾ ವಿಶ್ವಕಪ್​​​​ನ ಬೀಷ್ಮ..ಐದು ಬಾರಿ ಚಾಂಪಿಯನ್​ ತಂಡ. ಇವರನ್ನ ಬಿಟ್ರೆ ಮತ್ಯಾವ ತಂಡವೂ ಇಷ್ಟೊಂದು ಸಲ ಟ್ರೋಫಿ ಗೆದ್ದಿಲ್ಲ. ಇಂತಹ ದೈತ್ಯ ತಂಡವನ್ನ ಮಟ್ಟಹಾಕಲು ಭಾರತಕ್ಕಿರೋದು ಒಂದೇ ದಾರಿ. ಅದುವೇ ಐವರ ಟಾರ್ಗೆಟ್​​​. ಈ ಪಂಚಪಾಂಡವರನ್ನ ಕಟ್ಟಿಹಾಕಲು ರೋಹಿತ್ ಪಡೆ ಸೂಕ್ತ ಸ್ಟ್ರಾಟಜಿ ಹಣಿಯಬೇಕಿದೆ. ಯಾಕಂದ್ರೆ ಈ ಐವರು ಸದಾ ಭಾರತಕ್ಕೆ ಇನ್ನಿಲ್ಲದಂತೆ ಕಾಡಿದ್ದಾರೆ. ಸಂಡೇವಾರ್​ನಲ್ಲಿ ಭಾರತಕ್ಕೆ ಅದಕ್ಕೆ ಆಸ್ಪದ ಕೊಡದೇ, ಬಹುಬೇಗನೆ ಖೆಡ್ಡಾಗೆ ಬೀಳಸಬೇಕಿದೆ.

ಭಾರತೀಯ ಪಿಚ್​​ನಲ್ಲಿ ಕೆರಳಿ ನಿಲ್ತಾರೆ ವಾರ್ನರ್​​​-ಸ್ಮಿತ್​​​..!

ಡೇವಿಡ್ ವಾರ್ನರ್ ಹಾಗೂ ಸ್ಟೀವ್ ಸ್ಮಿತ್​ಗೆ ಇಂಡಿಯನ್​ ಪಿಚ್​​ಗಳಂದ್ರೆ ಸಾಕು ಕೆರಳಿ ನಿಲ್ತಾರೆ. ಅದ್ರಲ್ಲೂ ಭಾರತ ಎದುರಾಳಿ ಅಂದ್ರಂತೂ ಮುಗಿದೇ ಹೋಯ್ತು. ರನ್ ಭರಾಟೆ ನಡೆಸದೇ ಪೆವಿಲಿಯನ್​​ ಸೇರಲ್ಲ.

ಏಕದಿನದಲ್ಲಿ ಭಾರತ ವಿರುದ್ಧ ವಾರ್ನರ್​​​-ಸ್ಮಿತ್​ 

ವಾರ್ನರ್​​ ಸ್ಟೀವ್ ಸ್ಮಿತ್
26 ಪಂದ್ಯ 28
1215 ರನ್​​​ 1306
50.62 ಎವರೇಜ್​​​ 54.51
03/09 100/50 05/06

ಭಾರತ ವಿರುದ್ಧ 26 ಏಕದಿನ ಪಂದ್ಯವನ್ನಾಡಿರೋ ಡೇವಿಡ್ ವಾರ್ನರ್​ 56.62 ಎವರೇಜ್​ನಲ್ಲಿ 1215 ರನ್ ಬಾರಿಸಿದ್ದಾರೆ. 3 ಶತಕ ಹಾಗೂ 9 ಅರ್ಧಶತಕ ಮೂಡಿ ಬಂದಿವೆ. ಇನ್ನು ಸ್ಟೀವ್ ಸ್ಮಿತ್​​ 28 ಪಂದ್ಯವಾಡಿ 54.51 ಎವರೇಜ್​​ನಲ್ಲಿ 1306 ರನ್ ಕೊಳ್ಳೆ ಹೊಡೆದಿದ್ದಾರೆ. 5 ಸೆಂಚುರಿ ಬಾರಿಸಿದ್ರೆ 6 ಹಾಫ್​​ಸೆಂಚುರಿ ಬಾರಿಸಿದ್ದಾರೆ.

ನೋಡಿದ್ರಾ ವೀಕ್ಷಕರೇ,, ಭಾರತದ ಮೇಲೆ ಸ್ಮಿತ್​​​-ವಾರ್ನರ್​ ರನ್​​ ಪ್ರಹಾರನಾ ? ಕ್ಯಾಪ್ಟನ್ ರೋಹಿತ್ ಇವರಿಬ್ಬರನ್ನ ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲಲು ಬಿಡಬಾರದು. ಸ್ಪೆಷಲ್​​​ ಸ್ಟ್ರಾಟಜಿ ರೂಪಿಸಿ ಖೆಡ್ಡಾಗೆ ಕೆಡವಬೇಕು.

ಮಿಚೆಲ್ ಸ್ಟಾರ್ಕ್​-ಜಂಪಾ ಭಾರತಕ್ಕೆ ಸದಾ ದುಸ್ವಪ್ನ

ಇನ್ನು ಬೌಲಿಂಗ್​ನಲ್ಲಿ ಲೆಫ್ಟ್​ ಆರ್ಮ್​ ಪೇಸರ್​​​​​ ಮಿಚೆಲ್​ ಸ್ಟಾರ್ಕ್​ ಹಾಗೂ ಸ್ಪಿನ್ನರ್ ಆ್ಯಡಂ ಜಂಪಾ ಭಾರತಕ್ಕೆ ಬಿಗ್​​ ಥ್ರೆಟ್​​. ನಿರ್ಣಾಯಕ ಸ್ಟೇಜ್​​ನಲ್ಲಿ ವಿಕೆಟ್ ಬೇಟೆಯಾಡಬಲ್ಲ ನಿಸ್ಸೀಮರು. ಭಾರತ ಅದ್ರಂತೂ ಜೋಶ್​ ಹೈ ಇರುತ್ತೆ. ಪ್ರಸಕ್ತ ವಿಶ್ವಕಪ್​ನಲ್ಲಿ ಜಂಪಾ 22 ವಿಕೆಟ್ ಕಬಳಿಸಿದ್ರೆ ಸ್ಟಾರ್ಕ್​ 13 ವಿಕೆಟ್​​​​​ ಪಡೆದು ಡೇಂಜರಸ್ ಆಗಿ ಪರಿಣಮಿಸಿದ್ದಾರೆ.ಸ್ಟಾರ್ಕ್​ ಹಾಗೂ ಜಂಪಾ ವಿರುದ್ಧ ಇಂಡಿಯನ್ ಬ್ಯಾಟರ್ಸ್​ ಅಟ್ಯಾಕಿಂಗ್ ಆಟಕ್ಕೆ ಆದ್ಯತೆ ನೀಡಬೇಕು. ಒತ್ತಡ ಹೇರಿದಷ್ಟು ನರ್ವಸ್ ಆಗ್ತಾರೆ. ಆಗ ಭಾರತ, ಆಸಿಸ್ ವಿರುದ್ಧ ಸುಲಭವಾಗಿ ಡಾಮಿನೆಂಟ್ ಸಾಧಿಸಬಹುದು.

ಮ್ಯಾಕ್ಸ್​’ವೆಲ್’ ಆಟಕ್ಕೆ ಹಾಕಬೇಕಿದೆ ಬ್ರೇಕ್​​​..!

ಮ್ಯಾಕ್ಸ್​ವೆಲ್​​​​​​​​​ ಬೆಂಕಿಚೆಂಡಿನ ಬಗ್ಗೆ ಹೆಚ್ಚೇನೂ ಹೇಳಬೇಕಿಲ್ಲ..ಯಾವ ಕ್ಷಣದಲ್ಲೂ, ಎಂತಹ ಬೌಲರ್​ಗಳನ್ನ ಬೇಕಾದ್ರು ದಂಡಿಸಿ ಪಂದ್ಯದ ಗತಿಯನ್ನ ಬದಲಿಸುವ ಕೆಪಾಸಿಟಿ ಇದೆ. ಈ ವಿಶ್ವಕಪ್​ನಲ್ಲಿ ಅಪ್ಘನ್​ ವಿರುದ್ಧ ಬಾರಿಸಿದ ದ್ವಿಶತಕವೇ ಅದಕ್ಕೆ ಉತ್ತಮ ನಿದರ್ಶನ..ಸೋಲುವ ಪಂದ್ಯವನ್ನ, ನೋವನ್ನ ಲೆಕ್ಕಿಸದೇ ಏಕಾಂಗಿ ಗೆಲ್ಲಿಸಿಕೊಟ್ಟು ಶಹಬ್ಬಾಸ್​​ ಅನ್ನಿಸಿಕೊಂಡಿದ್ರು. ಮ್ಯಾಕ್ಸಿ, ಮ್ಯಾಕ್ಸಿಮಮ್ ಆಟ ಫೈನಲ್ ನಲ್ಲಿ​​ ಮೂಡಿ ಬರಬಾರದು ಅಂದ್ರೆ ತಕ್ಕ ಯೋಜನೆ ರೂಪಿಸಬೇಕಿದೆ.

ಮ್ಯಾಕ್ಸ್​ವೆಲ್​​​,ಡೇವಿಡ್ ವಾರ್ನರ್​​​-ಸ್ಟೀವ್ ಸ್ಮಿತ್​​​, ಮಿಚೆಲ್ ಸ್ಟಾರ್ಕ್​ ಹಾಗೂ ಆ್ಯಡಂ ಜಂಪಾ..ಈ ಐವರ ಬಗ್ಗೆ ಟೀಮ್ ಇಂಡಿಯಾ ಎಚ್ಚರಿಕೆಯ ಹೆಜ್ಜೆ ಇಡಲೇಬೇಕಿದೆ. ಆದ್ರಲ್ಲಿ ಸಕ್ಸಸ್​ ಕಂಡರೆ ಮಾತ್ರ ದಶಕದ ಬಳಿಕ ವಿಶ್ವಕಪ್​​​​​ ಟ್ರೋಫಿ ನಮ್ಮದಾಗಲಿದೆ. ಇಲ್ಲವಾದ್ರೆ ಮತ್ತೆ ಚಿಪ್ಪೆ ಗತಿಯಾದೀತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ