ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನತ್ತ ಎಲ್ಲರ ಚಿತ್ತ

ಕಿಂಗ್​ ಕೊಹ್ಲಿ ಮೇಲಿಗೆ ಆಸೀಸ್​ ಆಟಗಾರರ ಕಣ್ಣು

ಗೆಲ್ಲುವ ತವಕದಲ್ಲಿದ್ದಾರೆ ಟೀಂ ಇಂಡಿಯನ್​ ಬಾಯ್ಸ್​

ಐಪಿಎಲ್​ ಅಂತ್ಯದ ಬೆನ್ನಲ್ಲೇ ಎಲ್ಲರ ಚಿತ್ತ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನತ್ತ ಶಿಫ್ಟ್​ ಆಗಿದೆ. ಇಂಡೋ – ಆಸೀಸ್​​​ ನಡುವಿನ ಅಲ್ಟಿಮೇಟ್​ ಫೈಟ್​​ನಲ್ಲಿ ಕಿಂಗ್​ ಕೊಹ್ಲಿಯೇ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿದ್ದಾರೆ. ವಿರಾಟ ರೂಪಕ್ಕೆ ಬ್ರೇಕ್​ ಹಾಕೋದು ಹೇಗಪ್ಪಾ ಅನ್ನೋ ಟೆನ್ಶನ್​ ಕಾಂಗರೂಗಳ ಕ್ಯಾಂಪ್​ನಲ್ಲಿದೆ. ಯಾಕಂದ್ರೆ, ಹಸಿದ ಹುಲಿಯಂತೆ ಮೂರೂ ಮಾದರಿಯಲ್ಲಿ ಘರ್ಜಿಸ್ತಾ ಇರೋ ಕೊಹ್ಲಿಯನ್ನ ಕಟ್ಟಿಹಾಕೋದು ನಿಜಕ್ಕೂ ಸವಾಲಿನ ವಿಚಾರ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಇದೀಗ ಮುಗಿದ ಅಧ್ಯಾಯ. ಈಗೇನಿದ್ರೂ ಮುಂದಿರೋ ಅಲ್ಟಿಮೇಟ್​ ಟೆಸ್ಟ್​ನತ್ತ ಕ್ರಿಕೆಟ್​​ ಜಗತ್ತಿನ ಚಿತ್ತ ನೆಟ್ಟಿದೆ. ವಿಶ್ವದ 2 ಬಲಿಷ್ಠ ತಂಡಗಳ ನಡುವಿನ ಕಾದಾಟಕ್ಕೆ ಆಂಗ್ಲರ ನಾಡು ಸಜ್ಜಾಗಿದೆ. ದಿ ಒವಲ್​ನಲ್ಲಿ ನಡೆಯೋ ಅಲ್ಟಿಮೇಟ್​ ಫೈಟ್​ನಲ್ಲಿ ರಣರೋಚಕ ಕಾದಾಟದ ನಿರೀಕ್ಷೆಯಲ್ಲಿ ಕ್ರಿಕೆಟ್​ ವಲಯವಿದೆ.

Prep 🇮🇳✅ pic.twitter.com/UYCulkoGJ9

— Virat Kohli (@imVkohli) June 1, 2023

ರಿಯಲ್​ ಕ್ರಿಕೆಟ್​ ಆಡಲು ಕಿಂಗ್​ ಕೊಹ್ಲಿ ಸಜ್ಜು.!

ಇಂಡೋ – ಆಸೀಸ್​​ ಕದನ ಅಂದ ತಕ್ಷಣ ಮತ್ತೆ ಕಿಂಗ್​ ವಿರಾಟ್​ ಕೊಹ್ಲಿ ಸೆಂಟರ್​ ಆಫ್​ ಅಟ್ರಾಕ್ಷನ್​ ಆಗಿದ್ದಾರೆ. ಬಿಗ್​ ಸ್ಟೇಜ್​ನ ಹೈ ಪ್ರಶರ್ ಗೇಮ್​ಗಳಲ್ಲಿ ಕಿಂಚಿತ್ತೂ ಒತ್ತಡಕ್ಕೆ ಒಳಗಾಗದೇ ಲೀಲಾಜಾಲವಾಗಿ ರನ್​ಭೇಟೆಯಾಡೋ ಕಿಂಗ್​ ಮೇಲೆ ಎಲ್ಲರ ಚಿತ್ತ ನೆಟ್ಟಿದೆ. ಸದ್ಯ ರೆಡ್​ಹಾಟ್​ ಫಾರ್ಮ್​ನಲ್ಲಿರೋ ಕಿಂಗ್​ ಕೊಹ್ಲಿ, 3 ಮಾದರಿಯಲ್ಲೂ ಸಾಲಿಡ್​​ ರಿಧಮ್​ನಲ್ಲಿ ಬ್ಯಾಟಿಂಗ್​ ನಡೆಸ್ತಿದ್ದಾರೆ.

ಆಸ್ಟ್ರೇಲಿಯನ್ನರಿಗೆ ವಾರ್ನಿಂಗ್​ ಕೊಟ್ಟ ರಿಕಿ ಪಾಂಟಿಂಗ್​.!

ಇಂಡೋ – ಆಸೀಸ್​​ ಟೆಸ್ಟ್​ ಸಿರೀಸ್​​ ಅಂದ್ರೆ ಸಾಕು ಆಸ್ಟ್ರೇಲಿಯಾ ಕ್ಯಾಂಪ್​ನಲ್ಲಿ ತಳಮಳ ಶುರುವಾಗಿಬಿಡುತ್ತೆ. ಕೊಹ್ಲಿ ವಿಕೆಟ್​ ಬೇಟೆಗೆ ತಂತ್ರ ರೂಪಿಸೋದೇ ಕ್ಯಾಪ್ಟನ್​ – ಕೋಚ್​​ಗೆ ತಲೆನೋವಾಗಿ ಬಿಡುತ್ತೆ. ಯಾಕಂದ್ರೆ ಕೊಹ್ಲಿ ಹೆಸರು ಕೇಳಿದ್ರೆ ಸಾಕು ಆಸೀಸ್​​ ಕ್ಯಾಂಪ್​ ಬೆಚ್ಚಿ ಬೀಳುತ್ತೆ. ಆಸ್ಟ್ರೇಲಿಯಾದ ಬೌಲಿಂಗ್​ ಅಟ್ಯಾಕ್​ ಅನ್ನ ಅವರದೇ ನೆಲದಲ್ಲಿ ಚಿಂದಿ ಉಡಾಯಿಸಿದ ಧೀರ ಕೊಹ್ಲಿ. ಹೀಗಾಗಿಯೇ ಅಲ್ಟಿಮೇಟ್​ ಟೆಸ್ಟ್​ಗೂ ಮುನ್ನ ಮಾಜಿ ಕ್ಯಾಪ್ಟನ್​​ ರಿಕಿ ಪಾಂಟಿಂಗ್​, ಆಸ್ಟ್ರೇಲಿಯಾ ತಂಡಕ್ಕೆ ವಾರ್ನಿಂಗ್​ ಕೊಟ್ಟಿದ್ದಾರೆ. ನನ್ನ ಫಾರ್ಮ್​ಗೆ ನಾನು ಮರಳಿದ್ದೇನೆ ಎಂದು ಕೊಹ್ಲಿ ಹೇಳಿದ್ದಾರೆ. ಎಚ್ಚರ ಎಂದು ಆಸೀಸ್​ ಪಡೆಗೆ ಸಂದೇಶ ರವಾನಿಸಿದ್ದಾರೆ.

ವಿರಾಟ್​ ಹಾರ್ಡ್​ವರ್ಕ್​ಗೆ ಸಲಾಂ ಅಂದ ಹೇಜಲ್​ವುಡ್​.!

ಒಂದೆಡೆ ರಿಕಿಪಾಂಟಿಂಗ್​ ಕೊಹ್ಲಿ ಬಗ್ಗೆ ಎಚ್ಚರ ಅಂತಿದ್ರೆ, ಇನ್ನೊಂದೆಡೆ ವಿರಾಟ್​ ಕೊಹ್ಲಿ ಹಾರ್ಡ್​ವರ್ಕ್​​​​ಗೆ ಸಲಾಂ ಅಂತಿದ್ದಾರೆ. ಆರ್​ಸಿಬಿಯಲ್ಲಿ ತೀರಾ ಹತ್ತಿರದಿಂದ ಕೊಹ್ಲಿಯನ್ನ ಗಮನಿಸಿರೋ ಹೇಜಲ್​ವುಡ್​, ಕೊಹ್ಲಿ ಅಭ್ಯಾಸದ ವೈಖರಿಯನ್ನ ಕಂಡು ದಂಗಾಗಿದ್ದಾರೆ.  ಕೊಹ್ಲಿಯಿಂದ ಏನ್​ ಕಲಿತ್ರಿ ಅಂದ್ರೆ ದೊಡ್ಡ ಲಿಸ್ಟೇ ಹೇಳ್ತಿದ್ದಾರೆ.

ಆಸೀಸ್​ ವಿರುದ್ಧದ ಘರ್ಜಿಸೋದಂದ್ರೆ ಕೊಹ್ಲಿಗೆ ಪಂಚಪ್ರಾಣ

ಅದು ಭಾರತದಲ್ಲಿರಲಿ.. ಆಸ್ಟ್ರೇಲಿಯಾದಲ್ಲೇ ಇರಲಿ. ಎದುರಾಳಿ ಆಸ್ಟ್ರೇಲಿಯಾ ಅಂದ್ರೆ ಮುಗೀತು. ಕೊಹ್ಲಿಯ ಅಬ್ಬರ ಫಿಕ್ಸ್​. ಇತಿಹಾಸದ ಪುಟಗಳೇ ಕಾಂಗರೂಗಳನ್ನ ಕೊಹ್ಲಿ ಡಿಸೈನ್​ ಡಿಸೈನ್​ ಆಗಿ ಹೇಗೆ ಕಾಡಿದ್ರು ಅನ್ನೋದನ್ನ ಹೇಳ್ತವೆ. ತುಂಬಾ ಹಿಂದಲ್ಲ. ಐಪಿಎಲ್​ಗೂ ಮುನ್ನ ಭಾರತಕ್ಕೆ ಟೆಸ್ಟ್​ ಸರಣಿಯನ್ನಾಡಲು ಬಂದ ಆಸೀಸ್​​​ಗೆ ಕೊಹ್ಲಿಯ ವಿರಾಟರೂಪ ದರ್ಶನ ಸಿಕ್ಕಿತ್ತು.

#Adidas launches new India cricket jersey ahead of WTC Final 2023 #adidasTeamIndiaJersey

The new jerseys for the Indian cricket team came as Adidas became the official kit sponsor of Team India.
Starting with World Test Championship (WTC) finals against Australia next week to… pic.twitter.com/zFzmtuU9hD

— Balanced Report (@reportbalanced) June 1, 2023

ಇಂಡೋ – ಆಸೀಸ್​ ಸರಣಿಯಲ್ಲಿ ಕೊಹ್ಲಿ

ಇನ್ನಿಂಗ್ಸ್​                06

ರನ್​                      297

ಸರಾಸರಿ                49.50

ಬೆಸ್ಟ್​                     186

ಇಂಡೋ – ಆಸೀಸ್​ ಸರಣಿಯಲ್ಲಿ 6 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟಿಂಗ್​ ನಡೆಸಿದ ವಿರಾಟ್​ ಕೊಹ್ಲಿ, 49.50ರ ಸರಾಸರಿಯಲ್ಲಿ 297 ರನ್​ ಸಿಡಿಸಿದ್ರು. ಒಂದು ಶತಕ ಸಿಡಿಸಿ ಘರ್ಜಿಸಿದ್ದ ಕೊಹ್ಲಿಯ ಬೆಸ್ಟ್​ ಸ್ಕೋರ್​​ 186.

 

ಕೊಹ್ಲಿ ಮುಂದಿದೆ ಕಠಿಣ ಸವಾಲು, ಗೆದ್ದರಷ್ಟೇ ಸೇಫ್​.!

ವಿರಾಟ್​ ಕೊಹ್ಲಿ ಆಸ್ಟ್ರೇಲಿಯಾ ವಿರುದ್ಧ ಸಾಲಿಡ್​ ರೆಕಾರ್ಡ್​ ಹೊಂದಿದ್ದಾರೆ. ಸದ್ಯ ಮೂರೂ ಮಾದರಿಯಲ್ಲೂ ಭರ್ಜರಿ ಪರ್ಫಾಮೆನ್ಸ್​ ಕೂಡ ನೀಡ್ತಿದ್ದಾರೆ. ಆದ್ರೆ, ಐಪಿಎಲ್​ನಲ್ಲೂ ಅರ್ಭಟಿಸಿದ್ದಾರೆ. ಹಾಗಿದ್ರೂ, ಕೊಹ್ಲಿ ಮುಂದೆ ಸದ್ಯ ದೊಡ್ಡ ಸವಾಲಿದೆ. ಕಳೆದ 2 ತಿಂಗಳಿಂದ ಸತತವಾಗಿ ವೈಟ್​​ ಬಾಲ್​ ಕ್ರಿಕೆಟ್​ ಆಡಿರೋ ಕೊಹ್ಲಿ, ರೆಡ್​ಬಾಲ್​ ಕ್ರಿಕೆಟ್​ಗೆ ಶಿಫ್ಟ್​ ಆಗಬೇಕಿದೆ. ಜೊತೆಗೆ ಇಂಗ್ಲೆಂಡ್​ನ ಪ್ಲೇಯಿಂಗ್​ ಕಂಡಿಷನ್ಸ್​ಗೆ ಒಗ್ಗಿಕೊಳ್ಳಬೇಕಿದೆ. ಈ ಸವಾಲನ್ನ ಗೆದ್ದರೆ ಮಾತ್ರ, ಕೊಹ್ಲಿ ಆರ್ಭಟಿಸೋದು.. ಇಲ್ಲದಿದ್ರೆ, ಹಿನ್ನಡೆ ಪಕ್ಕಾ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ