ಈ IPLನಲ್ಲಿ 100ಕ್ಕೂ ಅಧಿಕ ಕ್ಯಾಚ್​ ಡ್ರಾಪ್​ಗಳು.. ಆರ್​​ಸಿಬಿ ಪ್ಲೇಯರ್ಸ್​ ಮಿಸ್ ಮಾಡಿದ್ದು ಎಷ್ಟು?

ಐಪಿಎಲ್​ ಹಂಗಾಮದಲ್ಲಿ ಬೌಂಡರಿಗಳ ಬೋರ್ಗರೆತ, ಸಿಕ್ಸರ್​​ಗಳ ಸುರಿಮಳೆಯೇ ಸುರೀತಿದೆ. ಬ್ಯಾಟ್ಸ್​​ಮನ್​ಗಳ ಜಬರ್ದಸ್ತ್​​ ಬ್ಯಾಟಿಂಗ್​ ಫ್ಯಾನ್ಸ್​ಗೆ ಭರ್ಜರಿ ಎಂಟರ್​​ಟೈನ್​​ಮೆಂಟ್ ನೀಡ್ತಿದೆ. ಆದ್ರೆ, ಇದೇ ಐಪಿಎಲ್​ನಲ್ಲಿ ನಡೀತಿರೋ ಕ್ಯಾಚ್​ ಡ್ರಾಪ್​ ಸುರಿಮಳೆ ಫ್ಯಾನ್ಸ್ ವಲಯದಲ್ಲಿ ಬೇಸರ ತರಿಸಿದೆ. ನೀವು ನಂಬಲ್ಲ, ಈ ಸೀಸನ್​ ಫಸ್ಟ್​ ಹಾಫ್​ ಅಂತ್ಯಕ್ಕೆ ಕ್ಯಾಚ್​ ಡ್ರಾಪ್​ ಸೆಂಚುರಿ ಕಂಪ್ಲೀಟ್​ ಆಗಿದೆ.

ಇಂಡಿಯನ್​ ಪ್ರೀಮಿಯರ್​​ ಲೀಗ್​​ ಮೆಗಾ ಟೂರ್ನಿ ಸಖತ್​​​ ಮನರಂಜನೆ ನೀಡ್ತಿದೆ. ಟ್ವಿಸ್ಟ್​ & ಟರ್ನ್​ಗಳು, ರೋಚಕ ಅಂತ್ಯಗಳು, ಪ್ಲೇ ಆಫ್​ನ ಪೈಪೋಟಿ ದಿನದಿಂದ ದಿನಕ್ಕೆ ಥ್ರಿಲ್​​ ಹೆಚ್ಚಿಸ್ತಿದೆ. ಇದರ ನಡುವೆ ಐಪಿಎಲ್​​ ತನ್ನ ಕ್ವಾಲಿಟಿ​ ಕಳೆದುಕೊಂಡಿತಾ ಎಂಬ ಪ್ರಶ್ನೆ ಹುಟ್ಟಿದೆ. ಬ್ಯಾಟಿಂಗ್​ ಅಬ್ಬರ, ಬೌಲಿಂಗ್​ ದರ್ಬಾರ್​​ ನಡೀತಿದೆ. ಆದ್ರೆ, ಫೀಲ್ಡಿಂಗ್​ ವಿಚಾರಕ್ಕೆ ಯಾವ ತಂಡಗಳೂ ಸ್ಟ್ಯಾಂಡರ್ಡ್​​ಗೆ ತಕ್ಕಂತೆ ಆಡ್ತಿಲ್ಲ. ಕ್ಯಾಚ್​ ಡ್ರಾಪ್​ಗಳ ಸುರಿಮಳೆ ಈ ಸೀಸನ್​ನಲ್ಲಿ ಆಗ್ತಿದೆ.

ಕ್ಯಾಚ್​​ ಡ್ರಾಪ್​ ಸುರಿಮಳೆ.! ಸೆಂಚುರಿ ‘ಸಾಧನೆ’.!

ಈ ಸೀಸನ್​ ಐಪಿಎಲ್​ನಲ್ಲಿ ಕ್ಯಾಚ್​ ಡ್ರಾಪ್​​ಗಳ ಸುರಿಮಳೆ ಸುರಿತಿದೆ. ಆಗಿರೋದು 43 ಪಂದ್ಯ ಅದಾಗಲೇ ಕ್ಯಾಚ್ ಡ್ರಾಪ್​ ವಿಚಾರದಲ್ಲಿ ಸೆಂಚುರಿಯೇ ಸಿಡಿದುಬಿಟ್ಟಿದೆ. ಆ ತಂಡ ಈ ತಂಡ ಅಂತಿಲ್ಲ. ಎಲ್ಲಾ ತಂಡಗಳು ನಾ ಮುಂದು, ನೀ ಮುಂದು ಎಂಬಂತೆ ಪೈಪೋಟಿಗೆ ಬಿದ್ದು ಕ್ಯಾಚ್​ ಡ್ರಾಪ್​ ಮಾಡಿವೆ.

2025ರ IPLನಲ್ಲಿ ಕ್ಯಾಚ್ ಡ್ರಾಪ್​

• ಪಂದ್ಯ- 43
• ಚಾನ್ಸ್​- 432
• ಕ್ಯಾಚ್​- 329
• ಡ್ರಾಪ್-​ 107

ಮುಂಬೈ ಇಂಡಿಯನ್ಸ್​ ಬೆಸ್ಟ್​​.. ಚೆನ್ನೈ ಸೂಪರ್​ ಫ್ಲಾಪ್​​.!

ಈ ಸೀಸನ್​ನಲ್ಲಿ ಫೀಲ್ಡಿಂಗ್​ ವಿಚಾರದಲ್ಲಿ ಮುಂಬೈ ಇಂಡಿಯನ್ಸ್​​ ಬೆಸ್ಟ್​ ಎನಿಸಿದೆ. ಆದ್ರೆ, 5 ಬಾರಿಯ ಚಾಂಪಿಯನ್​ ಚೆನ್ನೈ ತಂಡ ವರ್ಸ್ಟ್​ ರೆಕಾರ್ಡ್​ ಹೊಂದಿದೆ. ಈ ಸೀಸನ್​ನಲ್ಲಿ ಚೆನ್ನೈ ಹೀನಾಯ ಸ್ಥಿತಿ ತಲುಪಿರೋದಕ್ಕೆ ಇದೇ ಮುಖ್ಯ ಕಾರಣವಾಗಿದೆ. ಮುಂಬೈ ಇಂಡಿಯನ್ಸ್​ 83.3ರ ಕ್ಯಾಚಿಂಗ್​ ಎಫಿಶಿಯನ್ಸಿ ಹೊಂದಿದ್ರೆ, ಚೆನ್ನೈ ಕೇವಲ 64.3 ಕ್ಯಾಚಿಂಗ್​​ ಎಫಿಶಿಯನ್ಸಿ ಹೊಂದಿದೆ. ಇನ್ನು, ಕ್ಯಾಚಿಂಗ್​ ವಿಚಾರದಲ್ಲಿ ಸನ್​ರೈಸರ್ಸ್​ ಹೈದ್ರಾಬಾದ್​ 2ನೇ ಸ್ಥಾನದಲ್ಲಿದ್ರೆ, ಆರ್​​ಸಿಬಿ 3ನೇ ಸ್ಥಾನದಲ್ಲಿದೆ.

ಯಾವ ತಂಡ.? ಎಷ್ಟು ಕ್ಯಾಚ್​ ಡ್ರಾಪ್​.?

ಮುಂಬೈ ಇಂಡಿಯನ್ಸ್​​ ತಂಡ 10 ಕ್ಯಾಚ್​​ಗಳನ್ನ ಡ್ರಾಪ್​ ಮಾಡಿದ್ದು 83.3ರ ಕ್ಯಾಚಿಂಗ್​ ಎಫಿಶಿಯೆನ್ಸಿ ಪರ್ಸಂಟೇಜ್​ ಹೊಂದಿದೆ. ಸನ್​​ರೈಸರ್ಸ್​ ಹೈದ್ರಾಬಾದ್​ ತಂಡ 10 ಕ್ಯಾಚ್​​ ಡ್ರಾಪ್​ ಮಾಡಿದ್ದು, 82.4ರ ಕ್ಯಾಚಿಂಗ್​ ಎಫಿಶಿಯೆನ್ಸಿ ಹೊಂದಿದ್ರೆ, 9 ಕ್ಯಾಚ್​ ಡ್ರಾಪ್​ ಮಾಡಿರೋ ಆರ್​​ಸಿಬಿ 80.9, 11 ಕ್ಯಾಚ್​ ಡ್ರಾಪ್​ ಮಾಡಿರೋ ಕೊಲ್ಕತ್ತಾ 79.1, 11 ಕ್ಯಾಚ್​ ಡ್ರಾಪ್​ ಮಾಡಿರೋ ಪಂಜಾಬ್​​ 78.4ರ ಕ್ಯಾಚಿಂಗ್​ ಎಫಿಶಿಯೆನ್ಸಿ ಹೊಂದಿವೆ.

ಯಾವ ತಂಡ.? ಎಷ್ಟು ಕ್ಯಾಚ್​ ಡ್ರಾಪ್​.?

ಗುಜರಾತ್​ ಟೈಟನ್ಸ್​ ತಂಡ 16 ಕ್ಯಾಚ್​​ ಡ್ರಾಪ್​ ಮಾಡಿ 77.4ರ ಕ್ಯಾಚಿಂಗ್​ ಎಫಿಶಿಯನ್ಸಿ ಹೊಂದಿದ್ರೆ, 73.9ರ ಕ್ಯಾಚಿಂಗ್​ ಎಫಿಶಿಯೆನ್ಸಿ ಹೊಂದಿರೋ ಲಕ್ನೋ 15 ಕ್ಯಾಚ್ ಡ್ರಾಪ್​ ಮಾಡಿದೆ. 13 ಕ್ಯಾಚ್​ ಡ್ರಾಪ್​ ಮಾಡಿರೋ ಡೆಲ್ಲಿ 71.4, 19 ಕ್ಯಾಚ್​ ಡ್ರಾಪ್​ ಮಾಡಿರೋ ರಾಜಸ್ಥಾನ್​ 70.5, 18 ಕ್ಯಾಚ್​ ಡ್ರಾಪ್​ ಮಾಡಿರೋ ಚೆನ್ನೈ 64.3ರ ಕ್ಯಾಚಿಂಗ್​ ಎಫಿಶಿಯೆನ್ಸಿ ಹೊಂದಿವೆ.

ಇದನ್ನೂ ಓದಿ: IPLನಲ್ಲಿ ಬೌಲರ್​ಗಳಿಗೆ ಗುಡ್​ನ್ಯೂಸ್​.. ಆ ಸ್ವೀಟ್ ಸ್ಪಾಟ್​​​​​​​​​​​​​ ಮೇಲೆ ಹದ್ದಿನ ಕಣ್ಣು!

ಕ್ಯಾಚ್​​ ಡ್ರಾಪ್​ ಮಾಡೋದ್ರಲ್ಲಿ ಚಹಲ್​​ ಟಾಪರ್​.!

ಈ ಸೀಸನ್​ನಲ್ಲಿ ಸ್ಪಿನ್ನರ್​ ಯುಜುವೇಂದ್ರ ಚಹಲ್​ ಅತಿ ಹೆಚ್ಚು ಕ್ಯಾಚ್​ ಡ್ರಾಪ್​ ಮಾಡಿದ್ದಾರೆ. 5 ಚಾನ್ಸ್​ ಪೈಕಿ ಚಹಲ್​ 3 ಕ್ಯಾಚ್​ ಡ್ರಾಪ್​ ಮಾಡಿದ್ದಾರೆ. ಚೆನ್ನೈನ ವಿಜಯ್​ ಶಂಕರ್​ ಕೂಡ 3 ಕ್ಯಾಚ್​ ಡ್ರಾಪ್​ ಮಾಡಿದ್ದಾರೆ. ಅಬ್ಧುಲ್​ ಸಮದ್​​ 4 ಚಾನ್ಸ್​ಗಳ ಪೈಕಿ 2 ಚಾನ್ಸ್​​ ಕೈಚೆಲ್ಲಿದ್ರೆ, ವೈಭವ್​ ಅರೋರಾ 2 ಕ್ಯಾಚ್​ ಡ್ರಾಪ್​ ಮಾಡಿದ್ದಾರೆ.

ಕ್ಯಾಚ್​ ಡ್ರಾಪ್​ನಿಂದ ಜೀವದಾನ ಪಡೆದುಕೊಳ್ತಿರೋ ಬ್ಯಾಟ್ಸ್​ಮನ್​ ಅಬ್ಬರಿಸಿ ಬ್ಬೊಬ್ಬಿರಿತ್ತಿದ್ದಾರೆ. 5 ಕ್ಯಾಚ್​ ಡ್ರಾಪ್​​ನ ಲಾಭ ಪಡೆದೆ ಪ್ರಿಯಾಂಶ್​​​ ಆರ್ಯ ಶತಕ ಸಿಡಿಸಿದ್ದು. ಅಭಿಷೇಕ್​ ಶರ್ಮಾಗೂ ಅಷ್ಟೇ ಶತಕ ಸಿಡಿಸಿದಾಗ 2 ಜೀವದಾನ ಸಿಕ್ಕಿದ್ದವು. ಫೀಲ್ಡರ್ಸ್​ ಮಾಡ್ತಿರೋ ಈ ಯಡವಟ್ಟುಗಳು ಬೌಲರ್​​ಗಳಿಗೆ ಹೊರೆಯಾಗ್ತಿವೆ. ಮುಂದಾದ್ರೂ ಫೀಲ್ಡಿಂಗ್​ ಕಡೆಗೆ ತಂಡಗಳು ಗಮನಹರಿಸ್ತಾವಾ?.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ