217 ಹ್ಯಾಂಡ್‌ ಬ್ಯಾಗ್ಸ್, 75 ವಾಚ್​.. ಈ ಮಹಿಳಾ ಪ್ರಧಾನಿ ಸಂಪತ್ತು ಎಷ್ಟು? ಐಷಾರಾಮಿ ಬದುಕು ಹೇಗಿದೆ?

ಥೈಲ್ಯಾಂಡ್​ನ ಪ್ರಧಾನ ಮಂತ್ರಿ ಪೇಟೊಂಗ್ಟಾರನ್ ಶಿನವತ್ರಾ ಜಗತ್ತಿನ ಐಷಾರಾಮಿ ಜೀವನ ನಡೆಸುವ ಪ್ರಧಾನಮಂತ್ರಿಯಲ್ಲೊಬ್ಬರು. ಅವರ ಶ್ರೀಮಂತಿಕೆಗೆ ಅವರು ಬಳಸುವ ವಾಚ್​ಗಳು ಹಾಗೂ ಅವರ ಹ್ಯಾಂಡ್​ಬ್ಯಾಗ್​ಗಳು ಸದಾ ಸಾಕ್ಷಿ ನುಡಿಯುತ್ತವೆ. ಇತ್ತೀಗಷ್ಟೇ ಅವರು ತಮ್ಮ ಬಳಿ ಇರುವ ಆಸ್ತಿಯನ್ನು ಘೋಷಿಸಿಕೊಂಡಿದ್ದಾರೆ. ಅವರ ಪಕ್ಷವು ಹೇಳುವ ಪ್ರಕಾರ ಅವರ ಬಳಿ ಸುಮಾರು 3,400 ಕೋಟಿಗೂ ಅಧಿಕ ಆಸ್ತಿಯಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ:2025ರಲ್ಲಿ ಟೇಕ್‌ ಆಫ್ ಆಗಿ 2024ರಲ್ಲಿ ಲ್ಯಾಂಡ್ ಆದ ವಿಮಾನ.. ಇದಕ್ಕೆ ವೈಜ್ಞಾನಿಕ ಕಾರಣವೂ ಇದೆ!

ಸದ್ಯ ಅವರ ಬಳಿ ಒಟ್ಟು 200ಕ್ಕೂ ಹೆಚ್ಚು ಡಿಸೈನ್ ಇರುವ ಹ್ಯಾಂಡ್​ಬ್ಯಾಗ್​ಗಳಿವೆ. ಅವುಗಳ ಮೌಲ್ಯವೇ ಸುಮಾರು 17 ಕೋಟಿ ರೂಪಾಯಿಗೂ ಅಧಿಕ ಎಂದು ಹೇಳಲಾಗುತ್ತಿದೆ ಇನ್ನು ಅವರ ಬಳಿ ಇರುವ 75 ಐಷಾರಾಮಿ ವಾಚ್​ಗಳ ಮೌಲ್ಯ 43 ಕೋಟಿ ರೂಪಾಯಿಗೂ ಅಧಿಕ ಬೆಲೆ ಬಾಳುತ್ತವೆ ಎಂದು ಹೇಳಲಾಗಿದೆ.

ಥೈಲ್ಯಾಂಡ್​ನ ಮಾಜಿ ಪ್ರಧಾನಿಯಾದ ಥಕ್ಸಿನ್ ಶಿನವಾತ್ರ ಅವರ ಕಿರಿಯ ಪುತ್ರಿಯಾದ ಪೇಟೊಂಗ್ಟಾರನ್ ಕಳೆದ ಸೆಪ್ಟಂಬರ್​ನಲ್ಲಿ ಪ್ರಧಾನಿಯಾಗಿ ಅಧಿಕಾರವಹಿಸಿದಕೊಂಡರು. ಇವರು ಇತ್ತೀಚೆಗೆ ಭ್ರಷ್ಟಾಚಾರ ನಿಗ್ರಹ ಮಂಡಳಿಯ ಎದುರು ತಮ್ಮ ಆಸ್ತಿಯನ್ನು ಘೋಷಿಸಿಕೊಂಡಿದ್ದಾರೆ.

ಅವರ ಬಳಿ ಥೈಲ್ಯಾಂಡ್ ಕರೆನ್ಸಿಯ ಒಟ್ಟು 13.8 ಬಿಲಿಯನ್ ಬಾಹ್ತ್ ಅಂದ್ರೆ ಭಾರತೀಯ ರೂಪಾಯಿಗಳಲ್ಲಿ 29 ಸಾವಿರ ಕೋಟಿ ರೂಪಾಯಿಯಷ್ಟು ಆಸ್ತಿಯಿದೆ ಎಂದು ಘೋಷಿಸಿಕೊಂಡಿದ್ದು. ಎಲ್ಲ ದಾಖಲೆಗಳನ್ನು ಮಾಧ್ಯಮ ವೆಬ್​ಸೈಟ್​ನಲ್ಲಿ ಕೂಡ ಪೋಸ್ಟ್ ಮಾಡಿದ್ದಾರೆ.

ಇದನ್ನೂ ಓದಿ:ಚೀನಾ ಮತ್ತೆ ಪ್ರಕ್ಷುಬದ್ಧ! ಮತ್ತೊಂದು ಹೊಸ ವೈರಸ್ ಸೃಷ್ಟಿ.. ಆರೋಗ್ಯ ತುರ್ತು ಪರಿಸ್ಥಿತಿ ಘೋಷಣೆ..

ಘೋಷಿಸಿಕೊಂಡಿರುವ ಆಸ್ತಿಯಲ್ಲಿ 75 ಐಷಾರಾಮಿ ವಾಚ್​ಗಳು, 39 ಟೈಮ್​ಪೀಸ್​​ಗಳು ಹಾಗೂ 217 ಐಷಾರಾಮಿ ಬ್ಯಾಗ್​ಗಳು ತಮ್ಮ ಬಳಿ ಇವೆ ಎಂದು ಹೇಳಿಕೊಂಡಿದ್ದಾರೆ. ಅವರ ತಂದೆ ಥಸ್ಕಿನ್ ಬಳಿಯೂ ಕೂಡ 21 ಸಾವಿರ ಕೋಟಿಗೂ ಆಧಿಕ ಆಸ್ತಿಯಿರುವುದನ್ನು ಹೇಳಿಕೊಂಡಿದ್ದಾರೆ. ಅವರು ಮ್ಯಾಂಚೆಸ್ಟರ್​ಸಿಟಿ ಫುಟ್​ಬಾಲ್​ ಕ್ಲಬ್​ನ ಮಾಲೀಕರು ಕೂಡ ಹೌದು. ಈಗ ಮಗಳು ಕೂಡ ಅಪ್ಪನ ಆಸ್ತಿಯನ್ನು ಮೌಲ್ಯವನ್ನು ಮೀರಿಸುವಷ್ಟು ಆಸ್ತಿ ಗಳಿಸಿದ್ದಾರೆ. ಥೈಲ್ಯಾಂಡ್​ನ ಅತ್ಯಂತ ಟಾಪ್​ 10​ ಶ್ರೀಮಂತರ ಪಟ್ಟಿಯಲ್ಲಿ ತಂದೆ ಮಗಳು ಹೆಸರು ಕೂಡ ಸೇರಿಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ