World Cup: ಒಂದು ದಿನಕ್ಕೆ ಮುನ್ನ ನಡೆಯಲಿದೆ ಭಾರತ, ಪಾಕ್​​ ಪಂದ್ಯ.. ಕಾರಣ ಕೇಳಿದ್ರೆ ಶಾಕ್​ ಆಗ್ತೀರಾ!

2023ರ ಏಕದಿನ ವಿಶ್ವಕಪ್​ ಪಂದ್ಯಗಳು ಭಾರತದಲ್ಲಿ ನಡೆಯಲಿದ್ದು ಇಡೀ ಟೂರ್ನಿಯಲ್ಲಿ ಭಾರತ-ಪಾಕಿಸ್ತಾನದ ನಡುವಿನ ಕದನವು ಹೈವೋಲ್ಟೇಜ್​ ಪಂದ್ಯವಾಗಲಿದೆ. ಈಗಾಗಲೇ ಬಿಡುಗಡೆಗೊಂಡ ವೇಳಾಪಟ್ಟಿಯಲ್ಲಿ ಭಾರತ-ಪಾಕ್​ ಮ್ಯಾಚ್ ಅನ್ನು ಅಕ್ಟೋಬರ್​ 15ಕ್ಕೆ ನಿಗದಿ ಪಡಿಸಲಾಗಿತ್ತು. ಆದರೆ ಒಂದು ದಿನ ಮುಂಚಿತವಾಗಿಯೇ ಈ ಮಹಾ ಕದನ ನಡೆಯಲಿದೆ ಎಂದು ಹೇಳಲಾಗುತ್ತಿದೆ.

ಈಗಾಗಲೇ ವಿಶ್ವಕಪ್​ ಟೂರ್ನಿಯ ಸಂಭಾವ್ಯ ವೇಳಾಪಟ್ಟಿ ಬಿಡುಗಡೆ ಮಾಡಲಾಗಿದ್ದು ಇದರಲ್ಲಿ ಭಾರತ-ಪಾಕ್​ ಪಂದ್ಯ ಅಕ್ಟೋಬರ್​ 15 ರಂದು ಗುಜರಾತ್​ನಲ್ಲಿ ಆಯೋಜನೆ ಮಾಡಲಾಗಿತ್ತು. ಆದ್ರೆ ಅಂದೇ ನವರಾತ್ರಿ ಹಬ್ಬ ಇರುವುದರಿಂದ ಭದ್ರತೆ ಸಮಸ್ಯೆಗಳು ಎದುರಾಗಲಿವೆ ಎಂದು ಅಲ್ಲಿನ ಪೊಲೀಸ್​ ಇಲಾಖೆ ಮಾಹಿತಿ ನೀಡಿದೆ. ಹೀಗಾಗಿ ಒಂದು ದಿನ ಮೊದಲೇ ಅಂದರೆ ಅಕ್ಟೋಬರ್​ 14 ರಂದು ಮಹಾ ಕದನ ನಡೆಯಲಿದೆ ಎನ್ನಲಾಗ್ತಿದೆ.

[caption id="attachment_10812" align="aligncenter" width="800"] ಬಾಬರ್​ನನ್ನು ಔಟ್​ ಮಾಡಿದ ಅರ್ಶದೀಪ್ ಸಿಂಗ್ ಸಂಭ್ರಮಿಸಿದ ಕ್ಷಣ[/caption]

ಭಾರತ-ಪಾಕ್​ ನಡುವಿನ ಪಂದ್ಯ ಎಂದರೆ ವಿಶ್ವದ ಹಲವು ಕಡೆಯಿಂದ ಕ್ರಿಕೆಟ್ ಅಭಿಮಾನಿಗಳು ಪಂದ್ಯ ವೀಕ್ಷಣೆಗೆ ಆಗಮಿಸುತ್ತಾರೆ. ಈಗಾಗಲೇ ಅಹಮದಾಬಾದ್​ನಲ್ಲಿ ಹೋಟೆಲ್​ಗಳೆಲ್ಲ ಅಡ್ವಾನ್ಸ್​ ಬುಕ್​ ಆಗಿದ್ದಾವೆ ಎನ್ನಲಾಗಿದೆ. ಹೀಗಾಗಿ ಪಂದ್ಯ ಮತ್ತು ನವರಾತ್ರಿ ಹಬ್ಬ ಎರಡು ಒಂದೇ ದಿನ ನಡೆದರೆ ಭದ್ರತೆಗೆ ತೊಂದರೆಗಳು ಆಗಲಿವೆ. ಈ ಹಿನ್ನೆಲೆಯಲ್ಲಿ ಪಂದ್ಯವನ್ನೇ ಒಂದು ದಿನ ಮುಂಚಿತವಾಗಿ ನಡೆಸಲು ಪ್ಲಾನ್ ಮಾಡಲಾಗಿದೆ. ಅಲ್ಲದೇ ವಿಶ್ವಕಪ್​ ವೇಳಾಪಟ್ಟಿಯಲ್ಲಿ ಇನ್ನಷ್ಟು ಬದಲಾವಣೆಗಳು ಆಗಲಿವೆ ಎಂದು ಹೇಳಲಾಗುತ್ತಿದೆ.

ಈ ಬಗ್ಗೆ ಬಿಸಿಸಿಐ ಕಾರ್ಯದರ್ಶಿ ಜೈ ಶಾ ಹಾಗೂ ಇತರೆ ಮೂವರು ಸಿಬ್ಬಂದಿ ಸೇರಿದಂತೆ ಐಸಿಸಿಗೆ ಪತ್ರ ಬರೆದಿದ್ದು ವಿಶ್ವಕಪ್​ ವೇಳಾಪಟ್ಟಿಯಲ್ಲಿ ಇನ್ನಷ್ಟು ಬದಲಾವಣೆಗಳನ್ನ ಮಾಡುವಂತೆ ಮನವಿ ಮಾಡಿದೆ. ಅಲ್ಲದೇ ಪಂದ್ಯ ನಡೆಯುವ ಸ್ಟೇಡಿಯಂ ಈಗ ನಿಗದಿಯಾಗಿದ್ದೇ ಇರಲಿದೆ. ಆದರೆ ಸಮಯ ಮತ್ತು ದಿನಾಂಕಗಳನ್ನು ಮಾತ್ರ ಬದಲಾವಣೆಯಾಗಲಿದೆ. ಒಂದು ಪಂದ್ಯವಾದ ಬಳಿಕ 6 ದಿನಗಳ ಅಂತರ ಇದೆ. ಇದನ್ನು 4-5 ದಿನಕ್ಕೆ ಕಡಿಮೆಗೊಳಿಸಬೇಕು ಎಂದು ಬಿಸಿಸಿಐ ಪತ್ರದಲ್ಲಿ ಮನವಿ ಮಾಡಿದೆ ಎಂದು ತಿಳಿಸಲಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ
===========