ಮೊನ್ನೆಯಷ್ಟೇ ನಿಧನ ಹೊಂದಿದ್ದ ಎಂದು ಸುಳ್ಳು ಸುದ್ದಿ

ಆಲ್​ರೌಂಡರ್​ ಆಗಿ ತಂಡಕ್ಕೆ ಭಾರೀ ಕೊಡುಗೆ ನೀಡಿದ್ರು

ಇಂದು ಅಧಿಕೃತವಾಗಿ ಮಾಹಿತಿ ನೀಡಿದ ಕುಟುಂಬಸ್ಥರು

ಜಿಂಬಾಬ್ವೆಯ ಲೆಜೆಂಡರಿ ಕ್ರಿಕೆಟರ್ ಹಾಗೂ ಬಾಂಗ್ಲಾದ ಕೋಚ್ ಆಗಿ ಕೆಲಸ ಮಾಡಿದ್ದ​ ಹೀತ್ ಸ್ಟ್ರೀಕ್ (49) ಅವರು ಇಂದು ನಿಧನವಾಗಿದ್ದಾರೆ. ಈ ಬಗ್ಗೆ ಅವರ ಪತ್ನಿಯೇ ಅಧಿಕೃತವಾಗಿ ಸೋಷಿಯಲ್​ ಮೀಡಿಯಾ ಮೂಲಕ ಮಾಹಿತಿ ನೀಡಿದ್ದಾರೆ.

ಈ ಬಗ್ಗೆ ಸೋಷಿಯಲ್​ ಮೀಡಿಯಾ ಮೂಲಕ ಮಾಹಿತಿ ನೀಡಿದ ಹೀತ್​ ಸ್ಟ್ರೀಕ್ ಅವರ ಪತ್ನಿ ನಾಡಿನಾ, ನನ್ನ ಜೀವನದ ಅತ್ಯಂತ ಪ್ರೀತಿ ಮತ್ತು ನನ್ನ ಸುಂದರ ಮಕ್ಕಳ ತಂದೆಯಾದ ಹೀತ್​ ಸ್ಟ್ರೀಕ್​ರನ್ನ ದೇವರು ಕರೆದುಕೊಂಡು ಹೋಗಿದ್ದಾನೆ. ಅವರು ಕೊನೆ ದಿನಗಳನ್ನು ಪ್ರೀತಿಪಾತ್ರರ ಜೊತೆ ಕಳೆಯಲು ಇಚ್ಚಿಸಿದ್ದರು. ಆದ್ರೆ ಅಷ್ಟರೋಳಗೆ ಕಣ್ಣುಮುಚ್ಚಿದ್ದಾರೆ ಎಂದು ಫೇಸ್​ಬುಕ್​ನಲ್ಲಿ ನಾಡಿನಾ ಬರೆದುಕೊಂಡಿದ್ದಾರೆ. ಅವರು ನಿಧನದ ಹಿನ್ನೆಲೆಯಲ್ಲಿ ಕುಟುಂಬಸ್ಥರು ಹಾಗೂ ಸ್ನೇಹಿತರು, ಸಹ ಆಟಗಾರರು ಸಂತಾಪ ಸೂಚಿಸುತ್ತಿದ್ದಾರೆ.

ಲೆಜೆಂಡರಿ ಕ್ರಿಕೆಟರ್ ಹೀತ್ ಸ್ಟ್ರೀಕ್ ಅವರು ಕಳೆದ 6 ತಿಂಗಳಿನಿಂದ ಮಾರಾಣಾಂತಿಕ ಕ್ಯಾನ್ಸ್​ರ್​ನಿಂದ ಬಳಲುತ್ತಿದ್ದರು. ಹೀಗಾಗಿ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಕೂಡ ದಾಖಲಾಗಿದ್ದರು. ಆದ್ರೆ ಇವು ಯಾವುದೇ ಫಲ ನೀಡದ ಕಾರಣ ಅವರು ಇಂದು ನಿಧನ ಹೊಂದಿದ್ದಾರೆ. ಮೊನ್ನೆ ಮೊನ್ನೆಯಷ್ಟೇ ಹೀತ್​ ಸ್ಟ್ರೀಕ್ ಸಾವನ್ನಪ್ಪಿದ್ದಾರೆ ಎಂದು ಜಿಂಬಾಬ್ವೆಯ ಕ್ರಿಕೆಟರ್ ಹೆನ್ರಿ ಒಲೊಂಗಾ ಟ್ವಿಟರ್​ನಲ್ಲಿ ಪೋಸ್ಟ್ ಹಾಕಿದ್ದರು. ಆದ್ರೆ ಅವಾಗ ಅವರು ಇನ್ನು ಜೀವಂತವಾಗಿದ್ದೇನೆ ಎಂದು ಹೇಳಿದ್ದರು. ಆದ್ರೆ ಈ ಬಾರಿ ನಿಧನ ಹೊಂದಿದ್ದಾರೆ ಎಂದು ಅವರ ಕುಟುಂಬಸ್ಥರೇ ಅಧಿಕೃತವಾಗಿ ಹೇಳಿದ್ದಾರೆ.

A heart touching post by Heath Streak's wife.

Condolences to Heath Streak's family and friends. pic.twitter.com/HAk9AezeN8

— Mufaddal Vohra (@mufaddal_vohra) September 3, 2023

ಇನ್ನು ಜಿಂಬಾಬ್ವೆಯ ಲೆಜೆಂಡರಿ ಹೀತ್ ಸ್ಟ್ರೀಕ್ 65 ಟೆಸ್ಟ್​, 189 ಏಕದಿನ ಮ್ಯಾಚ್​ಗಳನ್ನು ಆಡಿದ್ದು ಒಟ್ಟು 4,933 ರನ್​ಗಳನ್ನು ಗಳಿಸಿದ್ದಾರೆ. ಉತ್ತಮ ಆಲ್​ರೌಂಡರ್ ಆದ ಇವರು ಎಲ್ಲ ವಿಧದ ಕ್ರಿಕೆಟ್​ನಲ್ಲಿ 455 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. ಇವರು ಜಿಂಬಾಬ್ವೆ ಪರ ಏಕದಿನದಲ್ಲಿ 2,943 ರನ್​ ಹಾಗೂ 239 ವಿಕೆಟ್​ಗಳನ್ನು ಕಬಳಿಸಿದ್ದಾರೆ. ಅಲ್ಲದೇ ಟೆಸ್ಟ್​ನಲ್ಲಿ 1,990 ರನ್​ ಕಲೆ ಹಾಕಿದ್ದು 216 ವಿಕೆಟ್​ಗಳನ್ನು ಗಳಿಸಿದ್ದರು. ಇನ್ನು ಟೆಸ್ಟ್​ನಲ್ಲಿ 127 ರನ್​ ಬಾರಿಸಿರುವುದು ವೈಯಕ್ತಿಕ ಅತಿ ಹೆಚ್ಚು ರನ್ ಆದ್ರೆ, ಏಕದಿನದಲ್ಲಿ 79 ರನ್​ ವೈಯಕ್ತಿಕ ಗರಿಷ್ಟ ರನ್ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ