ಸ್ಟಾರ್​ ಆಟಗಾರನ ಮೇಲೆ 2 ವರ್ಷ ಬ್ಯಾನ್​​​; ಐಪಿಎಲ್​ ಆಡಳಿತ ಮಂಡಳಿಯಿಂದ ಮಹತ್ವದ ನಿರ್ಧಾರ

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್​ಗೆ ಇನ್ನೇನು 10 ದಿನಗಳು ಮಾತ್ರ ಬಾಕಿ ಇದೆ. ಹೇಗಾದ್ರೂ ಮಾಡಿ ಈ ಬಾರಿ ಕಪ್​ ಗೆಲ್ಲಲೇಬೇಕು ಎಂದು ಎಲ್ಲಾ ಐಪಿಎಲ್​​ ತಂಡಗಳು ಸಜ್ಜಾಗಿವೆ. ಇದೇ ತಿಂಗಳು 22ನೇ ತಾರೀಕಿನಿಂದ ಈ ಮೆಗಾ ಟೂರ್ನಿ ಶುರುವಾಗಲಿದೆ. ಇದರ ಮಧ್ಯೆ ಡೆಲ್ಲಿ ಕ್ಯಾಪಿಟಲ್ಸ್​​ ತಂಡಕ್ಕೆ ಶಾಕಿಂಗ್​ ನ್ಯೂಸ್​ ಒಂದಿದೆ.

ಇಂಗ್ಲೆಂಡ್ ತಂಡದ ಸ್ಟಾರ್ ಬ್ಯಾಟರ್ ಹ್ಯಾರಿ ಬ್ರೂಕ್ ಐಪಿಎಲ್‌ನಿಂದ ಹೊರ ನಡೆದಿದ್ದಾರೆ. ಇವರು ಐಪಿಎಲ್​​ನಿಂದ ಹೊರ ನಡೆದಿರುವುದು ಇದು ಮೊದಲೇನಲ್ಲ. ಹೀಗಾಗಿ ಬ್ರೂಕ್ ಮೇಲೆ 2 ವರ್ಷಗಳ ಕಾಲ ಐಪಿಎಲ್ ಆಡದಂತೆ ನಿಷೇಧ ಹೇರಲಾಗಿದೆ.

ಬ್ರೂಕ್​ ಮೇಲಿನ ನಿಷೇಧಕ್ಕೆ ಕಾರಣವೇನು?

ಫಾರಿನ್​ ಪ್ಲೇಯರ್ಸ್​ ಐಪಿಎಲ್​ ಆಡೋದು ಸಾಮಾನ್ಯ. ಎಲ್ಲಾ ಫ್ರಾಂಚೈಸಿಗಳು ಸ್ಟ್ರಾಟಜಿ ಮಾಡಿ ಫಾರಿನ್​ ಪ್ಲೇಯರ್ಸ್​ ಖರೀದಿ ಮಾಡುತ್ತಾರೆ. ಖರೀದಿ ಮಾಡಿದ ಬಳಿಕ ಐಪಿಎಲ್​​ನಿಂದ ಒಬ್ಬ ಪ್ಲೇಯರ್​​ ಹಿಂದೆ ಸರಿದರೆ ಫ್ರಾಂಚೈಸಿಗಳಿಗೆ ಸಮಸ್ಯೆ ಆಗುತ್ತದೆ. ಈ ಕಾರಣಕ್ಕೆ ಬ್ರೂಕ್​ ಮೇಲೆ ನಿಷೇಧ ಹೇರಲಾಗಿದೆ ಎಂದು IPL ಆಡಳಿತ ಮಂಡಳಿ ತಿಳಿಸಿದೆ.

ಆಟಗಾರರು ದಿಢೀರ್​​​ ಐಪಿಎಲ್​ನಿಂದ ಹೊರ ನಡೆದರೆ ಫ್ರಾಂಚೈಸಿಗಳಿಗೆ ತೊಂದರೆ ಆಗುತ್ತದೆ. ಇವರ ಜಾಗಕ್ಕೆ ಯಾರನ್ನು ರೀಪ್ಲೇಸ್​ ಮಾಡಬೇಕು ಅನ್ನೋ ಚರ್ಚೆ ಶುರುವಾಗುತ್ತದೆ. ಈ ಕುರಿತು ಐಪಿಎಲ್ 2025ರ ಮೆಗಾ ಹರಾಜಿಗೂ ಮುನ್ನ ಒಂದು ದೊಡ್ಡ ನಿಯಮವನ್ನು ಬಿಸಿಸಿಐ ಜಾರಿಗೊಳಿಸಿದೆ. ಆರೋಗ್ಯ ಸಮಸ್ಯೆ ಹೊರತುಪಡಿಸಿ ಯಾವುದೇ ಕಾರಣಕ್ಕೂ ಐಪಿಎಲ್​ನಿಂದ ಹಿಂದೆ ಸರಿದರೆ ಅವರ ಮೇಲೆ ನಿಷೇಧ ಅಸ್ತ್ರ ಪ್ರಯೋಗ ಮಾಡಲಾಗುತ್ತದೆ.

ಇದನ್ನೂ ಓದಿ:ಡಿವೋರ್ಸ್ ವದಂತಿಗೆ ಬಿಗ್ ಟ್ವಿಸ್ಟ್ ಕೊಟ್ಟ ಧನಶ್ರೀ ವರ್ಮಾ; ಚಹಾಲ್ ಜೊತೆಗಿನ ಕ್ಷಣಗಳು ರಿಸ್ಟೋರ್​..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ