ಅಶ್ವಿನ್​​​ ಟೆಸ್ಟ್​​ ನಂ.1 ಬೌಲರ್​​​, ಟೆಸ್ಟ್​​​​​ ನಂ.2 ಆಲ್​ರೌಂಡರ್

ಇಂಗ್ಲೆಂಡ್​ ಪಿಚ್​​ನಲ್ಲಿ ಅಶ್ವಿನ್​ ಬೊಂಬಾಟ್ ಬೌಲಿಂಗ್​

ಕೇರಂ ಸ್ಪೆಷಲಿಸ್ಟ್ ಆಡಿದ್ರೆ ತಂಡಕ್ಕೆ ಏನು ಲಾಭ?

ದ ಓವಲ್​​​​​​​​​ ಅಂಗಳದಲ್ಲಿ ವಿಶ್ವ ಟೆಸ್ಟ್ ಚಾಂಪಿಯನ್​​ಶಿಪ್​​​​ ಫೈನಲ್​​​ ಕಾವೇರಿದೆ. ಹೈವೋಲ್ಟೇಜ್​ ಗೇಮ್​​​​​ನಲ್ಲಿ ಕ್ಯಾಪ್ಟನ್ ರೋಹಿತ್ ಶರ್ಮಾ ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಕಾರಣ ಆ ಒಂದು ತಪ್ಪು ನಿರ್ಧಾರ. ಆ ಮ್ಯಾಚ್​ ​ವಿನ್ನರ್​​​​​​​​​ ನನ್ನ ಬೆಂಚ್​ ಕಾಯಿಸಿದ್ದು ಎಷ್ಟು ಸರಿ ಅಂತ ಹಿಟ್​ಮ್ಯಾನ್ ವಿರುದ್ಧ ಎಲ್ಲರೂ ಬಾಣಾಸ್ತ್ರ ಪ್ರಯೋಗಿಸ್ತಿದ್ದಾರೆ. ಇಂತಹ ಬಿಗ್​ ಗೇಮ್​​ನಲ್ಲೆ ಕ್ಯಾಪ್ಟನ್ ರೋಹಿತ್ ಶರ್ಮಾ ಒಂದು ದೊಡ್ಡ ತಪ್ಪು ನಿರ್ಧಾರ ತೆಗೆದುಕೊಂಡಿದ್ದು, ಅಭಿಮಾನಿಗಳ ಆಕ್ರೋಶ ಕಟ್ಟೆಯೊಡೆಯುವಂತೆ ಮಾಡಿದ್ದಾರೆ.

WTC ಫೈನಲ್​​ ಗೇಮ್​​​ನಿಂದ ಅಶ್ವಿನ್​​​​​​​ಗೆ ಗೇಟ್​​ಪಾಸ್
WTC ಫೈನಲ್​ ಪಂದ್ಯ ಆರಂಭಕ್ಕೂ ಮುನ್ನ ಒಂದು ಬಿಗ್ ಶಾಕ್ ಕಾದಿತ್ತು. ಅದೇನಂದ್ರೆ ಆಡುವ ಹನ್ನೊಂದರ ಬಳಗದಿಂದ ಸ್ಪಿನ್​ ಮ್ಯಜಿಶಿಯನ್​​​​​ ಅಶ್ವಿನ್ ಹೆಸರು ಮಾಯವಾಗಿತ್ತು. ಇವರ ಬದಲು 4ನೇ ವೇಗಿಯನ್ನ ಆಡಿಸಲಾಯ್ತು. ಇದು ಎಲ್ಲರನ್ನ ಅಚ್ಚರಿಗೆ ತಳ್ಳಿದೆ. ಯಾಕಂದ್ರೆ ಅಶ್ವಿನ್​​​ ಆಡುವುದು ಫಿಕ್ಸ್ ಎಂದು ಬಹುತೇಕರು ಭಾವಿಸಿದ್ರು. ಆದ್ರೆ ಟಾಸ್ ವೇಳೆ ಆಗಿದ್ದೇ ಬೇರೆ. ಕ್ಯಾಪ್ಟನ್ ರೋಹಿತ್​​​ ಕೇರಂ ಸ್ಪೆಷಲಿಸ್ಟ್​​ರನ್ನ ಹೊರಗಿಟ್ಟು ಬಿಗ್ ಶಾಕ್​ ನೀಡಿದ್ರು. ನಿಜಕ್ಕೂ ರೋಹಿತ್​​ರ ಈ ಡಿಸಿಷನ್​ ಎಷ್ಟರ ಮಟ್ಟಿಗೆ ಸರಿ ಅನ್ನೋದೆ ತಿಳಿತಿಲ್ಲ.

ಅಶ್ವಿನ್​​​ ಟೆಸ್ಟ್​​ ನಂ.1 ಬೌಲರ್​​​, ಟೆಸ್ಟ್​​​​​ ನಂ.2 ಆಲ್​ರೌಂಡರ್
ಪ್ರತಿಷ್ಠಿತ ವಿಶ್ವಟೆಸ್ಟ್ ಚಾಂಪಿಯನ್​ಶಿಪ್​ ಫೈನಲ್​ ಆಡಲು ಇಂತಹ ಲೆಜೆಂಡ್​​​​​ ಸ್ಪಿನ್ನರ್​ಗಿಂತ ಇನ್ನೊಬ್ಬ ​​​ಬೇಕಾ ಹೇಳಿ? ಹೇಳಿಕೇಳಿ ಆ್ಯಷ್​​ ಸಾಮಾನ್ಯ ಪ್ಲೇಯರ್​​​ ಅಲ್ಲ. ಅವರು ಟೆಸ್ಟ್​​​ ಕ್ರಿಕೆಟ್​​ನ ನಂಬರ್​​. 1 ಬೌಲರ್​​​..ಅಷ್ಟೇ ಏಕೆ ಟೆಸ್ಟ್​​​​ನ ನಂ. ಟು ಆಲ್​ರೌಂಡರ್ ಕೂಡ. ಜೊತೆಗೆ WTC 2ನೇ ಆವೃತ್ತಿಯಲ್ಲಿ ಭಾರತ ಪರ ಹೈಯೆಸ್ಟ್​ ವಿಕೆಟ್​​ ಟೇಕರ್ ಕೂಡ. ಇಂತಹ ಮ್ಯಾಚ್ ವಿನ್ನರೇ ಕ್ಯಾಪ್ಟನ್​​ ರೋಹಿತ್​​​​ ಹಾಗೂ ಕೋಚ್ ರಾಹುಲ್​ ದ್ರಾವಿಡ್​​​​​​ ಅವರಿಗೆ ಬೇಡವಾಗಿದ್ದಾರೆ.

ಇಂಗ್ಲೆಂಡ್​ ಪಿಚ್​​ನಲ್ಲಿ ಅಶ್ವಿನ್​ ಬೊಂಬಾಟ್ ಬೌಲಿಂಗ್​
ಈ ಅಂಶವೂ ಕೂಡ ಅಶ್ವಿನ್​​​​​ ತಂಡದಲ್ಲಿ ಇರಬೇಕಿತ್ತು ಅಂತ ಹೇಳುತ್ತೆ. ಇಂಗ್ಲೆಂಡ್​ ಕಂಡೀಷನ್​ ನಲ್ಲಿ ಕೇರಂ ಸ್ಪೆಷಲಿಸ್ಟ್​​​ರ ಟ್ರ್ಯಾಕ್ ರೆಕಾರ್ಡ್​ ಅದ್ಭುತವಾಗಿದೆ. ಸಿಕ್ಕ ಅವಕಾಶಗಳಲ್ಲಿ ವಿಕೆಟ್​​ಗಳ ಗೊಂಚಲು ಕಟ್ಟಿದ್ದಾರೆ. ಇಂಗ್ಲೆಂಡ್​ ನೆಲದಲ್ಲಿ ಆರ್​​ ಅಶ್ವಿನ್ ಒಟ್ಟು 7 ಟೆಸ್ಟ್​ ಪಂದ್ಯಗಳನ್ನ ಆಡಿದ್ದಾರೆ. 2.52 ರ ಎಕಾನಮಿಯಲ್ಲಿ 18 ವಿಕೆಟ್ ಕಬಳಿಸಿದ್ದಾರೆ.

ಇದು ನಿಜಕ್ಕೂ ಕಠಿಣ ನಿರ್ಧಾರ. ಅಶ್ವಿನ್​ ಮ್ಯಾಚ್ ವಿನ್ನರ್​​​. ಅವರನ್ನ ತಂಡದಿಂದ ಕೈಬಿಡುವುದು ನಿಜಕ್ಕೂ ಕಷ್ಟವೆನಿಸಿದೆ. ಆದರೆ ತಂಡಕ್ಕೆ ಇಂತಹ ನಿರ್ಧಾರದ ಅಗತ್ಯವಿತ್ತು.
ರೋಹಿತ್ ಶರ್ಮಾ, ಟೀಮ್ ಇಂಡಿಯಾ ನಾಯಕ

ಕೇರಂ ಸ್ಪೆಷಲಿಸ್ಟ್ ಆಡಿದ್ರೆ ತಂಡಕ್ಕೆ ಏನು ಲಾಭ?
ಅಶ್ವಿನ್ ಆಡದಿರೋದು ತಂಡಕ್ಕೆ ಬಿಗ್ ಲಾಸ್​. ಒಂದು ವೇಳೆ ಅದೇ ಕೇರಂ ಸ್ಪೆಷಲಿಸ್ಟ್​ ಆಡಿದ್ರೆ ತಂಡಕ್ಕೆ ದೊಡ್ಡ ಲಾಭವಿತ್ತು. ಹೇಳಿಕೇಳಿ ಅಶ್ವಿನ್ ದಿಗ್ಗಜ ಸ್ಪಿನ್ನರ್​​​. ಅಪಾರ ಅನುಭವಿದೆ. ವಿಭಿನ್ನ ರೀತಿಯಲ್ಲಿ ಬೌಲಿಂಗ್​​​​​​ ಮಾಡಿ ಬ್ಯಾಟ್ಸ್​​ಮನ್​​ಗಳ ಖೆಡ್ಡಾಗೆ ಬೀಳಿಸುತ್ತಿದ್ದರು. ಎಲ್ಲಕ್ಕಿಂತ ಹೆಚ್ಚಾಗಿ ಆಸೀಸ್ ದಿಗ್ಗಜ ಅಶ್ವಿನ್​​​ ಪರ ಬ್ಯಾಟ್ ಬೀಸಿದ್ದು, ಎದುರಾಳಿ ತಂಡದಲ್ಲಿ ಅನೇಕರು ಎಡಗೈ ಬ್ಯಾಟ್ಸ್​​ಮನ್​​ಗಳಿದ್ರು. ಜಡ್ಡುಗಿಂತ ಇವರೇ ಲೆಫ್ಟ್​​ಹ್ಯಾಂಡ್ ಬ್ಯಾಟ್ಸ್​​ಮನ್​ಗಳಿಗೆ ನಿಜವಾಗಿ ಪ್ರಾಬ್ಲಂ ತಂದೊಡ್ಡುತ್ತಿದ್ದರು ಎಂದು ಹೇಳಿದ್ದಾರೆ. ಮಿಂಚಿಹೋದ ಕಾಲಕ್ಕೆ ಚಿಂತಿಸಿದರೇ ಯಾವುದೇ ಪ್ರಯೋಜನವಿಲ್ಲ. ಇನ್ಮುಂದಾದರೂ ಕ್ಯಾಪ್ಟನ್ ರೋಹಿತ್​​​​, ಪ್ಲೇಯಿಂಗ್​​​-11 ಆಯ್ಕೆಯಲ್ಲಿ ಎಚ್ಚರಿಕೆಯ ಹೆಜ್ಜೆ ಇಡಲಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ