ಬ್ರೆಜಾ, ನೆಕ್ಸಾನ್​ಗೆ ತಲೆನೋವು ತಂದಿಟ್ಟ ಸ್ಕೋಡಾ EV; 10 ದಿನದಲ್ಲಿ ಬರೋಬ್ಬರಿ 10 ಸಾವಿರ ಬುಕ್ಕಿಂಗ್

ಸ್ಕೋಡಾದ ಹೊಸ ಕೈಲಾಕ್ ಮಾರುಕಟ್ಟೆಯಲ್ಲಿ ದೊಡ್ಡ ಡಿಮ್ಯಾಂಡ್ ಸೃಷ್ಟಿ ಮಾಡಿದೆ. ಈಗಾಗಲೇ 10 ದಿನಗಳಲ್ಲಿ 10 ಸಾವಿರ ಕೈಲಾಕ್​ಗಳು ಬುಕ್ಕಿಂಗ್ ಆಗಿವೆ. ಸ್ಕೋಡಾ ಆಟೋದ ಮೊದಲ ಭಾರತೀಯ 4 ಮೀಟರ್​ನ ಎಸ್​ಯುವಿ. ಮಾರುತಿ ಸುಜುಕಿ, ಟಾಟಾ ನೆಕ್ಸಾನ್​, ಹುಂಡೈ, ಕಿಯಾ ಸಾನೆಟ್​ ಹಾಗೂ ಮಹಿಂದ್ರಾಗಳ ಎಕ್ಸ್​ಯುವಿಗಳಿಗೆ ಇರುವ ಡಿಮ್ಯಾಂಡ್​ನಷ್ಟೇ ಡಿಮ್ಯಾಂಡ್ ಪಡೆದುಕೊಂಡಿದೆ.

ಸ್ಕೋಡಾದ ಕೈಲಾಕ್​ ಹೊಸ ಕಾರು ಡಿಸೆಂಬರ್ 2ಕ್ಕೆ ಬುಕ್ಕಿಂಗ್ ಓಪನ್ ಮಾಡಲಾಗಿತ್ತು. ಜನವರಿ 27 ರಿಂದ ಡಿಲೆವರಿ ಪ್ರಕ್ರಿಯೆ ನಡೆಯಲಿವೆ ಎಂದು ಕೂಡ ಘೋಷಿಸಲಾಗಿತ್ತು. ಅದು ಮಾತ್ರವಲ್ಲಿ ಒಂದು ಮಿತಿಯಲ್ಲಿ ಮಾತ್ರ ಕಾರ್​ಗಳನ್ನು ಉತ್ಪಾದಿಸುತ್ತೇವೆ ಎಂದು ಕೂಡ ಹೇಳಿತ್ತು. ಕೇವಲ 33,333 ಗ್ರಾಹಕರಿಗೆ ಮಾತ್ರ ಈ ಕೈಲಾಕ್ ಕಾರ್ ಸಿಗಲಿದೆ ಎಂದು ಸ್ಕೋಡಾ ಘೋಷಿಸಿಕೊಂಡಿತ್ತು. ಅದರಂತೆ ಈಗಾಗಲೇ ಡಿಸೆಂಬರ್ 2 ರಿಂದ ಬುಕ್ಕಿಂಗ್ ಓಪನ್ ಆಗಿದ್ದು, ಹತ್ತೇ ದಿನಗಳಲ್ಲಿ 10 ಸಾವಿರ ಸ್ಕೋಡಾ ಕೈಲಾಕ್​ ಕಾರ್​ಗಳು ಬುಕ್ಕಿಂಗ್ ಆಗಿವೆ.

ಇದನ್ನೂ ಓದಿ:WhatsApp, ಇನ್​​ಸ್ಟಾ, ಫೇಸ್​ಬುಕ್​ ಬಳಕೆದಾರರಿಗೆ ಆಘಾತ.. ರಾತ್ರೋರಾತ್ರಿ ಆಗಿದ್ದೇನು..?

ಗ್ರಾಹಕರೊಂದಿಗೆ ನಿಕಟ ಸಂಪರ್ಕವನ್ನು ಹೊಂದುವ ಸಲುವಾಗಿ ಸ್ಕೋಡಾ ಭಾರತದಾದ್ಯಂತ ಡ್ರೀಮ್ ಟೂರ್ ಕೈಗೊಳ್ಳಲಿದೆ. ಡಿಸೆಂಬರ್ 13 ರಿಂದ ಚಕಾನ್ ಪ್ಲಾಂಟ್​ನಿಂದ ಶುರುವಾಗಲಿರುವ ಈ ಡ್ರೀಮ್ ಟೂರ್ ಜನವರಿ 25ಕ್ಕೆ ಮುಗಿಯಲಿದೆ. ಒಟ್ಟು 70 ನಗರಗಳಲ್ಲಿ 43 ದಿನಗಳ ಕಾಲ ಈ ಡ್ರೀಮ್ ಟೂರ್ ನಡೆಯಲಿದೆ ಎಂದು ಹೇಳಲಾಗಿದೆ.
ದಕ್ಷಿಣ ಭಾಗದಲ್ಲಿ ಪುಣೆ, ಕೊಲ್ಹಾಪುರ, ಪಣಜಿ, ಮಂಗಳೂರು, ಮೈಸೂರು, ಬೆಂಗಳೂರು ಹಾಗೂ ಹೈದ್ರಾಬಾದ್​, ಪಶ್ಚಿಮೊತ್ತರದಲ್ಲಿ ಮುಂಬೈ, ಸೂರತ್, ಬರೋಡಾ, ಅಹ್ಮದಾಬಾದ್ ಹಾಗೂ ದೆಹಲಿ. ನಂತರ ನಾಶಿಕ್, ನಾಗ್ಪುರ್ ಮತ್ತು ಕೊಲ್ಕೊತ್ತಾಗಳಲ್ಲಿ ಈ ಡ್ರೀಮ್ ಟೂರ್ ನಡೆಯಲಿದೆ.

ಇನ್ನು ಕೈಲಾಕ್​ದ ವಿಶೇಷತೆಗಳೇನು ಎಂಬುದನ್ನು ನೋಡುವುದಾದ್ರೆ, 1.0 ಲೀಟರ್​ ಟಿಎಸ್​ಐ ಇಂಜಿನ್ ಹೊಂದಿದ್ದು, ಇದು 115 ಬಿಹೆಚ್​ಪಿ ಮತ್ತು 178ಎನ್​ಎಂ ಉತ್ಪಾದಿಸುತ್ತದೆ. ಇದರ ವೇಗದ ಗರಿಷ್ಠ ಮಿತಿ ಗಂಟೆಗೆ 188 ಕಿಮೀ ಎಂದು ಹೇಳಲಾಗುತ್ತಿದೆ. ಎಕ್ಸ್​ಲೇಟರ್​ 0 ಯಿಂದ 100 ಕಿಲೋಮೀಟರ್ ವೇಗ ಪಡೆದುಕೊಳ್ಳಲು ಕೇವಲ 10.5 ಸೆಕಂಡ್ ಸಾಕಾಗುತ್ತದೆ ಎಂದು ಹೇಳಲಾಗಿದೆ.

ಒಟ್ಟು ನಾಲ್ಕು ವಿಭಿನ್ನ ಶೈಲಿಯ ಕೈಲಾಕ್​ ಕಾರುಗಳನ್ನು ಸ್ಕೋಡಾ ಪರಿಚಯಿಸುತ್ತಿದೆ. ಅವು ಯಾವುವು. ಬೆಲೆ ಏನು ಎಂಬುವುದನ್ನು ನೋಡುವುದಾದ್ರೆ

*ಕ್ಲಾಸಿಕ್ ಎಂಟಿ​-7.89 ಲಕ್ಷ ರೂಪಾಯಿ

*ಸಿಗ್ನೇಚರ್ ಎಂಟಿ- 9.59 ಲಕ್ಷ ರೂಪಾಯಿ

*ಸಿಗ್ನೇಚರ್ ಎಟಿ-10.59 ಲಕ್ಷ ರೂಪಾಯಿ

*ಸಿಗ್ನೇಚರ್ +ಎಂಟಿ-11.40 ಲಕ್ಷ ರೂಪಾಯಿ

*ಸಿಗ್ನೇಚರ್+ಎಟಿ- 12.40 ಲಕ್ಷ ರೂಪಾಯಿ

*ಪ್ರೆಸ್ಟೀಜ್​ ಎಂಟಿ- 13.35 ಲಕ್ಷ ರೂಪಾಯಿ

*ಪ್ರೆಸ್ಟೀಜ್ ಎಟಿ- 14.40 ಲಕ್ಷ ರೂಪಾಯಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ