ತುಂಬಾ ದಿನಗಳ ಬಳಿಕ ರೋಹಿತ್ ಬ್ಯಾಟ್​​ನಿಂದ ಶತಕ

ವಿಕೆಟ್​ ಉರುಳಿಸಲು ಕೆರಿಬಿಯನ್​ ಪಡೆ ಸುಸ್ತೋ.. ಸುಸ್ತು

ಇಂದಿಗೂ ಕ್ರೀಸ್​ ಕಾಯ್ದುಕೊಂಡಿರುವ ಯಶಸ್ವಿ ಜೈಸ್ವಾಲ್..!

ವೆಸ್ಟ್​ ಇಂಡೀಸ್​ ವಿರುದ್ಧದ ಮೊದಲ ಟೆಸ್ಟ್​​ನ​ 2ನೇ ದಿನದಾಟದಲ್ಲೂ ಟೀಮ್​ ಇಂಡಿಯಾದ್ದೇ ದರ್ಬಾರ್​. ಟೀಮ್​ ಇಂಡಿಯಾ ಬ್ಯಾಟ್ಸ್​​ಮನ್​ಗಳು ಲೀಲಾಜಾಲವಾಗಿ ರನ್​ಗಳಿಸ್ತಾ ಇದ್ರೆ, ವಿಂಡೀಸ್​​ ಪಡೆ ವಿಕೆಟ್​ಗಾಗಿ ಪರದಾಟ ನಡೆಸ್ತು. ಇಂಡೋ- ಕೆರಿಬಿಯನ್​ ಫೈಟ್​ನ 2ನೇ ದಿನದಾಟ ಹೇಗಿತ್ತು ಗೊತ್ತಾ..?

ವೆಸ್ಟ್​ ಇಂಡೀಸ್​​ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಬಿಗಿ ಹಿಡಿತ ಸಾಧಿಸಿದೆ. ಮೊದಲ ದಿನದಾಟದಲ್ಲಿ ಬೌಲಿಂಗ್​ನಲ್ಲಿ ಕಮಾಲ್​ ಮಾಡಿದ ರೋಹಿತ್​ ಪಡೆ, 2ನೇ ದಿನದಾಟದಲ್ಲಿ ಬ್ಯಾಟಿಂಗ್​ನಲ್ಲಿ ಪ್ರಾಬಲ್ಯ ಮೆರೆಯಿತು.

2ನೇ ದಿನದಾಟದಲ್ಲೂ ಟೀಮ್​ ಇಂಡಿಯಾ ಪ್ರಾಬಲ್ಯ

ವಿಕೆಟ್​ ನಷ್ಟವಿಲ್ಲದೆ 80 ರನ್​ಗಳೊಂದಿಗೆ ದಿನದಾಟ ಆರಂಭಿಸಿದ ಟೀಮ್​ ಇಂಡಿಯಾ, 2ನೇ ದಿನದಾಟದಲ್ಲೂ ಭರ್ಜರಿ ಬ್ಯಾಟಿಂಗ್​ ನಡೆಸ್ತು. ಟೀಮ್ ಇಂಡಿಯಾ ಆಟಗಾರರ ತಾಳ್ಮೆಯ ಆಟಕ್ಕೆ ವಿಂಡೀಸ್ ಪಡೆ ತತ್ತರಿಸಿತು. ತವರಿನ ಅಂಗಳದಲ್ಲಿ ಕೆರಿಬಿಯನ್​ ಬೌಲರ್ಸ್​ ವಿಕೆಟ್​ ಬೇಟೆಗೆ ಹೆಣಗಾಡಿದ್ರು.

ಸೆಂಚೂರಿ ಸಿಡಿಸಿ ಘರ್ಜಿಸಿದ ಯಶಸ್ವಿ ಜೈಸ್ವಾಲ್​

40 ರನ್​ಗಳೊಂದಿಗೆ 2ನೇ ದಿನದಾಟ ಆರಂಭಿಸಿದ ಜೈಸ್ವಾಲ್​, 2 ದಿನದಾಟದಲ್ಲೂ ಸಾಲಿಡ್​ ಆಟವಾಡಿದ್ರು. ಕ್ಯಾಪ್ಟನ್​ ರೋಹಿತ್​ ಜೊತೆಗೆ ಮನಮೋಹಕ​ ಇನ್ನಿಂಗ್ಸ್​ ಕಟ್ಟಿದ ಜೈಸ್ವಾಲ್​, ಡೆಬೂ ಮ್ಯಾಚ್​ನಲ್ಲೇ ಸೆಂಚುರಿ ಸಿಡಿಸಿ ಘರ್ಜಿಸಿದ್ರು. 215 ಎಸೆತಗಳಲ್ಲಿ ಶತಕ ಪೂರೈಸಿ ಸಂಭ್ರಮಿಸಿದ್ರು.

ನಾಯಕ ರೋಹಿತ್​ ಶರ್ಮಾ ಶತಕ ವೈಭವ

ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮಾ ಕೂಡ ವಿಂಡೀಸ್​​ ಬೌಲರ್​ಗಳನ್ನ ಕಾಡಿದ್ರು. ತಾಳ್ಮೆಯ ಆಟವಾಡಿದ ಹಿಟ್​ಮ್ಯಾನ್​, ಜಬರ್ದಸ್ತ್​ ಇನ್ನಿಂಗ್ಸ್​ ಕಟ್ಟಿದ್ರು. ಫಾರ್ಮ್​ ಬಗೆಗಿನ ಟೀಕೆಗಳಿಗೆ ಶತಕದ ಉತ್ತರ ನೀಡಿದ್ರು. ಟೆಸ್ಟ್​ ಕರಿಯರ್​ನ 10ನೇ ಸೆಂಚೂರಿ ಪೂರೈಸೋದ್ರೊಂದಿಗೆ ವಿದೇಶದಲ್ಲಿ 2ನೇ ಟೆಸ್ಟ್​ ಶತಕ ಸಿಡಿಸಿದ ಸಾಧನೆ ಮಾಡಿದ್ರು.

ಸೆಂಚೂರಿ ಸ್ಟಾರ್​ಗಳ ದ್ವಿಶತಕದ ಜೊತೆಯಾಟ

ಡೊಮಿನಿಕಾದಲ್ಲಿ ಡಾಮಿನೇಟಿಂಗ್​ ಇನ್ನಿಂಗ್ಸ್​ ಕಟ್ಟಿದ ರೋಹಿತ್​ ಶರ್ಮಾ- ಯಶಸ್ವಿ ಜೈಸ್ವಾಲ್​ ದ್ವಿಶತಕದ ಜೊತೆಯಾಟ ವಾಡಿದ್ರು. ಮೊದಲ ವಿಕೆಟ್​ಗೆ 229 ರನ್​ಗಳ ಕಾಣಿಕೆ ನೀಡಿ ಮುನ್ನಡೆಗೆ ಕಾರಣರಾದ್ರು. 103 ರನ್​ಗಳಿಸಿ ರೋಹಿತ್​ ಶರ್ಮಾ ಔಟಾದ್ರು.

3ನೇ ಕ್ರಮಾಂಕದಲ್ಲಿ ಶುಭ್​ಮನ್​ ಗಿಲ್​ ಫೇಲ್​.!

3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಶುಭ್​ಮನ್​ ಗಿಲ್​ ಪ್ಲಾಫ್​ ಆದ್ರು. ಜೊಮೆಲ್​ ವಾರಿಕನ್​ ಬೌಲಿಂಗ್​ನಲ್ಲಿ ಸ್ಲಿಪ್​ನಲ್ಲಿದ್ದ ಅಲಿಕ್​ ಅಥಾನಝೆಗೆ ಕ್ಯಾಚ್​ ನೀಡಿ ನಿರ್ಗಮಿಸಿದ್ರು.

ಕಿಂಗ್​ ಕೊಹ್ಲಿಯ ತಾಳ್ಮೆಯ ಮಂತ್ರ, ಜೈಸ್ವಾಲ್ ಅಜೇಯ

ಗಿಲ್​ ನಿರ್ಗಮನದ ಬಳಿಕ ಕಣಕ್ಕಿಳಿದ ವಿರಾಟ್​ ಕೊಹ್ಲಿ ತಾಳ್ಮೆಯ ಆಟದ ಮೊರೆ ಹೋಗಿದ್ದಾರೆ. ಬರೋಬ್ಬರಿ 96 ಎಸೆತಗಳನ್ನ ಎದುರಿಸಿದ ಕೊಹ್ಲಿ, ಕೇವಲ 1 ಬೌಂಡರಿ ಸಿಡಿಸಿದ್ದು, 36 ರನ್​ ಗಳಿಸಿದ್ದಾರೆ. ಇನ್ನು ಸಾಲಿಡ್​ ಇನ್ನಿಂಗ್ಸ್​ ಬ್ಯುಲ್ಡ್​ ಮಾಡಿರೋ ಯಶಸ್ವಿ ಜೈಸ್ವಾಲ್​ ರನ್​ಬೇಟೆ ಮುಂದುವರೆಸಿದ್ದಾರೆ.

2ನೇ ದಿನದ ಅಂತ್ಯಕ್ಕೆ ಟೀಮ್​ ಇಂಡಿಯಾ 312 ರನ್​ಗಳಿಸಿದ್ದು, 162 ರನ್​ಗಳ ಮುನ್ನಡೆ ಸಾಧಿಸಿದೆ. ವಿರಾಟ್​ ಕೊಹ್ಲಿ ಹಾಗೂ ಯಶಸ್ವಿ ಜೈಸ್ವಾಲ್​ ಇಂದಿಗೆ ಕ್ರಿಸ್​​ ಕಾಯ್ದುಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ