ಟೀಮ್ ಇಂಡಿಯಾದ ಕ್ರಿಕೆಟ್​ ದಿಗ್ಗಜ ಯುವರಾಜ್​ ಸಿಂಗ್​​

ವಿರಾಟ್​​​ ಬಗ್ಗೆ ಯುವಿ ಹೀಗೆ ಅಚ್ಚರಿ ಹೇಳಿಕೆ ನೀಡಿದ್ದೇಕೆ..?

ಆಗಿನ ಚೀಕು ಬೇರೆ, ಈಗಿನ ವಿರಾಟ್​​ ಬೇರೆ ಅಂದ್ರು ಯುವಿ!

ಟೀಮ್ ಇಂಡಿಯಾದ ಕ್ರಿಕೆಟ್​ ದಿಗ್ಗಜ ಯುವರಾಜ್​ ಸಿಂಗ್​​. ಕೊಹ್ಲಿಗೂ ಮುನ್ನವೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿ 6 ಬಾಲ್​ಗೆ 6 ಸಿಕ್ಸರ್​ ಸಿಡಿಸಿ ಮೆರೆದ ಸೂಪರ್​ ಸ್ಟಾರ್​​ ಯುವರಾಜ್​ ಸಿಂಗ್​​. ಕೊಹ್ಲಿ, ಯುವಿ ಮಧ್ಯೆಯಿರೋ ಒಡನಾಟದ ಬಗ್ಗೆ ಎಲ್ಲರಿಗೂ ಗೊತ್ತಿರುವುದೇ. ಸದ್ಯ ಕೊಹ್ಲಿ ಜತೆಗೆ ತನ್ನ ಸಂಬಂಧ ಮೊದಲಿನಂತೆ ಇಲ್ಲ ಎಂದು ಹೇಳಿಕೆ ನೀಡಿ ಯುವಿ ಅಚ್ಚರಿ ಮೂಡಿಸಿದ್ದಾರೆ.

ಪಾಡ್‌ಕಾಸ್ಟ್‌ ಜತೆ ಮಾತಾಡಿದ ಯುವರಾಜ್​ ಸಿಂಗ್​​, ಕೊಹ್ಲಿ ಜತೆ ನಾನು ನಿಜವಾಗಲೂ ಸಂಪರ್ಕದಲ್ಲಿ ಇಲ್ಲ. ಆತ ಬಹಳ ಬ್ಯುಸಿ ಮನುಷ್ಯ. ಹೀಗಾಗಿ ಆತನನ್ನು ಡಿಸ್ಟರ್ಬ್ ಮಾಡಲು ನಾನು ಬಯಸುವುದಿಲ್ಲ. ಯುವಕನಾಗಿದ್ದಾಗ ವಿರಾಟ್ ಚೀಕು. ಈಗ ಚೀಕು ವಿರಾಟ್ ಆಗಿದ್ದಾರೆ. ಚೀಕು, ವಿರಾಟ್​​ ಮಧ್ಯೆ ಬಹಳ ವ್ಯತ್ಯಾಸ ಇದೆ ಎಂದರು.

ನಾವು ಫಿಟ್ ಆದ ತಂಡ ಹೊಂದಬೇಕು ಎಂದು ಬಯಸಿದ್ದೆವು. ಕೊಹ್ಲಿ ನಾಯಕನಾಗಿ ಆಯ್ಕೆಯಾದ ಬಳಿಕ ದೊಡ್ಡ ಬದಲಾವಣೆ ಆಗಿದೆ. ಆತ ಬೆಂಚ್ ಮಾರ್ಕ್ ಸೆಟ್ ಮಾಡಿದ್ದ. ಫಿಟ್‌ನೆಸ್​​ ವಿಚಾರದಲ್ಲಿ ಕೊಹ್ಲಿ ಕ್ರಾಂತಿ ಮಾಡಿದರು ಎಂದಿದ್ದಾರೆ.

ನನಗೆ ಕೊಹ್ಲಿಗಿಂತ ಹೆಚ್ಚು ಟ್ಯಾಲೆಂಟ್​ ಇದೆ ಎಂದ ಯುವಿ!

ಕೊಹ್ಲಿ ಆತನನ್ನು ಅತ್ಯುತ್ತಮ ಫುಟ್ಬಾಲರ್ ಎಂದುಕೊಂಡಿದ್ದಾನೆ. ನಾನು ಆತನಿಗಿಂತ ಹೆಚ್ಚು ಟ್ಯಾಲೆಂಟ್​ ಇರೋನೆ. ಆತ ಕಿರಿಯ, ಎಲ್ಲೆಡೆ ಓಡಾಡುತ್ತಾನೆ. ತನ್ನನ್ನು ತಾನು ಕ್ರಿಶ್ಚಿಯಾನೋ ರೊನಾಲ್ಡೋ ಎಂದು ಕೊಹ್ಲಿ ಅಂದುಕೊಂಡಿದ್ದಾನೆ. ಕ್ರಿಕೆಟ್‌ನಲ್ಲಿ ಮಾತ್ರ ಆತ ಕ್ರಿಶ್ಚಿಯಾನೋ ರೊನಾಲ್ಡೋ, ಫುಟ್ಬಾಲ್​​ನಲ್ಲಿ ಅಲ್ಲ ಎಂದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ