ನಿನ್ನೆ ನಡೆದ ಮಹತ್ವದ ಪಂದ್ಯದಲ್ಲಿ ಟೀಮ್​ ಇಂಡಿಯಾಕ್ಕೆ ಸೋಲು

ವಿಶ್ವಕಪ್ ಪ್ರಧಾನ ಮಾಡಿ ವಿಶ್ ಮಾಡ್ತಿದ್ದಾಗ ಬೆನ್ನು ತಟ್ಟಿದ ಪ್ಲೇಯರ್ಸ್

ಬೆನ್ನು ತಟ್ಟಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್

ವಿಶ್ವಕಪ್​ ಫೈನಲ್​ ಪಂದ್ಯ ನೋಡಲು ಪ್ರಧಾನಿ ಮೋದಿ, ಸಿನಿಮಾ ನಟ, ನಟಿಯರು, ಹಿರಿಯ ಕ್ರಿಕೆಟ್​ ಆಟಗಾರರು, ರಾಜಕೀಯ ಗಣ್ಯರು ಸೇರಿದಂತೆ ಸಾಕಷ್ಟು ಅಭಿಮಾನಿಗಳು ಆಗಮಿಸಿದ್ದರು. ಆಸ್ಟ್ರೇಲಿಯಾ ವಿರುದ್ಧದ ಫೈನಲ್​ ಪಂದ್ಯ ಭಾರತ ಸೋಲುತ್ತಿದ್ದಂತೆ ಭಾತೀಯರ ಹೃದಯದ ಕಟ್ಟೆ ಹೊಡೆದು ಹೋಯಿತು. ವಿಶ್ವಕಪ್ ಗೆದ್ದ ಸಂಭ್ರಮದಲ್ಲಿದ್ದ ಕಾಂಗರೂ ಕ್ಯಾಪ್ಟನ್​ ಪ್ಯಾಟ್​ ಕಮಿನ್ಸ್​ಗೆ ವರ್ಲ್ಡ್​​ಕಪ್​ ಪ್ರಶಸ್ತಿ ಪ್ರದಾನ ಮಾಡಿ ವಿಶ್ ಮಾಡುತ್ತಿದ್ದ ಪ್ರಧಾನಿ ನರೇಂದ್ರ ಮೋದಿಯವರಿಗೆ ಆಸಿಸ್​ ಪ್ಲೇಯರ್ಸ್​​ ಬೆನ್ನು ತಟ್ಟಿರುವ ವಿಡಿಯೋ ವೈರಲ್ ಆಗಿದೆ.

ನಿನ್ನೆ ಟೀಮ್ ಇಂಡಿಯಾದ ವಿರುದ್ಧ ಜಯ ಗಳಿಸಿದ್ದ ಆಸ್ಟ್ರೇಲಿಯಾ ತಂಡದ ಕ್ಯಾಪ್ಟನ್ ಪ್ಯಾಟ್​ ಕಮಿನ್ಸ್​ಗೆ ಪ್ರಧಾನಿ ನರೇಂದ್ರ ಮೋದಿಯವರು ವೇದಿಕೆ ಮೇಲೆ ವಿಶ್ವಕಪ್​​ ಪ್ರಶಸ್ತಿ ಪ್ರದಾನ ಮಾಡಿದರು. ಬಳಿಕ ಆಸಿಸ್​ನ ಎಲ್ಲ ಆಟಗಾರರಿಗೆ ವಿಶ್ ಮಾಡುತ್ತ ಪ್ರಧಾನಿ ಬರುತ್ತಿದ್ದರು. ಅದರಂತೆ ಆಸ್ಟ್ರೇಲಿಯಾದ ಬ್ಯಾಟ್ಸ್​ಮನ್ಸ್​​ ಮಿಚೆಲ್ ಮಾರ್ಷ್​, ಮಾರ್ನಸ್ ಲ್ಯಾಬುಸ್ಚಾಗ್ನೆಗೂ ಥ್ಯಾಂಕ್ಸ್​ ಕೊಡುತ್ತಾರೆ. ಈ ವೇಳೆ ಇಬ್ಬರು ಪ್ರಧಾನಿ ಮೋದಿಯವರಿಗೆ ಥ್ಯಾಂಕ್ಸ್​ ಕೊಟ್ಟು ಬೆನ್ನು ತಟ್ಟಿದ್ದಾರೆ.

Dont show a clipped post. Modiji congratulated the Captain and then the whole team. Fake news pic.twitter.com/NLE2LXNEVU

— Dr Poornima🚩🇮🇳 (@PoornimaNimo) November 19, 2023

ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಹಮದಾಬಾದ್​ನ ಸ್ಟೇಡಿಯಂನಲ್ಲಿ ನಡೆದ ವಿಶ್ವಕಪ್​ ಫೈನಲ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಮ್​ ಇಂಡಿಯಾ ಸೋತಿದೆ. ಇನ್ನು ಫೈನಲ್ ಪಂದ್ಯದಲ್ಲಿ ಭಾರತ 50 ಓವರ್​​ಗಳಲ್ಲಿ 10 ವಿಕೆಟ್​​ ಕಳೆದುಕೊಂಡು 240 ರನ್​ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿ ಬೆನ್ನತ್ತಿದ್ದ ಆಸ್ಟ್ರೇಲಿಯಾ 43 ಓವರ್​ಗಳಲ್ಲಿ 3 ವಿಕೆಟ್​ ಕಳೆದುಕೊಂಡು 241 ರನ್​ ಗಳಿಸಿ ಗೆಲುವು ಪಡೆದು ಸಂಭ್ರಮಿಸಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ