4 ವರ್ಷಗಳ ಬಳಿಕ ಐಪಿಎಲ್​​ನಲ್ಲಿ ಸೂಪರ್ ಓವರ್.. ಕಾದಾಟದ ರೋಚಕ ಕ್ಷಣಗಳು ಹೇಗಿದ್ದವು..?

ಐಪಿಎಲ್​ ಸೀಸನ್​ 18ರ ಮೊದಲ ಸೂಪರ್​ ಓವರ್​ ಕದನಕ್ಕೆ ನಿನ್ನೆಯ ಪಂದ್ಯ ಸಾಕ್ಷಿಯಾಯ್ತು. ಅರುಣ್​ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ ಸೂಪರ್​ ಕದನದಲ್ಲಿ ರಾಜಸ್ಥಾನ್​​ ರಾಯಲ್ಸ್​ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್​ ಗೆಲುವಿಗಾಗಿ ಜಿದ್ದಿಗೆ ಬಿದ್ದು ಹೋರಾಡಿದ್ವು.

ಹೋಮ್​​ಗ್ರೌಂಡ್​​ನಲ್ಲಿ ಮೊದಲು ಬ್ಯಾಟಿಂಗ್​ಗೆ ಬಂದ ಡೆಲ್ಲಿ ಕ್ಯಾಪಿಟಲ್ಸ್​ಗೆ ಉತ್ತಮ ಆರಂಭ ಸಿಗ್ತು. ಅಭಿಷೇಕ್​ ಪೊರೆಲ್​ ಅಬ್ಬರದ ಆಟವಾಡಿದ್ರು. ತುಷಾರ್​ ದೇಶಪಾಂಡೆ ಎಸೆದ 2ನೇ ಓವರ್​ನಲ್ಲಿ 23 ರನ್​ ಚಚ್ಚಿದ್ರು. ಆದ್ರೆ ಆ ಬಳಿಕ ಡೆಲ್ಲಿ ದಿಡೀರ್​ ಕುಸಿತ ಕಾಣ್ತು. ಜೇಮ್ಸ್​ ಫ್ರೆಸರ್​ ಮಕ್​ಗುರ್ಕ್​​ ಮತ್ತೊಂದು ಫ್ಲಾಪ್​ ಶೋ ನೀಡಿದ್ರೆ, ಕಳೆದ ಪಂದ್ಯದಲ್ಲಿ ಮಿಂಚಿದ್ದ ಕರುಣ್​​ ನಾಯರ್​​ಗೆ ಲಕ್​ ಕೈ ಕೊಡ್ತು. ದುರಾದೃಷ್ಟವಶಾತ್​ ರನೌಟ್ ಆಗಿ ನಿರ್ಗಮಿಸಿದ್ರು.

ಇದನ್ನೂ ಓದಿ: ಕರ್ನಾಟಕಕ್ಕೆ ಹವಾಮಾನ ಇಲಾಖೆ ಎಚ್ಚರಿಕೆ.. ಎಲ್ಲೆಲ್ಲಿ, ಎಷ್ಟು ದಿನ ಭರ್ಜರಿ ಮಳೆ..?

3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ಕೆ.ಎಲ್​ ರಾಹುಲ್​ ಸ್ಲೋ ಇನ್ನಿಂಗ್ಸ್​ ಕಟ್ಟಿದ್ರು. ಕೇವಲ 118ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿದ ರಾಹುಲ್​ 38 ರನ್​ಗಳಿಸಿ ಔಟಾದ್ರು. ರಾಹುಲ್​ ಬೆನ್ನಲ್ಲೇ ಅಭಿಷೇಕ್​ ಪೊರೆಲ್​ ಕೂಡ ಪೆವಿಲಿಯನ್​ ಸೇರಿದ್ರು. 49 ರನ್​ಗಳಿಗೆ ಪರೆಯಕ್​ ಆಟ ಅಂತ್ಯವಾಯ್ತ. ಬಳಿಕ ಕಣಕ್ಕಿಳಿದ ನಾಯಕ ಅಕ್ಷರ್​ ಪಟೇಲ್​ ಅಬ್ಬರಿಸಿದ್ರು. 4 ಬೌಂಡರಿ, 2 ಸಿಕ್ಸರ್​ ಸಿಡಿಸಿದ ಅಕ್ಷರ್​ ಜಸ್ಟ್​ 14 ಎಸೆತಗಳಲ್ಲಿ 34 ರನ್​ ಸಿಡಿಸಿದ್ರು.

ಟ್ರಿಸ್ಟನ್​ ಸ್ಟಬ್ಸ್​ 18 ಬಾಲ್​ಗಳಲ್ಲಿ ಅಜೇಯ 34 ರನ್​ಗಳಿಸಿದ್ರೆ ಅಶುತೋಷ್​ ಶರ್ಮಾ ಅಜೇಯ 15 ರನ್​ಗಳಿಸಿದ್ರು. ಅಂತಿಮವಾಗಿ 20 ಓವರ್​ ಅಂತ್ಯಕ್ಕೆ 5 ವಿಕೆಟ್​ ಕಳೆದುಕೊಂಡ ಡೆಲ್ಲಿ ಕ್ಯಾಪಿಟಲ್ಸ್​ 188 ರನ್​ಗಳಿಸಿತು. 189 ರನ್​​ಗಳ ಸ್ಪರ್ಧಾತ್ಮಕ ಟಾರ್ಗೆಟ್ ಬೆನ್ನತ್ತಿದ ರಾಜಸ್ಥಾನ ರಾಯಲ್​ ಆರಂಭ ಪಡೆದುಕೊಳ್ತು. ಸಂಜು ಸ್ಯಾಮ್ಸನ್​​ - ಯಶಸ್ವಿ ಜೈಸ್ವಾಲ್​ ಅಬ್ಬರದ ಆರಂಭ ನೀಡಿದ್ರು. 2 ಬೌಂಡರಿ, 3 ಸಿಕ್ಸರ್​ ಸಿಡಿಸಿ ಮಿಂಚಿದ್ದ ಸಂಜು ಸ್ಯಾಮ್ಸನ್​​ 19 ಎಸೆತಗಳಲ್ಲೇ 31 ರನ್​ ಚಚ್ಚಿದ್ರು. ಇಂಜುರಿಗೆ ತುತ್ತಾಗಿ ನಿರ್ಗಮಿಸಿದ್ರು.
ಸಂಜು ರಿಟೈರ್ಡ್​ ಹರ್ಟ್​ ಆಗಿ ನಿರ್ಗಮಿಸಿದ್ರೆ ರಿಯಾನ್​ ಪರಾಗ್​ ಅಕ್ಷರ್​ ಪಟೇಲ್​​ ಬೌಲಿಂಗ್​ನಲ್ಲಿ ಕ್ಲೀನ್​ಬೋಲ್ಡ್​​ ಆದ್ರು. ಅರ್ಧಶತಕ ಸಿಡಿಸಿ ಮಿಂಚಿದ ಯಶಸ್ವಿ ಜೈಸ್ವಾಲ್​​ 3 ಬೌಂಡರಿ, 4 ಸಿಕ್ಸರ್​​ ಸಿಡಿಸಿದ್ರು. 51 ರನ್​ಗಳಿಸಿದ್ದ ವೇಳೆ ಜೈಸ್ವಾಲ್​ ಕುಲ್​​ದೀಪ್​ ಯಾದವ್​ ಸ್ಪಿನ್​ ಬಲೆಗೆ ಬಿದ್ರು.

ಇದನ್ನೂ ಓದಿ: ಸೂಪರ್ ಓವರ್​ನಲ್ಲಿ ಪಂದ್ಯ ಗೆಲ್ಲಿಸಿಕೊಟ್ಟ ಕನ್ನಡಿಗ ಕೆಎಲ್ ರಾಹುಲ್..!

ಅಂತಿಮ ಹಂತದಲ್ಲಿ ಜೊತೆಯಾದ ದೃವ್​​ ಜುರೇಲ್​​ - ಶಿಮ್ರಾನ್​ ಹೆಟ್ಮೆಯರ್​​ ಸಾಲಿಡ್​​ ಆಟವಾಡಿದ್ರು. ಪರಿಣಾಮ ಪಂದ್ಯ ರಣರೋಚಕ ಹಂತ ತಲುಪಿತ್ತು. 20ನೇ ಓವರ್​ನಲ್ಲಿ ರಾಜಸ್ಥಾನ ಗೆಲುವಿಗೆ 9 ರನ್​ ಮಾತ್ರ ಬೇಕಿತ್ತು. ಕೊನೆಯ ಓವರ್​ನಲ್ಲಿ ಟೈಟ್​ ಸ್ಪೆಲ್​ ಹಾಕಿದ ಸ್ಟಾರ್ಕ್​ ಕೇವಲ 8 ರನ್​ ಮಾತ್ರ ಬಿಟ್ಟು ಕೊಟ್ರು. ಪರಿಣಾಮ ಪಂದ್ಯ ಟೈ ಆಯ್ತು.

ಈ ಸೀಸನ್​ನ ಮೊದಲು ಸೂಪರ್​ ಓವರ್​ನಲ್ಲಿ ಬ್ಯಾಟಿಂಗ್​ಗೆ ಬಂದ ರಾಜಸ್ಥಾನ್​ ರಾಯಲ್ಸ್​ 11 ರನ್​ಗಳಿಸಿತು. ಶಿಮ್ರಾನ್​​ ಹೆಟ್ಮೆಯರ್​​, ರಿಯಾನ್​ ಪರಾಗ್​ ತಲಾ ಒಂದು ಬೌಂಡರಿ ಸಿಡಿಸಿದ್ರು. ಅಂತಿಮವಾಗಿ ಇಬ್ಬರೂ ರನೌಟ್​ ಆಗಿ ನಿರ್ಗಮಿಸಿದ್ರು.
12 ರನ್​ಗಳ ಟಾರ್ಗೆಟ್​ ಡೆಲ್ಲಿಗೆ ಸವಾಲೆನಿಸಲೇ ಇಲ್ಲ. ಮೊದಲ ಎಸೆತದಲ್ಲೇ 2 ರನ್​ಗಳಿಸಿದ ರಾಹುಲ್​​ 2ನೇ ಎಸೆತದಲ್ಲಿ ಬೌಂಡರಿ ಸಿಡಿಸಿದ್ರೆ, ಎದುರಿಸಿದ ಮೊದಲ ಎಸೆತವನ್ನೇ ಟ್ರಿಸ್ಟನ್​ ಸ್ಟಬ್ಸ್​ ಸಿಕ್ಸರ್​ ಸಿಡಿಸಿದ್ರು. 2 ಎಸೆತಗಳು ಬಾಕಿ ಇರುವಂತೆ ಡೆಲ್ಲಿ ಗೆದ್ದು ಬೀಗಿತು. ಸೂಪರ್​ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು.

ಇದನ್ನೂ ಓದಿ: ರಾಜಸ್ಥಾನ್​ ತಂಡಕ್ಕೆ ಬಿಗ್​ ಶಾಕ್​; ಬ್ಯಾಟಿಂಗ್ ಮಾಡುವಾಗಲೇ ಪಿಚ್​​ನಿಂದ ಹೊರ ನಡೆದ ಕ್ಯಾಪ್ಟನ್​ ಸಂಜು

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್