ಕೇಕ್ ಡೆಲಿವರಿ ಮಾಡಿದವರನ್ನು ಕೇಳಿದರೆ ಈ ಬಗ್ಗೆ ಏನು ಹೇಳುತ್ತಾರೆ.?

ಕೇಕ್ ತಿಂದ ನಂತರ ರಾತ್ರಿ 3 ಗಂಟೆ ಸುಮಾರಿಗೆ ಬಾಲಕಿಗೆ ವಾಮಿಟಿಂಗ್

ಹುಟ್ಟುಹಬ್ಬ ಹಿನ್ನೆಲೆಯಲ್ಲಿ ಆನ್​ಲೈನ್​ನಲ್ಲಿ ಆರ್ಡರ್ ಮಾಡಿದ್ದ ಕೇಕ್

ಚಂಡೀಗಢ: ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದ 10 ವರ್ಷದ ಬಾಲಕಿ ಆನ್​ಲೈನ್​ನಲ್ಲಿ ಆರ್ಡರ್ ಮಾಡಿದ್ದ ಕೇಕ್​ ಕಟ್ ಮಾಡಿ, ಅದನ್ನ ತಿಂದ ನಂತರ ಸಾವನ್ನಪ್ಪಿರುವ ಘಟನೆ ಪಂಜಾಬ್​ನ ಪಟಿಯಾಲ ನಗರದಲ್ಲಿ ನಡೆದಿದೆ.

ಪಟಿಯಾಲ ನಗರದ ನಿವಾಸಿ ಮನ್ವಿ (10) ಮೃತಪಟ್ಟಿರುವ ದುರ್ದೈವಿ. ಬಾಲಕಿಯ ಬರ್ತ್​​ಡೇ ಹಿನ್ನೆಲೆಯಲ್ಲಿ ಆಕೆಯ ಪೋಷಕರು ಆನ್​​ಲೈನ್ ಮೂಲಕ ಕೇಕ್​ ಆರ್ಡರ್ ಮಾಡಿದ್ದರು. ರಾತ್ರಿ 8, 9 ಗಂಟೆ ಸುಮಾರಿಗೆ ಕೇಕ್ ಡೆಲವರಿ ಮಾಡಲಾಗಿದ್ದು ಬಾಲಕಿ ಮನೆಯಲ್ಲೇ ಖುಷಿ, ಖುಷಿಯಾಗಿ ಕೇಕ್ ಕಟ್ ಮಾಡಿದ್ದಾಳೆ. ಬಳಿಕ ಕೇಕ್ ಅನ್ನು​ ಬಾಲಕಿ, ಆಕೆಯ ತಂಗಿ ಹಾಗೂ ಪೋಷಕರು ಕೂಡ ತಿಂದಿದ್ದಾರೆ.

ಬಳಿಕ ರಾತ್ರಿ 3 ಗಂಟೆ ಸುಮಾರಿಗೆ ಏಕಾಏಕಿ ಬಾಲಕಿ ಮತ್ತು ಈಕೆಯ ತಂಗಿಗೆ ವಾಂತಿಯಾಗಿದೆ. ಇದರಿಂದ ತಕ್ಷಣ ಪೋಷಕರು ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ಆದ್ರೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದ ಬಾಲಕಿ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದು ಸಹೋದರಿ ಇನ್ನು ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಕೇಕ್ ತಿಂದಿದ್ದ ಮನೆಯವರು ಕೂಡ ಅಸ್ವಸ್ಥರಾಗಿದ್ದಾರೆ ಎನ್ನಲಾಗಿದೆ.

A 10-year-old dies after eating birthday cake. The family alleged that their daughter died right after consuming her birthday cake, and other family members fell ill too. A case has been registered against the bakery shop owner under Sections 273 and 304A of the IPC. pic.twitter.com/Qb7U1IEnOn

— Gagandeep Singh (@Gagan4344) March 30, 2024

ಸದ್ಯ ಈ ಸಂಬಂಧ ಬಾಲಕಿಯ ಪೋಷಕರು ಕೇಸ್ ದಾಖಲು ಮಾಡಿದ್ದು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಇನ್ನು ಕೇಕ್ ಡೆಲಿವರಿ ಮಾಡಿದ್ದವರನ್ನ ಈ ಬಗ್ಗೆ ಕೇಳಿದರೆ ಇನ್ನು ಕೇಕ್ ಡೆಲಿವರಿಯಾಗಿಲ್ಲ ಎಂದು ಹೇಳಿದ್ದಾರೆ. ಹೀಗಾಗಿ ಬಾಲಕಿಯ ಸಾವು ಹಲವಾರು ಅನುಮಾನಗಳನ್ನ ಉಂಟು ಮಾಡಿದೆ ಎನ್ನಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ