ರಫೆರೋ ಡೋ ಅಲೆಂಟೆಜೊ ಬಾಬಿ ನಿಧನವಾಗಿದೆ

ಆಸ್ಟ್ರೇಲಿಯಾದ ಬ್ಲೂಯಿ ಎಂಬ ಶ್ವಾನವನ್ನ ಹಿಂದಿಕ್ಕಿದ್ದ ಬಾಬಿ

31 ವರ್ಷ ಬದುಕಿ ಗಿನ್ನಿಸ್​ ದಾಖಲೆಯ ಪುಟ ಸೇರಿದ್ದ ಶ್ವಾನ

ವಿಶ್ವದ ಅತಿ ಹಿರಿಯ ಶ್ವಾನ ಎಂದು ಬಿರುದು ಪಡೆದಿದ್ದ ರಫೆರೋ ಡೋ ಅಲೆಂಟೆಜೊ ಬಾಬಿ ನಿಧನವಾಗಿದೆ. 31 ವರ್ಷ 165 ದಿನಗಳ ವಯಸ್ಸಿನ ಈ ಶ್ವಾನದ ಸಾವಿಗೆ ಪ್ರಾಣಿ ಪ್ರಿಯರು ಬೆಸರ ವ್ಯಕ್ತಪಡಿಸಿದ್ದಾರೆ.

ರಫೆರೋ ಡೋ ಅಲೆಂಟೆಜೊ ಬಾಬಿ ಶನಿವಾರದಂದು ಸಾವನ್ನಪ್ಪಿದೆ. ಪೋರ್ಚುಗಲ್​ನಲ್ಲಿ ನಿಧನವಾಗಿದೆ. ವಿಶ್ವದ ಹಿರಿಯ ಶ್ವಾನ ಎಂಬ ಕಾರಣಕ್ಕೆ ಗಿನ್ನಿಸ್​ ದಾಖಲೆಗೆ ಪಾತ್ರವಾಗಿತ್ತು ಬಾಬಿ ಸಾವಿನ ಸುದ್ದಿಯನ್ನ ಡಾ.ಕರೆನ್​ ಬೆಕರ್​ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಇದಕ್ಕೂ ಮೊದಲು ಆಸ್ಟ್ರೇಲಿಯಾದ ಬ್ಲೂಯಿ ಎಂಬ ಶ್ವಾನ 29 ವರ್ಷ ಮತ್ತು 5 ತಿಂಗಳ ಕಾಲ ಬದುಕುವ ಮೂಲಕ ದಾಖಲೆ ಬರೆದಿತ್ತು. ಆದರೆ ಇದನ್ನು ಹಿಂದಿಕ್ಕಿ ಬಾಬಿ ಶ್ವಾನ 31 ವರ್ಷಗಳ ಕಾಲ ಜೀವಿಸುವ ಮೂಲಕ ಗಿನ್ನಿಸ್​ ಪುಟ ಸೇರಿದೆ. ಹೀಗಾಗಿ ವಿಶ್ವದ ಹಿರಿಯ ಶ್ವಾನ ಎಂದು ರಫೆರೋ ಡೋ ಅಲೆಂಟೆಜೊ ಬಾಬಿ ಶ್ವಾನ ಗುರುತಿಸಿಕೊಂಡಿತ್ತು. ಆದರೀಗ ಈ ಶ್ವಾನ ಅಸುನೀಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ