ಚಿನ್ನ, ಬೆಳ್ಳಿ, ಹಣ ಕಳೆದುಕೊಳ್ಳಬಹುದು, ದಂಪತಿ ಮಧ್ಯೆ ಗಲಾಟೆ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಪಂಚಮಿ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಸೋಮವಾರ ಬೆಳಗ್ಗೆ 7.30 ರಿಂದ 9.00 ರವರೆಗೆ
ಇರಲಿದೆ.

ಮೇಷ ರಾಶಿ

• ಕೆಲಸದ ಒತ್ತಡ, ತಾಳ್ಮೆ ಪರೀಕ್ಷೆಯ ದಿನ
• ವ್ಯಾಪಾರದಲ್ಲಿ ಹಾನಿ, ಪರ್ಯಾಯ ವ್ಯವಸ್ಥೆಗೆ ಚಿಂತನೆ ನಡೆಸಬಹುದು
• ಸಂಬಂಧಿಕರಿಂದ ಹಣಕ್ಕೆ ಒತ್ತಾಯ ಬರಬಹುದು
• ಪ್ರೇಮಿಗಳಿಗೆ ಉತ್ತಮ ದಿನ
• ಮಾನಸಿಕ ನೆಮ್ಮದಿಯಿಲ್ಲ, ಜಿಗುಪ್ಸೆಗೆ ಅವಕಾಶವಿದೆ
• ತಂದೆಯವರಿಂದ ಉತ್ತಮ ಸಲಹೆ, ಹಣದ ಸಹಾಯ ಸಿಗಬಹುದು
• ಅಶ್ವತ್ಥ ಮರಕ್ಕೆ 12 ಬಾರಿ ಪ್ರದಕ್ಷಿಣೆ ಹಾಕಿ

ವೃಷಭ

• ಹಳೆಯ ಸ್ನೇಹಿತರ ಭೇಟಿಯಿಂದ ಉತ್ಸಾಹ ಹೆಚ್ಚಾಗುತ್ತದೆ
• ಹೆಚ್ಚು ಖರ್ಚು, ಕುಟುಂಬದಲ್ಲಿ ಜಗಳ ಉಂಟಾಗಬಹುದು
• ಅನಗತ್ಯ ಕೆಲಸದಿಂದ ಸಮಯ ವ್ಯರ್ಥ ಮಾಡಬಹುದು
• ಅನುಮಾನದ ಸಮಯ, ಮನಸ್ಸಿಗೆ ತುಂಬಾ ಕಿರಿಕಿರಿಯಾಗುತ್ತದೆ
• ಜೀವನ ಶೈಲಿ ಬದಲಿಸಲು ಪ್ರಯತ್ನ ಮಾಡುತ್ತೀರಿ ಆದರೆ ಆಗುವುದಿಲ್ಲ
• ಆಲಸ್ಯ ದೂರ ಮಾಡಿ ಆನಂದವಾಗಿರುತ್ತೀರಿ
• ಕುಲದೇವತಾ ಪ್ರಾರ್ಥನೆ ಮಾಡಿ

ಮಿಥುನ

• ಜೀವನದ ನಿರಾಸೆಗಳನ್ನು ದೂರಮಾಡಿ, ಆಶಾದಾಯಕರಾಗಿರಿ
• ಆತ್ಮವಿಶ್ವಾಸ ಬೆಳೆದಷ್ಟು ಅನುಕೂಲವಿರುತ್ತದೆ
• ಆರ್ಥಿಕ ಹಿನ್ನಡೆ ಆದರೂ ಸಮಾಧಾನವಿರಲಿ
• ಅಚ್ಚರಿಯ ಘಟನೆ ನಡೆಯಬಹುದು
• ವಿದ್ಯಾರ್ಥಿಗಳಿಗೆ ಅನುಕೂಲವಿದೆ, ಸಹಾಯಧನ ಸಿಗುತ್ತದೆ
• ಮಕ್ಕಳ ಚಿಂತೆಯಿಂದ ಹೊರಬನ್ನಿ
• ಕಲಿಯುವ ಮಕ್ಕಳಿಗೆ ಅಧ್ಯಯನ ಸಾಮಾಗ್ರಿ ಕೊಡಿಸಿ

ಕಟಕ

• ಕ್ರೀಡಾರಂಗದಲ್ಲಿರುವವರಿಗೆ ಹೆಚ್ಚು ಅನುಕೂಲವಿರುವ ದಿನ
• ಹೆಚ್ಚಿನ ಹಣದ ವ್ಯವಸ್ಥೆ ಸಿಗುವ ದಿನ
• ರಸ್ತೆ ದಾಟುವಾಗ, ವಾಹನ ಚಾಲನೆಯಲ್ಲಿ ಜಾಗ್ರತೆಯಿರಲಿ ತೊಂದರೆಯಿದೆ
• ಮನೆಯ ವಾತಾವರಣ ಚೆನ್ನಾಗಿರುತ್ತದೆ
• ಮಾನಸಿಕ ದ್ವೇಷ, ಅಸೂಯೆಗಳನ್ನು ದೂರಮಾಡಿ
• ಸ್ನೇಹಿತರು ಅಭಯ ನಿಮ್ಮ ಧೈರ್ಯ ಹೆಚ್ಚಿಸುತ್ತದೆ
• ಸೋದರರ ಸಂಬಂಧದಲ್ಲಿ ಘರ್ಷಣೆಯಾಗಬಹುದು
• ದುರ್ಗಾರಾಧನೆ ಮಾಡಿ

ಸಿಂಹ

• ದೀರ್ಘಕಾಲದ ಸಮಸ್ಯೆಗೆ ಪರಿಹಾರ ಸಿಗುವ ದಿನ
• ಆರೋಗ್ಯದ ಬಗ್ಗೆ ತಾತ್ಸಾರ ಮಾಡಬೇಡಿ
• ದೂರದ ಬಂಧುಗಳು, ಸ್ನೇಹಿತರು ಮನೆಗೆ ಬರಬಹುದು
• ನಿಮ್ಮ ವರ್ತನೆ ಮನೆಯವರಿಗೆ ಬೇಸರ ತರಬಹುದು
• ಕೆಲಸದ ಒತ್ತಡ, ಅಧಿಕ ಕೋಪದಿಂದ ನಿಮಗೆ ಹಿನ್ನಡೆ ಆಗಬಹುದು
• ಮನೆ ಕೆಲಸದ ಬಗ್ಗೆ ಕಾಳಜಿ ವಹಿಸಿ, ಗೌರವವಿದೆ
• ನರಸಿಂಹನನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ನಿಮ್ಮ ಏಕಾಗ್ರತೆಗೆ ತೊಂದರೆಯ ದಿನ
• ವ್ಯಾಪಾರಕ್ಕಾಗಿ ಹಣ ಹೂಡಿಕೆ ಈ ದಿನ ಬೇಡ
• ನಿಮ್ಮ ಉದ್ದೇಶದ ಬಗ್ಗೆ ಮುಕ್ತವಾಗಿ ಚರ್ಚಿಸಿ
• ನಿಮ್ಮ ವೈಯಕ್ತಿಕ ಜೀವನಕ್ಕಾಗಿ ಸಮಯ ನೀಡಿ
• ಮಕ್ಕಳಿಂದ ಶುಭ ವಾರ್ತೆ, ಸಂತೋಷ ಪಡುತ್ತೀರಿ
• ಹಳೆಯ ನೆನಪುಗಳಿಂದ ನೋವು, ಬೇಸರವಾಗಬಹುದು
• ಆಂಜನೇಯ ಸ್ವಾಮಿಯನ್ನ ಸ್ಮರಣೆ ಮಾಡಿ

ತುಲಾ

• ನಷ್ಟವಾಗಿದ್ದ ವಸ್ತು, ಹಣ, ಗೌರವ ಮತ್ತೆ ಸಿಗಬಹುದು
• ಸಾಮಾಜಿಕ ಕಾರ್ಯಕ್ರಮದಲ್ಲಿ ಸ್ಥಾನಮಾನವಿರುತ್ತದೆ
• ಹಿರಿಯರ, ಗುರುಗಳ ಆಶೀರ್ವಾದ ಲಭಿಸುತ್ತದೆ
• ಪ್ರಾಣಿ ವ್ಯಾಪಾರಿಗಳಿಗೆ ಲಾಭವಿದೆ
• ಮನೆಯ ಅಲಂಕಾರಕ್ಕಾಗಿ, ವಸ್ತು ಖರೀದಿಗೆ ಖರ್ಚು ಮಾಡಬಹುದು
• ದಿನವೀಡಿ ಶ್ರಮಾದಾಯಕ ಕೆಲಸ ಆದರೆ ತೃಪ್ತಿಯಿರುತ್ತದೆ
• ಕಾರ್ತವೀಱರ್ಜುನನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಅನಗತ್ಯ ಆಲೋಚನೆಗಳಿಂದ ಬೇಸರವಾಗುತ್ತದೆ
• ಯಾವ ವಿಚಾರದಲ್ಲೂ ಸರಿಯಾದ ನಿರ್ಧಾರವಿಲ್ಲ
• ಸ್ನೇಹಿತರು, ಬಂಧುಗಳು ನಿಮ್ಮ ಉಪಯೋಗ ಪಡೆಯುತ್ತಾರೆ
• ಉದ್ಯೋಗದ ದೃಷ್ಟಿಯಿಂದ ಹಿನ್ನಡೆಯ ದಿನ
• ಗರ್ಭಿಣಿಯರಿಗೆ ಕಾಲುನೋವಿನಿಂದ ಸಮಸ್ಯೆ ಕಾಡಬಹುದು
• ಸಾಯಂಕಾಲ ಶುಭವಾರ್ತೆ ಕೇಳಬಹುದು
• ಗಣಪತಿಯನ್ನು ಪ್ರಾರ್ಥನೆ ಮಾಡಿ

ಧನಸ್ಸು

• ರಸ್ತೆ ಅಪಘಾತದ ಸೂಚನೆಯಿದೆ ಎಚ್ಚರ
• ಚಿನ್ನ, ಬೆಳ್ಳಿ, ಹಣ ಕಳೆದುಕೊಳ್ಳಬಹುದು
• ಮನೆಯವರಲ್ಲಿ ಭಿನ್ನಾಭಿಪ್ರಾಯ ಆದರೆ ನಿಮ್ಮದೇ ಮೇಲುಗೈ
• ವಿದ್ಯಾರ್ಥಿಗಳಿಗೆ ಅನುಕುಲವಲ್ಲದ ದಿನ
• ಸುಳ್ಳಿನಿಂದ ಯಾವುದೇ ವಿಷಯವಾದ್ರೂ ತುಂಬಾ ಎಚ್ಚರಿಕೆವಹಿಸಿ
• ಮೃತ್ಯುಂಜಯನ್ನು ಪ್ರಾರ್ಥನೆ ಮಾಡಿ

ಮಕರ

• ವಿರೋಧಗಳಿಂದ ಸಮಸ್ಯೆ ಕಾಡಬಹುದು
• ಭೂ ಸಂಬಂಧೀ ವ್ಯವಹಾರಕ್ಕೆ ಅನುಕೂಲವಿದೆ ಆದರೆ ಸಮಾಧಾನವಿಲ್ಲ
• ಪರರ ವಸ್ತು ನಿಮ್ಮ ಕೈಯಲ್ಲಿದ್ದು ಸಮಸ್ಯೆಯಾಗಬಹುದು
• ಕಾರ್ಯ ನಿಮಿತ್ತ ಪ್ರಯಾಣ ಮಾಡಬಹುದು
• ಮಕ್ಕಳಿಗೆ ತೊಂದರೆ ಕಾಣಬಹುದು
• ಕುಟುಂಬದಲ್ಲಿ ಆಸ್ತಿ ವಿಚಾರಕ್ಕೆ ಮಾತುಕತೆ
• ಭೂವರಹಾ ಸ್ವಾಮಿಯನ್ನ ಪ್ರಾರ್ಥನೆ ಮಾಡಿ

ಕುಂಭ

• ಆತ್ಮವಿಶ್ವಾಸದಿಂದ ನಿಮ್ಮ ಜೀವನ ಹಸನಾಗುತ್ತದೆ
• ಹಣದ ವಿಚಾರದಲ್ಲಿ ಜಾಗ್ರತೆವಹಿಸಿ ನಷ್ಟವಾಗಬಹುದು
• ನಿಮ್ಮ ಕೋಪದಿಂದ ನಿಷ್ಟುರರಾಗುತ್ತೀರಿ
• ಹಳೆಯ ಶರೀರದ ನೋವು ಮರುಕಳಿಸಬಹುದು
• ದೂರದ ಊರಿನಿಂದ ಸಿಹಿ ಸುದ್ದಿ ಬರಬಹುದು
• ಬಂಧುಗಳ ಭೇಟಿಯಿಂದ ಸಮಾಧಾನ
• ನವಗ್ರಹರಾಧನೆ ಮಾಡಿ

ಮೀನ 

• ಆರೋಗ್ಯದಲ್ಲಿ ಗಮನವಿರಲಿ, ಆರೈಕೆ ಮಾಡಿಕೊಳ್ಳಿ
• ಉತ್ತಮ ಜ್ಞಾನ ಸಂವೇದನೆಗೆ ಅವಕಾಶವಿದೆ
• ಒಳ್ಳೆ ಹಾಸ್ಯ ಮಾಡುವವರಿಂದ ಆಕರ್ಷಿತರಾಗಬಹುದು
• ಕುಟುಂಬದಲ್ಲಿ ಅನಿರೀಕ್ಷಿತ ಸಮಾಚಾರ ಮುನ್ನೆಲೆಗೆ ಬರಬಹುದು
• ನಿಮ್ಮ ಪ್ರೀತಿ ಮಿತ್ರರು ನಿಮಗೆ ಕೈ ಕೊಡಬಹುದು
• ಹಿರಿಯರನ್ನು ನಿರ್ಲಕ್ಷಿಸಬೇಡಿ
• ಉಮಾಮಹೇಶ್ವರರನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ