5 ವರ್ಷ 5 ತಿಂಗಳು.. 1ನೇ ತರಗತಿಗೆ ಶಿಕ್ಷಣ ಇಲಾಖೆ ಅಧಿಕೃತ ಆದೇಶದಲ್ಲಿ ಏನಿದೆ? ಇದು ನ್ಯೂಸ್​​ಫಸ್ಟ್​ ಬಿಗ್ ಇಂಪ್ಯಾಕ್ಟ್!

ಇದು 1ನೇ ತರಗತಿಗೆ ಸೇರ ಬಯಸುವ ಚಿಣ್ಣರ ಪಾಲಿಗೆ ಬಹು ದೊಡ್ಡ ಸಿಹಿ ಸುದ್ದಿ. ಶಿಕ್ಷಣ ಇಲಾಖೆಯ ವಯೋಮಿತಿ ಕಾನೂನು ಗೊಂದಲ, ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಪ್ರತಿ ಹಂತದಲ್ಲೂ ಪೋಷಕರ ಸಮಸ್ಯೆಗಳಿಗೆ ಕಿವಿಯಾಗಿದ್ದ ನ್ಯೂಸ್​ಫಸ್ಟ್, ನಿರಂತರ ಸುದ್ದಿ ಮಾಡಿತ್ತು. ಪರಿಣಾಮ ಕೊನೆಗೂ ಎಚ್ಚೆತ್ತ ರಾಜ್ಯ ಸರ್ಕಾರ ಒಂದನೇ ತರಗತಿಯ ವಯೋಮಿತಿಯನ್ನ ಇಳಿಸಿ ಗುಡ್​ನ್ಯೂಸ್ ಕೊಟ್ಟಿದೆ.

ಗುಡ್​ನ್ಯೂಸ್.. ರಾಜ್ಯದ ಆರು ಲಕ್ಷ ವಿದ್ಯಾರ್ಥಿಗಳ ಪೋಷಕರಿಗೆ ಕೊನೆಗೂ ಬಂದೇ ಬಿಟ್ಟಿದೆ ಗುಡ್​ನ್ಯೂಸ್. ರಾಜ್ಯ ಸರ್ಕಾರ ಜಾರಿ ಮಾಡಿದ್ದ ವಯೋಮಿತಿ ಕಾನೂನು, ಅದ್ರಿಂದ ಸೃಷ್ಟಿಯಾದ ಗೊಂದಲ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಕೊನೆಗೂ ಈ ವಯೋಮಿತಿ ಗೊಂದಲದಿಂದ ಆದ ಸಮಸ್ಯೆಗೆ ಒಂದು ಪರಿಹಾರ ಹುಡುಕಿದೆ ಸರ್ಕಾರ.

ನ್ಯೂಸ್​ಫಸ್ಟ್ ನಿರಂತ ವರದಿ.. ರಾಜ್ಯ ಸರ್ಕಾರ ಕೊಡ್ತು ಗುಡ್​ನ್ಯೂಸ್​..!
ಪೋಷಕರೇ.. ಇನ್ಮುಂದೇ ಆರಲ್ಲ 5 ವರ್ಷ 5 ತಿಂಗಳ ವಯೋಮಿತಿ ಫಿಕ್ಸ್​!
ಕೆಲ ತಿಂಗಳ ಹಿಂದೆಯಷ್ಟೇ ಮಕ್ಕಳನ್ನ ಒಂದನೇ ತರಗತಿಗೆ ಅಡ್ಮೀಷನ್ ಮಾಡಿಸ್ಬೇಕು ಅಂತಂದ್ರೆ, ಆರು ವರ್ಷ ಕಡ್ಡಾಯ ಅನ್ನೋ ನಿಯಮ ಜಾರಿಗೆ ಮಾಡಿತ್ತು. ಇದ್ರಿಂದ ಸುಮಾರು 6 ಲಕ್ಷ ವಿದ್ಯಾರ್ಥಿಗಳಿಗೆ ಟೆನ್ಷನ್ ಶುರುವಾಗಿತ್ತು. ಯಾಕಂದ್ರೆ, ಮಕ್ಕಳು 6 ವರ್ಷಕ್ಕಿಂತ ಕೆಲವೇ ದಿನಗಳು ಕಮ್ಮಿಯಿದ್ರೂ ಅವ್ರಿಗೆ ಅಡ್ಮಿಷನ್ ಸಿಗ್ತಿರಲಿಲ್ಲ. ಹೀಗಾಗಿ, ಲಕ್ಷಾಂತರ ಪೋಷಕರು ಕಂಗಾಲಾಗಿದ್ರು. ಅಷ್ಟೇ ಅಲ್ಲ, ಇದ್ರಿಂದ ಮಕ್ಕಳಿಗೂ ಕೂಡ ಮನೋ ಸಮಸ್ಯೆ ಎದುರಾಗಿತ್ತು.

ನ್ಯೂಸ್​ಫಸ್ಟ್ ಕೂಡ ಈ ಬಗ್ಗೆ ಸತತವಾಗಿ ಸುದ್ದಿ ಪ್ರಸಾರ ಮಾಡಿ, ಸಮಸ್ಯೆಯನ್ನ ಸರ್ಕಾರದ ಕಿವಿಗೂ ತಲುಪಿಸಿತ್ತು. ಪರಿಣಾಮ ಕೊನೆಗೂ ರಾಜ್ಯ ಸರ್ಕಾರ ಇದೊಂದು ವರ್ಷ ವಯೋಮಿತಿ ಸಡಿಲಿಸಿದ್ದು, ಈ ವರ್ಷಕ್ಕೆ ಮಾತ್ರ 5.5ವರ್ಷಕ್ಕೆ ಇಳಿಸಿ ರಿಲಾಕ್ಸೇಷನ್‌ ಕೊಟ್ಟಿದೆ.

ಇದನ್ನೂ ಓದಿ: ಪೋಷಕರೇ ಗಮನಿಸಿ.. ಈ ವರ್ಷ 1ನೇ ತರಗತಿ ಅಡ್ಮಿಷನ್‌ನಲ್ಲಿ ಮಹತ್ವದ ಬದಲಾವಣೆ; ಓದಲೇಬೇಕಾದ ಸ್ಟೋರಿ! 

ಸದ್ಯ ಸರ್ಕಾರ ವಯೋಮಿತಿ ಸಡಿಲಿಸಿ ಆದೇಶ ಕೊಡ್ತಿದ್ದಂತೆ ಕಂಗಾಲಾಗಿದ್ದ ಪೋಷಕರು ಫುಲ್ ಖುಷ್ ಆಗಿದ್ದಾರೆ. ಈ ವರ್ಷ ವಯೋಮಿತಿ ಸಡಿಲಿಸಿ ಶಿಕ್ಷಣ ಇಲಾಖೆ ಕಂಗಲಾಗಿದ್ದ ಪೋಷಕರ ಕಣ್ಣಲ್ಲಿ ಖುಷಿ ತರಿಸಿದೆ. ಈ ಮೂಲಕ ಪೋಷಕರ ಪರವಾಗಿ ನಿಂತು ಸುದ್ದಿ ಮಾಡಿದ ನ್ಯೂಸ್​ಫಸ್ಟ್​ ಪ್ರಯತ್ನಕ್ಕೂ ಫಲ ಸಿಕ್ಕಂತಾಗಿದೆ.

6 ವರ್ಷ ರೂಲ್‌ ಯಾಕೆ? ಗೊಂದಲ ಏನು?
2022 ನವೆಂಬರ್​​ನಲ್ಲಿ 1ನೇ ತರಗತಿಗೆ 6 ವರ್ಷ ಕಡ್ಡಾಯ ಎಂದು ಆದೇಶ
2025ರ ಶೈಕ್ಷಣಿಕ ವರ್ಷದಿಂದ ನಿಯಮ ಜಾರಿಗೆ ಬರಲಿದೆ ಎಂದಿದ್ದ ಶಿಕ್ಷಣ ಇಲಾಖೆ
ಆ ಪ್ರಕಾರ ಈ ವರ್ಷ ಜೂನ್​ 1ಕ್ಕೆ ಒಂದನೇ ತರಗತಿಗೆ ಸೇರಿಸಲು 6 ವರ್ಷ ಕಡ್ಡಾಯ
6 ವರ್ಷಕ್ಕೆ ಮಕ್ಕಳು ಕಲಿಕೆಗೆ ಭೌತಿಕವಾಗಿ ಸಿದ್ಧರಾಗಿರ್ತಾರೆ ಅದಕ್ಕೆ ಈ ನಿಯಮ
ಆದ್ರೆ, ನಿಯಮ ಜಾರಿಗೂ ಮುಂಚೆ ಅಂಗನವಾಡಿಗೆ ಸೇರಿಸಿದ್ದ ಮಕ್ಕಳಿಗೆ ತೊಂದರೆ
ಆ ಮಕ್ಕಳು ಈಗ UKG ಮುಗಿಸಿದ್ದಾರೆ ಒಂದನೇ ತರಗತಿಗೆ ಅಡ್ಮಿಷನ್ ಆಗ್ಬೇಕಿದೆ
ಆದ್ರೆ, ಅವರಿಗೆ ಇನ್ನೂ 6 ವರ್ಷ ತುಂಬಿರದ ಕಾರಣ ಅಡ್ಮಿಷನ್ ಸಿಗದೇ ಗೊಂದಲ
ಪರಿಣಾಮ ಮಕ್ಕಳನ್ನ ಮತ್ತೆ UKG ಅಥವಾ ಮನೆಯಲ್ಲಿ ಇರಿಸಿಕೊಳ್ಬೇಕಾದ ಅನಿವಾರ್ಯತೆ
ಈ ವರ್ಷ ಮಾತ್ರ ವಯೋಮಿತಿ ಸಡಲಿಕೆ, ಮುಂದಿನ ವರ್ಷದಿಂದ ಸಮಸ್ಯೆ ಆಗಲ್ಲ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ