ಇಂದಿನಿಂದ INDvsAUS ವಿಶ್ವ ಟೆಸ್ಟ್​ ಚಾಂಪಿಯನ್

ವಿಶ್ವ ಟೆಸ್ಟ್​ ಚಾಂಪಿಯನ್​ನಲ್ಲಿ ಗೆಲ್ಲುತ್ತಾ ಟೀಂ ಇಂಡಿಯಾ

ಟೀಂ ಇಂಡಿಯಾದ ಭವಿಷ್ಯ ಹೇಗಿದೆ? ಗೆಲ್ಲೋದು ನಿಜಾನಾ?

WTC Final 2023: ವಿಶ್ವದ ನೂತನ ಟೆಸ್ಟ್​ ಚಾಂಪಿಯನ್​​ ಯಾರಾಗ್ತಾರೆ..? ಇಂದಿನಿಂದ ಆರಂಭವಾಗೋ ಫೈನಲ್​ ಫೈಟ್​ ಇದಕ್ಕೆ ಅಧಿಕೃತ ಉತ್ತರ ಕೊಡಲಿದೆ. ಆದ್ರೆ, ಅದಕ್ಕೂ ಮುನ್ನವೇ ಹಲವರು ಭವಿಷ್ಯವನ್ನ ನುಡಿತಿದ್ದಾರೆ. ಪಕ್ಕಾ ಲೆಕ್ಕ ಹೇಳಬೇಕಂದ್ರೆ ಇಂಡಿಯಾನೇ ಗೆಲ್ಲೋ ಹಾಟ್​ ಫೇವರಿಟ್​.! ಯಾಕೆ ಅಂತೀರಾ.? ಈ ಸ್ಟೋರಿ ಓದಿ.

ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​​ ಫೈಟ್​ ಇನ್ನೂ ಸ್ಟಾರ್ಟ್​ ಆಗಿಲ್ಲ.. ಆದ್ರೆ, ಯಾರು ಗೆಲ್ತಾರೆ ಅನ್ನೊದರ ಪ್ರಿಡಿಕ್ಷನ್​​ ಮಾತ್ರ ಜೋರಾಗಿ ನಡೀತಿದೆ. ಎಕ್ಸ್​​ಪರ್ಟ್​ಗಳು, ಫ್ಯಾನ್ಸ್​​ ಸೇರಿದಂತೆ ಬಹುತೇಕರು ಆಸ್ಟ್ರೇಲಿಯಾ​ ಗೆಲ್ಲುತ್ತೆ ಅಂತಲೇ ಹೇಳ್ತಿದ್ದಾರೆ. ಇಂಗ್ಲೆಂಡ್​ ಕಂಡಿಷನ್ಸ್​, ಬಹುತೇಕ ಆಸ್ಟ್ರೇಲಿಯಾದಂತೆ ಇರೋದ್ರಿಂದ ಆಸಿಸ್​​ಗೆ ಅಡ್ವಾಂಟೇಜ್​ ಅನ್ನೋದು ಇದರ ಹಿಂದಿನ ಲೆಕ್ಕಾಚಾರವಾಗಿದೆ. ಆದ್ರೆ, ಅಸಲಿ ಲೆಕ್ಕಾಚಾರ ಬೇರೆನೆ ಇದೆ.

ಭಾರತವೇ ವಿಶ್ವ ಚಾಂಪಿಯನ್​ಶಿಪ್​ ಗೆಲ್ಲೋ ಫೇವರಿಟ್​.!

ಹೌದು..! ವಿಶ್ವ ಟೆಸ್ಟ್​ ಚಾಂಪಿಯನ್​ ಫೈನಲ್​ನಲ್ಲಿ ಟೀಮ್​ ಇಂಡಿಯಾನೇ ಗೆಲ್ಲೋ ಫೇವರಿಟ್​. ಆಸ್ಟ್ರೇಲಿಯಾ ತಂಡಕ್ಕೆ ಹಲ ಅಡ್ವಾಂಟೇಜ್​ ಇರಬಹುದು. ಆದ್ರೆ, ಆನ್​ಫೀಲ್ಡ್​​ನಲ್ಲಿ ಇದು ವರ್ಕೌಟ್​ ಆಗಲ್ಲ.. ಯಾಕಂದ್ರೆ, ಆಸಿಸ್​ಗೆ ಹೋಲಿಸಿದ್ರೆ, ಭಾರತವೇ ಬಲಿಷ್ಠವಾಗಿದೆ.

ಬ್ಯಾಟಿಂಗ್​ ವಿಭಾಗದಲ್ಲಿ ಅನುಭವಿಗಳ ದಂಡು.!

ಟೀಮ್​ ಇಂಡಿಯಾ ಟಾಪ್​ ಆರ್ಡರ್​ ಸಖತ್​ ಸ್ಟ್ರಾಂಗ್​ ಆಗಿದೆ. ಯಂಗ್​ ಶುಭ್​ಮನ್​ ಗಿಲ್​, ಅನುಭವಿ ರೋಹಿತ್​ ಶರ್ಮಾ ಟೆಸ್ಟ್​ನಲ್ಲಿ ಬೆಸ್ಟ್​ ಎನಿಸಿಕೊಂಡಿದ್ದಾರೆ. ಮಿಡಲ್​ ಆರ್ಡರ್​​ನಲ್ಲಿ ಚೇತೇಶ್ವರ್​ ಪೂಜಾರ, ವಿರಾಟ್​ ಕೊಹ್ಲಿ, ಅಜಿಂಕ್ಯಾ ರಹಾನೆ ಗುಡ್​ ಟಚ್​ನಲ್ಲಿದ್ದಾರೆ. ಜವಾಬ್ದಾರಿಯುತ ಬ್ಯಾಟಿಂಗ್​ ಕಲೆ ಇವರೆಲ್ಲರಿಗೂ ಕರಗತವಾಗಿದೆ. ಜೊತೆಗೆ ಇಂಗ್ಲೆಂಡ್​ ಕಂಡೀಷನ್​​ನಲ್ಲಿ ಬ್ಯಾಟಿಂಗ್​ ಮಾಡಿದ ಅನುಭವ ಇವರಿಗೆ ಹೆಚ್ಚಿದೆ.

 

ಮೂರೇ ವಿಕೆಟ್​, ಆಸಿಸ್​ ಖೇಲ್​ ಖತಂ.!

ಟೀಮ್​ ಇಂಡಿಯಾದ ಬ್ಯಾಟಿಂಗ್​ ಲೈನ್ ಅಪ್​ ಅಡಿಯಿಂದ ಮುಡಿವರೆಗೂ ಬಲಿಷ್ಠವಾಗಿ ಕಾಣ್ತಿದ್ರೆ, ಆಸಿಸ್​ ಪಡೆ ದುರ್ಬಲವಾಗಿ ಕಾಣ್ತಿದೆ. ಉಸ್ಮಾನ್​ ಖವಾಜ, ಸ್ಟೀವ್​ ಸ್ಮಿತ್​, ಮಾರ್ನಸ್​ ಲಬುಶೇನ್​ ಇವರನ್ನ ಬಿಟ್ರೆ, ಉಳಿದವರ ಪರ್ಫಾಮೆನ್ಸ್​ ಸಾದಾರಣವಾಗಿದೆ. ಈ ಮೂವರ ವಿಕೆಟ್​ ಉರುಳಿಸಿದ್ರೆ ಸಾಕು.. ಟೀಮ್​ ಇಂಡಿಯಾ ಅರ್ಧ ಪಂದ್ಯ ಗೆದ್ದಂತೆ.

ಕಳೆದ 2 ಪ್ರವಾಸದಲ್ಲಿ ಇಂಗ್ಲೆಂಡ್​ನಲ್ಲಿ ಆರ್ಭಟ.!

ಈ ಹಿಂದೆ ಇಂಗ್ಲೆಂಡ್​ ಪಿಚ್​​ಗಳು ಟೀಮ್​ ಇಂಡಿಯಾದ ಆಟಗಾರರ ಪಾಲಿಗೆ ಕಬ್ಬಿಣದ ಕಡಲೆಯಾಗಿದ್ವು. ಅಲ್ಲೊಂದು, ಇಲ್ಲೊಂದು ಪರ್ಫಾಮೆನ್ಸ್​ ಬಿಟ್ರೆ, ತಂಡವಾಗಿ ಅಂಗ್ಲರ ನಾಡಲ್ಲಿ ಭಾರತದ ಪರ್ಫಾಮೆನ್ಸ್​ ಅಷ್ಟಕಷ್ಟೇ.! ಆದ್ರೆ, ಕಳೆದ 2 ಟೂರ್​​​ಗಳಿಂದ ಎಲ್ಲವೂ ಬದಲಾಗಿದೆ. ಇಂಗ್ಲೆಂಡ್​​ನಲ್ಲಿ ಆಂಗ್ಲರನ್ನೇ ಮಣಿಸಿ ಭಾರತದ ದಾಖಲೆ ಬರೆದಿದೆ. ಅಗ್ರೆಸ್ಸಿವ್​ ಅಪ್ರೋಚ್​ ನಿಂದ ಭರ್ಜರಿ ಪ್ರದರ್ಶನ ನೀಡಿದ ಇತಿಹಾಸವೇ ಇಂದಿನ ಪಂದ್ಯಕ್ಕೂ ಮುನ್ನ ಆತ್ಮವಿಶ್ವಾಸ ಹೆಚ್ಚಿಸಿದೆ.

ಫಾಸ್ಟ್​ ಟ್ರ್ಯಾಕ್​ನಲ್ಲಿ ಸಿರಾಜ್​ – ಶಮಿ ಆರ್ಭಟ.!

ಇಂಗ್ಲೆಂಡ್​ನ ಫಾಸ್ಟ್​ ಟ್ರ್ಯಾಕ್​ನಲ್ಲಿ ಟೀಮ್​ ಇಂಡಿಯಾ ವೇಗಿಗಳಾದ ಮೊಹಮ್ಮದ್​ ಶಮಿ, ಮೊಹಮ್ಮದ್​ ಸಿರಾಜ್​ ಆರ್ಭಟಿಸಿದ್ದಾರೆ. ಡ್ಯೂಕ್​ ಬಾಲ್​ನೊಂದಿಗೆ ಬೆಂಕಿ- ಬಿರುಗಾಳಿ ಎಸೆತಗಳನ್ನ ಹಾಕಿ ಬ್ಯಾಟ್ಸ್​ಮನ್​ಗಳನ್ನ ಕಾಡಿದ್ದಾರೆ. ಇವರಿಬ್ಬರ ಪ್ರದರ್ಶನಕ್ಕೆ ಹೋಮ್​ ಪಿಚ್​ ಅಡ್ವಾಂಟೇಜ್​ ಇದ್ರೂ, ಆಂಗ್ಲ ಬ್ಯಾಟರ್ಸ್​​ ಪರದಾಡಿದ ಪರಿಯನ್ನ ಇತಿಹಾಸವೇ ಹೇಳುತ್ತೆ. ಹೀಗಿರೋವಾಗ ಆಸಿಸ್​ ಪಡೆಯನ್ನ ಮಣಿಸೋದು ಭಾರತಕ್ಕೆ ಸವಾಲೇ ಆಗಲ್ಲ..

ಇಷ್ಟೇ ಅಲ್ಲ… ಇಂಗ್ಲೆಂಡ್​​ ಕಂಡಿಷನ್ಸ್​ಗೆ ಭಾರತಕ್ಕೆ ಬೇಗ ಹೊಂದಿಕೊಳ್ಳೋಕೆ ಆಗಲ್ಲ ಅನ್ನೋ ಮಾತು ಸದ್ಯ ಚಾಲ್ತಿಯಲ್ಲಿದೆ. ಆದ್ರೆ, ಕಳೆದ 2 ಪ್ರವಾಸದಲ್ಲಿ ಟೀಮ್​ ಇಂಡಿಯಾ ಆಡಿದ ರೀತಿಯೇ ಇದಕ್ಕೆ ಉತ್ತರವಾಗಿದೆ. ಈ ಎಲ್ಲಾ ಲೆಕ್ಕಾಚಾರದಲ್ಲೇ ಹೇಳಿದ್ದು, ಭಾರತವೇ ಗೆಲ್ಲೋ ಫೇವರಿಟ್​ ಅಂತಾ..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ