ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್ ಪಂದ್ಯದಲ್ಲಿ ಹೀನಾಯ ಸೋಲು

ಸೋಲಿನ ಬಳಿಕ ಅಚ್ಚರಿ ಹೇಳಿಕೆ ಕೊಟ್ಟ ಇಂಗ್ಲೆಂಡ್​ ಪ್ಲೇಯರ್​​..!

ಇಂಗ್ಲೆಂಡ್​ ಟೀಂನ ಆರಂಭಿಕ ಬ್ಯಾಟ್ಸ್​​ಮನ್​​ ಜಾಕ್ ಕ್ರಾವ್ಲೆ ಏನಂದ್ರು?

ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರೋ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಹೀನಾಯ ಸೋಲು ಕಂಡ ಇಂಗ್ಲೆಂಡ್ ಟೀಂ​​​ 2ನೇ ಪಂದ್ಯವನ್ನು ಶತಾಯಗತಾಯ ಗೆಲ್ಲಲೇಬೇಕು ಎಂದು ಪಣತೊಟ್ಟಿದೆ. ಈಗಾಗಲೇ ಲಾರ್ಡ್ಸ್‌ನಲ್ಲಿ ನಡೆಯಲಿರೋ 2ನೇ ಟೆಸ್ಟ್ ಪಂದ್ಯಕ್ಕೆ ಇಂಗ್ಲೆಂಡ್​​ ತಂಡ ಭರ್ಜರಿ ತಯಾರಿ ನಡೆಸಿಕೊಂಡಿದೆ. ಈ ಮಧ್ಯೆ ಇಂಗ್ಲೆಂಡ್​ ತಂಡದ ಆರಂಭಿಕ ಬ್ಯಾಟ್ಸ್​​ಮನ್​​ ಜಾಕ್ ಕ್ರಾವ್ಲೆ ಅಚ್ಚರಿ ಹೇಳಿಕೆ ನೀಡಿದ್ದಾರೆ.

ಟೆಸ್ಟ್​ ಸೋತ ಬಳಿಕ ಮಾತಾಡಿದ ಜಾಕ್ ಕ್ರಾವ್ಲೆ, ನಾವು ರಿಸಲ್ಟ್​ ಬಗ್ಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ. ನಮ್ಮ ಫೋಕಸ್​ ಯಾವಾಗಲೂ ಎಂಟರ್​​ಟೈನ್​ಮೆಂಟ್​​ ಮೇಲೆ ಎಂದಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಸೋತ ಬಳಿಕ ಜಾಕ್ ಕ್ರಾವ್ಲೆ ಈ ಹೇಳಿಕೆ ನೀಡಿದ್ದು, ಭಾರೀ ವೈರಲ್​ ಆಗಿದೆ.

ರಿಸಲ್ಟ್​​ ಬಗ್ಗೆ ನಮಗೆ ಚಿಂತೆ ಇಲ್ಲ. ನಾವು ಯಾವಾಗಲೂ ಎಂಟರ್​​ಟೈನ್ಮೆಂಟ್​​ ನೀಡುವುದರ ಬಗ್ಗೆ ಚರ್ಚೆ ಮಾಡುತ್ತೇವೆ. ನಮ್ಮ ಆಟ ನಾವು ಆಡುತ್ತೇವೆ. ಸೋಲು ಗೆಲುವಿನ ಬಗ್ಗೆ ಆಲೋಚನೆ ಮಾಡಲ್ಲ ಎಂದರು. ಈ ಮೂಲಕ ಟೀಕೆ ಮಾಡಿದವರಿಗೆ ಖಡಕ್​ ಉತ್ತರ ಕೊಟ್ಟರು.

ಇಂಗ್ಲೆಂಡ್ ಟೀಂ ಪ್ರದರ್ಶನದ ಬಗ್ಗೆ ಕ್ರಿಕೆಟ್ ಪಂಡಿತರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದಾರೆ. ನಾವು ನಮ್ಮ ಆಟ ಆಡಿದ್ದೇವೆ. ಯಾವುದೇ ಕಾರಣಕ್ಕೂ ನಮ್ಮ ಆಟದ ಶೈಲಿಯನ್ನು ನಾವು ಬದಲಿಸುವುದಿಲ್ಲ ಎಂದಿದೆ ಇಂಗ್ಲೆಂಡ್​ ಟೀಂ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ